เอสะลา 7
7
เอสะลา เถา เยลูซาเลม ฒี่ง
1น้าย เต๋ย สี่ เจี๋ย ลิ์ว, ฆะฮ้า ธั้ม-หฮญัง อานทาเซซี้ด โหฒว เจี๊ยน เปเซีย ฮู่ง เญย หฮญัง-ต้าว, เอสะลา ต้าย เถา เยลูซาเลม ฒี่ง. เอสะลา โหฒว เสไลอา เญย ตอน, เสไลอา โหฒว อาซาลิยา เญย ตอน, อาซาลิยา โหฒว ฮินคียา เญย ตอน, 2ฮินคียา โหฒว ซันลูม เญย ตอน, ซันลูม โหฒว สาโดก เญย ตอน, สาโดก โหฒว อาหิทู้บ เญย ตอน, 3อาหิทู้บ โหฒว อามาลิยา เญย ตอน, อามาลิยา โหฒว อาซาลิยา เญย ตอน, อาซาลิยา โหฒว เมลาโย้ด เญย ตอน, 4มาลาโย้ด โหฒว เสลาหิยา เญย ตอน, เสลาหิยา โหฒว อุดซี เญย ตอน, อุดซี โหฒว บุกคี เญย ตอน, 5บุกคี โหฒว อาบีชูวา เญย ตอน, อาบีชูวา โหฒว ฟีเนหัด เญย ตอน, ฟีเนหัด โหฒว เอเลอาซา เญย ตอน, เอเลอาซา โหฒว อาโลน ต้ม ไซ เมี่ยน เญย ตอน. 6ต้ง น้าย เต้า เอสะลา เยียม บาบีโลน มี่ง เยลูซาเลม. นิ่น โหฒว ฟิน-แซง, ฮิ้ว ตุ๊ โถว เฒี้ยว, อิสะลาเอน เมี่ยน เญย ทิน-ฮู่ง, จิว ปุน โมเซ เญย เล์ย-หลัด. เฒี้ยว, เอสะลา เญย ทิน-ฮู่ง, เหธา เอสะลา เยียม, #7:6 ฮิบลู หว่า ก๊อง “เหว่ย หฒุ นิ่น เญย ทิน-ฮู่ง เญย ปั์ว เหธา นิ่น เยียม.” เอสะลา 7:9 ฟี่ ฮนั้ง เญย. ฮู่ง เตี๋ย ฯฒฯ หฒิว นิ่น โท้ เญย หญู่งๆ จิว ปุน นิ่น. 7อานทาเซซี้ด โหฒว ฮู่ง ตะเธี้ยด หฮญัง วั้ว หฮญัง, ม่าย เต๋ย อิสะลาเอน เมี่ยน, ไซ เมี่ยน, เลวี เมี่ยน, ป๋าว ฑูง เญย เมี่ยน, ฒั้ว แก้ง เญย เมี่ยน เหธา หฒั่ง ทิน-ฮู่ง เญย เปย๊า เญย โปว, ตุ๊ เหธา เจี๊ยน มี่ง เยลูซาเลม.
8อานทาเซซี้ด โหฒว ฮู่ง ตะเธี้ยด หฮญัง ฮม์ หฮลา, เอสะลา มี่ง เถา เยลูซาเลม หมี่ อ๊ะ. 9วั้ว หฮญัง ฒี่ หฮลา แซง-เยี้ยด เอสะลา เยียม บาบีโลน ธ้วด เจ๊า. ฮม์ หฮลา แซง-เยี้ยด ฯฒฯ เถา เยลูซาเลม เหว่ย หฒุ ทิน-ฮู่ง หฒะเก้ง เหธา นิ่น เยียม. #7:9 เป๊ย หมั่ง เอสะลา 7:6. 10เอสะลา หล่ง เฮญี้ยว โหะ หลง เฒี้ยว เญย เล์ย-หลัด หย่า เอย เจี๊ยน โหฒว. นิ่น แอ๋ง หฌาว วั้ว เต๋ย เล์ย-หลัด เหธา เล์ย อิสะลาเอน เมี่ยน.
อานทาเซซี้ด ฮู่ง เฟี้ย ปุน เอสะลา เญย โซว
11น้าย เซ อานทาเซซี้ด ฮู่ง จิว ปุน เอสะลา เญย โซว. เอสะลา โหฒว ไซ เมี่ยน หย่า โหฒว ฟิน-แซง, ฮิ้ว ตุ๊ โถว เฒี้ยว จิว ปุน อิสะลาเอน เมี่ยน เญย หลี่ง เหธา เล์ย. 12โซว ฮนั้ง น้าย นอ เฟี้ย.
เยีย, อานทาเซซี้ด, หม่าน ฮู่ง เญย ฮู่ง,
ปุน เถา เอสะลา ไซ เมี่ยน, หฌาว ลู่ง หฒั่ง ทิน-ฮู่ง เญย เล์ย-หลัด เญย ฟิน-แซง.
13อี้ หฒั่น เยีย เหฌี่ย หลี่ง ก๊อง เยียม เยีย เญย กั๊วะ, ตะฟ่าน หาย เต้า อิสะลาเอน เมี่ยน, ไฟ ไซ เมี่ยน ไฟ เลวี เมี่ยน ม่าย เฮญี้ยว อ๋อย มี่ง เยลูซาเลม นอ, เหธา เม่ย มี่ง ตุ๊ เญย. 14ฮู่ง เตี๋ย เหธา นิ่น เญย เสี่ย เต้า ธ่าง ล่าง เญย เมี่ยน ไธ เม่ย มี่ง ฒ่า หน่าย ยูดา เต่ย เหธา เยลูซาเลม ฒี่ง เญย เมี่ยน กัน เม่ย เญย ทิน-ฮู่ง เญย เล์ย-หลัด, ต้ง จิว ปุน เม่ย เญย เล์ย-หลัด, เฒ์ย ไฟ ไม้ เฒ์ย? 15เม่ย หย่า อ๋อย หฒุ ต้อ เยีย, ฮู่ง เตี๋ย, เหธา เยีย เญย ธ่าง ล่าง เมี่ยน ธ้วด ฟิม ฝ่ง ห่อ เญย เจียม ญ่าน มี่ง ปุน เยียม เยลูซาเลม, อิสะลาเอน เมี่ยน เญย ทิน-ฮู่ง. 16แอ๋ง ต้อ เจี๊ยน เยียม บาบีโลน แซ้ง ไฮ่ เซียว ตุ๊ ต้าย เญย เหยียด ฒู้ง เจียม ญ่าน. หย่า ต้อ แปะ ฝีง เหธา ไซ เมี่ยน ธ้วด ฟิม ฝ่ง ห่อ เญย กะน้าย ปุน เยียม เยลูซาเลม, นิ่น บัว เญย ทิน-ฮู่ง เญย เปย๊า. 17เม่ย อ๋อย หฒุ หฒะเก้ง หล่ง น้าย เต๋ย ญ่าน ม์าย ง่ง โก๊ว, ปะกี ยู่ง โก๊ว, ปะกี ยู่ง ตอน, เหธา เหยียด เหฌี่ย เหฒี่ย เญย ล่าง หฒิ เหธา เธี้ย เหฒี่ย เญย กะน้าย. เม่ย อ๋อย หฒุ เยียม เยลูซาเลม, เม่ย บัว เญย ทิน-ฮู่ง เญย เปย๊า เญย เหฒี่ย-ต้อง เหฒี่ย.
18เหฒ่ง เหฌี่ย เญย เจียม ญ่าน, เม่ย เหธา เม่ย เญย ก๋อ-โย์ว ปวัด หอบ หฒุ ฮนั้ง หาย นอ หล่ง, กุ๊น ฮนั้ง วั้ว นอ หล่ง อ๊ะ, หฒิว เม่ย บัว เญย ทิน-ฮู่ง เญย เอ๋ย. 19เยียม หฒั่ง ทิน-ฮู่ง เญย เปย๊า หล่ง ฟู-สู ทิน-ฮู่ง เญย เหยียด ฒู้ง จา-สี่ จิว ปุน เม่ย หมี่ อ๊ะ. เม่ย อ๋อย หฒุ ต้อ มี่ง เยลูซาเลม ฝูง ปุน ทิน-ฮู่ง. 20สี ก๊อง เยียม เม่ย เญย ทิน-ฮู่ง เญย เปย๊า หธ่อ ม่าย หาย หญู่ง เฉียม หฒุ หล่ง หย่า อ๋อย หฒุ ล์อ นอ, กุ๊น หล่ง ฮู่ง เตี๋ย เญย ญ่าน ม์าย โอ่.
21อี้ หฒั่น เยีย, อานทาเซซี้ด ฮู่ง, เหฌี่ย หลี่ง บั๋ว ยูเฟติด ด้าย บะฮนอย ด๊อด แหมง เญย โก๋ว ญ่าน เญย หฒวัง เจียน, อ๋อย หฒุ เหฒียบ ฒัวะ เญย เถง เอสะลา ไซ เมี่ยน, หฌาว ลู่ง หฒั่ง ทิน-ฮู่ง เญย เล์ย-หลัด เญย ฟิน-แซง. นิ่น โท้ หาย หญู่ง อ๋อย หฒุ ปุน. 22ตี่ง เหฒียง ไฮ่ ปุน ตุ๊ เถา เญย ญ่าน อี ธิน เหยียด แป๊ะ จ้อย,#7:22 ฮิบลู หว่า ก๊อง 100 ตะลัน. เซ เล่ย ไม้ โก 3,400 กีโล. เบย้า วิด เหยียด ธิน เหยียด แป๊ะ ท้ง,#7:22 ฮิบลู หว่า ก๊อง 100 โคลา. เซ เล่ย ไม้ โก 220 บัวะ. อะหงุ่น ติ๊ว อี หว่าน อี ธิน ก่อง,#7:22 ฮิบลู หว่า ก๊อง 100 บัด. เซ เล่ย ไม้ โก 22,000 ลิด. กะลั้น โย่ว อี หว่าน อี ธิน ก่อง. เฑ้า ไม้ ม่าย โสว โหม่ว. 23ตะฟ่าน ลู่ง หฒั่ง ทิน-ฮู่ง ฮนั้ง หาย นอ พ้าย, อ๋อย หฒุ ฮนั้ง วั้ว นอ โหฒว เหว่ย ลู่ง หฒั่ง ทิน-ฮู่ง เญย เปย๊า, เหว่ย ปุน นิ่น ไม้ โน์ว ฮู่ง เตี๋ย เหธา หฒวัง ฮู่ง ตอน เญย กั๊วะ. 24เยีย หย่า อ๋อย ปุน เม่ย บัว ฮิ้ว ตุ๊ เม่ย บัว ไม้ ม่าย เล์ย เซียว หาย เต้า ไซ เมี่ยน, เลวี เมี่ยน, ป๋าว ฑูง เญย เมี่ยน, ฒั้ว แก้ง เญย เมี่ยน, โหฒว หฒั่ง ทิน-ฮู่ง เญย เปย๊า เญย โปว ไฟ เยียม วั้ว นอม เปย๊า โหฒว หาย หญู่ง กง เญย เมี่ยน เญย ขอ-ฒิ่น ไฟ โฑว-ฒิ่น.
25เอสะลา อ่า, เม่ย อ๋อย หฒุ หล่ง ทิน-ฮู่ง เหธย ปุน เม่ย เญย ธง-เม่ง, ออน กุ๊น สี่ เจียน เหธา เซี้ยม ฒุ์ย เจียน กุ๊น ยูเฟติด ด้าย บะฮนอย ด๊อด แหมง เญย แปะ ฝีง, ตะฟ่าน ฮิ้ว ตุ๊ เม่ย เญย ทิน-ฮู่ง เญย เล์ย-หลัด วั้ว เต๋ย เมี่ยน. หาย เต้า ไม้ ฮิ้ว น้าย เต๋ย เล์ย-หลัด เม่ย บัว หย่า อ๋อย หฒุ หฌาว. 26สี ก๊อง หาย เต้า ไม้ กัน เม่ย เญย ทิน-ฮู่ง เญย เล์ย-หลัด, หย่า ไม้ หมวัง ฮู่ง เตี๋ย เญย หลี่ง นอ, ด่ง หาย ฒู้ง อ๋อย หฒุ ตี่ง ฒุ์ย หฒุ ไต๋ ไต่, ไฟ หฒุ่น ธ้วด เต่ย-ปูง, ไฟ เฒาะ เหฑ่ง นิ่น บัว เญย ฒิ่น ฒ่อย, ไฟ หววน เจี๊ยน โล่.
เอสะลา เธง ทิน-ฮู่ง
27เอสะลา ก๊อง, “เธง เฒี้ยว, เยีย บัว เญย อง-ถาย เญย ทิน-ฮู่ง, ปุน ฮู่ง เตี๋ย เญย เอ๋ย ฆอย, ฮนั้ง น้าย นอ ท่าย หฒั่ง เฒี้ยว เญย เปย๊า เยียม วั้ว เยลูซาเลม. 28เฒี้ยว เหธย เอน ปุน เยีย ตุ๊ ฮู่ง เตี๋ย เหธา ฮู่ง เตี๋ย เญย ธ่าง ล่าง เมี่ยน เหธา ม่าย ฮู่ง หลี่ง, ม่าย หัด ม์า เญย ต้ม เจียน อะเฮน้ย เยีย. เหว่ย หฒุ เฒี้ยว, เยีย เญย ทิน-ฮู่ง, เหธา เยีย เยียม, เยีย หธีง ต้าย ปู๋ง หล่าง เญย เห่ว อิสะลาเอน เมี่ยน เญย เปย๊ย เฒ้ย กั๊บ ฒุ้น เหธา เจี๊ยน เยีย มี่ง เยลูซาเลม อ๊ะ.”
Currently Selected:
เอสะลา 7: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
