เยเลมี 10
10
จ๊า เฒี่ยน เหธา เฒียน ทิน-ฮู่ง
1อิสะลาเอน เญย เฒ้ย-ฟุน อ้า! หมวัง ก๋า เฒี้ยว ก๊อง บั๋ว เม่ย บัว เญย หว่า. 2เฒี้ยว ฮนั้ง น้าย ก๊อง,
“ไม้ ตู๋ง หฒวด กั้น กั๊วะ เมี่ยน เญย เจ๊า,
ไฟ กั้ม เหฑีย เยียม ลู่ง ธ้วด เญย จั๋ง-โห่
ไม้ กุ๊น วั้ว เต๋ย กั๊วะ เญย เมี่ยน กั้ม เหฑีย.
3เหว่ย หฒุ หม่าน ฝีง เญย เล์ย-ฝีง เซ จ๊า เญย.
นิ่น บัว เยียม หล่ม ก๋อย ติ้ว เดี๋ยง.
หฒั่ง เมี่ยน หย่า หล่ง โป๊ว โหฒว ธ้วด ฝัง.
4นิ่น บัว หล่ง เจียม หล่ง ญ่าน ฒอง เจี๊ยน
แอ๋ง หล่ง ตีง เหธา เฒว่ย ตีง เจี๊ยน,
เหว่ย ปุน ไม้ ไฮ่ ต์ง.
5นิ่น บัว เญย หมิ่ว-ฝัง ฮนั้ง ม์า-เญี่ยน อัน กวา-ววม เด่ย,
ไม้ ไฮ่ ก๊อง หว่า.
นิ่น บัว ไม้ ไฮ่ ยั่ง เจ๊า
ฯฒฯ อ๋อย หฒุ แกง เจี๊ยน มี่ง.
ไม้ ตู๋ง กั้ม เหฑีย นิ่น บัว
เหว่ย หฒุ นิ่น บัว ไม้ ไฮ่ โหฒว หาย หญู่ง ห่อย,
หย่า ไม้ ไฮ่ โหฒว หาย หญู่ง หลง.”
6โอ เฒี้ยว อ่า, ไม้ ม่าย หาย เต้า ด่ง เม่ย.
เม่ย หฒะเก้ง โหฒว โฮล,
เม่ย เญย เม่ง ม่าย ชะ โฮล ไห่.
7หม่าน กั๊วะ เญย ฮู่ง อ้า!
ม่าย หาย เต้า ไม้ อ๋อย ท่าย เม่ย?
เหว่ย หฒุ เม่ย ผุย ตุ๊ เมี่ยน ท่าย.
เยียม หฒวัง กั๊วะ เญย หฒวัง ธง-เม่ง เมี่ยน เหธา ฮู่ง เตี๋ย#10:7 ไฟ หม่าน ฝีง. บุด๋ง,
ไม้ ม่าย หาย เต้า ฮนั้ง เม่ย.#หล่าว ย่าง 15:4
8นิ่น บัว หฮงง, ไม้ ฮิ้ว หาย หญู่ง.
หมิ่ว-ฝัง หฌาว เญย ขูง เป๋น เดี๋ยง ฮนั้ง.
9ญ่าน ต๊า ต้าย เป๋น เหยียด คว้าย เหยียด คว้าย เยียม ทานซิด ต้อ ต้าย,
หย่า ม่าย เยียม อุฟ้าด ต้าย เญย เจียม.
เป๋น หฒั่ง เมี่ยน โหฒว เญย กง
เหธา เจียม-หฒั่ง เญย ปั์ว-เต้า โหฒว ต้าย เญย.
หมิ่ว-ฝัง เญย ลุย เซ้ด หลัวะ เหธา เซ้ด บั๊ว,
เหยียด ฒู้ง เซ หฒั่ง เมี่ยน เญย ปั์ว-เต้า โหฒว.
10มป่า เฒี้ยว เซ เฒียน ทิน-ฮู่ง,
เซ เฒี่ยง เจี๊ยน เญย ทิน-ฮู่ง,
เหยียด ลิ์ว เยียม เญย ฮู่ง.
นิ่น เยี้ยด โน์ว, เดา ฯฒฯ ต์ง เหฑ่ง.
นิ่น เฉีย เจี์ย, หม่าน กั๊วะ เตี๊ย ไม้ ฮี่ง.
11“เม่ย อ๋อย หฒุ ฮนั้ง น้าย บั๋ว นิ่น บัว, ‘ไม้ เฒ์ย เหฒย ลู่ง เหฒย เดา เญย เฒี่ยน, ฒู้ง อ๋อย หฒุ เยียม เดา-เป้ย, เยียม ลู่ง เดี๊ย, หฒุ เหมียด เหฑ่ง.’”#10:11 น้าย เยียม หฒิว โล์-ฮนอย โซว เฟี้ย เป๋น อาลัม หว่า.
12เซ ทิน-ฮู่ง หล่ง นิ่น เญย ชะ เหฒย เดา,
หล่ง นิ่น เญย ธง-เม่ง เหลียบ ป้าม เกน,
หล่ง นิ่น เม่ง แปะ เญย เจ๊า ธอง ลู่ง.
13นิ่น เยี้ยด ธ้วด เฉีย,
เยียม วั้ว ลู่ง ม่าย ววม เญย เฉีย บุย โฒ์ๆ เญย.
นิ่น ปุน โหม่ว เยียม ลู่ง กอน ฝาว.
นิ่น ปุน บะหลี่ง กัน บยู่ง,
หย่า ปุน หฑยาว เยียม นิ่น เซียว เญย ต๋อง ธ้วด ต้าย.
14เต้าๆ ป้าม เมี่ยน เซ หฮงง เญย, ไม้ ม่าย ว่วน ฒาง.
โม์ว เต้า เจียม-หฒั่ง เหว่ย นิ่น บัว โหฒว เญย หมิ่ว-ฝัง หฒุ ไญ้,
เหว่ย หฒุ นิ่น เญย หมิ่ว-ฝัง เซ จ๊า เญย,
ไม้ ม่าย เหยียด เต๋ย เฉีย เท้า.
15น้าย เต๋ย หมิ่ว-ฝัง ไม้ ม่าย จ๋า-ฒิ่น,
โหฒว ต้าย เป๋น ดั๊ว เมี่ยน เญย กะน้าย ฮนั้ง.#10:15 ม่าย เต๋ย โซว ก๊อง “เป๋น จั๊ด เญย กะน้าย.
เถา นิ่น บัว หฒุ ตี่ง ฒุ์ย เญย เฒี่ยง โห่ นิ่น บัว ฯฒฯ หฒุ เหมียด.
16ยาโค้บ เญย ป่วน ไม้ ฮนั้ง น้าย เต๋ย,
เหว่ย หฒุ นิ่น เซ เหฒย หม่าน หมวด วั้ว เต้า,
อิสะลาเอน เซ นิ่น หฑิบ ต้าย เญย ฝีง.
นิ่น เญย บั๋ว เห่ว เน่น เจี๋ย เญย เฒี้ยว.
หฒุ ป่าย ฮวาง เญย เฒี่ยง โห่ อ๋อย เถา
17เม่ย บัว หฒุ เว่ย เจี๊ยน เญย เมี่ยน อ้า!
เซียว เม่ย บัว อัน เจี๊ยน เดา เญย กะน้าย,
18เหว่ย หฒุ เฒี้ยว ฮนั้ง น้าย ก๊อง,
“หมั่ง ม่าะ! เยีย อ๋อย ฒอย เยียม น้าย นอม เต่ย-ปูง เญย เมี่ยน ธ้วด มี่ง.
เยีย อ๋อย ปุน นิ่น บัว หฒุ โค้ว
เหว่ย ปุน นิ่น บัว เก้ง ฮิ้ว ตุ๊ ฮนั้ง หาย นอ.”
19เยีย โค้ว อ๊ะ, เหว่ย เยีย หฒุ มุน.#10:19 น้าย ก๊อง หฒุ เยลูซาเลม ฒี่ง.
เยีย หฒุ มุน ตุ๊ เซียง ไห่.
มป่า เยีย ก๊อง, “เฒียน เญย, น้าย เยีย หฒุ เฮญี้ยว เฑ่า โค้ว,
เยีย หย่า อ๋อย หฒุ เตี๊ย เจี๊ยน.”
20เยีย เญย ด๊บ-ลิ่ว ป่าย หว่าย หมี่ อ๊ะ.
เยีย เญย เหยียด ฒู้ง ฮลาง ตั๋ง เหฑ่ง.
เยีย เญย ฝุเจว๊ย เล่ย ฆอย เยีย มี่ง,
ไม้ ม่าย นิ่น บัว อ๊ะ.
ไม้ ม่าย หาย เต้า แอ๋ง ธอง เยีย เญย ด๊บ-ลิ่ว,
แอ๋ง หล่าง เยีย เญย แบะ แก้ง เดีย.
21เหว่ย หฒุ โก๋ว ปะกี ยู่ง เญย เมี่ยน หฮงง ไห่,
นิ่น บัว หย่า ไม้ หน่าย เฒี้ยว.
เหว่ย น้าย นิ่น บัว ไม้ ตุ๊ หลง เจี๊ยน ฝาว,
นิ่น บัว เญย ปะกี ยู่ง กวั้น เหยียด ฒู้ง หย่า หฑาน เหฑ่ง.
22หมวัง ม่าะ! หน่าย เป๋น หว่า-หฑยาว.
หมั่ง ม่าะ! ต้าย เถา อ๊ะ.
ม่าย หลุ่น เญย เฉีย บุย เยียม ป๊ะ ปูง ธ้วด ต้าย
เหว่ย ปุน ยูดา เญย ฒี่ง หฒุ ป่าย ฮวาง,
เป๋น เฮยี่ย จู๊ เยียม เญย ต๋อง.
เยเลมี เต๋า เก๋า
23 เฒี้ยว อ่า, เยีย ฮิ้ว ตุ๊ เมี่ยน เญย เจ๊า ไม้ เฒ์ย เซว่ย นิ่น กั้น.
เซ ไม้ เฒ์ย ยั่ง เจ๊า เญย เมี่ยน ไฮ่ ตี่ง นิ่น เญย เหฒา-เบี่ย.
24 เฒี้ยว อ่า, โท้ หฒ่อ เยีย ต่อง เญย ต๋อง
หฒิว หอบ หฒุ โหฒว เญย.
ไม้ เฒ์ย เฉีย เจี์ย เจี๊ยน โหฒว,
เหฑีย เม่ย ปุน เยีย หฒุด หมี่ อ๊ะ.
25โท้ ปุน เม่ย เญย กะเฉีย แป๊ด ธ้วด
เหฌี่ย ไม้ ฮิ้ว ตุ๊ เม่ย วั้ว เต๋ย กั๊วะ เญย เมี่ยน,
หย่า เหฌี่ย ไม้ เห่ว เม่ย เญย บั๋ว เญย ฝีงๆ.
เหว่ย หฒุ นิ่น บัว นะ ยาโค้บ.
ไม้ ตาน นะ เหฑ่ง, เหมียด เหฑ่ง,
นิ่น บัว ฒู้ง ป่าย ฮวาง นิ่น เยียม เญย ต๋อง.
Currently Selected:
เยเลมี 10: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
