อิสะยา 44
44
ทิน-ฮู่ง อ๋อย เหธย ฟุ ปุน อิสะลาเอน
1“โอ เยีย เญย โปว, ยาโค้บ อ่า,
เยีย กิ๊น ต้าย เญย อิสะลาเอน เมี่ยน อ่า, หมวัง ม่าะ!
2เม่ย เยียม กู้งว์า-บัวะ วั้ว หฒั่น เยีย เหฒย เม่ย ธ้วด ต้าย
หย่า อ๋อย เถง เม่ย.
เยีย, เฒี้ยว, ฮนั้ง น้าย นอ ก๊อง.
โอ เยีย เญย โปว, ยาโค้บ อ่า,
เยีย กิ๊น ต้าย เญย เมี่ยน, เยซูลุน,#44:2 เอ๋ย เล์ย เซ เฮญี้ยว หฒีง เญย เมี่ยน.
ไม้ ตู๋ง กั้ม เหฑีย.
3เยีย อ๋อย โต๋ ววม เหฌี่ย ปุน จาง ฆ้าด เญย เมี่ยน,#44:3 ไฟ “เยีย อ๋อย โต๋ ววม เหฌี่ย เต่ย-ปูง-ฮ์าน เญย เดา.
ปุน โด๊ะ เหลี่ยว เหฌี่ย เดา-ฆาย,
เยีย อ๋อย โต๋ เยีย เญย สีง ลี่ง เหฌี่ย เม่ย เญย โฮ์ ต่อย,
หย่า เหธย ฟุ ปุน เม่ย เญย เฒ้ย-ฟุน.
4นิ่น บัว อ๋อย ธ้วด ต้าย ฮนั้ง เยียม เมี้ย-เธี้ยง เญย เมี้ย นอ,
หย่า ฮนั้ง ซุ้ย-เลี่ยม เดี๋ยง เฒี่ยง ม่าย ววม เหลี่ยว เจี๊ยน เญย โด๊ะ-เฮลน.
5น้าย เต้า อ๋อย ก๊อง, ‘เยีย เซ เฒี้ยว เญย,’
แอ๋ง ม่าย เต้า อ๋อย ธ้วด บั๋ว กัน ยาโค้บ เห่ว,
แอ๋ง ม่าย เต้า เฟี้ย เจี๊ยน นิ่น เญย ปั์ว, ‘เป๋น เฒี้ยว เญย หมี่ อ๊ะ,’
หย่า ธ้วด นิ่น บัว กั้น เญย บั๋ว กัน อิสะลาเอน.”
6“เฒี้ยว, เซ อิสะลาเอน เญย ฮู่ง,
หฒัวะ อิสะลาเอน วั้ว เต้า, เน่น เจี๋ย เญย เฒี้ยว ฮนั้ง น้าย นอ ก๊อง,
‘เยีย โหฒว กอน หย่า โหฒว เซ้ด เมว์ย.
ธ้วด ลิ์ว เยีย, ไม้ ม่าย กั้น เต้า ทิน-ฮู่ง.#44:6 ไฟ เฒี่ยน.#อิสะยา 48:12; หล่าว ย่าง 1:17; 2:8; 22:13
7วั้ว หญู่ง ม่าย หาย เต้า ฮนั้ง เยีย?
กุ๊น ปุน นิ่น ฒุ่น อ๊ะ.
ปุน นิ่น ก๊อง เม่ง หย่า เฒว่ย เหยียด เฒว่ย เหญ่ย เญย บั๋ว เยีย.
เยียม เยีย เหลียบ เยีย โล์-ฮนอย เญย แปะ ฝีง ต้าย ม่าย หาย หญู่ง สี่ ธ้วด?
แอ๋ง อ๋อย ม่าย หาย หญู่ง สี่ ธ้วด?
ปุน นิ่น จา-ด่าง ก๊อง อ๋อย ม่าย หาย หญู่ง.’
8ไม้ ตู๋ง กั้ม เหฑีย, ไม้ ตู๋ง เฮญี้ยว ฮวาง.
เยีย เฒาะ น้าย เต๋ย สี่ จา-ด่าง ก๊อง บั๋ว เม่ย บัว เล่า ไห่ อ๊ะ ไม้ เฒ์ย?
เม่ย บัว หย่า โหฒว เยีย เญย ฒอง-เหฒง เมี่ยน.
ธ้วด ลิ์ว เยีย, ม่าย กั้น เต้า ทิน-ฮู่ง ไฟ?
หฒะเก้ง ไม้ ม่าย กั้น นอม หละเปย๊ย.
เยีย ไม้ ฮิ้ว กั้น นอม.”
ไม้ ลั่ม หล่ง เญย หมิ่ว-ฝัง
9ตะฟ่าน โหฒว หมิ่ว-ฝัง เญย เมี่ยน เซ ไม้ ลั่ม หล่ง.
นิ่น บัว ฝุน จ๋าย เญย เซ ไม้ หฒี่ ฒิ่น.
นิ่น บัว เญย ฒอง-เหฒง เมี่ยน หมั่ง ไม้ ปวัด หย่า ไม้ ฮิ้ว,
นิ่น บัว ฯฒฯ หฒุ ไญ้.
10หาย เต้า โหฒว เฒี่ยน เญย ฝัง ไฟ โต๋ หมิ่ว-ฝัง
เซ โหฒว เถง ไม้ ตุ๊ หาย หญู่ง เญย ฝัง?
11หมั่ง ม่าะ! เหธา นิ่น โหฒว ต่อย เญย เมี่ยน เหยียด ฒู้ง หย่า อ๋อย หฒุ ไญ้.
โหฒว หฒั่ง เญย เมี่ยน มต้าย ป้าม เมี่ยน ฮนั้ง.
ปุน นิ่น บัว ต้าย ฒุ้น, ปุน นิ่น บัว โซ้ว เจี๊ยน,
นิ่น บัว ฯฒฯ กั้ม เหฑีย ไห่, ล่ม ฑ่อย หฒุ ไญ้.
12เฮลียะ-หฒั่ง เฒาะ เฮลียะ อัน โล่ว โต์ว ปั๊ว,
หย่า หล่ง นิ่น เญย จา-สี่ ต๊า.
นิ่น หล่ง เฮลียะ-เฒว่ย
เหธา นิ่น เฮ้น ไห่ เญย ปั์ว ต๊า ต้าย.
นิ่น เฮญี้ยว เซีย, ไม้ ม่าย ชะ.
นิ่น ไม้ ฮบ ววม, ฯฒฯ เมา อ๊ะ.
13เดี๋ยง-หฒั่ง แปง ฮลาง เดาะ,
แอ๋ง หล่ง ปั๊ด ว์า ธ้วด ฝัง.
แอ๋ง หล่ง หฒุ หฒุ ต้าย,
หล่ง กะน้าย เกว๊ด ฮวีง จุ้น.
นิ่น โหฒว เมี่ยน เญย ฝัง หย่า ฮนั้ง เมี่ยน นอ เหฑว่ย เญย, อัน เจี๊ยน เปย๊า.
14นิ่น ก๋อย สีดา ฒ่ง เดี๋ยง,
ไฟ เยียม วั้ว หล่ม กิ๊น ติ้ว ไซปัด ฒ่ง ไฟ บะอง เฒวย เดี๋ยง,
ไฟ นิ่น หฒวัง ฒู่ง เดี๋ยง
ฒั้ว บยู่ง ปุน เดี๋ยง โฮล ต้าย.
15น้าย เต๋ย เดี๋ยง, เมี่ยน หล่ง โหฒว ฒ่าง ปั๊ว,
นิ่น หล่ง เต๋ย ปั๊ว โต์ว หฑาว เถง กั้น เซี้ยว
ไฟ หล่ง ฒิ ฌั้ว.
นิ่น หย่า หล่ง โหฒว เฒี่ยน เญย ฝัง ต้าย หฒั่ง,
นิ่น ติว เต้า หมิ่ว-ฝัง หย่า เกว่ย เหฌี่ย ป๋าย.
16นิ่น เฒาะ ป่วน ปั๊ว โต์ว,
เยียม วั้ว ฒิ อ๊อ หญั่น เป๊ว.
นิ่น หฑาว โต์ว หย่า ก๊อง,
“อ๊า! เยีย เซี้ยว ไห่. เยีย ปวัด โต์ว หมี่ อ๊ะ.”
17เหฒ่ง เหฌี่ย เญย เดี๋ยง นิ่น หล่ง โหฒว เต้า เฒี่ยน, เป๋น นิ่น เญย หมิ่ว-ฝัง.
นิ่น ฯฒฯ พัวะ เหฌี่ย ป๋าย,
แอ๋ง เต๋า เก๋า ก๊อง, “โท้ เหฌียว เยีย.
เม่ย โหฒว เยีย เญย เฒี่ยน.”
18นิ่น บัว ไม้ ฮิ้ว ตุ๊ หย่า ไม้ ไฮ่ เม่ง แปะ.
เหว่ย หฒุ เฒี้ยว ปวัง เจี๊ยน นิ่น บัว เญย มฒีง,
นิ่น บัว หธีง หมั่ง ไม้ ปวัด.
นิ่น บัว เญย เฮญี้ยว หฒุ ฒด เจี๊ยน,
ฯฒฯ ไม้ ไฮ่ เม่ง แปะ.
19ไม้ ม่าย หาย เต้า ฮนั้ม เถา,
ไม้ ม่าย หาย เต้า ม่าย ธง-เม่ง ไฟ ไฮ่ เปียะ เฮญี้ยว ฯฒฯ ก๊อง,
“เยีย หล่ง เหยียด ป่วน โหฒว ฒ่าง ปั๊ว โต์ว,
ฒิ ฌั้ว, ฒิ อ๊อ หญั่น.
เยีย อ๋อย หฒุ หล่ง เหฒ่ง เหฌี่ย เญย เดี๋ยง โหฒว กั้ม เฑี้ย เญย กะน้าย ไฟ?
เยีย อ๋อย หฒุ เกว่ย เหฌี่ย ป๋าย หฆัน เดี๋ยง ไฟ?”
20นิ่น หล่ง ซ้าย ต๋อง หญั่น ฮบ.
นิ่น กั้น เญย เฮญี้ยว ดั๊ว นิ่น มี่ง ต่อง.
นิ่น ไม้ ไฮ่ เหฌียว นิ่น กั้น หย่า ไม้ ไฮ่ ก๊อง,
“เยียม เยีย เญย บย่าว เจี๊ยะ ปั์ว น้าย เต้า หมิ่ว-ฝัง เซ จ๊า เญย.”
เฒี้ยว หฒัวะ อิสะลาเอน เมี่ยน
21“โอ ยาโค้บ อ่า, จั๋ง เจี๊ยน น้าย เต๋ย สี่,
อิสะลาเอน อ่า, เม่ย โหฒว เยีย เญย โปว.
เยีย เหฒย เม่ย ต้าย เหว่ย โหฒว เยีย เญย โปว.
โอ อิสะลาเอน อ่า, เยีย ฒู้ง ไม้ หละคุ เม่ย.
22เยีย ซ้อด กวั่ง เม่ย โหฒว ต่อง เยีย เญย สี่ ฮนั้ง บ๋วน
เม่ย ป์าม เญย ฒุ์ย ฮนั้ง ลู่ง ดอม เญย โหม่ว.
อ๋อย หฒุ หฑวน ต้าย ล์อ เยีย
เหว่ย หฒุ เยีย หฒัวะ ลิ์ว เม่ย อ๊ะ.”
23โอ ลู่ง อ่า, เฌียน-โย่ว เญย ป๋าว ฑูง เหว่ย หฒุ เฒี้ยว ฮนั้ง น้าย นอ โหฒว.
โอ เดา โด เญย ต๋อง, อ๋อย หฒุ เห่ว บุย.
โอ หฒวัง บง อ่า, อ๋อย หฒุ ธ้วด เฉีย ป๋าว ฑูง.
โอ เดี๋ยง หล่ม เหธา เยียม หล่ม เญย ติ้วๆ เดี๋ยง หย่า อ๋อย หฒุ ป๋าว.
เหว่ย หฒุ เฒี้ยว หฒัวะ ยาโค้บ,
หย่า เยียม อิสะลาเอน ตุ๊ เมี่ยน ท่าย.
24 เฒี้ยว, ต้ง หฒัวะ เม่ย วั้ว เต้า,
เซ เม่ย เยียม กู้งว์า-บัวะ นิ่น เหฒย เม่ย ต้าย วั้ว เต้า, ฮนั้ง น้าย ก๊อง,
“เยีย เซ เฒี้ยว,
ต้ง เหฒย หม่าน หมวด วั้ว เต้า.
เยีย กั้น ดุ เต้า ธอง ลู่ง.
เยีย ทาน ฆอย เดา-เป้ย วั้ว หฒั่น, ม่าย หาย เต้า เหธา เยีย เยียม?#44:24 ไฟ “เยีย ทาน ฆอย เดา-เป้ย, ไม้ ม่าย หาย เต้า เถง.”
25เยีย ปุน ก๊อง ฒิ่น โฮ์ หว่า เญย เมี่ยน เญย หว่า เป๋น ก๊อง-แปะ เญย หว่า,
ปุน โบ๊ว กว๋า เญย เมี่ยน ไม้ ฑัง ไม้ เฑี้ยบ เญย.
เยีย ปุน ธง-เม่ง เมี่ยน เญย หว่า เบี๊ยน มี่ง,
ปุน นิ่น บัว ฮิ้ว เญย เจ๊า หฮงง หมี่ อ๊ะ.#1 โคลินโท 1:20
26เยีย ปุน เยีย เญย โปว เญย หว่า ธ้วด ต้าย เฒียน,
หย่า หฒิว เยีย เญย โต่ว เฝียน เมี่ยน ก๊อง เญย หว่า โหฒว เหฒียง.
นิ่น บัว ก๊อง, ‘เยลูซาเลม ฒู้ง อ๋อย ม่าย เมี่ยน เยียม,’
หย่า ก๊อง เถา ยูดา, ‘ยูดา เญย ฒี่ง แอ๋ง ตุ๊ เหลียบ ต้าย,
บาง หว่าย เญย ต๋อง เยีย แอ๋ง ตุ๊ เหธย เจี์ย.’
27เยีย บั๋ว โด เญย ววม, ‘อ๋อย หฒุ ฆาย ม่าะ!
เยีย อ๋อย ปุน เม่ย เญย ด้าย ฆาย เหฑ่ง.’
28เยีย หย่า ก๊อง เถา ไซลัด, ‘นิ่น โหฒว เยีย เญย โก๋ว ยู่ง เญย เมี่ยน.
นิ่น หย่า อ๋อย เอย เจี๊ยน เยีย เญย หฒะเอ๋ย โหฒว.
นิ่น อ๋อย ก๊อง เถา เยลูซาเลม, “อ๋อย หฒุ แอ๋ง เหธย เจี์ย ต้าย,”
หย่า ก๊อง เถา หฒั่ง ทิน-ฮู่ง เญย เปย๊า, ‘อ๋อย หฒุ เหลียบ กอน-โด๊ะ.”’#2 ฒุ่น ต่อย โต้ว 36:23; เอสะลา 1:2
Currently Selected:
อิสะยา 44: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
