อิสะยา 64
64
1โอ เฒี้ยว อ่า, โท้ เม่ย เป๊ด ฆอย ลู่ง เหฌี่ย ต้าย
ปุน บง เยียม เม่ย เญย หฑะเฮมียน ต์ง
2ฮนั้ง โต์ว เหฒียะ เหยียด ดุย เดี๋ยง-ฆว่า ญัง
ปั๊ว ววม เบว๋ย,
เหว่ย ปุน เม่ย เญย วิน-วั้ง ฮิ้ว ตุ๊ เม่ย เญย เม่ง,
ฯฒฯ ปุน หม่าน กั๊วะ เยียม เม่ย เญย หฑะเฮมียน ซิน หฒิน.
3เม่ย โหฒว ต้ง เยีย บัว ฮนั้ม ไม้ เถา เญย บัวะ ฮ่อง สี่.
เม่ย เหฌี่ย ต้าย, บง หย่า เยียม เม่ย เญย หฑะเฮมียน ต์ง.
4เยียม โล์-ฮนอย ต้าย ไม้ ม่าย หาย เต้า ไฮ์ เจี๋ย,
ไฟ หาย เต้า เญย มน่อม ตุ๊ หมวัง เจี๋ย,
หย่า ไม้ ม่าย หาย เต้า เญย มฒีง ปวัด เจี๋ย
หาย เต้า ทิน-ฮู่ง#64:4 ไฟ เฒี่ยน. ธ้วด ลิ์ว เม่ย,
ต้ง เถง ฒั้ว นิ่น วั้ว เต๋ย เมี่ยน.#1 โคลินโท 2:9
5เม่ย ฒิบ อะเฮน้ย โหฒว หอบ เญย เมี่ยน,
เซ จั๋ง เม่ย เญย เจ๊า เญย เมี่ยน.
หมั่ง ม่าะ! เม่ย เฉีย เจี์ย เหว่ย หฒุ เยีย บัว ป์าม ฒุ์ย.
เยีย บัว เยียม ฒุ์ย กะญั์ว เล่า เญย,
วั้ว หญู่ง เยีย บัว ไฮ่ ตุ๊ เหฌียว ไฟ?
6เยีย บัว เหยียด ฒู้ง ฯฒฯ ฮนั้ง ไม้ ธีง-เหฑ่ง เญย เมี่ยน.
เยีย บัว โหฒว เญย เหยียด ฒู้ง คู้ สี่ หย่า ฮนั้ง ไล่ ฮลบ เญย ลุย-โหว.
เยีย บัว เหยียด ฒู้ง ฮนั้ง เดี๋ยง-น่อม นอ, เหญา เหฑ่ง.
เยีย บัว เญย ฒุ์ย-หนิบ หย่า ฮนั้ง หฑยาว นอ, ป่วน เยีย บัว มี่ง.
7ไม้ ม่าย หาย เต้า เต๋า เก๋า โจ้ว เม่ย เญย เม่ง.
ไม้ ม่าย หาย เต้า ต์ง ซิน นั้น เจี๊ยน เม่ย,
เหว่ย หฒุ เม่ย ปวัง เม่ย เญย เฮมียน, ไม้ หมั่ง เยีย บัว,
หย่า เฒาะ เยีย บัว กวั่ง เจี๊ยน เยียม เยีย บัว เญย ฒุ์ย กะญั์ว.
8มป่า เฒี้ยว อ่า, เม่ย หธ่อ โหฒว เยีย บัว เญย เตีย.
เยีย บัว โหฒว ปะไน่ เนีย, เม่ย เซ นั้น เนีย หฒั่ง.
เยีย บัว เหยียด ฒู้ง เป๋น เม่ย เญย ปั์ว-เต้า โหฒว เญย กง.
9โอ เฒี้ยว อ่า, ไม้ ตู๋ง เฉีย เจี์ย ธั้ม เจี๋ย ด่าง,
ไม้ ตู๋ง เหยียด ลิ์ว จั๋ง เยีย บัว เญย ฒุ์ย.
เยีย บัว โท้ เม่ย หมั่ง เจี๊ยน เยีย บัว
เหว่ย หฒุ เยีย บัว เหยียด ฒู้ง เป๋น เม่ย เญย แปะ ฝีง.
10เม่ย เญย ธีง-เหฑ่ง ฒี่ง เป๋น เต่ย-ปูง-ฮวาง.
เลี่ยม สิโอน เป๋น เต่ย-ปูง-ฮวาง,
เยลูซาเลม เป๋น ป่าย ฮวาง เญย ต๋อง.
11เยีย บัว ธีง-เหฑ่ง, เหฑว่ย ไห่ เญย สีง ติ่น,
ต้ง เยีย บัว เญย อง-ถาย เยียม เหว่ย เธง เม่ย เญย ต๋อง,
หฒุ โต์ว ปั๊ว ชุย.
เยีย บัว ฝุน จ๋าย เญย เหยียด ฒู้ง กะน้าย
หย่า หฒุ ป่าย หว่าย เหฑ่ง หมี่ อ๊ะ.
12 เฒี้ยว อ่า, ม่าย น้าย เต๋ย สี่
เม่ย หธ่อ ไฮ่ เญี์ยน ตุ๊ เจี๊ยน เญย ไฟ?
เม่ย หธ่อ ไม้ โค โล, หย่า ปุน เยีย บัว
หฒุ เสี่ยว เซียม ไห่ เญย หน่าน ฒี่ง ไฟ?
Currently Selected:
อิสะยา 64: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
