อิสะยา 29
29
เยลูซาเลม อ๋อย หฒุ เญย เหฒะ หน่าน
1โอ อาลีเอน, อาลีเอน#29:1 อาลีเอน เซ เยลูซาเลม เญย กั้น นอม บั๋ว. อ่า,
ต้ง ดาวิด เหลียบ เธี้ยง เญย ฒี่ง.
เหยียด หฮญัง จา เหยียด หฮญัง,
กุ๊น ปุน เหยียด นอม ฒิบ แอ๋ง เจี๋ย เหยียด นอม ฒิบ.
2เยีย หธ่อ อ๋อย ปุน อาลีเอน หฒุ โค้ว,
นิ่น ฯฒฯ เฑ่า หย่า เญี้ยม,
หย่า เหว่ย เยีย โหฒว นอม เหฒี่ย-ต้อง.#29:2 เหฒี่ย-ต้อง, ต้ง ปั๊ว เหฒี่ย วั้ว คัง, ก๊อง เป๋น ฮิบลู หว่า, เฉีย เซ ฮนั้ง อาลีเอน วั้ว โจ๋ว.
3เยีย อ๋อย เหลียบ เธี้ยง เว่ย เจี๊ยน เม่ย เปยย ปูง.
เยีย อ๋อย เหลียบ เบ๊าะ จ๋า เญย ล่าว เว่ย ก๋อม เม่ย,
หย่า เหลียบ เบ๊าะ จ๋า เญย จา-สี่ เบ๊าะ เม่ย.
4เม่ย ฯฒฯ หฒุ ด๊อด เหฌี่ย ไอ๊, เยียม เดา-เดี๊ย ก๊อง หว่า.
เม่ย เญย หว่า ฯฒฯ เยียม เนีย-บูง ธ้วด ต้าย.
เม่ย เญย เฉีย อ๋อย เยียม เดา-เดี๊ย ธ้วด ฮนั้ง เมี้ยน เญย เฉีย,
หย่า อ๋อย เยียม เนีย-บูง ธ้วด ต้าย ฮนั้ง หว่า-ซับ.
5เม่ย เญย วิน-วั้ง ด่ง วั้ว ธั้ม อ๋อย ฮนั้ง เนีย-บูง นอ หม่วน.
เมี่ยน โตะ เมี่ยน เญย กวั้น หย่า ฮนั้ง หฒุ หฑยาว ป่วน เญย เบี๊ยะ.
เลี่ยม เฒ่ย, เยียม ดุ ตั้ง ฮนั้ง,
6เน่น เจี๋ย เญย เฒี้ยว อ๋อย เถา,
ม่าย บะอง บุย, เดา ต์ง, หย่า ม่าย ต้ม! เฉีย บุย,
ม่าย ต้ม หฑยาว-หฒุ่น, ต้ม หฑยาว-เจี๊ยะ,
เหธา ปั๊ว กะน้าย ชุย เญย โต์ว-เบียด.
7วั้ว หฒั่น เหธา อาลีเอน เบ๊าะ จ๋า วั้ว เต๋ย นอมๆ กั๊วะ เญย หฒวัง จุน-แปง กวั้น,
เซ เบ๊าะ นิ่น เหธา นิ่น ว้วน เญย ต๋อง ปุน นิ่น หฒุ โค้ว,
ฯฒฯ ฮนั้ง นอม เบ๋ย,
ฮนั้ง ลู่ง ม์วน หฒั่น ปวัด หิ่น ย่าง เญย สี่.
8เซ ฮนั้ง เฮญี้ยว เซีย เญย เมี่ยน เบ๋ย ปวัด หญั่น หฮนาง,
เญีย ต้าย นิ่น ไฮ์ เฮญี้ยว หธ่อ เซีย เจี๊ยน เยียม.
เซ ฮนั้ง จาง ฆ้าด เญย เมี่ยน เบ๋ย ปวัด นิ่น ฮบ ววม,
เญีย ต้าย นิ่น ไฮ์ เมา, จาง หธ่อ บ๋อง ฆาย เญย.
เบ๊าะ สิโอน บง เญย หฒวัง กั๊วะ เหยียด ฒู้ง เมี่ยน
หย่า หฒุ ฮนั้ง น้าย นอ.
ไม้ หมวัง ต๊น เญย หว่า
9เม่ย บัว กุ๊น โหฒว ไม้ ฑัง เญย สี่ เม่ย บัว ฯฒฯ ไม้ ฑัง อ๊ะ.
ปุน เม่ย บัว กั้น มฒีง แม่ง, เม่ย บัว ฯฒฯ แม่ง อ๊ะ.
กุ๊น ติ๊ว ฆวิน มป่า ไม้ เฒ์ย หลาย อะหงุ่น ติ๊ว.
กุ๊น ลู่งๆ ไล่ๆ เญย, มป่า ไม้ เฒ์ย หลาย ติ๊ว-คู้.
10เหว่ย หฒุ เฒี้ยว ปุน เม่ย บัว มฌ่อม ตุ๊ โด ไห่.
นิ่น ปวัง เจี๊ยน เม่ย บัว โต่ว หว่า เมี่ยน เญย มฒีง.
นิ่น บย์อง เจี๊ยน เม่ย บัว ก๊อง ฒิ่น โฮ์ หว่า เญย เมี่ยน เญย มฆ้อง.#โลมา 11:8
11เหว่ย เม่ย บัว นอ, น้าย เต๋ย เหยียด ฒู้ง หล่าว ย่าง เญย สี่ เซ ฮนั้ง หฌุ่น โซว เฟี้ย เจี๊ยน หฑั่ง, เบ๊าะ เจี๊ยน เหยียน. สี ก๊อง เมี่ยน เฒาะ โซว ปุน เต้า ไฮ่ โตะ โซว เญย เมี่ยน หย่า บั๋ว นิ่น, “โท้ โตะ น้าย โอ่,” นิ่น ฯฒฯ ก๊อง, “เยีย ไม้ ไฮ่ โตะ เหว่ย หฒุ โซว เบ๊าะ เจี๊ยน เหยียน.” 12ไฟ สี ก๊อง เมี่ยน แอ๋ง เฒาะ น้าย หฌุ่น โซว ปุน ไม้ เฒียะ หฑั่ง เญย เมี่ยน หย่า ก๊อง, “โท้ โตะ น้าย โอ่,” นิ่น ฯฒฯ เตา, “เยีย เฒียะ ไม้ ตุ๊ หฑั่ง.”
13เฒี้ยว ก๊อง,
“น้าย เต๋ย เมี่ยน ต้าย ล์อ เยีย,
หล่ง นิ่น บัว เญย ฑุ่ย#29:13 ฮิบลู หว่า ก๊อง ฑุ่ย เหมย. ท่าย เยีย,
มป่า นิ่น บัว เญย เฮญี้ยว เล่ย ตุ๊ เยีย โก.
นิ่น บัว ท่าย เยีย,
เซ ขูง หล่ง เมี่ยน หฌาว เญย เล์ย ฮนั้ง.”#มัดทาย 15:8-9; มาโค 7:6-7
14เหว่ย น้าย เยีย อ๋อย โหฒว เผย ฝู่ เญย สี่ เหยียด คัง เจี๋ย เหยียด คัง,
ปุน น้าย เต๋ย เมี่ยน บัวะ ฮ่อง ไห่.
ธง-เม่ง เมี่ยน เญย ธง-เม่ง อ๋อย หฒุ เหมียด,
ม่าย ว่วน ฒาง เญย เมี่ยน เญย ว่วน ฒาง หย่า อ๋อย หฒุ เกม เจี๊ยน.#1 โคลินโท 1:19
15เฒาะ นิ่น บัว ต๊า เญย หฒะเอ๋ย ปี๋ง เฒี้ยว วั้ว เต๋ย อ๋อย หฒุ โค้ว อ๊ะ,
เซ ต้ง เยียม หฮมวัง ฒง โหฒว นิ่น บัว เญย สี่
หย่า ก๊อง, “หาย เต้า ปวัด เยีย บัว? หาย เต้า ฮิ้ว ตุ๊ เยีย บัว?”
16เม่ย บัว เฒาะ หญู่งๆ เบี๊ยน หฑวน เหฑ่ง,
ฯฒฯ ฮนั้ม ต้าย นั้น เนีย หฒั่ง เหธา ปะไน่ เนีย ฟี่ ฮนั้ง.
นั้น ต้าย เญย กะน้าย ไฮ่ บั๋ว นั้น นิ่น ต้าย เญย หฒั่ง เมี่ยน,
“นิ่น ไม้ เฒ์ย นั้น เยีย ต้าย”,
ไฟ นั้น ต้าย เญย กะน้าย ไฮ่ บั๋ว นั้น นิ่น ต้าย วั้ว เต้า,
“นิ่น ไม้ ฮิ้ว ตุ๊ หาย หญู่ง” ไฟ?#อิสะยา 45:9; โลมา 9:20
หฒัวะ อิสะลาเอน หฑวน
17ไม้ เฒ์ย ขูง ม่าย ติ๊ เตียน เฒี่ยง โห่ ไฟ?
เลบานอน ฯฒฯ ทิ้ว เป๋น เดา-จุ่น,
เดา-จุ่น หย่า ปวัด ฮนั้ง เดี๋ยง-หล่ม.
18เถา วั้ว ฮนอย มน่อม ดูง เญย เมี่ยน
ไฮ่ หมวัง ตุ๊ ไฮ์ น้าย หฌุ่น โซว เญย หว่า.
มฒีง แม่ง เมี่ยน เญย มฒีง อ๋อย เยียม มับ หฮมวัง กะญั์ว
ไฮ่ หมั่ง ตุ๊ ปวัด.
19เหญี่ยม กั้น โหฒว ไฝ เญย เมี่ยน
อ๋อย เขา เฒี้ยว แอ๋ง ตุ๊ เฌียน-โย่ว.
เยียม หฒวัง ป้าม เมี่ยน บุด๋ง เญย เมี่ยน จ่ม เมี่ยน
อ๋อย เธง อิสะลาเอน เญย ธีง-เหฑ่ง ทิน-ฮู่ง.
20เมี่ยน โตะ เมี่ยน อ๋อย หฒุด เหฑ่ง,
ฮว้วด เมี่ยน เญย เมี่ยน อ๋อย เหฑ่ง หมี่ อ๊ะ.
เหยียด ฒู้ง ล์อ ฉัง โหฒว เอ๊าะ เญย เมี่ยน อ๋อย หฒุ ไพ กวั่ง,
21เซ นิ่น บัว ก๊อง โจ๋ว หว่า ปุน ฒุ์ย ด๊อด หฒุ ไม้ โหฒว ต่อง เญย เมี่ยน,
หย่า ต๊า หฒะเอ๋ย ฮลบ หฒุ เยียม ฒี่ง แก้ง เบ่น สี่ เญย เมี่ยน,
หย่า โหฒว จ๊า ฒอง-เหฒง ปุน คู้ เมี่ยน ไม้ ตุ๊ แป้ง ฟิม.
22เหว่ย น้าย เฒี้ยว, ต้ง เหฌียว อับลาฮัม เปย๋า ดุ๊ด โค้ว เญย สี่#29:22 ฮิบลู หว่า ก๊อง หฒัวะ อับลาฮัม. วั้ว เต้า, ก๊อง บั๋ว ยาโค้บ เญย เฒ้ย-ฟุน,
“ยั่ง น้าย มี่ง ยาโค้บ เญย เฒ้ย-ฟุน ไม้ หฒุ ไญ้.
ยั่ง น้าย มี่ง นิ่น บัว เญย เฮมียน หย่า ไม้ ถุย เซ้ด.
23นิ่น บัว ปวัด เยีย#29:23 ฮิบลู หว่า ก๊อง เยีย เญย ปั์ว. เหธย ปุน นิ่น บัว เญย เฒ้ย-ฟุน เยียม นิ่น บัว บุด๋ง,
นิ่น บัว ฯฒฯ ท่าย เยีย เญย เม่ง ธีง-เหฑ่ง.
นิ่น บัว อ๋อย เหญี่ยม ยาโค้บ เญย ธีง-เหฑ่ง ทิน-ฮู่ง เซ หฒะเก้ง ธีง-เหฑ่ง,
หย่า ท่าย อิสะลาเอน เญย ทิน-ฮู่ง.
24เฮญี้ยว ฮนั้ม ต่อง เญย เมี่ยน ฒู้ง ไฮ่ เม่ง แปะ,
หละงบ เญย เมี่ยน หย่า อ๋อย อะเฮน้ย ฒิบ หฌาว เญย หว่า.
Currently Selected:
อิสะยา 29: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
