ธ้วด อียิบ 30
30
ปั๊ว ฮูง เตี้ย
(เป๊ย หมั่ง ธ้วด อียิบ 37:25-28)
1“อ๋อย หฒุ หล่ง ตะซุ เดี๋ยง โหฒว นอม ปั๊ว ฮูง เตี้ย. 2น้าย นอม เตี้ย อ๋อย หฒุ เหยียด เดาะ เฝย-ปูง, เหยียด เดาะ ด๊าว, เหยียด เดาะ จั๊ง, อี เดาะ ฮลัง. เปยย ปูง เก๊าะ เญย จอง เหธา เตี้ย เฒี่ยง เจี๊ยน เหยียด ด้ง เดี๋ยง. 3อ๋อย หฒุ หล่ง เจียม ปวัง เจี๊ยน เตี้ย กู้ หงว่าย แหมง, เปยย ปูง เตี้ย เฮลน เหธา จอง. แอ๋ง หล่ง เจียม โหฒว ปิน ฮ่อม ก๋อม เตี้ย เฮลน. 4แอ๋ง โหฒว อี นอม เจียม-ควีง ตี๋ง เจี๊ยน อี ปูง เตี้ย กะเฮลน, ปิน กะเดี๊ย แหมง, เหว่ย หธุน เดี๋ยง แกง เตี้ย. 5แกง เตี้ย เดี๋ยง หย่า อ๋อย หฒุ หล่ง ตะซุ เดี๋ยง ปวัง เจี๊ยน เจียม. 6น้าย นอม ปั๊ว ฮูง เตี้ย อ๋อย หฒุ อัน เจี๊ยน แล์ง แหง่ง หว่า ฟาง หฑะเฮมียน, แบะ แก้ง เดีย กะเหญี่ย, เซ เยียม แล์ง แหง่ง หว่า ฟาง เญย ฟาง-หฆาย วั้ว นอม เหธย เอน เญย เหว่ย หฑะเฮมียน แหมง. เซ เยีย อ๋อย ปวั้ง เม่ย เญย ต๋อง.
7“อาโลน ดอมๆ ต้าย หลิ่ว เล์ย ตัง เญย เฒี่ยง โห่, นิ่น อ๋อย หฒุ เยียม วั้ว ปั๊ว ฮูง เตี้ย ปั๊ว ฮูง. 8เหฑียม-ย่าง ปั๊ว ตัง เญย เฒี่ยง โห่, นิ่น อ๋อย หฒุ แอ๋ง ปั๊ว ฮูง. อ๋อย หฒุ ต่อย เจี๋ย ต่อย เยียม เฒี้ยว เญย หฑะเฮมียน หฒั่นๆ ปั๊ว ฮูง. 9ไม้ ตู๋ง ต้อ ไม้ ม่าย เล์ย หล่ง เญย ฮูง อัน น้าย นอม เตี้ย ปั๊ว. หย่า ไม้ ตู๋ง ต้อ ปั๊ว เหฒี่ย เญย กะน้าย ไฟ เหฒี่ย เญย ล่าง หฒิ ไฟ เธี้ย เหฒี่ย เญย กะน้าย อัน น้าย นอม เตี้ย ฝ่ง ห่อ. 10เหยียด หฮญัง เหยียด หฑุ่น อาโลน อ๋อย หฒุ สา หฑุ่น ปั๊ว ฮูง เตี้ย เญย หวุย. ต่อย เจี๋ย ต่อย, หฮญังๆ อ๋อย หฒุ หล่ง เหฒี่ย ฟิ ฒุ์ย วั้ว เต้า แซง-คู้ เญย ฑย้าม ไหฒ เตี้ย จอง. น้าย นอม เตี้ย ฯฒฯ เก้า ธีง-เหฑ่ง เจี๋ย ฝูง ปุน เฒี้ยว. ”
หฒัวะ แหม่ง ญ่าน
11 เฒี้ยว ก๊อง บั๋ว โมเซ, 12“เม่ย ฝาว อิสะลาเอน เมี่ยน เญย เมี่ยน โฮ์ว วั้ว หฒั่น, เต้าๆ เมี่ยน อ๋อย หฒุ ธ้วด ญ่าน ปุน เฒี้ยว, เหว่ย หฒัวะ กั้น เญย แหม่ง. ฮนั้ง หน่าย, เม่ย ซ้าว นิ่น บัว เญย เฒี่ยง โห่ หธีง ต้าย ไม้ ปวั้ง หฒุ หาย หญู่ง เหฒะ หน่าน. 13ตะฟ่าน ซ้าว เปียะ เมี่ยน โฮ์ว ตาน เญย โม์ว เต้า เมี่ยน อ๋อย หฒุ ธ้วด เหยียด ฒิ่น ฟาม-ปวน ญ่าน#30:13 ฮิบลู หว่า ก๊อง ด๊าม-เซเขน. เซ เหยียด ฒิ่น ฟาม-ปวน (เล่ย ไม้ โก 6 กัม). หฒิว สีง ติ่น ตี่ง ต้าย เญย เฮนี้ย-ต้าว.#30:13 น้าย เหยี่ยม แอ๋ง ทิบ หว่า ก๊อง “เหยียด เซเขน ม่าย 20 เกลา.” เซ เล่ย ไม้ โก 11.5 กัม. น้าย เต๋ย เหยียด ฒิ่น ฟาม-ปวน ญ่าน เซ เหว่ย ฝ่ง ห่อ ปุน เฒี้ยว. #ธ้วด อียิบ 38:25-26; มัดทาย 17:24 14ตะฟ่าน ฝาว บั๋ว ซ้าว เญย เมี่ยน, เยียม หญี่ เหฒียบ หฮญัง ฝาว แหมง, อ๋อย หฒุ ธ้วด น้าย เต๋ย หฒัวะ แหม่ง ญ่าน ฝ่ง ห่อ ปุน เฒี้ยว. 15เม่ย บัว ต้อ เหว่ย หฒัวะ แหม่ง เญย เหยียด ฒิ่น ฟาม-ปวน ญ่าน#30:15 เป๊ย หมั่ง 30:15 เหยี่ยม. ฝ่ง ห่อ ปุน เฒี้ยว, เมี่ยน ม่าย เมี่ยน หย่า ไม้ ธ้วด เก้า ธั้ม. เมี่ยน จ่ม เมี่ยน หย่า ไม้ ธ้วด เก้า โหฒะ. 16เม่ย เซียว อิสะลาเอน เมี่ยน ธ้วด น้าย เต๋ย หฒัวะ แหม่ง เญย ญ่าน, อ๋อย หฒุ หล่ง เหว่ย หวุ่ย ปวั้ง เญย ด๊บ-ลิ่ว เฉียม หล่ง เญย กะน้าย, เหว่ย เยียม เฒี้ยว เญย หฑะเฮมียน ปุน เฒี้ยว จั๋ง อิสะลาเอน เมี่ยน, เหว่ย หฒัวะ เม่ย บัว เญย แหม่ง.”
ต้ง ซิ ปุ้น
17 เฒี้ยว ก๊อง บั๋ว โมเซ, 18“เม่ย อ๋อย หฒุ หล่ง ต้ง ซิ โหฒว นอม หฑาว ปั์ว-เหฒา ปุ้น, แอ๋ง หล่ง ต้ง ซิ โหฒว นอม ท้าบ เหว่ย ท้าบ ปุ้น. ต้อ มี่ง ตน เจี๊ยน หวุ่ย ปวั้ง เญย ด๊บ-ลิ่ว เหธา เหฒี่ย-ต้อง บุด๋ง, ฒ่าง เจี๊ยน ววม.#ธ้วด อียิบ 38:8 19อาโลน เหธา นิ่น เญย ตอน บัว อ๋อย หฒุ หล่ง หฑาว ปั์ว-เหฒา. 20นิ่น บัว หาย หฒั่น เปียะ หวุ่ย ปวั้ง ด๊บ ลิ่ว, นิ่น บัว อ๋อย หฒุ หฑาว ปั์ว-เหฒา หธีง ต้าย ไม้ ไต่. หาย หฒั่น มี่ง ฟัด เหฒี่ย-ต้อง เหว่ย ฟู-สู, เซ ต้อ กะน้าย หล่ง โต์ว ปั๊ว เหฒี่ย ฝ่ง ห่อ ปุน เฒี้ยว, 21หย่า อ๋อย หฒุ หฑาว ปั์ว-เหฒา หธีง ต้าย ไม้ ไต่. น้าย เซ อาโลน เหธา นิ่น เญย เฒ้ย-ฟุน ต่อย เจี๋ย ต่อย, เหยียด ลิ์ว อ๋อย หฒุ กัน เญย เล์ย.”
ออน เมี่ยน เญย โย่ว
22 เฒี้ยว แอ๋ง ก๊อง บั๋ว โมเซ,#ธ้วด อียิบ 37:29 23“เฒาะ น้าย เต๋ย ดาง เญย หลาบ หลิ่ว, มูหย่อ ววม ปัว จ้อย เหธา หญี่ เหฒียบ จั๊ว ลู์ง,#30:23 ฮิบลู หว่า ก๊อง 500 เซเขน. เซ เล่ย ไม้ โก 6 กีโล. เจี๋ย-โล่ว เดี๋ยง-ด๊บ เหยียด จ้อย ฟ่า เหฒียบ เป๊ด ลู์ง,#30:23 ฮิบลู หว่า ก๊อง 250 เซเขน. เซ เล่ย ไม้ โก 3 กีโล. ฒ่า ฆาน เหยียด จ้อย ฟ่า เหฒียบ เป๊ด ลู์ง, 24กานบุน#30:24 เป๋น หญู่ง ดาง เญย กะน้าย. ปัว จ้อย หญี่ เหฒียบ จั๊ว ลู์ง.#30:24 ฮิบลู หว่า ก๊อง 500 เซเขน. เซ เล่ย ไม้ โก 6 กีโล. (น้าย เต๋ย เหยียด ฒู้ง อ๋อย หฒุ หฒิว สีง ติ่น ตี่ง ต้าย เญย เฮนี้ย-ต้าว.) แอ๋ง หฒอบ เปยย ก่อง#30:24 ฮิบลู หว่า ก๊อง เหยียด ฮิน. เซ เล่ย ไม้ โก เปยย ก่อง (4 ลิด). กะลั้น โย่ว. 25ปุน เต้า เผว กะน้าย-ดาง เญย หฒั่ง เมี่ยน เฒาะ น้าย เต๋ย เหยียด ฒู้ง เผว ต้าย ดาง เญย, โหฒว เป๋น ออน เมี่ยน เญย ธีง-เหฑ่ง โย่ว. 26หล่ง น้าย เต๋ย โย่ว โต๋ หวุ่ย ปวั้ง เญย ด๊บ-ลิ่ว เหธา แล์ง แหง่ง หว่า ฟาง, 27เตี้ย เหธา เตี้ย เญย เหยียด ฒู้ง จา-สี่, โต๋ ตัง เหธา ตัง เญย จา-สี่, โต๋ ปั๊ว ฮูง เตี้ย, 28โต๋ ปั๊ว เหฒี่ย กะน้าย เญย เหฒี่ย-ต้อง เหธา เหฒี่ย-ต้อง เญย จา-สี่, เลี่ยม ปุ้น เหธา ปุ้น เญย ท้าบ. 29อ๋อย หฒุ สา เหฑ่ง น้าย เต๋ย กะน้าย, เหยียด ฒู้ง ฯฒฯ เป๋น เก้า ธีง-เหฑ่ง เจี๋ย เญย กะน้าย. ตะฟ่าน หาย หญู่ง ควัด หฒุ น้าย เต๋ย กะน้าย, วั้ว หญู่ง ฯฒฯ ธีง-เหฑ่ง อ๊ะ.
30“แอ๋ง เฒาะ น้าย เต๋ย โย่ว โต๋ อาโลน เหธา นิ่น เญย ตอน บัว#สีง ฑูง 133:1-2 สา นิ่น บัว ธีง-เหฑ่ง เหว่ย โหฒว ไซ เมี่ยน ฟู-สู เยีย. 31เม่ย อ๋อย หฒุ ก๊อง บั๋ว อิสะลาเอน เมี่ยน, ‘น้าย เซ เยีย เญย ธีง-เหฑ่ง โย่ว เหว่ย ต่อย เจี๋ย ต่อย เหยียด ลิ์ว หล่ง. 32น้าย หญู่ง โย่ว ไม้ ตู๋ง หละไกว้ โต๋ ไม้ เฒ์ย โหฒว ไซ เมี่ยน เญย เมี่ยน. หย่า ไม้ ตู๋ง หล่ง น้าย หญู่ง หฒะเอ๋ย เผว ต้าย เหว่ย กั้น หญู่ง เจ๊า หล่ง. น้าย เต๋ย โย่ว เซ ธีง-เหฑ่ง. อ๋อย หฒุ จั๋ง เจี๊ยน หฒะเก้ง ธีง-เหฑ่ง. 33หาย เต้า เผว น้าย หญู่ง โย่ว ต้าย หล่ง ไฟ หละไกว้ โต๋ ไม้ เฒ์ย โหฒว ไซ เญย เมี่ยน, วั้ว เต้า เยียม นิ่น เญย เมี่ยน บุด๋ง ฒู้ง หฒุ ไพ กวั่ง.’”
ฮูง
34 เฒี้ยว แอ๋ง ก๊อง บั๋ว โมเซ, “เฒาะ น้าย เต๋ย ดาง เญย หลาบ หลิ่ว ต้าย หญู่งๆ ฟี่ บัวะ. ม่าย หญู่ง เดี๋ยง-ฒูง-ดาง, เหธา ฉะมด เหธา ออเหวย แอ๋ง เหธา กั้น หญู่ง เดี๋ยง-ฒูง เห่ว ฟานเกนเซน. 35ปุน เต้า เผว กะน้าย-ดาง เญย หฒั่ง เมี่ยน เผว น้าย เต๋ย กะน้าย โหฒว ฮูง. แอ๋ง หฒอบ เต๋ย เฑ้า ปุน ฮูง ธีง-เหฑ่ง, ไม้ ม่าย หวุย. 36เฒาะ เต๋ย ฮูง หม่อ เป๋น บ๊วน ต้อ มี่ง หวุ่ย ปวั้ง เญย ด๊บ-ลิ่ว กะญั์ว อัน เจี๊ยน แล์ง แหง่ง หว่า ฟาง หฑะเฮมียน แหมง, ต้ง เยีย อ๋อย ปวั้ง เม่ย เญย ต๋อง. เม่ย บัว อ๋อย หฒุ จั๋ง เจี๊ยน น้าย เต๋ย ฮูง หฒะเก้ง ธีง-เหฑ่ง เจี๋ย เญย ฮูง. 37ไม้ ตู๋ง หล่ง น้าย หญู่ง หฒะเอ๋ย เผว ต้าย เหว่ย กั้น หล่ง. อ๋อย หฒุ จั๋ง เจี๊ยน น้าย เต๋ย ฮูง เซ ธีง-เหฑ่ง, ฝูง ปุน เฒี้ยว. 38หาย เต้า เผว น้าย หญู่ง ฮูง ต้าย เหว่ย กั้น หล่ง โหฒว ดาง เญย เฉีย, วั้ว เต้า เยียม นิ่น เญย เมี่ยน บุด๋ง ฒู้ง หฒุ ไพ กวั่ง.”
Currently Selected:
ธ้วด อียิบ 30: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
