อิสะยา 56
56
กั้น ฝีง เมี่ยน ตุ๊ โหฒว ทิน-ฮู่ง เญย แปะ ฝีง
1 เฒี้ยว ฮนั้ง น้าย ก๊อง,
“เม่ย บัว อ๋อย หฒุ โก๋ว เจี๊ยน แป้ง ฟิม เญย เจ๊า
หย่า โหฒว หอบ เญย สี่,
เหว่ย หฒุ เยีย เญย เหฌียว เอน เถา ฟัด อ๊ะ.
เยีย เญย กง-ฟิม อ๋อย ปิ๋ว เม่ง ธ้วด ต้าย.
2ฮนั้ง น้าย เอย เจี๊ยน โหฒว เญย เมี่ยน,
ต้ง เจี้ยน กัน หลง เญย เมี่ยน, ม่าย ออน-เหลาะ.
เซ นิ่น กัน หลง ตี้ง กง ฮนอย เญย เล์ย, ไม้ ปุน ม่าย หวุย,
หย่า กุ๊น เจี๊ยน กั้น เญย ปั์ว, ไม้ โหฒว หาย หญู่ง เอ๊าะ สี่.”
3เหธา เฒี้ยว หอบ เญย กั้น ฝีง เมี่ยน ไม้ ตู๋ง ปุน ก๊อง,
“เฒี้ยว ด่ง หาย ฒู้ง อ๋อย เฒาะ เยีย
เหธา นิ่น เญย แปะ ฝีง ปุน ฆอย.”
หย่า ไม้ ตู๋ง ปุน อิม โต๊ เญย เมี่ยน ก๊อง,
“หมั่ง ม่าะ! เยีย ขูง โหฒว เดี๋ยง-โคว-ฆาย.”
4เหว่ย หฒุ เฒี้ยว ฮนั้ง น้าย ก๊อง,
“ตะฟ่าน อิม โต๊ เญย เมี่ยน กัน หลง เยีย เญย ตี้ง กง ฮนอย เญย เล์ย,
กิ๊น ต้ง เยีย หอบ เฮญี้ยว เญย สี่,
หย่า เสียน ว้วน เยีย แล์ง เญย แหง่ง หว่า,
5เยีย ฒู้ง อ๋อย ปุน นิ่น บัว เยียม เยีย เญย สีง ติ่น เหธา หลาด กะญั์ว
ม่าย จั๋ง-โห่ หย่า ม่าย บั๋ว
เก้า หลง ม่าย น่าม โญ์ว.
เยีย ฒู้ง อ๋อย ปุน นิ่น บัว ม่าย เหยียด ลิ์ว เญย บั๋ว,
หย่า ไม้ ไฮ่ ไพ กวั่ง.
6แอ๋ง ม่าย ต้าย เหญี่ยม เฒี้ยว เญย กั้น ฝีง เมี่ยน
อ๋อย ฟู-สู นิ่น,
ฮนั้ม เฒี้ยว เญย บั๋ว
หย่า โหฒว นิ่น เญย โปว,
เหยียด ฒู้ง กัน หลง ตี้ง กง ฮนอย เญย เล์ย, ไม้ ปุน ม่าย หวุย,
หย่า เสียน หลง เยีย แล์ง เญย แหง่ง หว่า,
7เยีย ฯฒฯ อ๋อย ต้อ น้าย เต๋ย มี่ง เถา เยีย เญย ธีง-เหฑ่ง บง,
หย่า ปุน นิ่น บัว เยียม เยีย เญย เต๋า เก๋า เญย เปย๊า ม่าย เฌียน-โย่ว.
นิ่น บัว ปั๊ว เหฒี่ย เหธา ฝ่ง ห่อ เหฒี่ย เญย กะน้าย,
เยียม เยีย เญย เหฒี่ย-ต้อง หอบ เยีย เญย เฮญี้ยว เญย.
เหว่ย หฒุ เยีย เญย เปย๊า,
เมี่ยน อ๋อย เห่ว หม่าน ฝีง เมี่ยน เต๋า เก๋า เญย เปย๊า.”#มัดทาย 21:13; มาโค 11:17; ลูกา 19:46
8เฒี้ยว ทิน-ฮู่ง,
ต้ง ต้อ หฒุ กว๊าด มี่ง หฑาน เญย อิสะลาเอน เมี่ยน ต้าย ฒุ้น วั้ว เต้า, ฮนั้ง น้าย ก๊อง,
“ธ้วด ลิ์ว เยีย ปุน กั๊บ ฒุ้น ลิ์ว เญย เมี่ยน,
เยีย หธ่อ อ๋อย ต้อ กั้น เต๋ย เมี่ยน ต้าย
เหธา นิ่น บัว กั๊บ ฒุ้น.”
ทิน-ฮู่ง อ๋อย ตี่ง อิสะลาเอน เมี่ยน เญย เปย๊ย เฒ้ย เญย ฒุ์ย
9หล่ม- ฮวาง เญย เหยียด ฒู้ง เฮยี่ย ฒ่อย
เหธา เดี๋ยง-หล่ม เหยียด ฒู้ง เฮยี่ย ฒ่อย
ต้าย นะ ม่าะ!
10อิสะลาเอน เญย เซี้ยว แกง เมี่ยน มฒีง แม่ง,
นิ่น บัว เหยียด ฒู้ง ไม้ ม่าย ธง-เม่ง.
นิ่น บัว เหยียด ฒู้ง ฮนั้ง จู๊-หฮงง,
ไม้ ไฮ่ หฌูง.
นิ่น บัว ขูง อ๋อย เปว๋ย เจี๊ยน, อ๋อย เบ๋ยๆ,
เม้า มฌ่อม.
11วั้ว เต๋ย จู๊ เธย ไห่,
หญั่น หย่า ไม้ ฮิ้ว ตุ๊ เป๊ว.
โก๋ว ปะกี ยู่ง เญย เมี่ยน หย่า ไม้ เม่ง แปะ หาย หญู่ง.
เก๊าะ-เมี่ยน หฒิว เก๊าะ-เมี่ยน เญย เจ๊า ยั่ง.
เก๊าะ-เมี่ยน โต้ว เก๊าะ-เมี่ยน กั้น ตุ๊ หลง ฮนั้ง.
12นิ่น บัว ก๊อง,
“ต้าย ม่าะ! บัว มี่ง เฒาะ อะหงุ่น ติ๊ว,
บัว ฮบ เป๊ว ติ๊ว-คู้.
ฌัง ฮนอย อ๋อย ฮนั้ง อี้ ฮนอย
ไฟ ฒู้ง เก้า หย่าว.”
Currently Selected:
อิสะยา 56: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
