กง-โฒ่ 22
22
1นิ่น ก๊อง, “เหยียด หฒวัง ก๋อ-โย์ว เหธา เมี่ยน โก๋ เมี่ยน อ้า! โท้ เม่ย บัว หมวัง เยีย ก๊อง เต๋ย เยีย เญย เจ๊า-โหล่ว.”
2เมี่ยน ไฮ์ นิ่น ก๊อง ฮิบลู หว่า นิ่น บัว ฯฒฯ แอ๋ง เก้า เซ้ก.
เปาโล ก๊อง เจี๊ยน มี่ง. 3“เยีย เซ ยิวไท เมี่ยน, เยียม ซีลีเซีย แซ้ง, ทาซัด ฒี่ง ธ้วด เสย. มป่า เยีย เยียม น้าย เยลูซาเลม ฒี่ง โฮล ต้าย. กามาลิเอน#กง-โฒ่ 5:34-39 โหฒว เยีย เญย ไซ-เตี๋ย หย่า หฌาว เยีย โหะ ตุ๊ เหฑ่ง บัว เญย อง-ถาย เญย เล์ย. เยีย หย่า จอม เฮญี้ยว กัน ทิน-ฮู่ง ฮนั้ง เม่ย บัว อี้ ฮนอย เยียม น้าย เญย เต้าๆ เมี่ยน นอ. 4เยีย โหฒว โตะ กัน น้าย ติ้ว เจ๊า เญย เมี่ยน,#22:4 “กัน น้าย ติ้ว เจ๊า เญย เมี่ยน” เญย เอ๋ย เล์ย เซ เสียน เยซู เญย เมี่ยน. ห่อย นิ่น บัว เถา ไต่. ไม้ กุ๊น มจั่ง มเซียะ เยีย เฒาะ ต้าย โด้ เจี๊ยน หววน โล่.#กง-โฒ่ 8:3; 26:9-11 5ต้ม ไซ เมี่ยน เหธา กุ๊น สี่ หวุ่ย เญย หฒวัง เมี่ยน โก๋ ไฮ่ โหฒว ฒอง-เหฒง เหว่ย หฒุ เยีย มี่ง นิ่น บัว วั้ว เฒาะ โซว ต้อ มี่ง ปุน ดามัดกัด ฒี่ง เญย ก๋อ-โย์ว. เยีย ฯฒฯ มี่ง ดามัดกัด อ๋อย เฒาะ กัน น้าย ติ้ว เจ๊า เญย เมี่ยน โด้ เจี๊ยน หลิ่ม ต้อ นิ่น บัว หฑวน น้าย เยลูซาเลม ตี่ง ฒุ์ย.
เปาโล ก๊อง นิ่น ฮนั้ง หาย นอ เสียน เยซู
(เป๊ย หมั่ง กง-โฒ่ 9:1-19; 26:12-18)
6“เยีย มี่ง เกา, เล่ย ดามัดกัด ฒี่ง ไม้ หนั่ง โก. วั้ว นอม เฒี่ยง โห่ อ๊า ลั่ม เต๋ย ลู่ง อ๋าน อ๊ะ. เลี่ยม เฒ่ย เยียม วั้ว ลู่ง ธ้วด นอม ต้ม ฌัง หฒิว เหฌี่ย ก๋อม เยีย เญย ซิน. 7เยีย คีง เหฌี่ย เดา มี่ง, ไฮ์ ม่าย เฉีย ก๊อง, ‘เซาโล อ้า! เซาโล! เม่ย เหว่ย หาย ติ่ว โหฒว โตะ เยีย?’
8“เยีย ฯฒฯ หน่าย, ‘เฒี้ยว อ้า! เม่ย ต้ง หาย เต้า?’
“นิ่น เตา, ‘เยีย เซ นาซาเล้ด มู้ง วั้ว เต้า เยซู, ต้ง เม่ย โหฒว โตะ วั้ว เต้า.’ 9เหธา เยีย มี่ง วั้ว เต๋ย เมี่ยน ขูง ปวัด ฌัง ฮนั้ง, ไม้ ไฮ์ เหธา เยีย ก๊อง หว่า วั้ว เต้า เญย เฉีย.
10“เยีย แอ๋ง หน่าย, ‘เฒี้ยว อ้า! เยีย อ๋อย หฒุ ฮนั้ง หาย นอ โหฒว?’
“เฒี้ยว ก๊อง, ‘เม่ย อ๋อย หฒุ เจี์ย ซิน มี่ง ดามัดกัด ฒี่ง. เถา วั้ว ม่าย เมี่ยน บั๋ว เม่ย ทิน-ฮู่ง ตี่ง เหฒียง ปุน เม่ย โหฒว เญย หญู่งๆ สี่.’ 11หลาย น้าย เฮ้น ไห่ เญย ฌัง แอ๊ง เยีย เญย มฒีง เยีย หมั่ง ไม้ ปวัด. กัน เยีย มี่ง เญย เมี่ยน ฯฒฯ เคน เยีย เปียะ ดามัดกัด ฒี่ง.
12“เยียม ดามัดกัด ฒี่ง ม่าย ล่าน เมี่ยน, บั๋ว เห่ว อานาเนีย. นิ่น จอม เฮญี้ยว หฒั่ง ทิน-ฮู่ง, กัน หลง เล์ย-หลัด. เยียม วั้ว เญย ยิวไท เมี่ยน หาย เต้า หย่า ท่าย นิ่น. 13อานาเนีย ต้าย ล์อ เยีย. นิ่น โซ้ว เจี๊ยน เยีย เญย กะเฮลน ก๊อง, ‘เซาโล โย์ว อ้า! แอ๋ง หมั่ง ตุ๊ ปวัด อ๊ะ.’ วั้ว หฒั่น เยีย ฯฒฯ หมั่ง ตุ๊ ปวัด นิ่น อ๊ะ.
14“นิ่น หย่า ก๊อง, ‘บัว เญย อง-ถาย เญย ทิน-ฮู่ง กิ๊น เม่ย ต้าย ปุน เม่ย ฮิ้ว ตุ๊ นิ่น เญย หฒะเอ๋ย, ปุน เม่ย ปวัด แป้ง ฟิม วั้ว เต้า หย่า ไฮ์ นิ่น กั้น เญย ฑุ่ย ก๊อง เญย หว่า. 15เหว่ย หฒุ นิ่น อ๋อย เม่ย กัน นิ่น โหฒว ฒอง-เหฒง บั๋ว หฒวัง เมี่ยน เม่ย ปวัด เจี๋ย เหธา ไฮ์ เจี๋ย เญย สี่. 16อี้ หฒั่น เม่ย โหฒว หาย หญู่ง ไง่? เจี์ย ซิน ต้าย เต๊ง เยซู เญย บั๋ว เจี๋ย ววม เญย เล์ย, หฑาว กวั่ง เม่ย เญย ฒุ์ย.’
ทิน-ฮู่ง พ้าย เปาโล มี่ง ฒุ่น คู้ เฝียน ปุน จั๋น หมวัง
17“ฆะฮ้า เยีย หฑวน เยลูซาเลม, เยียม หฒั่ง ทิน-ฮู่ง เญย เปย๊า เต๋า เก๋า, ปวัด หิ่น ย่าง เญย สี่. 18วั้ว หฒั่น เฒี้ยว ก๊อง บั๋ว เยีย, ‘เม่ย อ๋อย หฒุ ก๊าน เปย๋า ธ้วด เยลูซาเลม ฒี่ง. เม่ย เถง เยีย โหฒว ฒอง-เหฒง มป่า เยียม น้าย เญย เมี่ยน ไม้ อ๋อย หมวัง.’
19“เยีย เตา, ‘เฒี้ยว อ่า, น้าย เต๋ย เมี่ยน ฮิ้ว ตุ๊ เยีย มี่ง นอมๆ หวุ่ย ต้อง เฒาะ เสียน เยซู เญย เมี่ยน. ม่าย เต๋ย หววน โล่, ม่าย เต๋ย หย่า เบ๊าะ. 20เถง เม่ย โหฒว ฒอง-เหฒง วั้ว เต้า สะเทเฟน หฒุ เมี่ยน ไต๋ วั้ว หฒั่น, เยีย โซ้ว เจี๊ยน วั้ว หย่า อะเฮน้ย เญย. ฒู้ง เถง หมั่ง ไต๋ นิ่น วั้ว เต๋ย เมี่ยน เญย ลุย.’#กง-โฒ่ 7:58
21“เฒี้ยว แอ๋ง บั๋ว เยีย, ‘มี่ง อ๊ะ. เยีย อ๋อย พ้าย เม่ย มี่ง โก เญย ต๋อง ล์อ หม่าน ฝีง จั๋น.’”
22หฒวัง เมี่ยน หมวัง เถา เปาโล ก๊อง น้าย โจ๋ว หว่า ฯฒฯ นี่ หนูง เหน่า เญย เห่ว เจี๊ยน ก๊อง, “น้าย เต้า กะน้าย เยียม หว่าย ฮู่ง เตี๋ย เญย เดา-เป้ย ฮนั้ง. ไม้ ตู๋ง ปุน นิ่น เฒี่ยง ลู่ง เดี๊ย อ๊ะ.”
23เมี่ยน เหน่า เจี๊ยน มี่ง, ไจ๊ ลุย เฝง ทิน เต่ย เญย, เญา เนีย-บูง ฟ้าด ฝาว ลู่ง. 24ต้ม แปง-เปย๊ย ฯฒฯ บั๋ว แปง ต้อ เปาโล เปียะ แปง เยียม เญย ต๋อง กะญั์ว, หย่า เห่ว นิ่น บัว หล่ง ปย๊า-ปิน เบ๊าะ ฒ่า หน่าย, หมั่ง ก๋า นิ่น โหฒว หาย หญู่ง หฒวัง เมี่ยน หธีง ต้าย ฮนั้ง น้าย นอ เห่ว. 25แปง หล่ง ด๊บ-ฮลาง โด้ เจี๊ยน อ๋อย เบ๊าะ วั้ว หฒั่น, เปาโล หน่าย โซ้ว กะเฮลน วั้ว เต้า แปง-เปย๊ย, “ไม้ แก้ง เซี้ยม ฒุ์ย มป่า หล่ง ปย๊า-ปิน เบ๊าะ โลมา เมี่ยน เซ หอบ เล์ย เญย ไฟ?”
26แปง-เปย๊ย ไฮ์ เปาโล ฮนั้ง น้าย ก๊อง, นิ่น มี่ง หน่าย วั้ว เต้า ต้ม แปง-เปย๊ย,#22:26 เป๊ย หมั่ง 21:32. “เม่ย อ๋อย ฮนั้ง หาย นอ โหฒว? วั้ว ล่าน เมี่ยน มป่า โลมา เมี่ยน.” 27ต้ม แปง-เปย๊ย ฯฒฯ มี่ง หน่าย ก๋า เปาโล, “เม่ย หฒะเก้ง โลมา เมี่ยน ไฟ? บั๋ว เยีย ม่าะ!”
เปาโล เตา, “เฒ์ย เญย.”
28ต้ม แปง-เปย๊ย แอ๋ง ก๊อง, “เยีย หล่ง ญ่าน ธั้ม เญย ม์าย โหฒว โลมา เมี่ยน.”
เปาโล ก๊อง, “เยีย ธ้วด เสย ต้าย เป๋น โลมา เมี่ยน.”
29อ๋อย ฒ่า หน่าย เปาโล วั้ว เต๋ย เมี่ยน เลี่ยม เฒ่ย ซิ้ม ฆอย. ต้ม แปง-เปย๊ย ฮิ้ว ตุ๊ เปาโล เซ โลมา เมี่ยน นิ่น ฯฒฯ กั้ม เหฑีย ไห่ เหว่ย หฒุ หล่ง เฮลียะ-หลิ่ม โด้ เจี๊ยน.
กุ๊น สี่ เมี่ยน ฒ่า หน่าย เปาโล
30ตะเหญ่ย ฮนอย, ต้ม แปง-เปย๊ย อ๋อย ฮิ้ว ตุ๊ ยิวไท เมี่ยน เหว่ย หาย ติ่ว โก๋ เปาโล. นิ่น ฯฒฯ เห่ว แปง ไจ๊ ฆอย หลิ่ม หย่า เห่ว ไซ เมี่ยน เปย๊ย เหธา ยิวไท เมี่ยน เญย กุ๊น สี่ หวุ่ย เญย เมี่ยน กั๊บ ฒุ้น. นิ่น ฯฒฯ ต้อ เปาโล มี่ง โซ้ว เจี๊ยน นิ่น บัว เญย หฑะเฮมียน.
Currently Selected:
กง-โฒ่ 22: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
