อิสะยา 23
23
โต่ว หว่า ก๊อง ไทละ
1น้าย เซ ก๊อง ไทละ เญย หว่า.
โอ ทานซิด เญย ฑั้ง#23:1 น้าย เซ กัน ค้อย มี่งๆ ต้ายๆ โหฒว แซง-เอ๋ย เญย ต้ม ฑั้ง. อ่า, อ๋อย หฒุ เญี้ยม ตุ๊ เฮญี้ยว มุน ไห่,
เหว่ย หฒุ ไทละ ฒี่ง หฒุ ป่าย หว่าย,
ไม้ ม่าย เปย๊า, ไม้ ม่าย ฑั้ง-โป่ว.
เยียม ไซปัด เต่ย เญย ค้อย-โฑว,
เม่ย บัว ตุ๊ ฒิบ น้าย เต๋ย หว่า.#เอเสเคน 26:1—28:19; โยเอน 3:4-8; อาโม้ด 1:9-10; เสคาลิยา 9:1-4; มัดทาย 11:21-22; ลูกา 10:13-14
2เม่ย บัว เยียม ค้อย-โฑว เญย เมี่ยน,
เหธา เยียม ไซดอน เญย แซง-เอ๋ย เมี่ยน,
ต้ง กัน ค้อย ม์าย หม่าย ฯฒฯ เถง เม่ย บัว โหฒว ปู๋ง-หฒัวะ เญย เมี่ยน อ้า!
เม่ย บัว อ๋อย หฒุ เซ้ก เหฑียะ.
3ซิโห เญย ล่าง หฒิ
กัน ต้ม ววม ต้าย.
ไทละ ปั่ง ไนอา เญย แกง-หฒวัง
ตุ๊ ญ่าน เปียะ.
ไทละ ฯฒฯ เป๋น หม่าน กั๊วะ ม์าย หม่าย เญย ต้ม ต๋อง.
4โอ ไซดอน อ้า! เม่ย อ๋อย หฒุ ไญ้ อ๊ะ,
เหว่ย หฒุ ค้อย, เซ ค้อย ว้วน เญย ต๋อง ก๊อง,
“เยีย ไม้ มุน เจี๋ย กู้งว์า หย่า ไม้ ยู์ง เจี๋ย.
เยีย ไม้ ตุ๊ ต้อ ตอน ไฟ เซียะ โฮล ต้าย.”
5น้าย เต๋ย เฝียน เถา อียิบ,
อียิบ เมี่ยน เหว่ย ไทละ เญย เจ๊า-โหล่ว เฑ่า ตุ๊ โค้ว ไห่.
6เจี๋ย มี่ง เถา ทานซิด ม่าะ!
เม่ย บัว เยียม ค้อย-โฑว เญย เมี่ยน#23:6 ไฟ ค้อย-เฮลน เญย เมี่ยน. อ้า! อ๋อย หฒุ เญี้ยม บุย.
7น้าย เซ เม่ย บัว เหน่า หญิด เญย ฒี่ง,
ต้ง โล์! ฮนอย เหลียบ ต้าย เญย ฒี่ง ไฟ?
ต้ง เยียม หน่าย กะญั์ว เญย แปะ ฝีง#23:7 ฮิบลู หว่า ก๊อง เหฒา. ต้อ มี่ง
เยียม โก เญย เต่ย-ปูง เหลียบ ต๋อง เยียม ไฟ?
8หาย เต้า ฮนั้ง น้าย ต๊า หฒะเอ๋ย โหฒว ปุน ไทละ?
ไทละ เหธย ฮู่ง นี้ง ปุน เมี่ยน.
นิ่น เญย แซง-เอ๋ย เมี่ยน เซ ฮู่ง ตอน,
นิ่น เญย ม์าย หม่าย เมี่ยน เซ ลู่ง เดี๊ย เมี่ยน ท่าย เญย.
9เซ เน่น เจี๋ย เญย เฒี้ยว ต๊า หฒะเอ๋ย,
อ๋อย ปุน เหยียด ฒู้ง โหฒว เหมา เญย ฌัง-หล่าง หฒุ ไญ้,
ปุน ลู่ง เดี๊ย เมี่ยน ท่าย เญย เหยียด ฒู้ง เมี่ยน หฒุ ป่าย เฮมียน.
10ทานซิด เมี่ยน#23:10 ฮิบลู หว่า ก๊อง ทานซิด เญย เซียะ. อ้า! กุ๊น ธ้วด มี่ง โหฒว ลี่ง เต่ย อ๊ะ,
ฮนั้ง เมี่ยน เยียม ไนอา ด้าย เฮลน โหฒว นอ.
อี้ หฒั่น ไม้ ม่าย หาย เต้า ล่าน เม่ย บัว.#23:10 ไฟ “ไม้ ม่าย หาย เต้า เปว เม่ย บัว.” น้าย เหยี่ยม เญย ฮิบลู หว่า อะ ตุ๊ เปียะ เฮญี้ยว.
11 เฒี้ยว ซูง นิ่น เญย ปั์ว เจี๋ย ค้อย กู้ หงว่าย,
นิ่น ฆั้ม ต์ง หม่าน กั๊วะ.
นิ่น เหฌี่ย หลี่ง หัด
อ๋อย หฒุ เหมียด เหฑ่ง คานาอัน เว่ย ว้วน เญย ต๋อง.
12นิ่น ก๊อง, “โอ หฒุ เหฒย เญย ไซดอน เมี่ยน อ่า,#23:12 ฮิบลู หว่า ก๊อง “ไซดอน ไม้ เปว๋ย เจี๋ย ตอน เญย เซียะ”.
เยียม น้าย มี่ง เม่ย ไม้ ตุ๊ เหน่า หญิด.
“เจี์ย ต้าย, มี่ง วั้ว หง่าน ไซปัด ค้อย-โฑว ม่าะ!
ไม้ กุ๊น เยียม หน่าย เม่ย ไม้ ตุ๊ แป้ง ออน.”
13หมั่ง บาบีโลน เมี่ยน#23:13 ไฟ เคนเดีย เมี่ยน. เญย เต่ย-ปูง ม่าะ!
อี้ หฒั่น ไม้ เป๋น หาย หญู่ง เมี่ยน อ๊ะ!
เซ อัดซีเลีย เมี่ยน#23:13 ม่าย เต๋ย โซว ฟาน ต้าย ก๊อง “เซ น้าย เต๋ย เมี่ยน, ไม้ เฒ์ย อัดซีเลีย เมี่ยน.
ตี่ง เหฒียง ปุน ไทละ
เป๋น เฮยี่ย ฒ่อย เยียม เญย ต๋อง.
นิ่น บัว เหธย ล่าว เว่ย เจี๊ยน ฒี่ง,
หย่า แธะ เหฌี่ย ไทละ เญย หฒวัง ฮู่ง ติ่น,
ปุน ฒี่ง เป๋น ป่าย หว่าย เญย ต๋อง.#23:13 น้าย เหยี่ยม เญย ฮิบลู หว่า เซ ไม้ หนั่ง เม่ง.
14ทานซิด เญย ฑั้ง อ้า! อ๋อย หฒุ เญี้ยม บุย,
เหว่ย หฒุ เม่ย เว่ย ว้วน เญย ต๋อง หฒุ ป่าย ฮวาง.
15เถา วั้ว หฒั่น ไทละ ฯฒฯ หฒุ เมี่ยน หละคุ ปวั๊ง เธี้ยด เหฒียบ หฮญัง, ด่ง เหยียด ต่อย ฮู่ง เญย หฮญัง-เจ๊ย เล่า. เธี้ยด เหฒียบ หฮญัง เจี๋ย ลิ์ว, ไทละ ฯฒฯ ฮนั้ง หม่าย ซิน เญย มเซียะ ตอน#23:15-18 เยียม น้าย เต๋ย เปยย เหยี่ยม เญย ฮิบลู หว่า เฒาะ แซง-เอ๋ย ม์าย หม่าย เญย เจ๊า เป๊ย หม่าย ซิน เญย มเซียะ เญย เจ๊า. ป๋าว เญย ฑูง.
16“โอ ต้ง เมี่ยน หละคุ เญย หม่าย ซิน เญย มเซียะ ตอน อ้า!
ต้อ ต้าน ป้า โย่ว ก๋อม ฒี่ง.
อ๋อย หฒุ พัด ต้าน ป้า คู่ หมวัง, ป๋าว ฑูง ธั้ม,
เหว่ย ปุน เมี่ยน จั๋ง หฒุ เม่ย.”
17เจี๋ย ลิ์ว เธี้ยด เหฒียบ หฮญัง, เฒี้ยว ฯฒฯ ปุน ไทละ หฑวน ต้าย โหฒว แซง-เอ๋ย ฮนั้ง โล์ วั้ว นอ. ลู่ง เดี๊ย หม่าน กั๊วะ แอ๋ง เหธา นิ่น ม์าย หม่าย จิว ทง. 18เหว่ย ไทละ ฒี่ง เญย เมี่ยน ม์าย หม่าย ตุ๊ ต้าย เญย ญ่าน นิ่น ฯฒฯ ฝูง ปุน เฒี้ยว. นิ่น ไม้ เซียว ไฟ อัน เจี๊ยน วั้ว. มป่า นิ่น เญย เหล่ย ฒิ่น นิ่น ปุน หฒั่ง เฒี้ยว เญย เมี่ยน, เหว่ย ปุน นิ่น บัว ตุ๊ หญั่น เป๊ว หย่า ฒุ เหฑว่ย เญย ลุย-โหว.
Currently Selected:
อิสะยา 23: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
