ธ้วด อียิบ 19
19
อิสะลาเอน เมี่ยน เยียม ซีนาย บง
1อิสะลาเอน เมี่ยน ธ้วด อียิบ เต่ย-ปูง, ฆะฮ้า ปวั๊ง ปัว หฮลา เหญียะ วั้ว ฮนอย, นิ่น บัว มี่ง เถา ซีนาย เต่ย-ปูง-ฮวาง. 2นิ่น บัว ธ้วด เลฟีดิม เต่ย ซุ้ย มี่ง เถา ซีนาย เต่ย-ปูง-ฮวาง, เหลียบ เธี้ยง เยียม ซีนาย บง หฑะเฮมียน แหมง.
3โมเซ ฯฒฯ ฝาว เถา ทิน-ฮู่ง วั้ว. เฒี้ยว หย่า เยียม วั้ว บง เห่ว โมเซ. เม่ย อ๋อย หฒุ ฮนั้ง น้าย นอ ก๊อง บั๋ว ยาโค้บ เญย เฒ้ย-ฟุน, น้าย เต๋ย อิสะลาเอน เมี่ยน, 4‘เม่ย บัว กั้น ปวัด เยีย ฮนั้ง หาย นอ โหฒว ปุน อียิบ เมี่ยน. หย่า ฮิ้ว ตุ๊ เยีย ฮนั้ง หาย นอ ต้อ เม่ย บัว ต้าย เถา เยีย น้าย, เซ ฮนั้ง ต้ม จ๊าง เฒาะ ตอน อัน เจี๊ยน ด๊าด กู้ หงว่าย ได๋ นอ. 5สี ก๊อง เม่ย บัว หมวัง เยีย เญย หว่า หย่า เอย เจี๊ยน เยีย เญย แหง่ง หว่า โหฒว, เม่ย บัว ฯฒฯ เป๋น เยีย เยียม หม่าน ฝีง บุด๋ง กิ๊น ต้าย เญย เมี่ยน, เหว่ย หฒุ น้าย ลู่ง เดี๊ย เหยียด ฒู้ง เซ เยีย เญย.#หฑั่ม เล์ย-หลัด 4:20; 7:6; 14:2; 26:18-19; ทิตัด 2:14; 1 ปีเต 2:9 6เม่ย บัว อ๋อย โหฒว เหยียด ฝีง ไซ เมี่ยน ฟู-สู เยีย,#หล่าว ย่าง 1:6; 5:10 หย่า เป๋น เยีย เญย ธีง-เหฑ่ง ฝีง.’ น้าย เต๋ย หว่า เม่ย อ๋อย หฒุ ก๊อง บั๋ว อิสะลาเอน เมี่ยน.”
7โมเซ ฯฒฯ หฑวน มี่ง เห่ว อิสะลาเอน เมี่ยน เญย หฒวัง เมี่ยน โก๋ ต้าย ฒุ้น, เฒียง เฒี้ยว ก๊อง บั๋ว นิ่น เญย เหยียด ฒู้ง หว่า บั๋ว นิ่น บัว. 8หฒวัง เมี่ยน ล่ม ฑ่อย เตา, “เฒี้ยว ก๊อง เญย หว่า เยีย บัว หย่า อ๋อย เอย เจี๊ยน โหฒว เหฑ่ง.” โมเซ แอ๋ง โต่ว แปะ ฝีง เญย หว่า บั๋ว เฒี้ยว
9 เฒี้ยว ก๊อง บั๋ว โมเซ, “เยีย อ๋อย เยียม บ๋วน โฮ์ เญย ต้าย ล์อ เม่ย, เหว่ย ปุน แปะ ฝีง หมวัง ตุ๊ ไฮ์ เยีย เหธา เม่ย ก๊อง หว่า ฯฒฯ เหยียด ลิ์ว เสียน เม่ย.” โมเซ แอ๋ง โต่ว แปะ ฝีง เญย หว่า บั๋ว เฒี้ยว.
10 เฒี้ยว ก๊อง บั๋ว โมเซ, “เม่ย อ๋อย หฒุ บั๋ว แปะ ฝีง, อี้ ฮนอย เหธา ฌัง ฮนอย อ๋อย หฒุ ปุน กั้น ธีง-เหฑ่ง,#19:10 ฮิบลู หว่า ก๊อง “เม่ย อ๋อย หฒุ สา แปะ ฝีง ธีง-เหฑ่ง.” เซ ฮนั้ง โมเซ กั้น อ๋อย หฒุ โหฒว เหยียด หญู่ง เถง แปะ ฝีง ธีง-เหฑ่ง. มป่า ม่าย ธั้ม-ป๊วน โซว ฟาน ต้าย ก๊อง “แปะ ฝีง อ๋อย หฒุ ปุน กั้น ธีง-เหฑ่ง.” เมี่ยน ธั้ม เปียะ เฮญี้ยว เอ๋ย เล์ย เซ เมี่ยน อ๋อย หฒุ หลิ่ว เล์ย เฮญี้ยว หฒั่ง เฒี้ยว. หย่า โหฑ เหฑ่ง ลุย-โหว. 11เถา ตะฟาม ฮนอย วั้ว ฮนอย, อ๋อย หฒุ หลิ่ว เล์ย เหฒียง, เหว่ย หฒุ ตะฟาม ฮนอย เฒี้ยว อ๋อย เหฌี่ย ซีนาย บง ปุน หฒวัง แปะ ฝีง ปวัด. 12อ๋อย หฒุ ตี่ง เหฒียง บง-เหฆน ฮวีง ก๋อม บง แอ๋ง บั๋ว เมี่ยน, ‘อ๋อย หฒุ ไฝ ฟิม, ไม้ ตู๋ง ฝาว บง หย่า ไม้ ตู๋ง ควัด หฒุ บง-จั๊วะ. หาย เต้า ควัด หฒุ ฒู้ง อ๋อย หฒุ ไต๋ ไต่.#ฮิบลู 12:18-20 13หย่า ไม้ ตู๋ง หล่ง ปั์ว มัวะ นิ่น. อ๋อย หฒุ เฒาะ หละเปย๊ย ฒง ไต่ ไฟ หล่ง จวัง-หฒิน ป๊วน ไต่. ไม้ กุ๊น เมี่ยน ไฟ แซง-คู้, ไม้ ตู๋ง เลี่ยว นิ่น เญย แหม่ง.’ เถา ไฮ์ ปย๊ม หฑัด เญย เฉีย ด๊าว เญย เฒี่ยง โห่ หธีง ต้าย ไฮ่ มี่ง นิด ฟัด บง.”
14โมเซ เยียม บง เหฌี่ย ต้าย บั๋ว แปะ ฝีง ปุน กั้น ธีง-เหฑ่ง, โหฑ เหฑ่ง ลุย-โหว. 15นิ่น แอ๋ง บั๋ว นิ่น บัว, “เถา ตะฟาม ฮนอย วั้ว ฮนอย อ๋อย หฒุ หลิ่ว เล์ย เหฒียง. หย่า อ๋อย หฒุ เก่, ไม้ ตู๋ง เหธา มเซียะ ตอน เปว๋ย.”
16ตะฟาม ฮนอย วั้ว ดอม ป์อง บะหลี่ง, บะอง บุย. ม่าย บ๋วน โฮ์ เญย ต้าย อม เจี๊ยน บง. แอ๋ง ม่าย หฑัด เญย เฉีย บุย.#หล่าว ย่าง 4:5 เยียม เธี้ยง เญย เมี่ยน เหยียด ฒู้ง กั้ม เหฑีย ไห่, ซิน หฒิน เหฑ่ง.#หฑั่ม เล์ย-หลัด 4:11-12 17โมเซ ต้อ แปะ ฝีง ธ้วด ด๊บ-ลิ่ว เธี้ยง มี่ง ปวั้ง ทิน-ฮู่ง. นิ่น บัว ฯฒฯ มี่ง โซ้ว เจี๊ยน บง-จั๊วะ. 18โต์ว-เสียว อม เจี๊ยน ซีนาย บง เหว่ย หฒุ เฒี้ยว เยียม โต์ว กะญั์ว เหฌี่ย บง. โต์ว-เสียว ธุดๆ เญย ฝาว ฮนั้ง ปั๊ว ต้ม โต์ว-เหฑ่า นอ. เฒี่ยง นอม บง หย่า ต์ง ตุ๊ เสย ไห่. 19หฑัด เญย เฉีย หย่า กุ๊น โหฒว กุ๊น บุย. โมเซ เหธา ทิน-ฮู่ง ก๊อง หว่า, ทิน-ฮู่ง หย่า เตา โมเซ ฮนั้ง บะอง บุย นอ.
20 เฒี้ยว เหฌี่ย เถา ซีนาย บง- นี้ง แอ๋ง เห่ว โมเซ ฝาว วั้ว บง-นี้ง. โมเซ ฯฒฯ ฝาว อ๊ะ. 21เฒี้ยว ก๊อง บั๋ว นิ่น, “เม่ย อ๋อย หฒุ เหฌี่ย มี่ง หัด แปะ ฝีง ไม้ ตู๋ง เจี๋ย ด่าง บง-เหฆน ต้าย หมั่ง เยีย. เหฑีย ไฮ่ ม่าย เมี่ยน ธั้ม เญย หฒุ ไต่. 22เลี่ยม ต้าย ฟัด เยีย, เฒี้ยว, วั้ว เต๋ย ไซ เมี่ยน อ๋อย หฒุ สา กั้น ธีง-เหฑ่ง. ไม้ เฒย แอ๊ะ, เยีย อ๋อย ตี่ง นิ่น บัว เญย ฒุ์ย.”
23โมเซ ก๊อง บั๋ว เฒี้ยว, “อิสะลาเอน เมี่ยน ไม้ ไฮ่ ฝาว ซีนาย บง เหว่ย หฒุ เม่ย กั้น หัด เยีย บัว, ‘อ๋อย หฒุ ตี่ง เหฒียง บง-เหฆน ก๋อม น้าย นอม บง, ฝุน น้าย นอม บง โหฒว ธีง-เหฑ่ง บง.’”
24 เฒี้ยว ก๊อง บั๋ว โมเซ, “เหฌี่ย มี่ง ต้อ อาโลน เหธา เม่ย ฝาว น้าย ต้าย. มป่า ไม้ ตู๋ง ปุน ไซ เมี่ยน เหธา แปะ ฝีง เจี๋ย บง-เหฆน ฝาว เยีย น้าย. ไม้ เฒย แอ๊ะ, เยีย อ๋อย ตี่ง นิ่น บัว เญย ฒุ์ย.”
25โมเซ ฯฒฯ เหฌี่ย มี่ง เฒียง น้าย เต๋ย หว่า บั๋ว แปะ ฝีง.
Currently Selected:
ธ้วด อียิบ 19: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
