ฮิบลู 12
12
ทิน-ฮู่ง โหฒว บัว เญย เตีย
1ฮนั้ง หน่าย, บัว ม่าย ฒอง-เหฒง เมี่ยน ด่ง หน่าย ธั้ม เว่ย เจี๊ยน บัว, บัว ฯฒฯ อ๋อย หฒุ กวั่ง เหยียด ฒู้ง ท้อง เจ๊า เญย กะน้าย หย่า กวั่ง อ้าโหล่ เญา เจี๊ยน บัว เญย ฒุ์ย. หย่า อ๋อย หฒุ หล่ง หน่อย เตี๊ย เจี๊ยน ถิว, หูง เจี๊ยน มี่ง เถา ตี่ง ต้าย เญย ต๋อง. 2ถิว มี่ง อ๋อย หฒุ หมั่ง ตี่ง เยซู, เหว่ย หฒุ เยซู โหฒว กอน ปุน บัว เสียน หย่า อ๋อย ปุน บัว เสียน ตุ๊ ตุ้น ยุ่น. นิ่น เยียม เหฒียบ หฑั่ง จ๋า เตี๊ย โค้ว, หย่า ฝุน เยียม เหฒียบ หฑั่ง จ๋า เตี๊ย ไญ้ เซ ไม้ หล่ง เจี๊ยน เหว่ย ฆะฮ้า ฮี้ง อ๋อย ตุ๊ เญย ออน-เหลาะ. อี้ หฒั่น นิ่น ฒู้ง เฒว์ย เจี๊ยน ทิน-ฮู่ง เญย เหว่ย บย่าว แหมง ปูง.
3เม่ย บัว ฮนั้ม หมั่ง ก๋า, นิ่น อ๋อย หฒุ ด่ง หน่าย เตี๊ย ฒุ์ย-เมี่ยน เหธา นิ่น ต๋อย-เตก. ฮนั้ง หน่าย, เม่ย บัว ไม้ ตู๋ง เฮญี้ยว หนัม, ไม้ ตู๋ง เซวย. 4เม่ย บัว เหธา ฒุ์ย ป์อง จ๋า, เม่ย บัว ไม้ แก้ง แหง่ง เจี๊ยน ป์อง เถา หฒุ ไต๋ ไต่.#12:4 กีก หว่า ก๊อง เถา ฑย้าม เหลี่ยว ธ้วด. เอ๋ย เล์ย เซ เถา ไต่. 5เม่ย บัว หละคุ ทิน-ฮู่ง ขวิน เม่ย บัว ฮนั้ง เตีย ขวิน ตอน วั้ว เต๋ย หว่า ไฟ? นิ่น ก๊อง,
“เยีย เญย ตอน อ่า, เฒี้ยว เบ๊าะ หฌาว เญย เฒี่ยง โห่ อ๋อย หฒุ หมวัง หลง,
นิ่น ก๊อง-หฌาว เญย เฒี่ยง โห่ ไม้ ตู๋ง เฮญี้ยว หนัม.#โย้บ 5:17; ธง-เม่ง หว่า 3:11-12
6เหว่ย หฒุ เฒี้ยว เบ๊าะ หฌาว นิ่น ฮนั้ม เญย เมี่ยน,
นิ่น ฒิบ หาย เต้า โหฒว ตอน,
นิ่น หย่า หล่ง ปย๊า ฟิด.”
7เม่ย บัว หฒุ เตี๊ย เญย โค้ว หน่าน เซ เหว่ย เบ๊าะ หฌาว. ทิน-ฮู่ง โหฒว ปุน เม่ย บัว ฮนั้ง โหฒว ปุน นิ่น เญย ตอน-เจว๊ย นอ. ม่าย หาย เต้า ตอน-เจว๊ย ไม้ หฒุ นิ่น เญย เตีย เบ๊าะ หฌาว เจี๋ย? 8สี ก๊อง เม่ย บัว ไม้ ฮนั้ง นิ่น เญย ตอน บัว หฒุ เบ๊าะ หฌาว, เม่ย บัว ไม้ เฒ์ย เธียน ตอน, ขูง โหฒว ฝุเจว๊ย-ทอย ฮนั้ง. 9แอ๋ง ม่าย ติ่ว, บัว เญย เธียน เตีย เบ๊าะ หฌาว บัว, บัว หย่า บัวะ นิ่น บัว. ฮนั้ง หน่าย, บัว เหยียด เฒย อ๋อย หฒุ บัวะ บัว เญย ทิน-ต้อง เตี๋ย#12:9 กีก หว่า ก๊อง “บัว เญย ลี่ง ว่วน เญย เตีย”. ฯฒฯ ตุ๊ เฒี่ยง เจี๊ยน. 10บัว เญย เธียน เตีย เบ๊าะ หฌาว บัว เซ หฒิว นิ่น บัว ปวัด หอบ หฒุ หฌาว เญย, หย่า เหว่ย ตั้ง ป๊า ฮนั้ง. มป่า ทิน-ฮู่ง เบ๊าะ หฌาว บัว เซ เหว่ย ปุน บัว ตุ๊ หลง หย่า เหว่ย ปุน บัว ฮนั้ง นิ่น นอ, ธีง-เหฑ่ง. 11หฒุ เบ๊าะ หฌาว วั้ว หฒั่น, ไม้ ม่าย หาย เต้า เฌียน-โย่ว, ฒู้ง ไฮ์ เฑ่า เญย. มป่า หฒุ เบ๊าะ หฌาว ลิ์ว, โหะ ฮิ้ว เญย เมี่ยน ฆะฮ้า ฯฒฯ โหฒว ตุ๊ หอบ หย่า ม่าย แป้ง ออน.
หฌาว เญย เหธา ขวิน เญย หว่า
12ฮนั้ง น้าย, อ๋อย หฒุ เธา เจี์ย ไม้ ม่าย ชะ เญย ปั์ว, หย่า ปุน เมา เญย ธี่ง เบาะ เฮ้น เจี์ย ต้าย.#อิสะยา 35:3 13อ๋อย หฒุ โหฒว เจ๊า ย่วน เญย. เหฒา หว่าย เญย เมี่ยน ฯฒฯ ไม้ จา หว่าย, ต๋าว หฑวน ไฮ่ หลง เหฑ่ง.#ธง-เม่ง หว่า 4:26
14อ๋อย หฒุ หล่ง เฮญี้ยว เหธา หฒวัง เมี่ยน หอบ ฟิม ต้ง เอ๋ย เญย เยียม หย่า หล่ง เฮญี้ยว โหฒว ธีง-เหฑ่ง เมี่ยน. หาย เต้า ไม้ ธีง-เหฑ่ง, ไม้ ไฮ่ ตุ๊ ปวัด เฒี้ยว. 15อ๋อย หฒุ ไฝ ฟิม, ไม้ ตู๋ง ปุน เม่ย บัว หาย เต้า ปู๋ง ด๊อด ทิน-ฮู่ง เญย เอน, หย่า ไม้ ตู๋ง ปุน เมี่ยน ม่าย ฮนั้ง อิม ไห่ เญย เมี้ย-ฑู่ง แป๊ด ธ้วด โฮล ต้าย ปุน เมี่ยน หลุ่น, ห่อย เมี่ยน ธั้ม หว่าย.#12:15 หว่าย ไฟ ม่าย หวุย.#หฑั่ม เล์ย-หลัด 29:18 16หย่า ไม้ ตู๋ง ปุน หาย เต้า โหฒว ปวั้ง เลี่ยว เญย สี่ ไฟ ไม้ ท่าย ทิน-ฮู่ง ฮนั้ง เอซาว นอ. เอซาว เหว่ย เหยียด ต๋น หฮนาง หม่าย นิ่น โหฒว ตอน-หละเก๊า ตุ๊ ซูง-โก๊ว เญย เล์ย.#ทิน เต่ย โต้ว 25:29-34 17เม่ย บัว ฮิ้ว ตุ๊ ฆะฮ้า นิ่น อ๋อย ตุ๊ นิ่น เญย เตีย ปวัง เญย หว่า มป่า หฒุ เฆ่ม, เหว่ย หฒุ นิ่น ก๊อย วุ่ย ไม้ หฑวน นิ่น โหฒว ลิ์ว เญย สี่, ไม้ กุ๊น นิ่น ชะ ล์อ เถา ววม-เหมว่ย ธ้วด.#ทิน เต่ย โต้ว 27:30-40
18เม่ย บัว ไม้ เฒ์ย ฮนั้ง โล์-ฮนอย เญย อิสะลาเอน เมี่ยน มี่ง เถา ฮลัว ตุ๊ หฒุ เญย ซีนาย บง, ม่าย โต์ว เหฒียะ เจี๊ยน, ม่าย โต์ว-เสียว อม เจี๊ยน มับ แม่ง มับ หฮมวัง เญย, ม่าย ต้ม หฑยาว,#ธ้วด อียิบ 19:16-22; 20:18-21; หฑั่ม เล์ย-หลัด 4:11-12; 5:22-27 19ม่าย หฑัด บุย, หย่า ม่าย ก๊อง หว่า เญย เฉีย. หฒวัง เมี่ยน ไฮ์ ลิ์ว ฯฒฯ ชะ โท้ ไม้ ตู๋ง แอ๋ง เหธา นิ่น บัว ก๊อง หว่า 20เหว่ย หฒุ นิ่น บัว เสี่ยว ไม้ ตุ๊ วั้ว เต๋ย หัด เญย หว่า, “เลี่ยม แซง-คู้ ควัด หฒุ บง นอ, อ๋อย หฒุ หล่ง หละเปย๊ย ฒง เถา ไต่.”#ธ้วด อียิบ 19:12-13 21นิ่น บัว ปวัด เญย สี่ หฒะเก้ง กั้ม เหฑีย ไห่ อ๊ะ. เลี่ยม โมเซ กั้น หย่า ก๊อง, “เยีย กั้น หย่า กั้ม เหฑีย เกา, ซิน หฒิน เหฑ่ง.”#หฑั่ม เล์ย-หลัด 9:19
22เม่ย บัว มี่ง เญย เซ มี่ง เถา สิโอน บง, เถา เยียม ทิน-ต้อง เญย เยลูซาเลม ฒี่ง, ต้ง เฒี่ยง เจี๊ยน เญย ทิน-ฮู่ง เญย ฒี่ง, หย่า ม่าย เหฒีย ธิน เหฒีย หว่าน ฟิน-เมี่ยน เยียม วั้ว. 23เม่ย บัว มี่ง เถา ทิน-ฮู่ง เญย หฒวัง ตอน-หละเก๊า, ต้ง ม่าย บั๋ว เฟี้ย เจี๊ยน เยียม ทิน-ต้อง วั้ว เต๋ย, กั๊บ ฒุ้น เฌียน-โย่ว เญย ต๋อง.#12:23 เอย กีก หว่า กั๊บ ฒุ้น เฌียน-โย่ว วั้ว เต๋ย หว่า ไฮ่ ก๊อง หฒุ เยียม 22 เหยี่ยม วั้ว เต๋ย ฟิน-เมี่ยน ไฟ ก๊อง หฒุ หฒวัง ตอน-หละเก๊า. เม่ย บัว มี่ง เถา ทิน-ฮู่ง, ต้ง เซี้ยม หม่าน เมี่ยน วั้ว เต้า, หย่า มี่ง เถา ตุ้น ยุ่น ฑ่อย วั้ว เต๋ย คู้ เมี่ยน เญย ลี่ง ว่วน. 24เม่ย บัว หย่า มี่ง เถา เยซู, ต้ง เหลียบ เซียง-แหง่ง หว่า วั้ว เต้า บุด๋ง เมี่ยน, หย่า มี่ง เถา นิ่น ฟุ ลิ์ว เญย ฑย้าม. เยซู เญย ฑย้าม ก๊อง เญย เจ๊า หย่า เก้า หลง อาแบน เญย ฑย้าม ก๊อง เญย.#ทิน เต่ย โต้ว 4:10
25ไฝ ฟิม โอ่, ไม้ ตู๋ง แหง่ง ไม้ หมวัง ก๊อง หว่า วั้ว เต้า. สี ก๊อง วั้ว เต๋ย แหง่ง ไม้ หมวัง เยียม ป้าม เกน บั๋ว นิ่น บัว ไฝ ฟิม วั้ว เต้า ก๊อง เญย หว่า นอ, นิ่น บัว เปย๋า ไม้ ดุ๊ด. ฮนั้ง หน่าย, สี ก๊อง บัว เฆ่ม ไม้ หมวัง เยียม ทิน-ต้อง วั้ว เต้า ก๊อง นอ, บัว เก้า ฟัด เปย๋า ไม้ ดุ๊ด.#ธ้วด อียิบ 20:22 26วั้ว หฒั่น นิ่น เญย เฉีย ดั่น เดา ต์ง, มป่า อี้ หฒั่น นิ่น แล์ง,
“แอ๋ง ม่าย หฑุ่น เยีย ไม้ ตาน ดั่น เดา ต์ง ฮนั้ง,
เลี่ยม ลู่ง หย่า อ๋อย ดั่น ต์ง เหฑ่ง.”#ฮักไก 2:6
27ก๊อง “แอ๋ง ม่าย หฑุ่น” วั้ว โจ๋ว หว่า ปุน ธีง เหฒย ต้าย เญย กะน้าย อ๋อย หฒุ ดั่น ต์ง เหฑ่ง ฯฒฯ หฒุ เฒาะ ธ้วด หมี่ อ๊ะ, เหว่ย ปุน ดั่น ไม้ ไฮ่ ต์ง เญย หธ่อ เยียม เจี๊ยน.
28ฮนั้ง หน่าย, บัว อ๋อย หฒุ แล์ง ฒี่ง ทิน-ฮู่ง เหว่ย หฒุ บัว ตุ๊ นอม ดั่น ไม้ ไฮ่ ต์ง เญย กั๊วะ. บัว อ๋อย หฒุ แล์ง ทิน-ฮู่ง เญย เอน-ฒี่ง หย่า หฒั่ง นิ่น หอบ นิ่น เญย เฮญี้ยว, กั้ม เหฑีย นิ่น, ท่าย นิ่น, 29เหว่ย หฒุ บัว เญย ทิน-ฮู่ง เซ เฮ้น ไห่ เญย โต์ว, ไฮ่ เหมียด เหฑ่ง เหยียด ฒู้ง.#หฑั่ม เล์ย-หลัด 4:24
Currently Selected:
ฮิบลู 12: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
