เอเสเคน 48
48
ปุน ฆอย เดา ป๊ะ ปูง เญย อิสะลาเอน ฝีง
1“เยียม น้าย มี่ง เซ ฝีงๆ อิสะลาเอน เมี่ยน เญย บั๋ว. เยียม ป๊ะ ปูง แหมง เจี์ย กอน เยียม ค้อย กัน เฮ้ด โลน วั้ว ติ้ว เจ๊า มี่ง เถา ฮามัด เญย เจ๊า-คู้ แอ๋ง มี่ง เถา ฮาซาเอโนน, (เซ เยียม ดามัดกัด เญย ป๊ะ ปูง กั๊บ-จ๋าย นิด เจี๊ยน ฮามัด) ดาน ฝีง ตุ๊ เญย ป่วน เดา เยียม ตง ปูง มี่ง เถา ไฟ ปูง.
2“นิด เจี๊ยน ดาน เญย เต่ย-จ๋าย, เยียม ตง ปูง เถา ไฟ ปูง เป๋น อาเซ เญย ป่วน เดา.
3“นิด เจี๊ยน อาเซ เญย เต่ย-จ๋าย, เยียม ตง ปูง เถา ไฟ ปูง เป๋น นับทาลี เญย ป่วน เดา.
4“นิด เจี๊ยน นับทาลี เญย เต่ย-จ๋าย, เยียม ตง ปูง เถา ไฟ ปูง เป๋น มะนัดเส เญย ป่วน เดา.
5“นิด เจี๊ยน มะนัดเส เญย เต่ย-จ๋าย, เยียม ตง ปูง เถา ไฟ ปูง เป๋น เอฟาอิม เญย ป่วน เดา.
6“นิด เจี๊ยน เอฟาอิม เญย เต่ย-จ๋าย, เยียม ตง ปูง เถา ไฟ ปูง เป๋น ลูเบน เญย ป่วน เดา.
7“นิด เจี๊ยน ลูเบน เญย เต่ย-จ๋าย, เยียม ตง ปูง เถา ไฟ ปูง เป๋น ยูดา เญย ป่วน เดา.
กั้น หธะเหล่ง เญย เดา
8“นิด เจี๊ยน ยูดา ฝีง เญย กั๊บ-จ๋าย, เยียม ตง ปูง เถา ไฟ ปูง, อ๋อย หฒุ เฒาะ ธ้วด เต๋ย เป๋น กั้น หธะเหล่ง เญย เดา, จั๊ง อี หว่าน ปยา ธิน เดาะ. เยียม ตง ปูง เถา ไฟ ปูง หย่า ฟี่ ดาว เหยียด ฝีง ตุ๊ เญย ป่วน เดา. สีง ติ่น เยียม เหฒียง บุด๋ง
9“ต้ง เม่ย บัว เฒาะ ธ้วด เป๋น เฒี้ยว เญย เดา, ด๊าว อี หว่าน ปยา ธิน เดาะ, จั๊ง เหยียด หว่าน เดาะ.#48:9 เป๊ย หมั่ง เอเสเคน 45:1 10น้าย เต๋ย ธีง-เหฑ่ง เดา อ๋อย หฒุ ฮนั้ง น้าย ปุน ฆอย. ไซ เมี่ยน ตุ๊ เญย ป่วน เยียม ป๊ะ ปูง แหมง, ด๊าว อี หว่าน ปยา ธิน เดาะ, ไฟ ปูง จั๊ง เหยียด หว่าน เดาะ, ตง ปูง จั๊ง เหยียด หว่าน เดาะ, น่าม ปูง ด๊าว อี หว่าน ปยา ธิน เดาะ. เฒี้ยว เญย สีง ติ่น เยียม เหฒียง บุด๋ง. 11น้าย เต๋ย เดา เป๋น สา ธีง-เหฑ่ง เญย ไซ เมี่ยน เญย ป่วน, เซ สาโดก เญย เฒ้ย-ฟุน, ต้ง เอย เจี๊ยน เยีย หัด เญย หว่า. อิสะลาเอน เมี่ยน โหฒว ต่อง วั้ว หฒั่น, นิ่น บัว ไม้ กัน เจี๊ยน โหฒว ต่อง ฮนั้ง เลวี เมี่ยน โหฒว. 12น้าย เต๋ย เดา เยียม ธีง-เหฑ่ง เญย เดา กะญั์ว เป๋น นิ่น บัว เหล่ง เจ๊ย เญย ป่วน, เซ เก้า ธีง-เหฑ่ง เจี๋ย เญย ป่วน, หย่า นิด เจี๊ยน เลวี เมี่ยน เญย ป่วน เดา.
13“เยียม ไซ เมี่ยน เญย เดา กะเฮลน เซ เลวี เมี่ยน ตุ๊ เญย ป่วน เดา, ด๊าว อี หว่าน ปยา ธิน เดาะ, จั๊ง เหยียด หว่าน เดาะ. เหยียด ฒู้ง ฯฒฯ ด๊าว อี หว่าน ปยา ธิน เดาะ, จั๊ง เหยียด หว่าน เดาะ.#48:13 ม่าย เต๋ย โซว ฟาน ต้าย ก๊อง 20,000 เดาะ. 14น้าย เต๋ย เดา ไม้ ตู๋ง เฒาะ หาย เต๋ย ต้าย หม่าย ไฟ ทิ้ว. ไม้ ตู๋ง ปุน เป๋น กั้น เต้า หฑิบ เญย ป่วน เหว่ย หฒุ เป๋น เฒี้ยว เญย ธีง-เหฑ่ง เดา.
15“เหฒ่ง เหฌี่ย เญย เดา จั๊ง ปยา ธิน เดาะ, ด๊าว อี หว่าน ปยา ธิน เดาะ หล่ง เหว่ย ฒี่ง เฉียม หฒุ หล่ง เญย, เซ เหว่ย โหฒว เปย๊า เหธา เมี้ย-เธี้ยง. ฒี่ง อ๋อย หฒุ เยียม บุด๋ง. 16ฒี่ง เญย ธิ-หธุน เซ ฮนั้ง น้าย. ป๊ะ ปูง เปยย ธิน ฮม์ แป๊ะ เดาะ, น่าม ปูง เปยย ธิน ฮม์ แป๊ะ เดาะ, ตง ปูง เปยย ธิน ฮม์ แป๊ะ เดาะ, ไฟ ปูง เปยย ธิน ฮม์ แป๊ะ เดาะ. 17ฒี่ง อ๋อย หฒุ ม่าย เมี้ย-เธี้ยง. เยียม ป๊ะ ปูง แหมง ม่าย หญี่ แป๊ะ ฮม์ เหฒียบ เดาะ, เยียม น่าม ปูง ม่าย หญี่ แป๊ะ ฮม์ เหฒียบ เดาะ, ตง ปูง ม่าย หญี่ แป๊ะ ฮม์ เหฒียบ เดาะ, ไฟ ปูง ม่าย หญี่ แป๊ะ ฮม์ เหฒียบ เดาะ. 18นิด เจี๊ยน ธีง-เหฑ่ง เญย ป่วน เหฒ่ง เหฌี่ย เญย เดา, ตง ปูง แหมง ด๊าว เหยียด หว่าน เดาะ, ไฟ ปูง ด๊าว เหยียด หว่าน เดาะ หย่า เยียม นิด เจี๊ยน ธีง-เหฑ่ง เญย เต่ย-จ๋าย. เยียม น้าย เต๋ย เดา กะญั์ว ตุ๊ เญย แกง-หฒวัง เป๋น เยียม ฒี่ง กะญั์ว โหฒว กง วั้ว เต๋ย เมี่ยน เญย หญั่น ฮบ. 19เยียม ฒี่ง กะญั์ว โหฒว กง เญย ฝีงๆ อิสะลาเอน เมี่ยน อ๋อย หฒุ ไล่ น้าย เต๋ย เดา. 20เม่ย บัว กั้น หธะเหล่ง เฒาะ ธ้วด เญย ธีง-เหฑ่ง เดา, เลี่ยม ฒี่ง เญย เดา, เฝย-ปูง จั๊ง ด๊าว อี หว่าน ปยา ธิน เดาะ.
21“ธีง-เหฑ่ง เญย เดา เหธา ฒี่ง เญย เดา อี ปูง กะเฮลน เหฒ่ง เหฌี่ย เญย เดา อ๋อย หฒุ เป๋น ฮู่ง เตี๋ย เญย. เยียม วั้ว เต๋ย อี หว่าน ปยา ธิน เดาะ เญย กะเฮลน มี่ง เถา ตง ปูง เญย กั๊บ-จ๋าย, แอ๋ง เยียม วั้ว เต๋ย อี หว่าน ปยา ธิน เดาะ เญย กะเฮลน มี่ง เถา ไฟ ปูง เญย กั๊บ-จ๋าย เหธา ฝีงๆ ตุ๊ เญย เดา ฟี่ ด่ง. น้าย เต๋ย เดา อ๋อย หฒุ ปุน เป๋น ฮู่ง เตี๋ย เญย ป่วน. ธีง-เหฑ่ง เญย เดา เหธา หฒั่ง ทิน-ฮู่ง เญย เปย๊า เญย สีง ติ่น เยียม บุด๋ง. 22เลวี เมี่ยน เญย เดา เหธา ฒี่ง เญย เดา อ๋อย หฒุ เยียม ฮู่ง เตี๋ย เญย ป่วน บุด๋ง. เยียม ยูดา ฝีง เญย กั๊บ-จ๋าย เหธา เบนยามิน ฝีง เญย กั๊บ-จ๋าย บุด๋ง เป๋น ฮู่ง เตี๋ย เญย ป่วน.
ปุน ฆอย เดา น่าม ปูง เญย ฝีง
23“เหฒ่ง เหฌี่ย เญย ฝีง, เยียม ตง ปูง เถา ไฟ ปูง เป๋น เบนยามิน ฝีง เญย ป่วน เดา.
24“นิด เจี๊ยน เบนยามิน ฝีง เญย กั๊บ-จ๋าย, เยียม ตง ปูง เถา ไฟ ปูง เป๋น สิเมโอน ฝีง เญย ป่วน เดา.
25“นิด เจี๊ยน สิเมโอน เญย กั๊บ-จ๋าย เยียม ตง ปูง เถา ไฟ ปูง เป๋น อิดสาคา ฝีง เญย ป่วน เดา.
26“นิด เจี๊ยน อิดสาคา ฝีง เญย กั๊บ-จ๋าย, เยียม ตง ปูง เถา ไฟ ปูง เป๋น เสบูลุน ฝีง เญย ป่วน เดา.
27“นิด เจี๊ยน เสบูลุน ฝีง เญย กั๊บ-จ๋าย, เยียม ตง ปูง เถา ไฟ ปูง เป๋น กาด ฝีง เญย ป่วน เดา.
28“กาด ฝีง เญย น่าม ปูง กั๊บ-จ๋าย เยียม ทามา มี่ง เถา เมลิบัดคาเดด เญย ววม, กัน อียิบ เญย โด๊ะ-ตอน มี่ง เถา ต้ม ค้อย.
29“น้าย เต๋ย เดา เซ เม่ย บัว อ๋อย หฒุ พ้าย ปุน ฆอย ฝีงๆ อิสะลาเอน เมี่ยน เป๋น นิ่น บัว หฑิบ เญย ป่วน. น้าย ฯฒฯ เป๋น นิ่น บัว ตุ๊ เญย ป่วน เดา.” เฒี้ยว ทิน-ฮู่ง ฮนั้ง น้าย ก๊อง.
ฒี่ง เญย หลาด แก้ง
30“เยียม น้าย มี่ง ก๊อง ธ้วด ฒี่ง เญย หลาด แก้ง. ฒี่ง เญย ป๊ะ ปูง เปยย ธิน ฮม์ แป๊ะ เดาะ.#หล่าว ย่าง 21:12-13 31เต้าๆ หลาด แก้ง กัน อิสะลาเอน ฝีง เญย บั๋ว เห่ว. ป๊ะ ปูง ม่าย ปัว เต้า หลาด แก้ง. ม่าย ลูเบน เญย หลาด แก้ง, ยูดา เญย หลาด แก้ง เหธา เลวี เญย หลาด แก้ง.
32“ตง ปูง เปยย ธิน ฮม์ แป๊ะ เดาะ. ม่าย ปัว เต้า หลาด แก้ง. ม่าย โยเซ้บ เญย หลาด แก้ง, เบนยามิน เญย หลาด แก้ง เหธา ดาน เญย หลาด แก้ง.
33“น่าม ปูง เปยย ธิน ฮม์ แป๊ะ เดาะ. ม่าย ปัว เต้า หลาด แก้ง. ม่าย สิเมโอน เญย หลาด แก้ง, อิดสาคา เญย หลาด แก้ง เหธา เสบูลุน เญย หลาด แก้ง.
34“ไฟ ปูง เปยย ธิน ฮม์ แป๊ะ เดาะ. ม่าย ปัว เต้า หลาด แก้ง. ม่าย กาด เญย หลาด แก้ง, อาเซ เญย หลาด แก้ง เหธา นับทาลี เญย หลาด แก้ง.
35“เดาะ ฮวีง ก๋อม ฒี่ง ม่าย เหยียด หว่าน เหฮยียด ธิน เดาะ.
“เยียม น้าย มี่ง น้าย นอม ฒี่ง เญย บั๋ว เห่ว,
‘เฒี้ยว เยียม น้าย.’”
Currently Selected:
เอเสเคน 48: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007