เอเสเคน 4
4
โหฒว หญู่ง เฒ้ย ปุน ธีง เยลูซาเลม หฒุ จุน-แปง เว่ย เจี๊ยน
1“ป้าม เมี่ยน อ้า! เม่ย อ๋อย หฒุ เฒาะ นอม เนีย-ฒุน อัน เจี๊ยน เม่ย เญย หฑะเฮมียน ว์า เจี๊ยน เยลูซาเลม ฒี่ง เญย ฝัง. 2อ๋อย หฒุ เว่ย เจี๊ยน น้าย นอม ฒี่ง, โหฒว หลาด เว่ย ก๋อม, เว้ด เนีย ดุย เจี๊ยน, เหลียบ เธี้ยง นิด เจี๊ยน, หย่า เหลียบ ฒง ฒี่ง หลาด เญย จา-สี่ เว่ย ก๋อม เบ๊าะ ฒี่ง. 3เฒาะ เฮลียะ-เป๊น เหลียบ ต้าย อัน เจี๊ยน เม่ย เหธา ฒี่ง บุด๋ง โหฒว เป๋น เฮลียะ-หลาด, หย่า ฮวิน เม่ย เญย เฮมียน มี่ง ฒี่ง วั้ว ปูง. ฒี่ง ฯฒฯ หฒุ เว่ย. อ๋อย หฒุ เว่ย เจี๊ยน ว้วน เญย. น้าย อ๋อย โหฒว จั๋ง-โห่ ปุน อิสะลาเอน เญย เฒ้ย-ฟุน หมั่ง.
4“เม่ย อ๋อย หฒุ หฑะเหฮลง เปว๋ย หฒาย แหมง ปูง. เยีย ฯฒฯ เฒาะ อิสะลาเอน เญย เฒ้ย-ฟุน หฒุ ตี่ง เญย ฒุ์ย ปุน เม่ย ดาม. หฒิว เม่ย หฑะเหฮลง เปว๋ย เญย ฮนอย-เหญียะ, เม่ย อ๋อย หฒุ ดาม นิ่น บัว หฒุ ตี่ง เญย ฒุ์ย. 5เยีย เหว่ย เม่ย ตี่ง เหฒียง ฮนอย เญย โสว โหม่ว เซ ฟาม-แป๊ะ จั๊ว เหฒียบ ฮนอย, ต๋อย นิ่น บัว หฒุ ตี่ง ฒุ์ย เญย หฮญัง-โสว. เม่ย ฯฒฯ อ๋อย หฒุ ฮนั้ง หน่าย ดาม-ตอง อิสะลาเอน เญย เฒ้ย-ฟุน เญย ฒุ์ย.
6“น้าย เต๋ย ฮนอย-เหญียะ ปวั๊ง, เม่ย อ๋อย หฒุ แอ๋ง เปว๋ย ตะเหญ่ย หฑุ่น, มป่า หฑะเหฮลง เปว๋ย บย่าว ปูง เหว่ย ดาม ยูดา เฒ้ย-ฟุน เญย ฒุ์ย. เยีย ตี่ง เหฒียง ปุน เม่ย เปว๋ย เฝย เหฒียบ ฮนอย, เหยียด ฮนอย ตี๊ เหยียด หฮญัง. #ซ้าว เมี่ยน 14:34 7เม่ย อ๋อย หฒุ ฮวิน เฮมียน มี่ง ต้ง เว่ย เจี๊ยน เญย เยลูซาเลม ฒี่ง หย่า อ๋อย หฒุ ซูง ธ้วด ไม้ ม่าย ลุย-เมว์ย เญย ปั์ว โต่ว หว่า ก๊อง วั้ว นอม ฒี่ง. 8เยีย อ๋อย หล่ง ฮลาง โด้ เจี๊ยน เม่ย, ปุน เม่ย ไม้ ไฮ่ เบี๊ยน ซิน เถา เม่ย เว่ย ก๋อม ฒี่ง เญย ฮนอย-เหญียะ ปวั๊ง.
9“เม่ย อ๋อย หฒุ เฒาะ เบย้า วิด เหธา เบย้า บาลี, ตบ เหธา ตบ ซิ, มไฒ เหธา ตะธ้าน #4:9 ฮิบลู หว่า ก๊อง เหยียด หญู่ง เบย้า เห่ว สะแป๊ด. ย่าง ยิ่น หว่า ก๊อง spelt. หฒอบ เจี๊ยน. ตั๊บ เหยียด นอม จา-ต๋อง หล่ง โหฒว ฌั้ว เหว่ย กั้น หญั่น. เยียม เม่ย หฑะเหฮลง เปว๋ย วั้ว เต๋ย ฟาม-แป๊ะ จั๊ว เหฒียบ ฮนอย อ๋อย หฒุ หญั่น น้าย เต๋ย ฌั้ว. 10เม่ย หญั่น เญย อ๋อย หฒุ เฑียง, เหยียด ฮนอย หญั่น หลัวะ ลู์ง. #4:10 ฮิบลู หว่า ก๊อง 20 เซเขน. เซ เล่ย ไม้ โก หลัวะ ลู์ง ไฟ 220 กัม. อ๋อย หฒุ หฒิว ตี่ง ต้าย เญย เฒี่ยง โห่ หญั่น. #4:10 ไฟ “เหยียด ฮนอย หญั่น ผุย 20 เซเขน.” เซ หลัวะ ลู์ง เญย ต๋อง ไฟ 220 กัม. 11เม่ย ฮบ เญย ววม หย่า อ๋อย หฒุ ฮลาว, เหยียด ฮนอย ฮบ อี เยี้ยน-เปี๋ยน ววม. #4:11 ฮิบลู หว่า ก๊อง “เหยียด ฮิน จุ๊ โก๊ว เญย เหยียด โก๊ว.” เซ เล่ย ไม้ โก 0.6 ลิด ไฟ อี เยี้ยน-เปี๋ยน. หย่า อ๋อย หฒุ หฒิว เฒี่ยง โห่ ฮบ. #4:11 ไฟ “ฮบ เหยียด ฮนอย เหยียด หฑุ่น”. 12อ๋อย หฒุ หญั่น ฮนั้ง หญั่น บาลี ฌั้ว นอ, หย่า ตอง เจี๊ยน หฒวัง เมี่ยน หล่ง เมี่ยน เญย ไฆ้ ปั๊ว โต์ว ฒิ.” 13เฒี้ยว ก๊อง, “อิสะลาเอน เมี่ยน อ๋อย หฒุ เยียม ต้ง เยีย อ๋อย หฒุ่น นิ่น บัว มี่ง เญย นอมๆ กั๊วะ บุด๋ง ฮนั้ง น้าย หญั่น ม่าย หวุย เญย กะน้าย.”
14เยีย ฯฒฯ ก๊อง, “อา, เฒี้ยว ทิน-ฮู่ง อ้า! เยีย ไม้ โหฒว ปุน เยีย กั้น ม่าย หวุย เจี๋ย. เยียม เยีย หลุน เญย เฒี่ยง โห่ เถา อี้ หฒั่น เยีย ไม้ หญั่น เจี๋ย นิ่น กั้น ไต่ เญย กะน้าย ไฟ หฒุ เฮยี่ย ฒ่อย หงาด เป๊ด ไต่ เญย กะน้าย. หย่า ไม้ ม่าย หาย หญู่ง กั้ม เฑี้ย เญย อ๊อ เปียะ เจี๋ย เยีย เญย ฑุ่ย.”
15นิ่น ฯฒฯ ก๊อง บั๋ว เยีย, “วั้ว หญู่ง, เยีย ปุน เม่ย หล่ง ง่ง ไฆ้ ตี๊ เมี่ยน ไฆ้ ฒิ เม่ย เญย ฌั้ว.”
16นิ่น แอ๋ง ก๊อง บั๋ว เยีย, “ป้าม เมี่ยน อ้า! เยีย อ๋อย ปุน เยียม เยลูซาเลม เญย หญั่น ฮบ ตั๋ง. นิ่น บัว อ๋อย หฒุ หญั่น เฑียง ต้าย เญย ฌั้ว หย่า เฑ่า เจี๊ยน หญั่น. นิ่น บัว อ๋อย หฒุ ฮลาว ววม ต้าย ฮบ หย่า กั้ม เหฑีย เจี๊ยน เญย ฮบ. 17เยีย ฮนั้ง น้าย โหฒว เหว่ย อ๋อย ปุน นิ่น บัว เญย ล่าง หฒิ เหธา ววม ตั๋ง. ล่าน ฯฒฯ กั้ม เหฑีย เจี๊ยน เญย หมั่ง ล่าน, หย่า กุ๊น โหฒว กุ๊น ไจ่ เจี๊ยน เหฌี่ย หลาย นิ่น บัว กั้น เญย ฒุ์ย.”
Currently Selected:
เอเสเคน 4: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
