หฑั่ม เล์ย-หลัด 27
27
เยียม เอบาน บง เฟี้ย เญย เล์ย-หลัด
1โมเซ เหธา อิสะลาเอน เมี่ยน เญย หฒวัง เมี่ยน โก๋ หัด แปะ ฝีง. นิ่น บัว ก๊อง, “เม่ย บัว อ๋อย หฒุ เอย เหฑ่ง อี้ ฮนอย เยีย บั๋ว เม่ย บัว เญย เหยียด ฒู้ง หลี่ง. 2เม่ย บัว เจี๋ย จอแดน ด้าย เปียะ เฒี้ยว, เม่ย บัว เญย ทิน-ฮู่ง, จิว ปุน เม่ย บัว เญย เต่ย-ปูง วั้ว ฮนอย, อ๋อย หฒุ เหลียบ เหฒีย นอม ต้ม หละเปย๊ย ตน เจี๊ยน, หล่ง ฮวุย หววด เจี๊ยน.#โยซูวา 8:30-32 3เม่ย บัว เจี๋ย มี่ง เปียะ เฒี้ยว, เม่ย บัว เญย ทิน-ฮู่ง, จิว ปุน เม่ย บัว วั้ว นอม เดา-โท้ว หลง เญย เต่ย-ปูง,#27:3 เป๊ย หมั่ง ธ้วด อียิบ 3:8. ฮนั้ง เฒี้ยว, เม่ย บัว เญย อง-ถาย เญย ทิน-ฮู่ง, แล์ง ปุน เม่ย บัว นอ, อ๋อย หฒุ เฒาะ น้าย เต๋ย เล์ย-หลัด เญย เหยียด ฒู้ง หว่า เฟี้ย เจี๊ยน วั้ว ดุย หละเปย๊ย. 4เม่ย บัว เจี๋ย จอแดน ด้าย มี่ง วั้ว หฒั่น, อ๋อย หฒุ เยียม เอบาน บง หฒิว เยีย อี้ ฮนอย บั๋ว เม่ย บัว เญย หว่า เหลียบ น้าย เต๋ย หละเปย๊ย หย่า เฒาะ ฮวุย หววด เจี๊ยน. 5เยียม วั้ว อ๋อย หฒุ หล่ง หละเปย๊ย เหว่ย เฒี้ยว, เม่ย บัว เญย ทิน-ฮู่ง, เหธย นอม เหฒี่ย-ต้อง. ไม้ ตู๋ง หล่ง เฮลียะ เญย จา-สี่ หฒุ น้าย เต๋ย หละเปย๊ย.#ธ้วด อียิบ 20:25 6เม่ย บัว อ๋อย หฒุ หล่ง ไม้ หฒุ เจี๋ย เญย หละเปย๊ย เหธย เฒี้ยว, เม่ย บัว เญย ทิน-ฮู่ง, เญย เหฒี่ย-ต้อง, หย่า เฒาะ ฝ่ง ห่อ ปั๊ว เหฒี่ย เญย กะน้าย อัน วั้ว นอม เหฒี่ย-ต้อง. 7หย่า อ๋อย หฒุ เยียม วั้ว ฝ่ง ห่อ เหฒี่ย เหว่ย จิว ทง เญย กะน้าย, เยียม เฒี้ยว, เม่ย บัว เญย ทิน-ฮู่ง, เญย หฑะเฮมียน เฌียน-โย่ว เญย หญั่น. 8อ๋อย หฒุ เฒาะ น้าย เต๋ย เล์ย-หลัด เญย โจ๋วๆ หว่า เม่งๆ เญย เฟี้ย เจี๊ยน เยียม หววด ฮวุย วั้ว เต๋ย หละเปย๊ย.”
9โมเซ เหธา โหฒว ไซ เญย เลวี เมี่ยน ก๊อง บั๋ว อิสะลาเอน เญย หฒวัง เมี่ยน, “โอ อิสะลาเอน เมี่ยน อ่า, อ๋อย หฒุ เซ้กๆ เญย หมวัง หลง. อี้ ฮนอย เม่ย บัว เป๋น เฒี้ยว, เม่ย บัว เญย ทิน-ฮู่ง, เญย แปะ ฝีง. 10เหว่ย น้าย เม่ย บัว อ๋อย หฒุ หมวัง เฒี้ยว, เม่ย บัว เญย ทิน-ฮู่ง, เญย หว่า หย่า เอย เจี๊ยน นิ่น เญย เล์ย-หลัด เหธา หลี่ง, ต้ง เยีย อี้ ฮนอย จิว ปุน เม่ย บัว เญย เล์ย.”
เยียม เอบาน บง เหฒียว เญย หว่า
11ต้ง วั้ว ฮนอย โมเซ แอ๋ง ก๊อง บั๋ว แปะ ฝีง, 12“เม่ย บัว เจี๋ย จอแดน ด้าย มี่ง วั้ว หฒั่น, น้าย เต๋ย จุ๊ ฝีง เมี่ยน, เซ สิเมโอน, เลวี, ยูดา, อิดสาคา, โยเซ้บ, เหธา เบนยามิน ฝีง, อ๋อย หฒุ โซ้ว เจี๊ยน เกลิซิม บง ปวัง หว่า ปุน แปะ ฝีง.#หฑั่ม เล์ย-หลัด 11:29; โยซูวา 8:33-35 13แอ๋ง ม่าย น้าย เต๋ย จุ๊ ฝีง, เซ ลูเบน, กาด, อาเซ, เสบูลุน, ดาน เหธา นับทาลี, อ๋อย หฒุ โซ้ว เจี๊ยน เอบาน บง ฒุ่น เหฒียว เญย หว่า.
14เลวี เมี่ยน ฯฒฯ เฉีย โฮล เญย ก๊อง น้าย เต๋ย หว่า บั๋ว อิสะลาเอน เญย หฒวัง เมี่ยน. นิ่น บัว ก๊อง,
15“‘ตะฟ่าน หฒั่ง เมี่ยน เญย ปั์ว-เต้า โหฒว ต้าย เญย หมิ่ว-ฝัง, ไม้ กุ๊น ติว ต้าย ไฟ โต๋ ต้าย เญย ฝัง, เซ เฒี้ยว โหยว ไห่ เญย กะน้าย. หาย เต้า เหลียบ ต้าย ปี๋ง เจี๊ยน เบว์ย เญย ต๋อง, วั้ว เต้า หฒุ เหฒียว อ๊ะ.’#ธ้วด อียิบ 20:4; 34:17; เลวี 19:4; 26:1; หฑั่ม เล์ย-หลัด 4:15-18; 5:8
“หฒวัง แปะ ฝีง ฯฒฯ ก๊อง, ‘อาเมน.’
16“‘หาย เต้า ไม้ ถง หนิ่ม นิ่น เญย เตี๋ย หม่า, วั้ว เต้า หฒุ เหฒียว อ๊ะ.’#ธ้วด อียิบ 20:12; หฑั่ม เล์ย-หลัด 5:16
“หฒวัง แปะ ฝีง ฯฒฯ ก๊อง, ‘อาเมน.’
17“‘หาย เต้า ซุ้ย จวั่ง ล์าง เมี่ยน เญย เดา-เต่ย กั๊บ-เหฆน โหฒว จั๋ง-โห่ เญย ต่ง, วั้ว เต้า หฒุ เหฒียว อ๊ะ.’#หฑั่ม เล์ย-หลัด 19:14
“หฒวัง แปะ ฝีง ฯฒฯ ก๊อง, ‘อาเมน.’
18“‘หาย เต้า ต้อ มฒีง แม่ง เมี่ยน ยั่ง ต่อง เจ๊า, วั้ว เต้า หฒุ เหฒียว อ๊ะ.’#เลวี 19:14
“หฒวัง แปะ ฝีง ฯฒฯ ก๊อง, ‘อาเมน.’
19“‘หาย เต้า โหฒว ปุน กั้น ฝีง เมี่ยน, ไฟ กู้ ฮั่น ฝุเจว๊ย ไฟ เอ๊า-กว๊า ไม้ ตุ๊ แป้ง ฟิม เญย เล์ย, วั้ว เต้า หฒุ เหฒียว อ๊ะ.’#ธ้วด อียิบ 22:21; 23:9; เลวี 19:33-34; หฑั่ม เล์ย-หลัด 24:17-18
“หฒวัง แปะ ฝีง ฯฒฯ ก๊อง, ‘อาเมน.’
20“หาย เต้า เปว๋ย เตีย เญย เอ๊า, วั้ว เต้า หฒุ เหฒียว อ๊ะ, เหว่ย หฒุ นิ่น ป่าย หฒุ นิ่น เญย เตีย.”#27:20 ฟาน หฒะ ฮิบลู หว่า ก๊อง “เหว่ย หฒุ นิ่น เฑียน ฆอย นิ่น เญย เตีย เญย ลุย”.#เลวี 18:8; 20:11; หฑั่ม เล์ย-หลัด 22:30
หฒวัง แปะ ฝีง ฯฒฯ ก๊อง, ‘อาเมน.’
21“‘หาย เต้า เหฮยียน หาย หญู่ง แซง-คู้, วั้ว เต้า หฒุ เหฒียว อ๊ะ.’#ธ้วด อียิบ 22:19; เลวี 18:23; 20:15
“หฒวัง แปะ ฝีง ฯฒฯ ก๊อง, ‘อาเมน.’
22“‘หาย เต้า เปว๋ย นิ่น เญย ต่อ ไฟ หมั่ว, ไม้ กุ๊น นิ่น เญย เตีย เญย เซียะ ไฟ นิ่น เญย มา เญย เซียะ, วั้ว เต้า หฒุ เหฒียว อ๊ะ.’#เลวี 18:9; 20:17
“หฒวัง แปะ ฝีง ฯฒฯ ก๊อง, ‘อาเมน.’
23“‘หาย เต้า เปว๋ย นิ่น เญย มา-เตี๊ย, วั้ว เต้า หฒุ เหฒียว อ๊ะ.’#เลวี 18:17; 20:14
“หฒวัง แปะ ฝีง ฯฒฯ ก๊อง, ‘อาเมน.’
24“‘หาย เต้า ปี๋ง เจี๊ยน ไต๋ เมี่ยน, วั้ว เต้า หฒุ เหฒียว อ๊ะ.’
“หฒวัง แปะ ฝีง ฯฒฯ ก๊อง, ‘อาเมน.’
25“‘หาย เต้า ฒิบ ญ่าน หฮมวัง ไต๋ ไม้ โหฒว ต่อง เญย เมี่ยน, วั้ว เต้า หฒุ เหฒียว อ๊ะ.’
“หฒวัง แปะ ฝีง ฯฒฯ ก๊อง, ‘อาเมน.’
26“‘หาย เต้า ไม้ โก๋ว หลง ทิน-ฮู่ง เญย เล์ย-หลัด, เซ นิ่น ไม้ เอย เจี๊ยน เล์ย-หลัด โหฒว, วั้ว เต้า หฒุ เหฒียว อ๊ะ.’#กาลาเทีย 3:10
“หฒวัง แปะ ฝีง ฯฒฯ ก๊อง,
‘อาเมน.’
Currently Selected:
หฑั่ม เล์ย-หลัด 27: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
