ฮาบากุก 3
3
ฮาบากุก เต๋า เก๋า เญย หว่า
1น้าย เซ เฒี้ยว เญย โต่ว หว่า เมี่ยน, ฮาบากุก, เต๋า เก๋า เญย หว่า หฒิว ซิกิโอโน้ด ฑูง.#3:1 เหฑีย เปียะ โพว เญย เอ๋ย เล์ย มเปย. อี้ จ๋า ฮนอย เมี่ยน ไม้ ฮิ้ว ตี่ง น้าย โจ๋ว หว่า เญย เอ๋ย เล์ย.
2โอ เฒี้ยว อ่า, เยีย ตุ๊ ไฮ์ เม่ย เญย เม่ง โห่.
โอ เฒี้ยว อ่า, เยีย ไฮ์ เม่ย โหฒว เญย กง ฯฒฯ กั้ม เหฑีย ไห่.
โท้ เยียม เยีย บัว เญย ลู่ง เดี๊ย แอ๋ง โหฒว ฮนั้ง ฒิ่น ด่าง โหฒว เญย.
เยียม เยีย บัว เญย ลู่ง เดี๊ย โท้ ปิ๋ว เม่ง ธ้วด ต้าย ปุน เมี่ยน ฮิ้ว.
เม่ย เฉีย เจี์ย เญย เฒี่ยง โห่,
โท้ จั๋ง เจี๊ยน ค้อ-เลี่ยน เยีย บัว.
3ทิน-ฮู่ง เยียม เทมาน ต้าย,
ธีง-เหฑ่ง วั้ว เต้า เยียม ปาลาน บง ต้าย. เซลา
นิ่น เญย ฌัง-หล่าง เฑีย ปวั๊ง ลู่ง,
เธง นิ่น เญย เฉีย ปวั๊ง เหฑ่ง ลู่ง เดี๊ย.
4นิ่น เญย ฌัง ฮนั้ง บะฮนอย,
นิ่น เญย ปั์ว แอ๊ง ธ้วด ฌัง หฌับๆ เญย,
เยียม หน่าย นิ่น ปี๋ง นิ่น เญย ชะ.
5ววน-แป่ง มี่ง ด่าง นิ่น,
เหฒะ หน่าน หย่า กัน เจี๊ยน นิ่น ฆะฮ้า ฆาง ต้าย.
6นิ่น โซ้ว เจี๊ยน เดาะ#3:6 ไฟ ฆั้ม. ป้าม เกน.
นิ่น หมั่ง หย่า ฆั้ม หม่าน ฝีง เมี่ยน.
เหยียด ลิ์ว เยียม เญย เก้ ฒอง ฮู้ หม่วน เหฑ่ง.#3:6 ไฟ ฟ้าด หฑาน เหฑ่ง.
หม่าน โก๊ว เญย บง-ไอ๊ หย่า ปยบ เหฌี่ย.
นิ่น เญย เจ๊า ฮนั้ง โล์-ฮนอย เญย นอ.
7เยีย ตุ๊ ปวัด คูชัน เมี่ยน เญย ด๊บ-ลิ่ว หฒุ โค้ว หน่าน,
มีเดียน เต่ย-ปูง เญย ด๊บ-ลิ่ว เญย แบะ แก้ง เดีย หย่า ต์ง.
8 เฒี้ยว อ่า, เม่ย เก้ เม่ย เญย ม์า,
เฒว์ย เจี๊ยน เบ๊าะ จ๋า เญย ม์า-เธีย ตุ๊ ฮี่ง วั้ว หฒั่น,
เม่ย เฉีย เจี์ย เญย เซ ด้าย ไฟ?
เม่ย โน์ว ไห่ เซ โด๊ะ ไฟ?
เม่ย เญย กะเฉีย ปยุ้ย ธ้วด ปุน ค้อย ไฟ?
9ทิน-ฮู่ง แปง จวัง-หฒิน ธ้วด,
เฒาะ ฟอง ฟับ เจี๊ยน จวัง-หฒิน เญย ฮลาง. เซลา
ทิน-ฮู่ง หล่ง ด้าย ปุน ฆอย เดา-เป้ย.
10หฒวัง บง ปวัด เม่ย ฯฒฯ ต์ง,
ววม-เสย ฌุ่นๆ เญย กว๊าด เจี๋ย มี่ง,
โด เญย ค้อย ม่าย เฉีย บุย ไห่.
ค้อย เญย ววม-หล่าง#3:10 ฮิบลู หว่า ก๊อง ซูง ปั์ว. ฆ์ม ฝาว ฮลัง.
11เม่ย เญย ฟอง ป๊วน ธ้วด มี่ง เซี้ยบ หฌับๆ เญย,
เม่ย เญย ธัง แฒ่งๆ เญย แอ๊ง ธ้วด ฌัง,
บะฮนอย เหธา หฮลา ฯฒฯ ตี้ง เจี๊ยน กั้น เญย ต๋อง.
12เม่ย โน์ว เจี๊ยน เญย ยั่ง ทง ลู่ง เดี๊ย.
เม่ย เฉีย เจี์ย เจี๊ยน ธ้าย หม่าน กั๊วะ เมี่ยน.
13เม่ย ธ้วด มี่ง เหฌียว เม่ย เญย แปะ ฝีง,
เหว่ย เหฌียว เม่ย ออน ต้าย วั้ว เต้า.
เม่ย เบ๊าะ ฮู้ เอ๊าะ เมี่ยน เญย เปย๊ย เฒ้ย เญย มฆ้อง,
หย่า เหมียด เหฑ่ง กัน นิ่น เญย เหยียด ฒู้ง เมี่ยน.#3:13 ไฟ “เลี่ยม นิ่น เญย กอน-โด๊ะ แธะ ธ้วด เหฑ่ง.” ฮิบลู หว่า เซ ไม้ หนั่ง เม่ง. เซลา
14วิน- วั้ง ต้าย ฮนั้ง หฑยาว-หฒุ่น อ๋อย ป่วน เยีย บัว หฑาน เหฑ่ง,
นิ่น บัว เฌียน-โย่ว เญย ฮนั้ง อ๋อย ปี๋ง เจี๊ยน นะ เมี่ยน จ่ม เมี่ยน.
เม่ย หล่ง วิน-วั้ง เญย ธัง ฑบ นิ่น บัว เญย แปง-เปย๊ย.
15เม่ย หล่ง เม่ย เญย ม์า ธ้าย ค้อย,
เสย ไห่ เญย ต้ม ววม ปยุ้ยปยุ้ย เญย.
16เยีย หมวัง ไฮ์ น้าย เต๋ย เฉีย ฯฒฯ ซิน หฒิน.
เยีย เญย ฑุ่ย เหมย เด์นๆ เญย.
เยีย เญย บู๊ง หย่า ลัด เหฑ่ง,
เยีย เญย เหฒา ธ้าย ไม้ เจี๊ยน.
เยีย อ๋อย เซ้ก เหฑียะ เญย ฒั้ว เจี๊ยน โค้ว หน่าน เญย ฮนอย
เถา ต้าย หฒุ ต้ง เบ๊าะ เปียะ เยีย บัว วั้ว เต๋ย เมี่ยน.
17ไม้ กุ๊น ง่ง หญอ เดี๋ยง ไม้ ฆอย เปี้ยง,
อะหงุ่น เฮมย ไม้ เฒี่ยง เปี๊ยว,
กะลั้น เปี๊ยว หย่า ไม้ เฒี่ยง,
ลี่ง เต่ย ไม้ ธ้วด แกง-หฒวัง,
ปะกี ยู่ง ล่าน ไม้ ม่าย ปะกี ยู่ง,
ง่ง ล่าน หย่า ไม้ ม่าย ง่ง,
18เยีย หธ่อ อ๋อย เขา เฒี้ยว เฌียน-โย่ว,
เยีย อ๋อย เขา เหฌียว เยีย วั้ว เต้า ทิน-ฮู่ง ออน-เหลาะ.
19เฒี้ยว ทิน-ฮู่ง เซ เยีย เญย ชะ.
นิ่น ปุน เยีย เญย เหฒา
ฮนั้ง ไฌ่ เญ์ย เญย เต้ย ธ้าย ตุ๊ เจี๊ยน นอ.
นิ่น ปุน เยีย ยั่ง ฮลัง เญย ต๋อง.#3:19 ฮิบลู หว่า ก๊อง “เยีย เญย ฮลัง เญย ต๋อง”.#2 ซามูเอน 22:34; สีง ฑูง 18:33
ปุน เถา ต้อ ฑูง เญย เมี่ยน. หล่ง พัด เญย จา-สี่.
Currently Selected:
ฮาบากุก 3: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
