หฑั่ม เล์ย-หลัด 5
5
เหฒียบ ติ้ว เล์ย-หลัด
(เป๊ย หมั่ง ธ้วด อียิบ 20:1-17)
1โมเซ เห่ว อิสะลาเอน เญย หฒวัง เมี่ยน ต้าย ฒุ้น ฯฒฯ ก๊อง, “โอ อิสะลาเอน เมี่ยน อ่า, หมวัง หลง เยีย อี้ ฮนอย อ๋อย ก๊อง บั๋ว เม่ย บัว เญย เล์ย-หลัด เหธา เล์ย. อ๋อย หฒุ โหะ หลิ่น หย่า หล่ง เฮญี้ยว เอย เจี๊ยน โหฒว. 2เฒี้ยว, บัว เญย ทิน-ฮู่ง, เยียม โฮเล้บ บง#5:2 เซ ซีนาย บง. เหธา บัว เหลียบ เจี์ย แหง่ง หว่า. 3น้าย เต๋ย แหง่ง หว่า เฒี้ยว ไม้ ตาน เหธา บัว เญย อง-ถาย บัว เหลียบ ฮนั้ง, หย่า เหธา บัว, ต้ง อี้ ฮนอย เฒี่ยง เจี๊ยน เยียม น้าย เญย หฒวัง เมี่ยน เหลียบ. 4เฒี้ยว เยียม บง กู้ หงว่าย, โต์ว กะญั์ว, เหธา เม่ย บัว เฮมียน ต๋อย เฮมียน ก๊อง หว่า. 5วั้ว หฒั่น เยีย โซ้ว เจี๊ยน เฒี้ยว เหธา เม่ย บัว บุด๋ง, ฒุ่น เฒี้ยว เญย หว่า ปุน เม่ย บัว หมวัง, เหว่ย หฒุ เม่ย บัว กั้ม เหฑีย โต์ว ฯฒฯ ไม้ ฝาว บง. เฒี้ยว ก๊อง,
6“เยีย เซ เฒี้ยว, เม่ย บัว เญย ทิน-ฮู่ง, ต้ง ต้อ เม่ย บัว ธ้วด อียิบ เต่ย-ปูง โหฒว โน่ว เญย ต๋อง.
7“ธ้วด ลิ์ว เยีย, ไม้ ตู๋ง หฒั่ง กั้น เต้า เฒี่ยน.
8“ไม้ ตู๋ง เหว่ย กั้น โหฒว หาย หญู่ง หมิ่ว-ฝัง,#เลวี 26:1; หฑั่ม เล์ย-หลัด 4:15-18; 27:15 ไม้ กุ๊น เยียม กู้ หงว่าย ลู่ง, เยียม กะเดี๊ย เดา ไฟ เยียม เดา-เดี๊ย เญย ววม กะญั์ว หาย หญู่ง เญย ฝัง. 9ไม้ ตู๋ง เกว่ย เหฌี่ย ป๋าย น้าย เต๋ย หมิ่ว-ฝัง หย่า ไม้ ตู๋ง หฒั่ง, เหว่ย หฒุ เยีย, เฒี้ยว, เม่ย บัว เญย ทิน-ฮู่ง, แฑง เจี๊ยน เม่ย บัว. เยีย อ๋อย ตี่ง ฑอง เยีย วั้ว เต๋ย เมี่ยน เญย ฒุ์ย, ตี่ง เถา นิ่น บัว เญย ปัว เปยย ต่อย เฒ้ย-ฟุน.#ธ้วด อียิบ 34:6-7; ซ้าว เมี่ยน 14:18; หฑั่ม เล์ย-หลัด 7:9-10 10หาย เต้า ฮนั้ม เยีย, เอย เจี๊ยน เยีย เญย เล์ย-หลัด โหฒว, เยีย ฯฒฯ ฮนั้ม นิ่น เจี๋ย มี่ง เถา เหยียด ธิน ต่อย.#5:10 เถา เหยียด ธิน ต่อย ไฟ เถา ธินๆ ต่อย.
11“ไม้ ตู๋ง หละไกว้ หล่ง เฒี้ยว, เม่ย บัว เญย ทิน-ฮู่ง เญย บั๋ว.#เลวี 19:12 หาย เต้า หละไกว้ หล่ง เฒี้ยว เญย บั๋ว, เฒี้ยว อ๋อย ตี่ง วั้ว เต้า เญย ฒุ์ย.
12“อ๋อย หฒุ หฒิว เฒี้ยว, เม่ย บัว เญย ทิน-ฮู่ง, หัด เญย หว่า เซียว ตี้ง กง ฮนอย เป๋น ธีง-เหฑ่ง ฮนอย.#ธ้วด อียิบ 16:23-30; 31:12-14 13ม่าย จุ๊ ฮนอย โหฒว เม่ย บัว เญย เหยียด ฒู้ง กง,#ธ้วด อียิบ 23:12; 31:15; 34:21; 35:2; เลวี 23:3 14มป่า ตะเธี้ยด ฮนอย เซ ตี้ง กง ฮนอย เหว่ย ฝูง ปุน เฒี้ยว, เม่ย บัว เญย ทิน-ฮู่ง. วั้ว ฮนอย ไม้ ตู๋ง โหฒว หาย หญู่ง กง. เม่ย บัว กั้น เหธา เม่ย บัว เญย น่าม โญ์ว, เม่ย บัว เญย โน่ว เก๊า โน่ว เป์ย, เม่ย บัว เญย ง่ง, เม่ย บัว เญย ล่อ, ไฟ เม่ย บัว เญย หาย หญู่ง แซง-คู้, ไฟ เยียม เม่ย บัว เญย ฒี่ง เญย กั้น ฝีง เมี่ยน, ไม้ ตู๋ง โหฒว หาย หญู่ง กง, เหว่ย ปุน เม่ย บัว เญย โน่ว เก๊า โน่ว เป์ย ตุ๊ เหธา เม่ย บัว ฟี่ ฮนั้ง เญย ฮิด ขวน. 15อ๋อย หฒุ จั๋ง เจี๊ยน เม่ย บัว เยียม อียิบ เต่ย-ปูง โหฒว เจี๋ย โน่ว, เฒี้ยว, เม่ย บัว เญย ทิน-ฮู่ง, ซูง เฮ้น ไห่ เญย ปั์ว, หล่ง ต้ม ชะ ต้อ เม่ย บัว ธ้วด ต้าย. เหว่ย น้าย เฒี้ยว, เม่ย บัว เญย ทิน-ฮู่ง, หัด เม่ย บัว เซียว ตี้ง กง ฮนอย.
16“อ๋อย หฒุ ถง หนิ่ม เม่ย บัว เญย เตี๋ย หม่า#หฑั่ม เล์ย-หลัด 27:16; มัดทาย 15:4; 19:19; มาโค 7:10; 10:19; ลูกา 18:20; เอเฟโซ 6:2-3 หฒิว เฒี้ยว, เม่ย บัว เญย ทิน-ฮู่ง, หัด เญย หว่า, เหว่ย ปุน เม่ย บัว เฒี่ยง ตุ๊ เสี่ยว ญ่วน ด๊าว หย่า ตุ๊ หลง เยียม เฒี้ยว, เม่ย บัว เญย ทิน-ฮู่ง, จิว ปุน เม่ย บัว เญย เต่ย-ปูง.
17“ไม้ ตู๋ง ไต๋ เมี่ยน.#ทิน เต่ย โต้ว 9:6; เลวี 24:17; มัดทาย 5:21; 19:18; มาโค 10:19; ลูกา 18:20; โลมา 13:9; ยากอบ 2:11
18“ไม้ ตู๋ง เหฮยียน เอ๊า เหฮยียน โหฆ.#เลวี 20:10; มัดทาย 5:27; 19:18; มาโค 10:19; ลูกา 18:20; โลมา 13:9; ยากอบ 2:11
19“ไม้ ตู๋ง โหฒว หฒะ.#เลวี 19:11; มัดทาย 19:18; มาโค 10:19; ลูกา 18:20; โลมา 13:9
20“ไม้ ตู๋ง โหฒว จ๊า ฒอง-เหฒง ห่อย เมี่ยน.#ธ้วด อียิบ 23:1; มัดทาย 19:18; มาโค 10:19; ลูกา 18:20
21“ไม้ ตู๋ง เม้า เมี่ยน เญย เอ๊า. หย่า ไม้ ตู๋ง เหมว่ย เจี๊ยะ เมี่ยน เญย เปย๊า ไฟ ลี่ง เต่ย, นิ่น เญย โน่ว เก๊า โน่ว เป์ย, นิ่น เญย ง่ง ไฟ ล่อ, ไฟ นิ่น ม่าย เญย หาย หญู่ง กะน้าย.”#โลมา 7:7; 13:9
22น้าย เต๋ย เล์ย-หลัด เซ เฒี้ยว เยียม บง กู้ หงว่าย, เยียม โต์ว เหธา บ๋วน เหธา อม เจี๊ยน หฮมวัง เญย ต๋อง กะญั์ว, หล่ง เฉีย โฮล เญย ก๊อง บั๋ว กั๊บ ฒุ้น เญย หฒวัง เมี่ยน. นิ่น หย่า ไม้ ทิบ หาย หญู่ง หว่า. ฆะฮ้า นิ่น เฒาะ น้าย เต๋ย เล์ย-หลัด เฟี้ย เจี๊ยน อี คว้าย หละเปย๊ย-เป๊น จิว ปุน เยีย.#ฮิบลู 12:18-19
แปะ ฝีง กั้ม เหฑีย ไห่
(เป๊ย หมั่ง ธ้วด อียิบ 20:18-21)
23เม่ย บัว ไฮ์ ก๊อง หว่า เญย เฉีย เยียม หฮมวัง กะญั์ว ธ้วด, หย่า ปวัด โต์ว เหฒียะ เจี๊ยน บง เญย เฒี่ยง โห่, เม่ย บัว ฝีงๆ เญย เปย๊ย เฒ้ย เหธา เมี่ยน โก๋ ต้าย ล์อ เยีย 24ฯฒฯ ก๊อง, “หมั่ง ม่าะ! เฒี้ยว, บัว เญย ทิน-ฮู่ง, หิ่น นิ่น เญย ฌัง-หล่าง ปุน บัว ตุ๊ ปวัด หย่า ปิ๋ว เม่ง นิ่น เญย ฌัง-หล่าง เหธา ชะ. บัว ไฮ์ นิ่น เญย เฉีย เยียม โต์ว กะญั์ว ก๊อง ธ้วด. อี้ ฮนอย บัว ปวัด ทิน-ฮู่ง เหธา เมี่ยน ก๊อง หว่า, เมี่ยน หธ่อ ตุ๊ เฒี่ยง เจี๊ยน เญย. 25มป่า อี้ หฒั่น บัว เหว่ย หาย ติ่ว อ๋อย หฒุ ไต่? น้าย กว๋า กั้ม เหฑีย เญย โต์ว อ๋อย ปั๊ว เหมียด บัว. สี ก๊อง บัว แอ๋ง ไฮ์ เฒี้ยว, บัว เญย ทิน-ฮู่ง, เญย เฉีย เก้า เล่า, บัว ฯฒฯ ไต่ อ๊ะ. 26เหว่ย หฒุ ม่าย หาย เต้า ป้าม เมี่ยน ไฮ์ เจี๋ย เฒี่ยง เจี๊ยน เญย ทิน-ฮู่ง เญย เฉีย เยียม โต์ว ก๊อง ธ้วด ฮนั้ง บัว ไฮ์ นอ, หธ่อ ม่าย แหม่ง เฒี่ยง เจี๊ยน เญย ไฟ? 27โมเซ อ่า, โท้ เม่ย มี่ง ฟัด หมวัง เฒี้ยว, บัว เญย ทิน-ฮู่ง, ก๊อง เญย เหยียด ฒู้ง หว่า. แอ๋ง ต้อ เฒี้ยว, บัว เญย ทิน-ฮู่ง, เหธา เม่ย ก๊อง วั้ว เต๋ย หว่า หฑวน ต้าย บั๋ว เยีย บัว, เยีย บัว ฯฒฯ หมวัง หย่า เอย เจี๊ยน โหฒว.”
28เม่ย บัว เหธา เยีย ก๊อง หว่า วั้ว หฒั่น เฒี้ยว ไฮ์ หมี่ อ๊ะ. เฒี้ยว ก๊อง บั๋ว เยีย, “เยีย ไฮ์ น้าย เต๋ย เมี่ยน เหธา เม่ย ก๊อง เญย หว่า. นิ่น บัว ก๊อง เญย หว่า เซ หอบ เญย. 29โอ เฝย ตุ๊ นิ่น บัว หฒั่นๆ ม่าย เฮญี้ยว ฮนั้ง หน่าย นอ. นิ่น บัว ฯฒฯ ท่าย เยีย, เอย เจี๊ยน เยีย เญย เหยียด ฒู้ง เล์ย-หลัด, เหว่ย ปุน นิ่น บัว เหธา นิ่น บัว เญย ฝุเจว๊ย ฟุน-ฟะ เหยียด ลิ์ว ตุ๊ หลง.
30“เม่ย อ๋อย หฒุ มี่ง บั๋ว นิ่น บัว หฑวน กั้น เญย ด๊บ-ลิ่ว อ๊ะ. 31มป่า เม่ย กั้น เหธา เยีย เยียม น้าย. เยีย อ๋อย เฒาะ เหยียด ฒู้ง เล์ย-หลัด เหธา หลี่ง เหธา เล์ย จิว ปุน เม่ย. เม่ย อ๋อย หฒุ หฌาว นิ่น บัว, ปุน นิ่น บัว เยียม เยีย อ๋อย จิว ปุน นิ่น บัว หฑิบ เญย เต่ย-ปูง เอย เจี๊ยน โหฒว.”
32อิสะลาเอน เมี่ยน อ่า, เม่ย บัว อ๋อย หฒุ หล่ง เฮญี้ยว เอย เจี๊ยน เฒี้ยว, เม่ย บัว เญย ทิน-ฮู่ง, หัด เม่ย บัว เญย หว่า. หย่า ไม้ ตู๋ง ปู๋ง ด๊อด เหยียด ติ้ว.#5:32 “ไม้ ตู๋ง ปู๋ง ด๊อด เหยียด ติ้ว” ฮิบลู หว่า ก๊อง “ไม้ ตู๋ง ฮวิน มี่ง หฒาย ไฟ บย่าว”. 33อ๋อย หฒุ เอย เจี๊ยน เฒี้ยว, เม่ย บัว เญย ทิน-ฮู่ง, บั๋ว เญย น้าย เต๋ย ติ้วๆ เล์ย โหฒว, เม่ย บัว ฯฒฯ ตุ๊ เฒี่ยง เจี๊ยน, ตุ๊ หลง, หย่า ตุ๊ เยียม เม่ย บัว อ๋อย หฑิบ เญย เต่ย-ปูง เล่า.
Currently Selected:
หฑั่ม เล์ย-หลัด 5: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
