หฑั่ม เล์ย-หลัด 25
25
1สี ก๊อง อี เต้า เมี่ยน ม่าย สี่ แปง เถา สี่ ต้อง, เซี้ยม ฒุ์ย เจียน ฯฒฯ ตี่ง หาย เต้า ต่อง, หาย เต้า ไม้ ต่อง. 2สี ก๊อง ม่าย ฒุ์ย วั้ว เต้า หฒี่ ตุ๊ เบ๊าะ, เซี้ยม ฒุ์ย เจียน ฯฒฯ เห่ว นิ่น บ๊าบ เหฌี่ย เดา, หฒิว นิ่น โหฒว เญย ฒุ์ย หฒี่ ตุ๊ เบ๊าะ เญย โสว โหม่ว ตอง เจี๊ยน เซี้ยม ฒุ์ย เจียน หฒุ เบ๊าะ. 3มป่า ไม้ ตู๋ง ปุน นิ่น หฒุ เบ๊าะ เก้า ธั้ม เฝย เหฒียบ ปิน.#2 โคลินโท 11:24 สี ก๊อง เบ๊าะ เจี๋ย ด่าง โสว โหม่ว, เหฑีย โหฒว ปุน เม่ย บัว เญย ก๋อ-โย์ว หฒ่าน ไห่.
4ง่ง หลิ่น เบย้า เญย เฒี่ยง โห่ ไม้ ตู๋ง โตว ง่ง เญย ฑุ่ย แป๋ง.#1 โคลินโท 9:9; 1 ทิโมไท 5:18
หล่ง ญาม-กว๊า เฑี์ย-กว๊า เญย เล์ย-เหญ่ย
5สี ก๊อง ม่าย อี มั์ว-ตอน จวั่ง เปย๊า เยียม, ม่าย เต้า ไต่ หมี่ อ๊ะ, หย่า ไม้ แก้ง ม่าย ตอน, ไต่ วั้ว เต้า เญย เอ๊า ไม้ ตุ๊ ธ้วด แก้ง มี่ง หล่ง กะเหญี่ย เญย เมี่ยน โหฒว โหฆ. โหฆ เญย ก๋อ ไฟ โย์ว อ๋อย หฒุ เอย เจี๊ยน หล่ง ญาม-กว๊า ไฟ เฑี์ย-กว๊า เญย เล์ย-เหญ่ย หล่ง นิ่น โหฒว เอ๊า.#25:5 เป๊ย หมั่ง ทิน เต่ย โต้ว 38:8.#มัดทาย 22:24; มาโค 12:19; ลูกา 20:28 6นิ่น ยู์ง ตุ๊ ต้าว เต้า ตอน อ๋อย หฒุ หฑิบ ไต่ วั้ว เต้า ก๋อ ไฟ โย์ว เญย บั๋ว เหว่ย ไม้ ปุน นิ่น เญย บั๋ว เยียม อิสะลาเอน เมี่ยน บุด๋ง หฒุด เหฑ่ง.
7สี ก๊อง ไต่ มี่ง วั้ว เต้า โหฆ เญย มั์ว-ต่อย ไม้ คั้ง ปุน หฑิบ นิ่น เญย ก๋อ ไฟ โย์ว เญย บั๋ว, วั้ว เต้า เอ๊า ฯฒฯ มี่ง ฒี่ง แก้ง, เมี่ยน โก๋ วั้ว ก๊อง, “เยีย เญย โหฆ เญย มั์ว-ต่อย ไม้ คั้ง ปุน นิ่น เญย ก๋อ เญย บั๋ว เยียม อิสะลาเอน เมี่ยน บุด๋ง หฑิบ เจี๊ยน มี่ง. นิ่น ไม้ คั้ง เอย เจี๊ยน หล่ง ญาม-กว๊า เญย เล์ย-เหญ่ย หล่ง เยีย โหฒว เอ๊า.”#25:7 เป๊ย หมั่ง ทิน เต่ย โต้ว 38:8.#ลูเท 4:7-8 8วั้ว นอม ฒี่ง เญย เมี่ยน โก๋ ฯฒฯ เห่ว วั้ว เต้า เมี่ยน ต้าย หน่าย นิ่น. สี ก๊อง นิ่น หธ่อ แหง่ง เจี๊ยน ก๊อง, “เยีย ไม้ อ๋อย หล่ง นิ่น โหฒว เอ๊า” นอ, 9วั้ว เต้า ญาม-กว๊า ฯฒฯ ตอง เจี๊ยน เมี่ยน โก๋ มี่ง ทุด นิ่น เญย โย์ว เญย เหยียด เจี๊ยะ เฮ่, หย่า ทุ้ย ววม-ฑุ่ย แน้ด นิ่น เญย เฮมียน ก๊อง, “ตะฟ่าน ไม้ เถง นิ่น เญย ก๋อ เหธย ฮมวั้ง ต่อย เญย เมี่ยน อ๋อย หฒุ ฮนั้ง น้าย นอ โหฒว ปุน นิ่น.” 10เยียม อิสะลาเอน เมี่ยน บุด๋ง วั้ว ป่วน เมี่ยน ฯฒฯ ตุ๊ บั๋ว เห่ว “หฒุ ทุด เฮ่ เญย ฮมวั้ง ต่อย.”
11สี ก๊อง ม่าย อี เต้า เมี่ยน เบ๊าะ จ๋า, ม่าย เหยียด เต้า เญย เอ๊า อ๋อย มี่ง เหฌียว นิ่น เญย โหฆ เปย๋า ดุ๊ด เบ๊าะ นิ่น เญย โหฆ วั้ว เต้า, ฯฒฯ ซูง ปั์ว เญา เจี๊ยน วั้ว เต้า เมี่ยน เญย ลั่ม เบว์ย ต๋อง, 12เม่ย บัว อ๋อย หฒุ ฮงะ ดุ๊ด วั้ว เต้า เอ๊า เญย ปั์ว. หย่า ไม้ ตู๋ง ค้อ-เลี่ยน นิ่น.
13ไม้ ตู๋ง ม่าย อี หญู่ง เฑียง-ต้อ, เหยียด นอม โฮล เหยียด นอม ไฝ, ตั๊บ เจี๊ยน เม่ย บัว เญย บัวะ.#เลวี 19:35-36 14เยียม เม่ย บัว เญย เปย๊า หย่า ไม้ ตู๋ง ม่าย อี หญู่ง ฮลาว เญย กะน้าย, เหยียด นอม โฮล, เหยียด นอม ไฝ. 15เฑียง เญย เหธา ฮลาว เญย กะน้าย อ๋อย หฒุ หอบ เญย, ต๋อย เญย. ฮนั้ง หน่าย เม่ย บัว ฯฒฯ เยียม เฒี้ยว, เม่ย บัว เญย ทิน-ฮู่ง, จิว ปุน เม่ย บัว เญย เต่ย-ปูง เฒี่ยง ตุ๊ เสี่ยว ญ่วน ด๊าว, 16เหว่ย หฒุ เฒี้ยว, เม่ย บัว เญย ทิน-ฮู่ง, โหยว ไห่ โหฒว น้าย หญู่ง สี่ เญย เมี่ยน, เซ เฮญี้ยว ฌ้วด, เฮญี้ยว เพียน เญย เมี่ยน.
อ๋อย หฒุ เหมียด เหฑ่ง อามาเล้ก เมี่ยน
17อ๋อย หฒุ จั๋ง เจี๊ยน เม่ย บัว ธ้วด อียิบ เต่ย-ปูง เยียม เจ๊า หฒั่ง วั้ว หฒั่น อามาเล้ก เมี่ยน ฮนั้ง หาย นอ โหฒว ปุน เม่ย บัว.#ธ้วด อียิบ 17:8-14; 1 ซามูเอน 15:2-9 18เม่ย บัว เยียม เจ๊า หฒั่ง เมา ไห่, โค้ว ไห่ วั้ว หฒั่น, นิ่น บัว ธ้วด ต้าย ตั๊ง เจี๊ยน กัน ฆะฮ้า ต้าย วั้ว เต๋ย. นิ่น บัว หย่า ไม้ กั้ม เหฑีย ทิน-ฮู่ง. 19ฮนั้ง หน่าย, เฒี้ยว, เม่ย บัว เญย ทิน-ฮู่ง, ปุน เม่ย บัว ตุ๊ เยียม เจี๊ยน นิ่น อ๋อย จิว ปุน เม่ย บัว หฑิบ เญย เต่ย-ปูง ฮิด ขวน, ไม้ หฒุ เว่ย ก๋อม เญย วิน-วั้ง ห่อย. เม่ย บัว อ๋อย หฒุ ไต๋ เหฑ่ง น้าย เต๋ย อามาเล้ก เมี่ยน ปุน นิ่น บัว หฒุด เหฑ่ง. เยียม ลู่ง เดี๊ย ไม้ ม่าย หาย เต้า จั๋ง ตุ๊ นิ่น บัว เญย บั๋ว. เม่ย บัว ธิน-หม่าน ไม้ ตู๋ง หละคุ.
Currently Selected:
หฑั่ม เล์ย-หลัด 25: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
