เอเสเคน 15
15
เยลูซาเลม เป๊ย ไม้ ลั่ม หล่ง เญย อะหงุ่น เฮมย เญย หว่า-เป๊ย
1เยีย แอ๋ง ตุ๊ ฒิบ เฒี้ยว เญย หว่า ก๊อง, 2“ป้าม เมี่ยน อ้า! อะหงุ่น เฮมย เซ เก้า หลง เยียม หล่ม เญย หาย หญู่ง เดี๋ยง เญย ฆว่า ไฟ? 3เมี่ยน ต้อ อะหงุ่น เฮมย มี่ง หล่ง โหฒว หาย หญู่ง ไฟ? ไฮ่ หล่ง โหฒว เดี๋ยง-ตีง ขวัง กะน้าย ไฟ? 4หล่ง โหฒว ฒ่าง ตั๊บ โต์ว-เหฑ่า ปั๊ว, โต์ว ปั๊ว อี ปูง เตว๊ย-เมว์ย, บุด๋ง เป๋น โต์ว-กั๋น หมี่ อ๊ะ, ไฮ่ หล่ง โหฒว ตุ๊ หาย หญู่ง ม่าย ลั่ม หล่ง ไฟ? 5สี ก๊อง ไม้ แก้ง ปั๊ว เญย เฒี่ยง โห่ เซ ไม้ ลั่ม หล่ง, หฒุ โต์ว ปั๊ว เป๋น โต์ว-กั๋น ลิ์ว, ฝู่ง ไฮ่ หล่ง โหฒว หาย หญู่ง?
6“เหว่ย น้าย เฒี้ยว ทิน-ฮู่ง ฮนั้ง น้าย ก๊อง, ‘เยีย ฮนั้ง หาย นอ เยียม หล่ม เญย เดี๋ยง บุด๋ง เฒาะ อะหงุ่น เฮมย หล่ง โหฒว ฒ่าง ปั๊ว โต์ว, เยีย ฯฒฯ ปุน เยลูซาเลม เญย แปะ ฝีง ฮนั้ง วั้ว นอ. 7เยีย ฯฒฯ เบี๊ยน เฮมียน เหธา นิ่น บัว ต๋อย-เตก. ไม้ กุ๊น นิ่น บัว เยียม โต์ว เปย๋า ธ้วด ต้าย, โต์ว หธ่อ ปั๊ว ชุย นิ่น บัว. เยีย เบี๊ยน เฮมียน เหธา นิ่น บัว ต๋อย-เตก เญย เฒี่ยง โห่, เม่ย บัว ฯฒฯ ฮิ้ว ตุ๊ เยีย เซ เฒี้ยว.’ 8เฒี้ยว ทิน-ฮู่ง ก๊อง, ‘เยีย อ๋อย ปุน วั้ว นอม เต่ย-ปูง หฒุ ป่าย ฮวาง เหฑ่ง เหว่ย หฒุ นิ่น บัว ไม้ เหฒียบ ฒัวะ เญย โหฒว ปุน เยีย.’”
Currently Selected:
เอเสเคน 15: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
