อิสะยา 2
2
ทิน-ฮู่ง อ๋อย แป้ง ออน เญย กุ๊น ลู่ง เดี๊ย
(เป๊ย หมั่ง มีคา 4:1-3)
1น้าย เซ อาม้อด เญย ตอน, อิสะยา, ปวัด หล่าว ย่าง เญย สี่ ก๊อง เถา ยูดา เหธา เยลูซาเลม.
2ฆะฮ้า ลาย เญย ฮนอย,
หฒั่ง เฒี้ยว เญย เปย๊า เยียม เญย บง
ตุ๊ เหลียบ เก้า ฮลัง เจี๋ย หฒวัง บง.
ฒู้ง อ๋อย เหธย เก้า ฮลัง เจี๋ย เหยียด ฒู้ง บง-ไอ๊.
หม่าน กั๊วะ เมี่ยน หย่า อ๋อย ดุดๆ เญย ต้าย.
3ธั้ม-ฝีง เมี่ยน อ๋อย ต้าย ก๊อง,
“ต้าย ม่าะ! บัว ล่ม ฑ่อย ฝาว เฒี้ยว เญย บง,
มี่ง เถา ยาโค้บ เญย ทิน-ฮู่ง เญย เปย๊า,
ปุน นิ่น หฌาว บัว ฮิ้ว ตุ๊ นิ่น เญย เจ๊า,
เยีย บัว ฯฒฯ ตุ๊ กัน นิ่น เญย เจ๊า ยั่ง.
เหว่ย หฒุ นิ่น เญย เล์ย-หลัด อ๋อย เยียม สิโอน ธ้วด,
เฒี้ยว เญย หว่า อ๋อย เยียม เยลูซาเลม ธ้วด มี่ง.”
4นิ่น อ๋อย เซี้ยม น้าย นอม กั๊วะ เหธา วั้ว นอม กั๊วะ กะญั์ว เญย สี่,
หย่า เหว่ย ธั้ม-ฝีง เมี่ยน ตุ๋น สี่.
นิ่น บัว ฯฒฯ เฒาะ นิ่น บัว เญย หฑุ ด๊าว ต๊า เป๋น ไล่ เปย๊ย,
นิ่น บัว เญย ธัง ต๊า เป๋น พิด เดี๋ยง-ฆว่า เตว๊ย เญย ลิ่ม เงา.#โยเอน 3:10; มีคา 4:3
กั๊วะ เหธา กั๊วะ เหยียด ลิ์ว ไม้ แอ๋ง เบ๊าะ จ๋า,
เยียม น้าย มี่ง ไม้ โหะ หลิ่น เบ๊าะ จ๋า เญย เจ๊า อ๊ะ.
5โอ ยาโค้บ เญย เฒ้ย-ฟุน อ้า! ต้าย ม่าะ!
ปุน บัว กัน เจี๊ยน เฒี้ยว เญย ฌัง ยั่ง.
ทิน-ฮู่ง อ๋อย เซี้ยม โหฒว เหมา เญย เมี่ยน
6เม่ย กวั่ง เม่ย เญย แปะ ฝีง, ยาโค้บ เญย เฒ้ย-ฟุน,
เหว่ย หฒุ นิ่น บัว เญย กั๊วะ
ม่าย ตง ปูง ต้าย โหฒว ฟ้าด เญย เจ๊า ปวั๊ง เหฑ่ง.
นิ่น บัว โบ๊ว กว๋า ฮนั้ง ฟีลิสะเตีย เมี่ยน,
หย่า เอย เจี๊ยน กั้น ฝีง เมี่ยน เญย เล์ย-ฝีง โหฒว.#2:6 ฟาน หฒะ ฮิบลู หว่า ก๊อง “...นั้น กั้น ฝีง เมี่ยน เญย ปั์ว”.
7นิ่น บัว เญย กั๊วะ ม่าย เจียม ญ่าน ปวั๊ง เหฑ่ง,
นิ่น บัว เญย ฒิ่น ฒ่อย ไม้ ม่าย โสว โหม่ว.
นิ่น บัว เญย เต่ย-ปูง ม่าย ม์า ปวั๊ง เหฑ่ง.
นิ่น บัว เบ๊าะ จ๋า เญย ม์า-เธีย หย่า ซ้าว ไม้ ฮี่ง.
8นิ่น บัว เญย กั๊วะ ม่าย หมิ่ว-ฝัง ปวั๊ง เหฑ่ง,
นิ่น บัว เกว่ย เหฌี่ย ป๋าย นิ่น บัว กั้น เญย ปั์ว โหฒว ต้าย เญย กะน้าย,
เซ นิ่น บัว กั้น เญย ปั์ว-โด๊ะ โหฒว ต้าย เญย กะน้าย.
9เต้าๆ เมี่ยน ฯฒฯ หฒุ ฒัด เหฌี่ย,
หย่า หฒุ ไญ้, หฒุ ป่าย เฮมียน.
ไม้ ตู๋ง กวั่ง นิ่น บัว เญย ฒุ์ย.#2:9 ไฟ “ไม้ ตู๋ง โป้ว นิ่น บัว ฝาว”.
10อ๋อย หฒุ เปียะ แบ๋ง-ค้วด,
ปี๋ง เจี๊ยน เดา-ค้วด กะญั์ว,
เหว่ย กั้ม เหฑีย ไห่ เฒี้ยว #2:10 ไฟ “เหว่ย เปย๋า ดุ๊ด, ไม้ หฒุ เฒี้ยว โน์ว”.
เหธา นิ่น ฌัง-หล่าง เญย ฮ่าง ต้าว.#หล่าว ย่าง 6:15; 2 เทสะโลนิกา 1:9
11มฒีง ฮลัง, โหฒว เหมา เญย เมี่ยน อ๋อย หฒุ ฒัด เหฌี่ย,
เธง-โฮล เญย เมี่ยน อ๋อย หฒุ ป่าย เฮมียน.
เถา วั้ว ฮนอย ขูง เฒี้ยว กั้น ตุ๊ เมี่ยน ท่าย.
12เน่น เจี๋ย เญย เฒี้ยว ตี่ง นอม ฮนอย
เหว่ย ปุน เหยียด ฒู้ง โหฒว เหมา, เธง กั้น โฮล,
เหธา เหยียด ฒู้ง ท่าย กั้น เญย เมี่ยน.
นิ่น บัว ฒู้ง หฒุ ฒัด เหฌี่ย ไอ๊,
13เหว่ย เลบานอน โฮล ฮลัง เญย เหยียด ฒู้ง สีดา ฒ่ง เดี๋ยง,
เหธา บาซาน เญย เหยียด ฒู้ง บะอง เฒวย เดี๋ยง,
14เหว่ย เหยียด ฒู้ง ต้ม ฒอง
เหธา เหยียด ฒู้ง บง-ฮลัง.
15เหว่ย นอมๆ ฮลัง ไห่ เญย ล่าว,
เหธา นอมๆ ว้วน เญย ฒี่ง หลาด.
16เหว่ย ทานซิด เญย โผวๆ ต้ม ฑั้ง,
เหธา เหยียด ฒู้ง เหฑว่ย ไห่ เญย ฑั้ง.
17โหฒว เหมา เญย เมี่ยน อ๋อย หฒุ ฒัด เหฌี่ย ไอ๊,
เธง-โฮล เญย เมี่ยน หย่า อ๋อย หฒุ ป่าย เฮมียน.
เถา วั้ว ฮนอย ขูง เฒี้ยว กั้น อ๋อย ตุ๊ เมี่ยน ท่าย.
18เหยียด ฒู้ง หมิ่ว-ฝัง หย่า อ๋อย หฒุ ป่าย เหฑ่ง.
19 เฒี้ยว เจี์ย ต้าย ปุน เดา ต์ง วั้ว หฒั่น,
เมี่ยน ฯฒฯ เปย๋า เปียะ หละเปย๊ย-แบ๋ง เญย ค้วด,
หย่า เปียะ เดา เญย ค้วด,
เหว่ย กั้ม เหฑีย ไห่ เฒี้ยว, #2:19 เป๊ย หมั่ง อิสะยา 2:10
หย่า เปย๋า ดุ๊ด นิ่น ฌัง-หล่าง เญย ฮ่าง ต้าว.
20เถา วั้ว ฮนอย, เมี่ยน อ๋อย เฒาะ เหว่ย กั้น โหฒว ต้าย ป๋าย เญย เจียม-หมิ่ว-ฝัง เหธา ญ่าน หมิ่ว-ฝัง,
ฒอย ปุน โล่ว เหธา บะบุย.
21 เฒี้ยว เจี์ย ต้าย ปุน เดา ต์ง วั้ว หฒั่น,
เมี่ยน อ๋อย เปย๋า เปียะ หละเปย๊ย-แบ๋ง-ค้วด เหธา แบ๋ง-ง่าม,
เหว่ย กั้ม เหฑีย ไห่ เฒี้ยว, #2:21 เป๊ย หมั่ง อิสะยา 2:10
หย่า เปย๋า ดุ๊ด นิ่น ฌัง-หล่าง เญย ฮ่าง ต้าว.
22เล่ย ฆอย, ไม้ ตู๋ง เขา ป้าม เมี่ยน.
ไม้ กุ๊น นิ่น เญย บะฒอง ม่าย เฉีย เท้า,
ไฮ่ ฝุน นิ่น เป๋น หาย หญู่ง ม่าย ลั่ม หล่ง?
Currently Selected:
อิสะยา 2: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007