อิสะยา 62
62
สิโอน เญย เซียง-บั๋ว
1เหว่ย สิโอน เยีย เญี์ยน ไม้ เจี๊ยน เฉีย,
เหว่ย เยลูซาเลม เยีย ไม้ ไฮ่ เซ้ก.
ฒั้ว เถา นิ่น โหฒว หอบ เญย เจ๊า ธ้วด ต้าย ฮนั้ง แอ๊ง ธ้วด ฌัง,
นิ่น เญย เหฌียว เอน ฮนั้ง เหฒียะ เจี๊ยน เญย โต์ว-ป๊า.
2หม่าน กั๊วะ อ๋อย ปวัด เม่ย โหฒว หอบ เญย เจ๊า,
หฒวัง ฮู่ง เตี๋ย อ๋อย ปวัด เม่ย เญย ฌัง-หล่าง.
เม่ย หย่า อ๋อย ตุ๊ นอม เซียง-บั๋ว,
เซ เฒี้ยว กั้น เญย ฑุ่ย เถง ธ้วด เญย บั๋ว.
3เม่ย ฯฒฯ เป๋น เหฑว่ย ไห่ เญย นี้ง เยียม เฒี้ยว เญย ปั์ว,
เยียม เม่ย เญย ทิน-ฮู่ง เญย ปั์ว หย่า เป๋น ฮู่ง นี้ง.
4เยียม น้าย มี่ง เมี่ยน ไม้ ก๊อง เม่ย เซ “หฒุ กวั่ง หมี่ อ๊ะ.”
เม่ย เญย เต่ย-ปูง หย่า ไม้ ม่าย หาย เต้า ก๊อง เป๋น “กวั่ง ฮวาง เญย เต่ย-ปูง.”
มป่า เม่ย อ๋อย ตุ๊ เมี่ยน เห่ว “เยีย อะเฮน้ย เญย เซ นิ่น.”#62:4 ไฟ ตุ๊ เมี่ยน เห่ว เฮ้บซีบา.
เม่ย เญย เต่ย-ปูง หย่า เห่ว “ตอง จา หมี่ อ๊ะ.”#62:4 ไฟ บูลา.
เหว่ย หฒุ เฒี้ยว อะเฮน้ย เม่ย,
เม่ย เญย เต่ย-ปูง หย่า อ๋อย ตอง จา.
5ฮนั้ง เต้า ตอน เหธา เต้า ไม้ เปว๋ย เจี๋ย ตอน เญย เซียะ ตอง จา,
เม่ย เญย ตอน บัว อ๋อย ฮนั้ง วั้ว นอ เหธา เม่ย ตอง จา.
เซียง-ล่าง ฮนั้ง หาย นอ อะเฮน้ย เซียง-บวั์ง,
เม่ย เญย ทิน-ฮู่ง อ๋อย ฮนั้ง วั้ว นอ อะเฮน้ย เม่ย.
6โอ เยลูซาเลม อ่า, เยีย ปุน เซี้ยว แกง เมี่ยน เยียม เม่ย เญย ฒี่ง หลาด กู้ หงว่าย,
นิ่น บัว เฒี่ยง ฮนอย เฒี่ยง ม์วน ไม้ เซ้ก.
เม่ย บัว เห่ว เฒี้ยว เญย เมี่ยน,
ไม้ ตู๋ง ปุน กั้น ฮิด ขวน,
7หย่า ไม้ ตู๋ง ปุน นิ่น ฮิด ขวน.
ฒั้ว เถา นิ่น เหลียบ เจี์ย เยลูซาเลม,
หย่า ปุน เยลูซาเลม เยียม ลู่ง เดี๊ย เป๋น เมี่ยน เธง เญย ต๋อง.
8 เฒี้ยว ซูง ธ้วด นิ่น เญย บย่าว เจี๊ยะ ปั์ว,
เซ นิ่น เฮ้น ไห่ เญย ปั์ว, แล์ง หว่า,
“เยียม น้าย มี่ง เยีย เหยียด ลิ์ว
ไม้ เฒาะ เม่ย เญย ล่าง หฒิ ปุน เม่ย เญย วิน-วั้ง โหฒว หญั่น ฮบ.
กั้น ฝีง เมี่ยน เหยียด ลิ์ว หย่า ไม้ ตุ๊ ฮบ
เม่ย ด๊อด ชะ ตุ๊ ต้าย เญย เซียง-อะหงุ่น ติ๊ว.
9มป่า เซียว เญย เมี่ยน ตุ๊ หญั่น หย่า เธง เฒี้ยว.
เซียว อะหงุ่น เปี๊ยว วั้ว เต๋ย
หย่า ตุ๊ เยียม เยีย เญย สีง ติ่น เญย หลาด กะญั์ว ฮบ.”
10เจี๋ย มี่ง, ยั่ง ฒี่ง แก้ง เจี๋ย มี่ง ม่าะ!
เหว่ย น้าย เต๋ย แปะ ฝีง
หลิ่ว เล์ย เหฒียง เจ๊า.
เหธย เจี์ย, เหธย เจี์ย ต้ม เจ๊า.
เฒาะ ฆอย หละเปย๊ย,
เหว่ย หม่าน ฝีง เมี่ยน เธีย เก้ ฝาว.
11หมั่ง ม่าะ! เฒี้ยว ฒุ่น จ่ม ลู่ง เดี๊ย ก๊อง,
“ก๊อง บั๋ว สิโอน,#62:11 ฟาน หฒะ ก๊อง สิโอน เญย เซียะ เอ๋ย เล์ย เซ สิโอน เมี่ยน.
‘หมั่ง ม่าะ! เม่ย เญย เหฌียว เอน ต้าย เถา.
หมั่ง ม่าะ! นิ่น เญย ฒี่ง เหญ่ย เยียม นิ่น วั้ว,
นิ่น วิ่น ปุน เญย ฒี่ง เหญ่ย เยียม นิ่น เญย หฑะเฮมียน.’”#อิสะยา 40:10; หล่าว ย่าง 22:12
12เมี่ยน อ๋อย เห่ว นิ่น บัว เป๋น “ธีง-เหฑ่ง เญย แปะ ฝีง,”
“เฒี้ยว หฒัวะ ต้าย เญย เมี่ยน.”
เมี่ยน หย่า เห่ว เม่ย เป๋น “ล์อ ตุ๊ ต้าย.”
หย่า เห่ว “ไม้ กวั่ง ฮวาง เญย ฒี่ง.”
Currently Selected:
อิสะยา 62: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
