อิสะยา 59
59
โต่ว หว่า เมี่ยน ตี่ง แปะ ฝีง เญย ฒุ์ย
1หมั่ง ม่าะ! เฒี้ยว เญย ปั์ว ไม้ เฒ์ย นั้ง, ไม้ ไฮ่ เหฌียว เม่ย บัว.
นิ่น เญย มน่อม หย่า ไม้ เฒ์ย ดูง,
ไม้ ไฮ่ หมวัง เม่ย บัว.
2มป่า เม่ย บัว เญย ฒุ์ย
ปุน เม่ย บัว เหธา เม่ย บัว เญย ทิน-ฮู่ง แฆะ เจี๊ยน.
เม่ย บัว เญย ฒุ์ย ท้อง นิ่น เญย เฮมียน, ปุน นิ่น ไม้ หมั่ง เม่ย บัว
หย่า ไม้ หมวัง เม่ย บัว.
3เหว่ย หฒุ เม่ย บัว เญย ปั์ว ม่าย ฑย้าม กั๊วะ เจี๊ยน.
ฒุ์ย หย่า กั๊วะ เจี๊ยน เม่ย บัว เญย ปั์ว-โด๊ะ.
เม่ย บัว เญย ฑุ่ย ก๊อง-แปะ,
เม่ย บัว เญย เบียด ก๊อง เอ๊าะ เญย หว่า.
4ไม้ ม่าย เหยียด เต้า แป้ง ฟิม เญย โก๋ สี่,
ไม้ ม่าย เหยียด เต้า เฮญี้ยว หฒีง เญย มี่ง สี่ ต้อง.
นิ่น บัว ปั่ง ขูง-หว่า แฑง หย่า ก๊อง-แปะ.
นิ่น บัว ต๊า โตะ เญย หฒะเอ๋ย,
โหฒว ธ้วด เป๋น หว่าย เญย สี่.
5นิ่น บัว ฮนั้ง ปั่ว นาง-โตะ เจ๋า,
หย่า ฮนั้ง ธิ แกง-หญ่อ บย์อง.
หาย เต้า หญั่น น้าย เต๋ย เจ๋า ฯฒฯ ไต่.
ม่าย นอม เจ๋า หฒุ เบ๊าะ ฮู้ ฯฒฯ ธ้วด นาง-โตะ.
6นิ่น บัว เญย แกง-หญ่อ บย์อง ไม้ ไฮ่ หล่ง ต๋อง ลุย-โหว.
นิ่น บัว โหฒว ต้าย เญย กะน้าย หย่า ไม้ ไฮ่ ปวัง กั้น เญย ซิน.
นิ่น บัว โหฒว เญย ขูง เป๋น ฒุ์ย ฮนั้ง,
นิ่น บัว เญย ปั์ว ขูง โหฒว โตะ, โหฒว เธี้ยว.
7นิ่น บัว เญย เหฒา ถิว มี่ง โหฒว เอ๊าะ สี่,
นิ่น บัว เซี้ยบๆ เญย ไต๋,
ปุน ไม้ โหฒว ต่อง เญย เมี่ยน เญย ฑย้าม เหลี่ยว ธ้วด.
นิ่น บัว ฮนั้ม ธ้วด เญย เป๋น ฒุ์ย,
นิ่น บัว เญย เจ๊า ขูง ม่าย ป่าย หว่าย ป่าย ฮวาง เญย สี่ ฮนั้ง.#โลมา 3:15-17
8แป้ง ออน เญย เจ๊า นิ่น บัว ไม้ ฮิ้ว,
โหฒว เญย สี่ ไม้ ม่าย แป้ง ฟิม.
นิ่น บัว ปุน กั้น เญย เจ๊า ฌ้วด.
หาย เต้า ยั่ง น้าย เต๋ย เจ๊า ไม้ ฮิ้ว ตุ๊ แป้ง ออน.
แปะ ฝีง เหญี่ยม ฒุ์ย
9เหว่ย น้าย แป้ง ฟิม เญย เจ๊า เล่ย เยีย บัว โก,
โหฒว หอบ เญย เจ๊า หฒุ่น ไม้ หฒ่าย เยีย บัว.
เยีย บัว ล์อ ฌัง มป่า หมั่ง ม่าะ! ขูง ม่าย หฮมวัง.
เยีย บัว ล์อ ฌัง-หล่าง มป่า ขูง ยั่ง หฮมวัง ฮนั้ง.
10เยีย บัว ฮลัว เจี๊ยน หฌ่ง ฮนั้ง มฒีง แม่ง นอ,
เยีย บัว ฮลัว เจี๊ยน มี่ง ฮนั้ง ไม้ ม่าย มฒีง เญย เมี่ยน.
ลู่ง อ๋าน หฒั่น เยีย บัว ดิ๊ หฒุ ดอบ ฮนั้ง เป๋น ลู่ง ม์าน-หฮมวัง.
เยียม เฮ้น เจี๋ย เญย เมี่ยน บุด๋ง, เยีย บัว ฮนั้ง จั๋น-ไต่.
11เยีย บัว เหยียด ฒู้ง ฮนั้ง เจี๊ยบ นอ ฌุ่น,
หย่า ฮนั้ง แปะ ก๊บ เห่ว เฑ่า เญย เฉีย.
เยีย บัว ล์อ แป้ง ฟิม เญย เจ๊า มป่า ไม้ ม่าย เหยียด เต๋ย.
เยีย บัว ล์อ เหฌียว เอน มป่า เล่ย เยีย บัว โก ไห่.
12เหว่ย หฒุ เยีย บัว เญย ฒุ์ย เยียม เม่ย เญย หฑะเฮมียน หฮยาง เจี๊ยน ฝาว,
เยีย บัว เญย ฒุ์ย โหฒว ฒอง-เหฒง โก๋ เยีย บัว.
เยีย บัว โหฒว ต่อง เญย สี่ เหธา เยีย บัว เยียม,
เยีย บัว โหฒว เญย ฒุ์ย เยีย บัว หย่า ฮิ้ว หมี่ อ๊ะ.
13เยีย บัว แหง่ง เจี๊ยน, ไม้ เหญี่ยม เฒี้ยว.
เยีย บัว ฮวิน มี่ง, ไม้ กัน เยีย บัว เญย ทิน-ฮู่ง.
เยีย บัว ก๊อง หว่า เหฒย เมี่ยน หย่า เหธว หลุ่น,
แอ๋ง เยียม เฮญี้ยว ฮนั้ม ธ้วด, ก๊อง ธ้วด ก๊อง-แปะ เญย หว่า.
14แป้ง ฟิม ถุย หฑวน ฆะฮ้า,
โหฒว หอบ เญย เจ๊า เยียม โก เญย ต๋อง.
เยียม ต้ม หฒวัง หฒ่าม ล์อ ไม้ ปวัด เฒียน เล์ย,#59:14 ฟาน หฒะ ก๊อง “เฒียน เล์ย ดิ๊ หฒุ ดอบ”.
โหฒว หฒีง เญย เจ๊า หย่า ไม้ ตุ๊ เปียะ.
15เหยียด เต๋ย เฒียน เล์ย ไม้ ม่าย.
หาย เต้า กวั่ง เอ๊าะ สี่,
ต๋าว หฑวน หฒุ เอ๊าะ เมี่ยน โหฒว ห่อย.
เฒี้ยว หลิ่ว เล์ย เหฌียว นิ่น เญย แปะ ฝีง
เฒี้ยว หมั่ง ปวัด ไม้ ม่าย แป้ง ฟิม เญย สี่,
นิ่น ฯฒฯ ไม้ อะเฮน้ย.
16นิ่น ปวัด ไม้ ม่าย เหยียด เต้า,
เก้ง! บัวะ ฮ่อง ไห่ ไม้ ม่าย หาย เต้า เถง นิ่น บัว โท้.
นิ่น หล่ง กั้น เญย ปั์ว ปุน นิ่น ตุ๊ ฮี่ง,
นิ่น กั้น เญย กง-ฟิม หย่า ป๊า เจี๊ยน นิ่น.#อิสะยา 63:5
17นิ่น หล่ง โหฒว หอบ เญย เจ๊า เหว่ย เฮลียะ-จ๊าบ ฒุ เจี๊ยน,
หล่ง เหฌียว เอน โหฒว เฮลียะ-หมั่ว ด๋ง เจี๊ยน.
นิ่น หล่ง จ๊าว วิน เญย สี่ โหฒว ลุย-โหว ฒุ,
หย่า เฒาะ จอม เฮญี้ยว เญย สี่ โหฒว ต้ม ลุย-ด๊าว ปุ๋ย.#เอเฟโซ 6:14,17; 1 เทสะโลนิกา 5:8
18หฒิว นิ่น บัว โหฒว เญย สี่
นิ่น อ๋อย จ๊าว วิน.
นิ่น อ๋อย โน์ว นิ่น เญย วิน-วั้ง,
จ๊าว วิน ปุน นิ่น เญย วิน-จา.
เลี่ยม ค้อย-โฑว เญย เมี่ยน นิ่น อ๋อย จ๊าว วิน.
19ฮนั้ง หน่าย เยียม ไฟ ปูง,
เมี่ยน ฯฒฯ กั้ม เหฑีย เฒี้ยว เญย บั๋ว.
เยียม บะฮนอย ธ้วด วั้ว ปูง,
นิ่น บัว ท่าย นิ่น เญย ฌัง-หล่าง,
เหว่ย หฒุ นิ่น อ๋อย ต้าย ฮนั้ง เป๊ะ ไห่ เญย โด๊ะ,
ม่าย เฒี้ยว เญย หฑยาว หฒุ่น เจี๊ยน ต้าย.#59:19 ไฟ “วิน-วั้ง เปียะ ต้าย ฮนั้ง ววม เหยียม เญย เฒี่ยง โห่, เฒี้ยว เญย สีง ลี่ง อ๋อย หฒุ่น นิ่น เปย๋า.”
20 เฒี้ยว ก๊อง,
“หฒัวะ เมี่ยน วั้ว เต้า ฒู้ง อ๋อย ต้าย สิโอน,
เถา ยาโค้บ เญย หฑะเฮมียน,
ต้ง ก๊อย เฮญี้ยว กวั่ง ฒุ์ย เญย เมี่ยน.”#โลมา 11:26
21 เฒี้ยว ก๊อง, “เยีย กั้น แอ๊ะ, น้าย เซ เยีย เหธา นิ่น บัว เหลียบ เจี์ย เญย แหง่ง หว่า. เยีย เญย สีง ลี่ง, ต้ง เยียม เจี๊ยน เม่ย, เหธา เยีย ปุน เม่ย ก๊อง เญย หว่า, เยียม น้าย มี่ง ไม้ เล่ย ฆอย เม่ย หย่า ไม้ เล่ย ฆอย เม่ย เญย ฝุเจว๊ย ไฟ เม่ย เญย โฮ์ ต่อย เฒ้ย-ฟุน เถา หม่าน โก๊ว หม่าน ต่อย.” เฒี้ยว ฮนั้ง น้าย นอ ก๊อง.
Currently Selected:
อิสะยา 59: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
อิสะยา 59
59
โต่ว หว่า เมี่ยน ตี่ง แปะ ฝีง เญย ฒุ์ย
1หมั่ง ม่าะ! เฒี้ยว เญย ปั์ว ไม้ เฒ์ย นั้ง, ไม้ ไฮ่ เหฌียว เม่ย บัว.
นิ่น เญย มน่อม หย่า ไม้ เฒ์ย ดูง,
ไม้ ไฮ่ หมวัง เม่ย บัว.
2มป่า เม่ย บัว เญย ฒุ์ย
ปุน เม่ย บัว เหธา เม่ย บัว เญย ทิน-ฮู่ง แฆะ เจี๊ยน.
เม่ย บัว เญย ฒุ์ย ท้อง นิ่น เญย เฮมียน, ปุน นิ่น ไม้ หมั่ง เม่ย บัว
หย่า ไม้ หมวัง เม่ย บัว.
3เหว่ย หฒุ เม่ย บัว เญย ปั์ว ม่าย ฑย้าม กั๊วะ เจี๊ยน.
ฒุ์ย หย่า กั๊วะ เจี๊ยน เม่ย บัว เญย ปั์ว-โด๊ะ.
เม่ย บัว เญย ฑุ่ย ก๊อง-แปะ,
เม่ย บัว เญย เบียด ก๊อง เอ๊าะ เญย หว่า.
4ไม้ ม่าย เหยียด เต้า แป้ง ฟิม เญย โก๋ สี่,
ไม้ ม่าย เหยียด เต้า เฮญี้ยว หฒีง เญย มี่ง สี่ ต้อง.
นิ่น บัว ปั่ง ขูง-หว่า แฑง หย่า ก๊อง-แปะ.
นิ่น บัว ต๊า โตะ เญย หฒะเอ๋ย,
โหฒว ธ้วด เป๋น หว่าย เญย สี่.
5นิ่น บัว ฮนั้ง ปั่ว นาง-โตะ เจ๋า,
หย่า ฮนั้ง ธิ แกง-หญ่อ บย์อง.
หาย เต้า หญั่น น้าย เต๋ย เจ๋า ฯฒฯ ไต่.
ม่าย นอม เจ๋า หฒุ เบ๊าะ ฮู้ ฯฒฯ ธ้วด นาง-โตะ.
6นิ่น บัว เญย แกง-หญ่อ บย์อง ไม้ ไฮ่ หล่ง ต๋อง ลุย-โหว.
นิ่น บัว โหฒว ต้าย เญย กะน้าย หย่า ไม้ ไฮ่ ปวัง กั้น เญย ซิน.
นิ่น บัว โหฒว เญย ขูง เป๋น ฒุ์ย ฮนั้ง,
นิ่น บัว เญย ปั์ว ขูง โหฒว โตะ, โหฒว เธี้ยว.
7นิ่น บัว เญย เหฒา ถิว มี่ง โหฒว เอ๊าะ สี่,
นิ่น บัว เซี้ยบๆ เญย ไต๋,
ปุน ไม้ โหฒว ต่อง เญย เมี่ยน เญย ฑย้าม เหลี่ยว ธ้วด.
นิ่น บัว ฮนั้ม ธ้วด เญย เป๋น ฒุ์ย,
นิ่น บัว เญย เจ๊า ขูง ม่าย ป่าย หว่าย ป่าย ฮวาง เญย สี่ ฮนั้ง.#โลมา 3:15-17
8แป้ง ออน เญย เจ๊า นิ่น บัว ไม้ ฮิ้ว,
โหฒว เญย สี่ ไม้ ม่าย แป้ง ฟิม.
นิ่น บัว ปุน กั้น เญย เจ๊า ฌ้วด.
หาย เต้า ยั่ง น้าย เต๋ย เจ๊า ไม้ ฮิ้ว ตุ๊ แป้ง ออน.
แปะ ฝีง เหญี่ยม ฒุ์ย
9เหว่ย น้าย แป้ง ฟิม เญย เจ๊า เล่ย เยีย บัว โก,
โหฒว หอบ เญย เจ๊า หฒุ่น ไม้ หฒ่าย เยีย บัว.
เยีย บัว ล์อ ฌัง มป่า หมั่ง ม่าะ! ขูง ม่าย หฮมวัง.
เยีย บัว ล์อ ฌัง-หล่าง มป่า ขูง ยั่ง หฮมวัง ฮนั้ง.
10เยีย บัว ฮลัว เจี๊ยน หฌ่ง ฮนั้ง มฒีง แม่ง นอ,
เยีย บัว ฮลัว เจี๊ยน มี่ง ฮนั้ง ไม้ ม่าย มฒีง เญย เมี่ยน.
ลู่ง อ๋าน หฒั่น เยีย บัว ดิ๊ หฒุ ดอบ ฮนั้ง เป๋น ลู่ง ม์าน-หฮมวัง.
เยียม เฮ้น เจี๋ย เญย เมี่ยน บุด๋ง, เยีย บัว ฮนั้ง จั๋น-ไต่.
11เยีย บัว เหยียด ฒู้ง ฮนั้ง เจี๊ยบ นอ ฌุ่น,
หย่า ฮนั้ง แปะ ก๊บ เห่ว เฑ่า เญย เฉีย.
เยีย บัว ล์อ แป้ง ฟิม เญย เจ๊า มป่า ไม้ ม่าย เหยียด เต๋ย.
เยีย บัว ล์อ เหฌียว เอน มป่า เล่ย เยีย บัว โก ไห่.
12เหว่ย หฒุ เยีย บัว เญย ฒุ์ย เยียม เม่ย เญย หฑะเฮมียน หฮยาง เจี๊ยน ฝาว,
เยีย บัว เญย ฒุ์ย โหฒว ฒอง-เหฒง โก๋ เยีย บัว.
เยีย บัว โหฒว ต่อง เญย สี่ เหธา เยีย บัว เยียม,
เยีย บัว โหฒว เญย ฒุ์ย เยีย บัว หย่า ฮิ้ว หมี่ อ๊ะ.
13เยีย บัว แหง่ง เจี๊ยน, ไม้ เหญี่ยม เฒี้ยว.
เยีย บัว ฮวิน มี่ง, ไม้ กัน เยีย บัว เญย ทิน-ฮู่ง.
เยีย บัว ก๊อง หว่า เหฒย เมี่ยน หย่า เหธว หลุ่น,
แอ๋ง เยียม เฮญี้ยว ฮนั้ม ธ้วด, ก๊อง ธ้วด ก๊อง-แปะ เญย หว่า.
14แป้ง ฟิม ถุย หฑวน ฆะฮ้า,
โหฒว หอบ เญย เจ๊า เยียม โก เญย ต๋อง.
เยียม ต้ม หฒวัง หฒ่าม ล์อ ไม้ ปวัด เฒียน เล์ย,#59:14 ฟาน หฒะ ก๊อง “เฒียน เล์ย ดิ๊ หฒุ ดอบ”.
โหฒว หฒีง เญย เจ๊า หย่า ไม้ ตุ๊ เปียะ.
15เหยียด เต๋ย เฒียน เล์ย ไม้ ม่าย.
หาย เต้า กวั่ง เอ๊าะ สี่,
ต๋าว หฑวน หฒุ เอ๊าะ เมี่ยน โหฒว ห่อย.
เฒี้ยว หลิ่ว เล์ย เหฌียว นิ่น เญย แปะ ฝีง
เฒี้ยว หมั่ง ปวัด ไม้ ม่าย แป้ง ฟิม เญย สี่,
นิ่น ฯฒฯ ไม้ อะเฮน้ย.
16นิ่น ปวัด ไม้ ม่าย เหยียด เต้า,
เก้ง! บัวะ ฮ่อง ไห่ ไม้ ม่าย หาย เต้า เถง นิ่น บัว โท้.
นิ่น หล่ง กั้น เญย ปั์ว ปุน นิ่น ตุ๊ ฮี่ง,
นิ่น กั้น เญย กง-ฟิม หย่า ป๊า เจี๊ยน นิ่น.#อิสะยา 63:5
17นิ่น หล่ง โหฒว หอบ เญย เจ๊า เหว่ย เฮลียะ-จ๊าบ ฒุ เจี๊ยน,
หล่ง เหฌียว เอน โหฒว เฮลียะ-หมั่ว ด๋ง เจี๊ยน.
นิ่น หล่ง จ๊าว วิน เญย สี่ โหฒว ลุย-โหว ฒุ,
หย่า เฒาะ จอม เฮญี้ยว เญย สี่ โหฒว ต้ม ลุย-ด๊าว ปุ๋ย.#เอเฟโซ 6:14,17; 1 เทสะโลนิกา 5:8
18หฒิว นิ่น บัว โหฒว เญย สี่
นิ่น อ๋อย จ๊าว วิน.
นิ่น อ๋อย โน์ว นิ่น เญย วิน-วั้ง,
จ๊าว วิน ปุน นิ่น เญย วิน-จา.
เลี่ยม ค้อย-โฑว เญย เมี่ยน นิ่น อ๋อย จ๊าว วิน.
19ฮนั้ง หน่าย เยียม ไฟ ปูง,
เมี่ยน ฯฒฯ กั้ม เหฑีย เฒี้ยว เญย บั๋ว.
เยียม บะฮนอย ธ้วด วั้ว ปูง,
นิ่น บัว ท่าย นิ่น เญย ฌัง-หล่าง,
เหว่ย หฒุ นิ่น อ๋อย ต้าย ฮนั้ง เป๊ะ ไห่ เญย โด๊ะ,
ม่าย เฒี้ยว เญย หฑยาว หฒุ่น เจี๊ยน ต้าย.#59:19 ไฟ “วิน-วั้ง เปียะ ต้าย ฮนั้ง ววม เหยียม เญย เฒี่ยง โห่, เฒี้ยว เญย สีง ลี่ง อ๋อย หฒุ่น นิ่น เปย๋า.”
20 เฒี้ยว ก๊อง,
“หฒัวะ เมี่ยน วั้ว เต้า ฒู้ง อ๋อย ต้าย สิโอน,
เถา ยาโค้บ เญย หฑะเฮมียน,
ต้ง ก๊อย เฮญี้ยว กวั่ง ฒุ์ย เญย เมี่ยน.”#โลมา 11:26
21 เฒี้ยว ก๊อง, “เยีย กั้น แอ๊ะ, น้าย เซ เยีย เหธา นิ่น บัว เหลียบ เจี์ย เญย แหง่ง หว่า. เยีย เญย สีง ลี่ง, ต้ง เยียม เจี๊ยน เม่ย, เหธา เยีย ปุน เม่ย ก๊อง เญย หว่า, เยียม น้าย มี่ง ไม้ เล่ย ฆอย เม่ย หย่า ไม้ เล่ย ฆอย เม่ย เญย ฝุเจว๊ย ไฟ เม่ย เญย โฮ์ ต่อย เฒ้ย-ฟุน เถา หม่าน โก๊ว หม่าน ต่อย.” เฒี้ยว ฮนั้ง น้าย นอ ก๊อง.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007