อิสะยา 7
7
อิสะยา โต่ว หว่า เถา อาหัด ฮู่ง
1อุดซียา เญย ฟุน, โยทาม เญย ตอน, อาหัด, โหฒว ยูดา เญย ฮู่ง เญย เฒี่ยง โห่, ซีเลีย ฮู่ง, เลซิน, เหธา อิสะลาเอน เญย ฮู่ง, เลมาลิยา เญย ตอน, เปกา, กั๊บ ต่อย ต้าย เบ๊าะ เยลูซาเลม, มป่า นิ่น บัว เบ๊าะ ไม้ ฮี่ง.#2 ฮู่ง โต้ว 16:5; 2 ฒุ่น ต่อย โต้ว 28:5-6
2ม่าย เมี่ยน บั๋ว ดาวิด เญย เฒ้ย-ฟุน, “ซีเลีย เหธา เอฟาอิม ต้ง เฮญี้ยว กั๊บ ชะ.” อาหัด ฮู่ง เญย เฮญี้ยว เหธา แปะ ฝีง เญย เฮญี้ยว ฯฒฯ ต์ง เหฑ่ง, ฮนั้ง เยียม หล่ม เญย เดี๋ยง หฒุ หฑยาว ป่วน ต์ง นอ.
3 เฒี้ยว ก๊อง บั๋ว อิสะยา, “เม่ย เหธา เม่ย เญย ตอน, เซอานยาซู้บ,#7:3 เซอานยาซู้บ เญย เอ๋ย เล์ย เซ “เหฒ่ง เหฌี่ย โหฒะ เญย เมี่ยน อ๋อย หฑวน”. มี่ง ปวั้ง อาหัด ฮู่ง. นิ่น เยียม วั้ว เจี๋ย ปูง เญย ววม-ต้ม เญย หฒวน จ่ม เญย ต๋อง, หญ่ม เดีย เญย เธี้ยง วั้ว ติ้ว เจ๊า. 4อ๋อย หฒุ บั๋ว นิ่น, ‘เม่ย อ๋อย หฒุ ไฝ ฟิม, ไม้ ตู๋ง เฮญี้ยว ฮวาง หย่า ไม้ ตู๋ง กั้ม เหฑีย. ไม้ ตู๋ง เฮญี้ยว หนัม หลาย น้าย เต๋ย อี หฆัน ธ้วด เสียว เญย ฒ่าง เหนย, เซ เหว่ย เลซิน เหธา ซีเลีย แอ๋ง เหธา เลมาลิยา เญย ตอน เฉีย เจี์ย! ไห่. 5เหว่ย หฒุ ซีเลีย เหธา เอฟาอิม, แอ๋ง เหธา เลมาลิยา เญย ตอน ต๊า เอ๊าะ เญย หฒะเอ๋ย ห่อย เม่ย. นิ่น บัว ก๊อง, 6“บัว ล่ม ฑ่อย ฝาว มี่ง เบ๊าะ ยูดา, แฮะ นิ่น บัว กั้ม เหฑีย. บัว ธ้าง เต่ย-ปูง เป๋น บัว กั้น เญย, แอ๋ง เยียม หน่าย บุด๋ง เหลียบ ทาเบเอน เญย ตอน โหฒว ฮู่ง.” 7มป่า เฒี้ยว ทิน-ฮู่ง ฮนั้ง น้าย ก๊อง,
“‘น้าย เต๋ย สี่ ฒู้ง ไม้ ธ้วด,
ฒู้ง ไม้ ไฮ่ ฮนั้ง หน่าย,
8เหว่ย หฒุ ซีเลีย เญย เปย๊ย#7:8 ไฟ ต้ม ฒี่ง. เซ ดามัดกัด ฒี่ง.
ดามัดกัด เญย เปย๊ย เซ เลซิน ฮู่ง.
เยียม หลัวะ เหฒียบ ฮม์ หฮญัง กะญั์ว,
เอฟาอิม อ๋อย หฒุ ป่าย,
ไม้ เป๋น เหยียด ฝีง อ๊ะ.
9เอฟาอิม เญย เปย๊ย เซ สะมาเลีย ฒี่ง, สะมาเลีย เญย เปย๊ย เซ เลมาลิยา เญย ตอน.
มป่า สี ก๊อง เม่ย บัว ไม้ เสียน ตี่ง,
เม่ย บัว ฒู้ง ไม้ ตุ๊ เหลียบ ว้วน.’”
อีมานูเอน เญย จั๋ง-โห่
10 เฒี้ยว แอ๋ง ก๊อง บั๋ว อาหัด, 11“เม่ย อ๋อย หฒุ โท้ เฒี้ยว, เม่ย เญย ทิน-ฮู่ง, ปุน นอม จั๋ง-โห่, ไม้ กุ๊น เยียม โด เถา เยี่ยม เกน ไฟ ฮลัง เถา กู้ หงว่าย ลู่ง.”
12มป่า อาหัด ก๊อง, “เยีย ไม้ โท้ อ๊ะ. เยีย หย่า ไม้ เสย เฒี้ยว. ”
13อิสะยา ก๊อง, “ดาวิด เญย เฒ้ย-ฟุน อ้า! หมวัง ม่าะ! เม่ย โหฒว ปุน เมี่ยน เญย หน่อย เหฑ่ง เซ ไม้ แก้ง เก๋า ไฟ? เม่ย หธ่อ อ๋อย โหฒว ปุน เยีย เญย ทิน-ฮู่ง เญย หน่อย เหฑ่ง? 14เหว่ย น้าย เฒี้ยว กั้น อ๋อย ปุน นอม จั๋ง-โห่. ม่าย เต้า ไม้ เปว๋ย เจี๋ย ตอน เญย เซียะ,#7:14 ฮิบลู หว่า ขูง ก๊อง เซียะ-ตอน. เอ๋ย เล์ย เซ “ตอง ตุ๊ จา มป่า ไม้ แก้ง เปว๋ย เจี๋ย ตอน เญย เซียะ”. อ๋อย ม่าย นอม ซิน, ยู์ง ตุ๊ เต้า ตอน, แอ๋ง เถง นิ่น ธ้วด บั๋ว เห่ว, อีมานูเอน.#7:14 อีมานูเอน เญย เอ๋ย เล์ย เซ “ทิน-ฮู่ง เหธา บัว เยียม”.#มัดทาย 1:23 15น้าย เต้า ฝุเจว๊ย โฮล ต้าย, ไฮ่ ตี่ง หาย หญู่ง หลง หาย หญู่ง เธี้ยว เญย เฒี่ยง โห่, นิ่น ตุ๊ หญั่น ง่ง หญอ-เฮมย เหธา เมว์ย-ต้อง. 16เหว่ย หฒุ น้าย เต้า ฝุเจว๊ย ไม้ แก้ง ฮิ้ว ตุ๊ แหง่ง เอ๊าะ เญย, กิ๊น หลง เญย, ต้ง เม่ย อี้ หฒั่น กั้ม เหฑีย วั้ว เต๋ย อี เต้า ฮู่ง เญย เต่ย-ปูง ฒู้ง หฒุ เป๋น เดา-ฮวาง. 17เฒี้ยว อ๋อย ปุน เม่ย เหธา เม่ย เญย แปะ ฝีง เหธา เม่ย เญย เตีย เญย โต้ว ฒง หฒุ เหฒะ หน่าน เญย ฮนอย-เหญียะ. ไม้ ม่าย เจี๋ย ฮนอย-เหญียะ ด่ง หน่าย โค้ว เยียม เอฟาอิม เล่ย ฆอย ยูดา เถา อี้ หฒั่น. เซ อัดซีเลีย เญย ฮู่ง อ๋อย ต้าย.”
18วั้ว ฮนอย เฒี้ยว อ๋อย ฟิ้ว มู์ง เยียม อียิบ เญย ด้าย ญ่วน เญย ต๋อง, หย่า ฟิ้ว เมว์ย เยียม อัดซีเลีย เต่ย-ปูง ได๋ ต้าย. 19นิ่น บัว เหยียด ฒู้ง ฯฒฯ ได๋ ต้าย เยียม ฮ์อง-เกวย ฮ์อง-ช้าม, เยียม หละเปย๊ย-ง่าม กะญั์ว, หย่า ปย้อม เจี๊ยน ฒู่งๆ ฌิ้ม เหธา เหยียด ฒู้ง เมี้ย-เธี้ยง.#7:19 ม่าย เต๋ย โซว ฟาน ต้าย ก๊อง ม่าย ววม เญย ค้วด. 20วั้ว ฮนอย เฒี้ยว อ๋อย หล่ง เยียม วั้ว หง่าน หฒิ ด้าย, เซ เยียม อัดซีเลีย เญย ฮู่ง ธี้ง ต้าย เญย เถย-โต เผียน, เถย เม่ย บัว เญย มฆ้อง เหธา เหฒา เญย เปยย. เลี่ยม เม่ย บัว เญย ซยาม หย่า เถย เหฑ่ง. 21เถา วั้ว ฮนอย, เหยียด เต้า เมี่ยน อ๋อย ยู์ง เหยียด เต้า ง่ง เญ์ย เหธา อี เต้า ปะกี ยู่ง.#7:21 ไฟ 2 เต้า ยู่ง. 22เหว่ย หฒุ ตุ๊ หญอ ธั้ม, นิ่น ตุ๊ หญั่น หญอ-เฮมย. เยียม เต่ย-ปูง เหฒ่ง เหฌี่ย เญย เต้าๆ เมี่ยน ตุ๊ หญั่น หญอ-เฮมย เหธา เมว์ย-ต้อง. 23เถา วั้ว ฮนอย, ตะฟ่าน ม่าย เจี๋ย เหยียด ธิน ฒู่ง อะหงุ่น เฮมย, หฒี่ ตุ๊ เสี่ย จ้อย#7:23 ฮิบลู หว่า ก๊อง 1,000 เซเขน. เซ เล่ย ไม้ โก 11.5 กีโล. ญ่าน เญย เดา, อ๋อย ธ้วด เป๋น ฌิ้ม-โธว ฌิ้ม-หม่วน เญย หล่ม. 24เมี่ยน อ๋อย ต้อ เจี๊ยน จวัง-หฒิน เหธา ฟอง มี่ง วั้ว, เหว่ย หฒุ ขูง ม่าย ฌิ้ม-โธว ฌิ้ม-หม่วน ปวั๊ง เหฑ่ง. 25ฒิ่น ด่าง หล่ง พอง เว้ด เญย นอมๆ บง เม่ย ฒู้ง ไม้ มี่ง หน่าย อ๊ะ, เหว่ย หฒุ กั้ม เหฑีย ฌิ้ม-โธว ฌิ้ม-หม่วน. ขูง เป๋น ต๋อง ปู๋ง ง่ง หย่า ปุน ปะกี ยู่ง ธ้าย เญย ต๋อง.
Currently Selected:
อิสะยา 7: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
