อิสะยา 20
20
โต่ว หว่า ก๊อง อียิบ เหธา เอทีโอเปีย
1อัดซีเลีย เญย ฮู่ง, ซากอน, พ้าย นิ่น เญย ต้ม แปง-เปย๊ย มี่ง อัดโดด วั้ว หฮญัง, นิ่น ฯฒฯ มี่ง เบ๊าะ แอ๋ง ธ้าง ตุ๊ วั้ว นอม ฒี่ง หมี่ อ๊ะ. 2วั้ว หฒั่น, เฒี้ยว หล่ง อาม้อด เญย ตอน, อิสะยา, โต่ว หว่า. เฒี้ยว บั๋ว นิ่น, “เม่ย ไจ๊ ฆอย เม่ย ไซ จ๊าย เญย ล่าม่า เดีย-โธว หย่า ทุด ฆอย เฮ่.” อิสะยา ฯฒฯ เอย เจี๊ยน โหฒว, ซิน แล่ง แก๊ง เญย, เฮ่ หย่า ไม้ ตาบ, เจี๋ย น้าย เจี๋ย วั้ว.”
3 เฒี้ยว ก๊อง, “ฮนั้ง เยีย เญย โปว, อิสะยา, ซิน แล่ง แก๊ง เญย, เฮ่ หย่า ไม้ ตาบ, เจี๋ย น้าย เจี๋ย วั้ว ปัว หฮญัง เหว่ย โหฒว จั๋ง-โห่ เหธา เป๊ย เญย เจ๊า#20:3 เป๊ย หมั่ง อิสะยา 8:18. ต๊น อียิบ เหธา เอทีโอเปีย,#20:3 เซ คู้ด. 4ฮนั้ง หน่าย อัดซีเลีย ฮู่ง อ๋อย กว๊าด อียิบ เมี่ยน มี่ง หย่า ธ้าง เอทีโอเปีย เมี่ยน, ไม้ กุ๊น โก๋ หลุน, ซิน แล่ง แก๊ง เญย, เฮ่ หย่า ไม้ ตาบ, กู้ ค้วด-นอม ธ้วด, ปุน อียิบ เมี่ยน หฒุ ไญ้. 5เขา เอทีโอเปีย ม่าย ลั่ม ฮนั้ม หย่า ปู๋ง หว่า-เหมา อียิบ วั้ว เต๋ย ฯฒฯ กั้ม เหฑีย หย่า หฒุ ไญ้. 6วั้ว ฮนอย เยียม น้าย ติ้ว ค้อย-เฮลน เญย เมี่ยน ฯฒฯ ก๊อง, ‘หมั่ง ม่าะ! เยีย บัว ม่าย ลั่ม ฮนั้ม เญย หย่า เปย๋า มี่ง ล์อ เถง เยีย บัว เปย๋า ดุ๊ด อัดซีเลีย เมี่ยน วั้ว เต๋ย ปวั้ง เญย สี่. วั้ว หญู่ง, เยีย บัว นี? เยีย บัว ฮนั้ง หาย นอ ไฮ่ เปย๋า ตุ๊ ดุ๊ด?’”
Currently Selected:
อิสะยา 20: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
