อาโม้ด 9
9
ตะฮม์ หญู่ง หิ่น ย่าง เญย สี่
เฒี้ยว ตี่ง ฒุ์ย, อิสะลาเอน เปย๋า ไม้ ดุ๊ด
1เยีย ปวัด เฒี้ยว โซ้ว เจี๊ยน เหฒี่ย-ต้อง กะเฮลน. นิ่น ก๊อง,
“อ๋อย หฒุ เบ๊าะ หฒั่ง ทิน-ฮู่ง เญย เปย๊า
เญย เดี้ยว เตว๊ย-เมว์ย,
เถา เปียะ แก้ง เญย ต๋อง หฒุ ดั่น ต์ง.
“เบ๊าะ เดี้ยว เตว๊ย-เมว์ย ฮู้ เหฑ่ง,
ดั๊บ หฒุ หฒวัง เมี่ยน เญย มฆ้อง.
เหฒ่ง เหฌี่ย วั้ว เต๋ย เมี่ยน เยีย อ๋อย หล่ง หฑุ ด๊าว ไต๋.
นิ่น บัว ไม้ ม่าย เหยียด เต้า ไฮ่ เปย๋า,
ไม้ ม่าย เหยียด เต้า เปย๋า ตุ๊ ดุ๊ด.
2ไม้ กุ๊น นิ่น บัว เว้ด ค้วด เหฌี่ย เถา เยี่ยม เกน,
เยีย เญย ปั์ว ฯฒฯ เฒาะ นิ่น บัว เยียม หน่าย ธ้วด.
ไม้ กุ๊น นิ่น บัว ญอง ฝาว ลู่ง,
เยีย ฯฒฯ เฒาะ นิ่น บัว เยียม หน่าย เหฌี่ย ต้าย.
3ไม้ กุ๊น นิ่น บัว ปี๋ง เจี๊ยน เยียม คานเมน บง,
เยีย ฯฒฯ เยียม หน่าย ล์อ แอ๋ง เฒาะ นิ่น บัว ต้าย.
ไม้ กุ๊น นิ่น บัว ปี๋ง เยีย เยียม ค้อย-โด๊ะ ไม้ ปุน เยีย ปวัด,
เยีย ฯฒฯ เห่ว ค้อย เญย นาง หงาด นิ่น บัว.
4ไม้ กุ๊น หฒุ วิน-วั้ง กว๊าด นิ่น บัว มี่ง,
เยีย ฯฒฯ หัด หล่ง หฑุ ด๊าว ไต๋ นิ่น บัว.
เยีย เญย มฒีง อ๋อย นุๆ เญย หมั่ง นิ่น บัว,
เหว่ย ปุน นิ่น บัว หฒุ เธี้ยว, ไม้ เฒ์ย เหว่ย ตุ๊ หลง.”
5เฒี้ยว ทิน-ฮู่ง, เซ เน่น เจี๋ย เญย เฒี้ยว,
ต้ง มัวะ เดา, เดา ฯฒฯ หยุ, #9:5 ไฟ ต์ง.
เยียม เดา-เป้ย เญย เหยียด ฒู้ง ฯฒฯ เฑ่า เญี้ยม.
เฒี่ยง นอม เต่ย-ปูง อ๋อย ฝาว ฮนั้ง ไนอา ด้าย นอ,
หย่า หฒุ เมี้ยด มี่ง เมี้ยด ต้าย แอ๋ง ฮ้าบ เหฌี่ย ฮนั้ง อียิบ เญย ไนอา ด้าย นอ.
6นิ่น เหธย นิ่น เยียม เญย ต๋อง เยียม กู้ หงว่าย ลู่ง, #9:6 ไฟ กู้ หงว่าย วั้ว ฑั่ง.
นิ่น เหฒย ลู่ง หฒาว เจี๊ยน เดา-เป้ย.
นิ่น เห่ว ค้อย เญย ววม ต้าย,
หย่า โต๋ น้าย เต๋ย ววม เหฌี่ย เดา-เป้ย.
นิ่น เญย บั๋ว เห่ว เฒี้ยว.
7“โอ อิสะลาเอน เมี่ยน อ่า, เยีย หมั่ง เอทีโอเปีย เมี่ยน #9:7 โล์- ฮนอย บั๋ว เซ คู้ด เมี่ยน.
ฮนั้ง หมั่ง เม่ย บัว ไม้ เฒ์ย?”
น้าย เซ เฒี้ยว ก๊อง เญย หว่า.
“เยีย ต้อ เม่ย บัว อิสะลาเอน เมี่ยน เยียม อียิบ เต่ย-ปูง,
แอ๋ง ต้อ ฟีลิสะเตีย เมี่ยน ธ้วด เคลี้ด, #9:7 โล์- ฮนอย เญย บั๋ว เห่ว คับโท.
หย่า ต้อ ซีเลีย เมี่ยน#9:7 แอ๋ง ม่าย นอม บั๋ว เห่ว อาลัม เมี่ยน. ธ้วด คีอา ไม้ เฒ์ย?
8“เฒี้ยว ทิน-ฮู่ง เญย มฒีง หมั่ง เจี๊ยน
น้าย นอม ม่าย ฒุ์ย เญย กั๊วะ.
เยีย หย่า อ๋อย เยียม น้าย เดา-เป้ย
เหมียด เหฑ่ง,
มป่า ยาโค้บ เญย เฒ้ย-ฟุน
เยีย เหมียด ไม้ เหฑ่ง.”
น้าย เซ เฒี้ยว ก๊อง เญย หว่า.
9“เหว่ย หฒุ เยีย อ๋อย เหฌี่ย หลี่ง
ปุน เยียม หฒวัง กั๊วะ บุด๋ง เญย อิสะลาเอน เฒ้ย-ฟุน
ฮนั้ง หล่ง เซียง-เจย ล่อ เบย้า นอ,
มป่า ไม้ ม่าย เหยียด นอม ธุ หฒุ ด๊อด เหฌี่ย เดา.
10เยียม เยีย เญย แปะ ฝีง บุด๋ง เหยียด ฒู้ง ฒุ์ย-เมี่ยน,
สี ก๊อง, ‘เหฒะ หน่าน ไม้ ไฮ่ หฒุ่น ไม้ หฒ่าย เยีย บัว’ วั้ว เต๋ย,
อ๋อย หฒุ หฑุ ด๊าว ไต๋.
อิสะลาเอน ตุ๊ หฑวน ต้าย ฮนั้ง โล์ วั้ว นอ.
11เถา วั้ว ฮนอย เยีย อ๋อย เหลียบ เจี์ย ดาวิด เญย กั๊วะ,
ฮนั้ง เหลียบ เจี์ย บาง เหฌี่ย เญย ลิ่ว นอ.
เยีย อ๋อย หฒ่อ ทง เญย ต๋อง,
อ๋อย เฒาะ บาง หว่าย เญย เหลียบ เจี์ย ต้าย,
แอ๋ง เหธย เจี์ย เซียง ฮนั้ง โล์-ฮนอย วั้ว นอ. #กง-โฒ่ 15:16-18
12อิสะลาเอน เมี่ยน ฯฒฯ ตุ๊ หฑิบ เอโดม เหฒ่ง เหฌี่ย เญย กั๊วะ
เหธา กัน เยีย เญย บั๋ว เห่ว เญย นอมๆ กั๊วะ.
น้าย เซ เฒี้ยว ก๊อง เญย หว่า, ต้ง อ๋อย โหฒว น้าย เต๋ย สี่ วั้ว เต้า.
13 เฒี้ยว ก๊อง, “ฮนอย- เหญียะ อ๋อย เถา,
“ไล่ เดา เญย เมี่ยน อ๋อย หฒุ่น หฒ่าย ก๊าด เบย้า เญย เมี่ยน.
เญว่ย อะหงุ่น เปี๊ยว เญย เมี่ยน อ๋อย หฒุ่น หฒ่าย
หฒวัง อะหงุ่น เปี๊ยว ญิม เญย เมี่ยน.
ต้ม บง อ๋อย เดี๊ยบ อะหงุ่น ติ๊ว-คู้,
นอมๆ ฟิ้ว-บง หย่า ม่าย อะหงุ่น ติ๊ว เหลี่ยว เหฌี่ย.
14เยีย อ๋อย ต้อ เยีย เญย แปะ ฝีง,
หฒุ กว๊าด มี่ง เญย อิสะลาเอน เมี่ยน, หฑวน ต้าย.
นิ่น บัว ฯฒฯ แอ๋ง เหธย เจี์ย
บาง หว่าย เญย ฒี่ง
หย่า เยียม เจี๊ยน หน่าย.
นิ่น บัว อ๋อย หฒวัง อะหงุ่น เปี๊ยว เญย หฮวีง,
แอ๋ง ฮบ วั้ว เต๋ย หฮวีง เญย อะหงุ่น ติ๊ว.
นิ่น บัว อ๋อย โหฒว หฮวีง
แอ๋ง หญั่น หฮวีง เญย เปี๊ยว.
15เยีย อ๋อย เฒาะ เยีย เญย แปะ ฝีง,
หฒวัง เจี๊ยน นิ่น บัว เญย เต่ย-ปูง.
นิ่น บัว เหยียด ลิ์ว ตุ๊ เยียม
เยีย เหธย ปุน นิ่น บัว เญย เต่ย-ปูง,
ไม้ หฒุ แอ๋ง แปง ธ้วด.”
น้าย เซ เฒี้ยว, เม่ย บัว เญย ทิน-ฮู่ง, ก๊อง เญย หว่า.
Currently Selected:
อาโม้ด 9: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007