โฮเซยา 5
5
อิสะลาเอน เหธา ยูดา หฒุ ตี่ง ฒุ์ย
1“ไซ เมี่ยน อ้า! หมวัง น้าย ม่าะ!
อิสะลาเอน เญย เฒ้ย-ฟุน อ้า! อ๋อย หฒุ หล่ง เฮญี้ยว หมวัง.
ฮู่ง เญย เฒ้ย-ฟุน อ้า! อ๋อย หฒุ แปง มน่อม หมวัง หลง,
เหว่ย หฒุ เม่ย บัว อ๋อย หฒุ เซี้ยม อ๊ะ.
หลาย เม่ย บัว เยียม มิดปา ฮนั้ง นอม ฮลาง-ฮลบ นอ,
หย่า เยียม ทาโบ บง ฮนั้ง แฒง เญย มู์ง.
2นิ่น บัว เยียม ซิดทิม#5:2 ม่าย เต๋ย โซว ก๊อง อาคาเซีย. โหฒว ไต๋ เมี่ยน เญย สี่ เซียม ไห่,#5:2 เมี่ยน ไม้ ฮิ้ว ตี่ง น้าย โจ๋ว ฮิบลู หว่า เญย เอ๋ย เล์ย. ม่าย เต๋ย โซว ฟาน ต้าย ก๊อง เว้ด ค้วด โด ไห่.
มป่า เยีย อ๋อย เบ๊าะ หฌาว นิ่น บัว เหยียด ฒู้ง.
3เยีย ฮิ้ว เอฟาอิม เญย,
อิสะลาเอน หย่า ปี๋ง เยีย ไม้ เบว์ย.
เอฟาอิม อ้า! อี้ หฒั่น เม่ย โหฒว เหฮยียน เญย สี่,
อิสะลาเอน หฒุ ม่าย หวุย.
4“นิ่น บัว โหฒว เญย สี่ ตั๊ง เจี๊ยน
ปุน นิ่น บัว ไม้ ไฮ่ หฑวน มี่ง ล์อ ทิน-ฮู่ง,
เหว่ย หฒุ นิ่น บัว ม่าย เฮญี้ยว เหฮยียน,
นิ่น บัว หย่า ไม้ ฮิ้ว ตุ๊ เฒี้ยว.
5อิสะลาเอน โหฒว เหมา เญย เจ๊า
ตอง เจี๊ยน นิ่น กั้น เญย เฮมียน โหฒว ฒอง-เหฒง โก๋ นิ่น กั้น.
อิสะลาเอน เหธา เอฟาอิม
หลาย กั้น โหฒว ต่อง เญย ฒุ์ย ดิ๊ หฒุ ดอบ.
ยูดา หย่า เหธา เจี๊ยน นิ่น บัว ดิ๊ หฒุ ดอบ.
6นิ่น บัว ต้อ เจี๊ยน ปะกี ยู่ง กวั้น, ง่ง กวั้น
มี่ง ล์อ เฒี้ยว,
มป่า นิ่น บัว ล์อ ไม้ ปวัด นิ่น.
เฒี้ยว ฒู้ง เล่ย ฆอย นิ่น บัว หมี่ อ๊ะ.
7นิ่น บัว ไม้ เหฒียบ ฒัวะ เญย โหฒว ปุน เฒี้ยว,
เหว่ย หฒุ นิ่น บัว ยู์ง เญย เซ กู้งว์า-ทอย.
เถา เซียง-หฮลา นิ่น บัว,
เลี่ยม นิ่น บัว เญย แกง-หฒวัง
อ๋อย หฒุ เมี่ยน นะ เหฑ่ง.#5:7 ฟาน หฒะ ก๊อง “ อี้ หฒั่น เซียง-หฮลา อ๋อย เหมียด นิ่น บัว, เลี่ยม นิ่น บัว เญย เด่ย”.
8อ๋อย หฒุ เยียม กิเบอา ปย๊ม จอง,
เยียม ลามา ปย๊ม หฑัด.
เยียม เบดอาเวน#5:8 เป๊ย หมั่ง โฮเซยา 4:15. เห่ว ธ้วด เฉีย บุย,
เบนยามิน อ้า! อ๋อย หฒุ ซิน หฒิน.#5:8 น้าย เซ กัน กีก หว่า. ฮิบลู หว่า ก๊อง กัน เม่ย อ๊ะ.
9เถา ตี่ง ฒุ์ย เญย ฮนอย
เอฟาอิม หฒุ เป๋น เดา-ฮวาง.
เยียม อิสะลาเอน เญย ฝีง บุด๋ง
เยีย ฒุ่น ก๊อง เฒียน เญย สี่.
10ยูดา เญย เจียน
อี้ หฒั่น ฮนั้ง ซุ้ย กั๊บ-จ๋าย เญย เมี่ยน.
เยีย เญย กะเฉีย อ๋อย แป๊ด ธ้วด
ฮนั้ง โต๋ ววม เหฌี่ย นิ่น บัว.
11เอฟาอิม หฒุ เหฒย,
หฒุ งัด เจี๊ยน หลาย หฒุ ตี่ง ฒุ์ย,
เหว่ย หฒุ นิ่น บัว ตี่ง เฮญี้ยว
กัน ไม้ ลั่ม หล่ง เญย เจ๊า.
12ฮนั้ง หน่าย เยีย เหว่ย เอฟาอิม ฮนั้ง นอม แปะ เหยียะ,
หย่า เหว่ย ยูดา เญย เฒ้ย-ฟุน ฮนั้ง เดี๋ยง-ลัด.
13เอฟาอิม ปวัด กั้น ปุ๊ด แป่ง,
ยูดา ปวัด กั้น หฒุ เซียง เญย ต๋อง,
เอฟาอิม ฯฒฯ มี่ง ล์อ อัดซีเลีย,
พ้าย เมี่ยน มี่ง ล์อ ต้ม ฮู่ง เตี๋ย.
มป่า นิ่น ไม้ ไฮ่ หฒ่อ เม่ย บัว,
หย่า ไม้ ไฮ่ หฒ่อ เม่ย บัว หฒุ เซียง เญย ต๋อง.
14เยีย ฒู้ง อ๋อย ต๋อย เอฟาอิม ฮนั้ง เต้า เซี่ยน,
หย่า ต๋อย ยูดา เญย เฒ้ย-ฟุน ฮนั้ง เต้า เซี่ยน หลุน.
เยีย, เซ ต้ง เยีย กั้น, อ๋อย เป๊ด นิ่น บัว.
เยีย เป๊ด ลิ์ว, มี่ง หมี่ อ๊ะ.
เยีย ทอ นิ่น บัว มี่ง หย่า ไม้ ม่าย หาย เต้า ไฮ่ เหฌียว ตุ๊.
15เยีย อ๋อย หฑวน เยีย เญย ต๋อง,
ฒั้ว เถา นิ่น บัว เหญี่ยม นิ่น บัว โหฒว ต่อง เญย ฒุ์ย
แอ๋ง ล์อ เยีย เญย หฑะเฮมียน.
นิ่น บัว หฒุ โค้ว เญย เฒี่ยง โห่
นิ่น บัว ฯฒฯ เจี้ยน ล์อ เยีย.
Currently Selected:
โฮเซยา 5: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
