เยเลมี 1
1
1น้าย เซ เยเลมี เญย หว่า. เยเลมี เซ เบนยามิน เต่ย, อานาโท้ด มู้ง เญย เหยียด เต้า ไซ เมี่ยน, ฮินคียา, เญย ตอน. 2เยียม ยูดา เญย ฮู่ง, อาโมน เญย ตอน, โยสิยา, โหฒว ฮู่ง เหฒียบ ฟาม หฮญัง วั้ว หฮญัง, เยเลมี ตุ๊ ฒิบ เฒี้ยว เญย หว่า.#2 ฮู่ง โต้ว 22:3—23:27; 2 ฒุ่น ต่อย โต้ว 34:8—35:19 3นิ่น หย่า ตุ๊ ฒิบ ต๋อย ยูดา เญย ฮู่ง, โยสิยา, เญย ตอน, เยโฮยาคิม กุ๊น เญย เฒี่ยง โห่#2 ฮู่ง โต้ว 23:36—24:7; 2 ฒุ่น ต่อย โต้ว 36:5-8 เถา ยูดา เญย ฮู่ง, โยสิยา เญย ตอน, เสเดคียา, โหฒว ฮู่ง เหฒียบ เยี้ยด วั้ว หฮญัง จ่ม เถา ฮม์ หฮลา, เยลูซาเลม เมี่ยน หฒุ กว๊าด มี่ง เญย เฒี่ยง โห่.#2 ฮู่ง โต้ว 24:18—25:21; 2 ฒุ่น ต่อย โต้ว 36:11-21
เฒี้ยว พ้าย เยเลมี
4เยีย ตุ๊ ฒิบ เฒี้ยว เญย หว่า ก๊อง,
5“เยีย ไม้ แก้ง เหฒย เม่ย ต้าย เยียม มา เญย กะเซีย วั้ว หฒั่น, เยีย ฮิ้ว ตุ๊ เม่ย.
เม่ย ไม้ แก้ง ธ้วด เสย, เยีย หย่า กิ๊น เหฒียง เม่ย.
เยีย พ้าย เม่ย โต่ว หว่า ปุน หม่าน กั๊วะ เมี่ยน.”
6เยีย ก๊อง, “เฒี้ยว ทิน-ฮู่ง อ้า! เยีย ไม้ ฮิ้ว ตุ๊ ฮนั้ง หาย นอ ก๊อง เหว่ย หฒุ เยีย เซ หฮญัง-เจ๊ย หลุน เญย.”
7มป่า เฒี้ยว ก๊อง บั๋ว เยีย,
“เม่ย ไม้ ตู๋ง ก๊อง, ‘เยีย หฮญัง-เจ๊ย หลุน,’
เหว่ย หฒุ เยีย พ้าย เม่ย มี่ง ล์อ หาย เต้า, เม่ย อ๋อย หฒุ มี่ง อ๊ะ.
เยีย หัด เม่ย ก๊อง หาย หญู่ง, เม่ย ฒู้ง อ๋อย หฒุ ก๊อง อ๊ะ.
8เม่ย ไม้ ตู๋ง กั้ม เหฑีย นิ่น บัว,
เหว่ย หฒุ เยีย เหธา เม่ย เยียม, อ๋อย เหฌียว เม่ย.”
น้าย เซ เฒี้ยว ก๊อง เญย หว่า.
9 เฒี้ยว ฯฒฯ ซูง นิ่น เญย ปั์ว ฮลัว เยีย เญย ฑุ่ย. เฒี้ยว ก๊อง บั๋ว เยีย,
“เยีย เฒาะ เยีย เญย หว่า อัน เม่ย เญย ฑุ่ย.
10หมั่ง ม่าะ! อี้ ฮนอย เยีย ออน เม่ย ม่าย หลี่ง กุ๊น หม่าน ฝีง หม่าน กั๊วะ,
ไฮ่ แปง ธ้วด, ไฮ่ ป่าย หว่าย,
ไฮ่ เหมียด, ไฮ่ เบี๊ยน,
ไฮ่ เหลียบ เจี์ย, ไฮ่ เหธย เจี์ย ต้าย.”#1:10 ฮิบลู หว่า ก๊อง ไฮ่ หฒวัง เจี๊ยน.
อี หญู่ง หิ่น ย่าง เญย สี่
11เยีย แอ๋ง ตุ๊ ฒิบ เฒี้ยว เญย หว่า ก๊อง, “เยเลมี อ้า! เม่ย หมั่ง ปวัด หาย หญู่ง?”
เยีย ก๊อง, “เยีย ปวัด ติ้ว อันมัน เดี๋ยง เญย ปย๊า.”
12 เฒี้ยว ก๊อง บั๋ว เยีย, “เม่ย ปวัด ตุ๊ หอบ เญย, เหว่ย หฒุ เยีย หมั่ง เจี๊ยน#1:12 หฒิว ฮิบลู หว่า หมั่ง เจี๊ยน วั้ว โจ๋ว เหธา อันมัน ปย๊า วั้ว โจ๋ว ธ้วด เฉีย อ๊า ลั่ม ฟี่ ฮนั้ง เญย. เยีย เญย หว่า, อ๋อย ปุน เยีย เญย หว่า ธ้วด ต้าย เฒียน.
13เยีย แอ๋ง ตุ๊ ฒิบ เฒี้ยว เญย หว่า ตะเหญ่ย หฑุ่น ก๊อง, “เม่ย หมั่ง ปวัด หาย หญู่ง?”
เยีย ก๊อง, “เยีย ปวัด ม่าย นอม แธง เบว๋ย เจี๊ยน เยียม ป๊ะ ปูง ฮวิน ต้าย.”
14 เฒี้ยว ก๊อง บั๋ว เยีย, “ม่าย เธี้ยว เญย เหฒะ หน่าน อ๋อย เยียม ป๊ะ ปูง ธ้วด ต้าย เถา น้าย นอม เต่ย-ปูง เญย เหยียด ฒู้ง แปะ ฝีง.”
15 เฒี้ยว ก๊อง, “หมั่ง ม่าะ! เยีย อ๋อย เห่ว ป๊ะ ปูง กั๊วะ เญย หม่าน ฝีง.
“นิ่น บัว ฯฒฯ ต้าย.
ฝีงๆ#1:15 ไฟ ฝีงๆ เญย ฮู่ง. อ๋อย เหลียบ นิ่น บัว เญย ฮู่ง เหว่ย
เยียม เยลูซาเลม เญย ฒี่ง แก้ง ด่าง.
นิ่น บัว ฯฒฯ เว่ย ก๋อม ฒี่ง หลาด เบ๊าะ
แอ๋ง เบ๊าะ ยูดา เญย นอมๆ ฒี่ง.
16เยีย อ๋อย ก๊อง ธ้วด หว่า ตี่ง เยีย เญย แปะ ฝีง เญย ฒุ์ย
หลาย นิ่น บัว โหฒว เญย เหยียด ฒู้ง เอ๊าะ สี่ กวั่ง เยีย.
เหว่ย หฒุ นิ่น บัว ปั๊ว ฮูง ปุน เหญี่ย เญย เฒี่ยน,
หย่า เกว่ย เหฌี่ย ป๋าย นิ่น บัว กั้น เญย ปั์ว โหฒว ต้าย เญย หมิ่ว-ฝัง.
17“ มป่า เยเลมี อ่า, เม่ย อ๋อย หฒุ เจี์ย ต้าย เบ่น เหฒียง ก๊อง เหฑ่ง เยีย พ้าย เม่ย ก๊อง เญย เหยียด ฒู้ง หว่า. ไม้ ตู๋ง หลาย นิ่น บัว กั้ม เหฑีย. ไม้ เฒย แอ๊ะ, เฑ่า เหย เยีย ปุน เม่ย เยียม นิ่น บัว เญย หฑะเฮมียน กั้ม เหฑีย. 18หมั่ง ม่าะ! เยีย อี้ ฮนอย ปุน เม่ย ฮนั้ง นอม ว้วน ไห่ เญย ฒี่ง, ฮนั้ง นอม เฮลียะ-เดี้ยว, ฮนั้ง ต้ง ซิ หลาด, เหว่ย แหง่ง เจี๊ยน วั้ว นอม เต่ย-ปูง เหฑ่ง, เซ ยูดา เญย ฮู่ง เหธา โหฒว โฮล เญย เมี่ยน, ไซ เมี่ยน, เลี่ยม เต่ย-ปูง เญย แปะ ฝีง. 19นิ่น บัว ฯฒฯ อ๋อย เหธา เม่ย เบ๊าะ จ๋า มป่า ไม้ ฮี่ง เม่ย, เหว่ย หฒุ เยีย เหธา เม่ย เยียม, อ๋อย เหฌียว เม่ย.” น้าย เซ เฒี้ยว ก๊อง เญย หว่า.
Currently Selected:
เยเลมี 1: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
