2 ทิโมไท 2
2
กีตู่ เยซู เญย คู้ แปง
1เยีย เญย ตอน อ่า, เม่ย อ๋อย หฒุ เขา กีตู่ เยซู เหธย ปุน เญย เอน เฮ้น เจี์ย ต้าย. 2เม่ย ไฮ์ เยีย ตอง เจี๊ยน ฒอง-เหฒง เมี่ยน ธั้ม เญย หฑะเฮมียน หฌาว วั้ว เต๋ย หว่า, เม่ย อ๋อย หฒุ จิว ปุน เหฒียบ ฒัวะ เญย เมี่ยน, ต้ง ม่าย ปั้น เหฒ่ย หฌาว เมี่ยน วั้ว เต๋ย.
3เม่ย อ๋อย หฒุ เหธา เยีย บัว ม่าย ป่วน เสี่ยว โค้ว หน่าน ฮนั้ง กีตู่ เยซู เญย คู้ แปง. 4ตอง แปง เญย เมี่ยน ไม้ ม่าย หาย เต้า หฒั่นๆ หละเญ้า กะเหญี่ย เญย สี่. นิ่น ขูง อ๋อย โหฒว ปุน กุ๊น นิ่น วั้ว เต้า แปง-เปย๊ย ปวั๊ง เฮญี้ยว ฮนั้ง. 5โด๊ว สาย เญย เมี่ยน สาย เญย เฒี่ยง โห่, ไม้ เอย เจี๊ยน เล์ย โหฒว นอ, ไม้ ไฮ่ ตุ๊ นี้ง. 6ธ้วด ชะ โหฒว เด่ย เญย เมี่ยน ม่าย เล์ย ตุ๊ นิ่น เญย ป่วน ล่าง หฒิ ด่าง. 7เม่ย อ๋อย หฒุ หลงๆ เญย ฮนั้ม เถา เยีย ก๊อง เญย หว่า, เหว่ย หฒุ เฒี้ยว ฒู้ง อ๋อย เถง เม่ย เม่ง แปะ น้าย เต๋ย เหยียด ฒู้ง.
8อ๋อย หฒุ จั๋ง เจี๊ยน เยซู กีตู่, ดาวิด ฮู่ง เญย เฒ้ย-ฟุน, ต้ง ไต่ มี่ง ทิน-ฮู่ง ปุน นั่ง ต้าย วั้ว เต้า. น้าย เซ เยีย ฒุ่น เญย คู้ เฝียน. 9เหว่ย น้าย คู้ เฝียน เยีย หฒุ เสี่ยว โค้ว, ฒู้ง หฒุ หลิ่ม โด้ เจี๊ยน ฮนั้ง โหฒว ฒุ์ย-เมี่ยน นอ. มป่า ทิน-ฮู่ง เญย โต์ ไม้ หฒุ หลิ่ม โด้. 10ฮนั้ง หน่าย เยีย เหว่ย ทิน-ฮู่ง กิ๊น ต้าย เญย เมี่ยน เตี๊ย หญู่งๆ, เหว่ย ปุน นิ่น บัว เขา กีตู่ เยซู ตุ๊ เหฌียว หย่า ตุ๊ เหยียด ลิ์ว เญย ฌัง-หล่าง. 11น้าย โจ๋ว หว่า หฒะเก้ง เฒียน เญย.
“สี ก๊อง บัว เหธา นิ่น ไต่,
บัว ฯฒฯ ตุ๊ เหธา นิ่น เฒี่ยง.
12สี ก๊อง บัว เตี๊ย เถา ต้าว,
บัว ฯฒฯ ตุ๊ เหธา นิ่น กุ๊น.
สี ก๊อง บัว ไม้ เหญี่ยม นิ่น,
นิ่น ฯฒฯ ไม้ เหญี่ยม บัว.#มัดทาย 10:33; ลูกา 12:9
13ไม้ กุ๊น บัว เฮญี้ยว ไม้ หฒีง,
นิ่น เฮญี้ยว หฒีง เญย,
เหว่ย หฒุ นิ่น ไม้ ไฮ่ ดั๊ว นิ่น กั้น.”
ทิน-ฮู่ง หอบ เฮญี้ยว เญย กง-เมี่ยน
14อ๋อย หฒุ บั๋ว หฒวัง เมี่ยน จั๋ง เจี๊ยน น้าย เต๋ย สี่. หย่า อ๋อย หฒุ เยียม ทิน-ฮู่ง#2:14 ม่าย เต๋ย โล์-ฮนอย โซว ก๊อง เฒี้ยว. เญย หฑะเฮมียน หัด นิ่น บัว ไม้ ตู๋ง แฑง ญิ่น แฑง โญ์ว. แฑง ญิ่น โญ์ว เซ ไม้ ลั่ม หล่ง, ขูง โหฒว หว่าย หมวัง เญย เมี่ยน ฮนั้ง. 15เม่ย อ๋อย หฒุ เหฌี่ย ชะ โหฒว หญู่งๆ เหว่ย ปุน ทิน-ฮู่ง หอบ เฮญี้ยว, ฯฒฯ โหฒว ไม้ หฒุ ไญ้ เญย กง-เมี่ยน, หย่า หล่ง ตุ๊ หอบ ทิน-ฮู่ง เฒียน เล์ย เญย โต์. 16อ๋อย หฒุ ซิ้ม ฆอย ไม้ เสียน ทิน-ฮู่ง เญย เมี่ยน เญย เฮ่น เบี๋ยน หว่า, เหว่ย หฒุ น้าย หญู่ง หว่า ขูง ปุน เมี่ยน กุ๊น โหฒว กุ๊น เล่ย ทิน-ฮู่ง โก ฮนั้ง. 17น้าย หญู่ง หว่า อ๋อย ฟ้าน เจี๊ยน มี่ง ฮนั้ง ปุ๊ด โตะ ไห่ เญย ฟาง ฮู้ เจี๊ยน อ๊อ มี่ง นอ. หฌาว น้าย หญู่ง หว่า เญย เมี่ยน ม่าย อี เต้า เห่ว ฮีเมเนอัด เหธา ฟีเลทัด. 18นิ่น บัว กวั่ง เฒียน เล์ย เญย เจ๊า หย่า ก๊อง เมี่ยน นั่ง ต้าย เญย ฮนอย เจี๋ย ลิ์ว อ๊ะ, ฯฒฯ ม่าย เต๋ย เมี่ยน เญย เสียน ฟิม หลุ่น เหฑ่ง. 19มป่า ทิน-ฮู่ง เหลียบ ต้าย เญย กอน-โด๊ะ เซ ว้วน ไห่ หย่า ม่าย เหยียน ฆ้าบ เจี๊ยน ก๊อง, “เฒี้ยว ฮิ้ว ตุ๊ หาย เต้า โหฒว นิ่น กั้น เญย เมี่ยน,” หย่า ก๊อง, “หาย เต้า เหญี่ยม เฒี้ยว เญย บั๋ว, วั้ว เต้า อ๋อย หฒุ กวั่ง เหฑ่ง เหยียด ฒู้ง หว่าย สี่.”#ซ้าว เมี่ยน 16:5
20เหยียด นอม ต้ม เปย๊า เญย จา-ต๋อง, ไม้ ตาน หล่ง เจียม หล่ง ญ่าน โหฒว ต้าย ฮนั้ง, หย่า ม่าย หล่ง เดี๋ยง หล่ง เนีย โหฒว เญย. ม่าย เต๋ย หล่ง ตุ๊ จ๋าย เญย. ม่าย เต๋ย โพว-ทง เญย หล่ง. 21สี ก๊อง หาย เต้า เฝียว กั้น ธีง-เหฑ่ง, กวั่ง เหฑ่ง ฮยวัง เอ๊าะ เญย สี่, วั้ว เต้า ฯฒฯ ฮนั้ง หล่ง ตุ๊ จ๋าย เญย จา-ต๋อง, ธีง-เหฑ่ง เญย, ผุย ตุ๊ นิ่น เญย เฒี้ยว หล่ง, หย่า ตุ๊ หลิ่ว เล์ย เหฒียง โหฒว หญู่งๆ คู้ สี่. 22ฮนั้ง หน่าย, อ๋อย หฒุ ซิ้ม ฆอย, ไม้ ตู๋ง โหฒว ฮนั้ง เมี่ยน หลุน เมี่ยน เญย เฮญี้ยว หั่น โหฒว เญย สี่. อ๋อย หฒุ เหธา เหยียด ฒู้ง หล่ง ธีง-เหฑ่ง เฮญี้ยว เห่ว เฒี้ยว เถง เญย เมี่ยน เจี้ยน โหฒว หอบ เญย เจ๊า, เสียน หลง, ฮนั้ม เมี่ยน หย่า ม่าย แป้ง ออน.
23อ๋อย หฒุ ซิ้ม เจี๊ยน เมี่ยน แฑง หฮงง ไห่, ไม้ ม่าย เอ๋ย เล์ย เญย สี่, เหว่ย หฒุ เม่ย ฮิ้ว ตุ๊ น้าย เต๋ย สี่ ขูง โหฒว กอน ปุน เมี่ยน แฑง จ๋า ฮนั้ง. 24เฒี้ยว เญย โปว ไม้ หอบ หฒุ แฑง จ๋า. ต๋าว หฑวน อ๋อย หฒุ โหฒว หลง ปุน หฒวัง เมี่ยน, อ๋อย หฒุ หฌาว หลง หย่า ม่าย หน่อย. 25อ๋อย หฒุ หล่ง ส่วน เฮญี้ยว ขวิน เหธา นิ่น ต๋อย-เตก วั้ว เต๋ย เมี่ยน. เหฑีย ทิน-ฮู่ง อ๋อย ปุน นิ่น บัว ม่าย ฉัง ก๊อย เฮญี้ยว, ฮิ้ว ตุ๊ เฒียน เล์ย มเปย. 26ฮนั้ง หน่าย นิ่น บัว ไฮ่ ฑัง ต้าย ฯฒฯ เปย๋า ดุ๊ด เมี้ยน เญย ฮู่ง เญย โขว, ต้ง ฮลบ นิ่น บัว, อ๊าบ นิ่น บัว เอย นิ่น เญย หฒะเอ๋ย โหฒว.
Currently Selected:
2 ทิโมไท 2: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
2 ทิโมไท 2
2
กีตู่ เยซู เญย คู้ แปง
1เยีย เญย ตอน อ่า, เม่ย อ๋อย หฒุ เขา กีตู่ เยซู เหธย ปุน เญย เอน เฮ้น เจี์ย ต้าย. 2เม่ย ไฮ์ เยีย ตอง เจี๊ยน ฒอง-เหฒง เมี่ยน ธั้ม เญย หฑะเฮมียน หฌาว วั้ว เต๋ย หว่า, เม่ย อ๋อย หฒุ จิว ปุน เหฒียบ ฒัวะ เญย เมี่ยน, ต้ง ม่าย ปั้น เหฒ่ย หฌาว เมี่ยน วั้ว เต๋ย.
3เม่ย อ๋อย หฒุ เหธา เยีย บัว ม่าย ป่วน เสี่ยว โค้ว หน่าน ฮนั้ง กีตู่ เยซู เญย คู้ แปง. 4ตอง แปง เญย เมี่ยน ไม้ ม่าย หาย เต้า หฒั่นๆ หละเญ้า กะเหญี่ย เญย สี่. นิ่น ขูง อ๋อย โหฒว ปุน กุ๊น นิ่น วั้ว เต้า แปง-เปย๊ย ปวั๊ง เฮญี้ยว ฮนั้ง. 5โด๊ว สาย เญย เมี่ยน สาย เญย เฒี่ยง โห่, ไม้ เอย เจี๊ยน เล์ย โหฒว นอ, ไม้ ไฮ่ ตุ๊ นี้ง. 6ธ้วด ชะ โหฒว เด่ย เญย เมี่ยน ม่าย เล์ย ตุ๊ นิ่น เญย ป่วน ล่าง หฒิ ด่าง. 7เม่ย อ๋อย หฒุ หลงๆ เญย ฮนั้ม เถา เยีย ก๊อง เญย หว่า, เหว่ย หฒุ เฒี้ยว ฒู้ง อ๋อย เถง เม่ย เม่ง แปะ น้าย เต๋ย เหยียด ฒู้ง.
8อ๋อย หฒุ จั๋ง เจี๊ยน เยซู กีตู่, ดาวิด ฮู่ง เญย เฒ้ย-ฟุน, ต้ง ไต่ มี่ง ทิน-ฮู่ง ปุน นั่ง ต้าย วั้ว เต้า. น้าย เซ เยีย ฒุ่น เญย คู้ เฝียน. 9เหว่ย น้าย คู้ เฝียน เยีย หฒุ เสี่ยว โค้ว, ฒู้ง หฒุ หลิ่ม โด้ เจี๊ยน ฮนั้ง โหฒว ฒุ์ย-เมี่ยน นอ. มป่า ทิน-ฮู่ง เญย โต์ ไม้ หฒุ หลิ่ม โด้. 10ฮนั้ง หน่าย เยีย เหว่ย ทิน-ฮู่ง กิ๊น ต้าย เญย เมี่ยน เตี๊ย หญู่งๆ, เหว่ย ปุน นิ่น บัว เขา กีตู่ เยซู ตุ๊ เหฌียว หย่า ตุ๊ เหยียด ลิ์ว เญย ฌัง-หล่าง. 11น้าย โจ๋ว หว่า หฒะเก้ง เฒียน เญย.
“สี ก๊อง บัว เหธา นิ่น ไต่,
บัว ฯฒฯ ตุ๊ เหธา นิ่น เฒี่ยง.
12สี ก๊อง บัว เตี๊ย เถา ต้าว,
บัว ฯฒฯ ตุ๊ เหธา นิ่น กุ๊น.
สี ก๊อง บัว ไม้ เหญี่ยม นิ่น,
นิ่น ฯฒฯ ไม้ เหญี่ยม บัว.#มัดทาย 10:33; ลูกา 12:9
13ไม้ กุ๊น บัว เฮญี้ยว ไม้ หฒีง,
นิ่น เฮญี้ยว หฒีง เญย,
เหว่ย หฒุ นิ่น ไม้ ไฮ่ ดั๊ว นิ่น กั้น.”
ทิน-ฮู่ง หอบ เฮญี้ยว เญย กง-เมี่ยน
14อ๋อย หฒุ บั๋ว หฒวัง เมี่ยน จั๋ง เจี๊ยน น้าย เต๋ย สี่. หย่า อ๋อย หฒุ เยียม ทิน-ฮู่ง#2:14 ม่าย เต๋ย โล์-ฮนอย โซว ก๊อง เฒี้ยว. เญย หฑะเฮมียน หัด นิ่น บัว ไม้ ตู๋ง แฑง ญิ่น แฑง โญ์ว. แฑง ญิ่น โญ์ว เซ ไม้ ลั่ม หล่ง, ขูง โหฒว หว่าย หมวัง เญย เมี่ยน ฮนั้ง. 15เม่ย อ๋อย หฒุ เหฌี่ย ชะ โหฒว หญู่งๆ เหว่ย ปุน ทิน-ฮู่ง หอบ เฮญี้ยว, ฯฒฯ โหฒว ไม้ หฒุ ไญ้ เญย กง-เมี่ยน, หย่า หล่ง ตุ๊ หอบ ทิน-ฮู่ง เฒียน เล์ย เญย โต์. 16อ๋อย หฒุ ซิ้ม ฆอย ไม้ เสียน ทิน-ฮู่ง เญย เมี่ยน เญย เฮ่น เบี๋ยน หว่า, เหว่ย หฒุ น้าย หญู่ง หว่า ขูง ปุน เมี่ยน กุ๊น โหฒว กุ๊น เล่ย ทิน-ฮู่ง โก ฮนั้ง. 17น้าย หญู่ง หว่า อ๋อย ฟ้าน เจี๊ยน มี่ง ฮนั้ง ปุ๊ด โตะ ไห่ เญย ฟาง ฮู้ เจี๊ยน อ๊อ มี่ง นอ. หฌาว น้าย หญู่ง หว่า เญย เมี่ยน ม่าย อี เต้า เห่ว ฮีเมเนอัด เหธา ฟีเลทัด. 18นิ่น บัว กวั่ง เฒียน เล์ย เญย เจ๊า หย่า ก๊อง เมี่ยน นั่ง ต้าย เญย ฮนอย เจี๋ย ลิ์ว อ๊ะ, ฯฒฯ ม่าย เต๋ย เมี่ยน เญย เสียน ฟิม หลุ่น เหฑ่ง. 19มป่า ทิน-ฮู่ง เหลียบ ต้าย เญย กอน-โด๊ะ เซ ว้วน ไห่ หย่า ม่าย เหยียน ฆ้าบ เจี๊ยน ก๊อง, “เฒี้ยว ฮิ้ว ตุ๊ หาย เต้า โหฒว นิ่น กั้น เญย เมี่ยน,” หย่า ก๊อง, “หาย เต้า เหญี่ยม เฒี้ยว เญย บั๋ว, วั้ว เต้า อ๋อย หฒุ กวั่ง เหฑ่ง เหยียด ฒู้ง หว่าย สี่.”#ซ้าว เมี่ยน 16:5
20เหยียด นอม ต้ม เปย๊า เญย จา-ต๋อง, ไม้ ตาน หล่ง เจียม หล่ง ญ่าน โหฒว ต้าย ฮนั้ง, หย่า ม่าย หล่ง เดี๋ยง หล่ง เนีย โหฒว เญย. ม่าย เต๋ย หล่ง ตุ๊ จ๋าย เญย. ม่าย เต๋ย โพว-ทง เญย หล่ง. 21สี ก๊อง หาย เต้า เฝียว กั้น ธีง-เหฑ่ง, กวั่ง เหฑ่ง ฮยวัง เอ๊าะ เญย สี่, วั้ว เต้า ฯฒฯ ฮนั้ง หล่ง ตุ๊ จ๋าย เญย จา-ต๋อง, ธีง-เหฑ่ง เญย, ผุย ตุ๊ นิ่น เญย เฒี้ยว หล่ง, หย่า ตุ๊ หลิ่ว เล์ย เหฒียง โหฒว หญู่งๆ คู้ สี่. 22ฮนั้ง หน่าย, อ๋อย หฒุ ซิ้ม ฆอย, ไม้ ตู๋ง โหฒว ฮนั้ง เมี่ยน หลุน เมี่ยน เญย เฮญี้ยว หั่น โหฒว เญย สี่. อ๋อย หฒุ เหธา เหยียด ฒู้ง หล่ง ธีง-เหฑ่ง เฮญี้ยว เห่ว เฒี้ยว เถง เญย เมี่ยน เจี้ยน โหฒว หอบ เญย เจ๊า, เสียน หลง, ฮนั้ม เมี่ยน หย่า ม่าย แป้ง ออน.
23อ๋อย หฒุ ซิ้ม เจี๊ยน เมี่ยน แฑง หฮงง ไห่, ไม้ ม่าย เอ๋ย เล์ย เญย สี่, เหว่ย หฒุ เม่ย ฮิ้ว ตุ๊ น้าย เต๋ย สี่ ขูง โหฒว กอน ปุน เมี่ยน แฑง จ๋า ฮนั้ง. 24เฒี้ยว เญย โปว ไม้ หอบ หฒุ แฑง จ๋า. ต๋าว หฑวน อ๋อย หฒุ โหฒว หลง ปุน หฒวัง เมี่ยน, อ๋อย หฒุ หฌาว หลง หย่า ม่าย หน่อย. 25อ๋อย หฒุ หล่ง ส่วน เฮญี้ยว ขวิน เหธา นิ่น ต๋อย-เตก วั้ว เต๋ย เมี่ยน. เหฑีย ทิน-ฮู่ง อ๋อย ปุน นิ่น บัว ม่าย ฉัง ก๊อย เฮญี้ยว, ฮิ้ว ตุ๊ เฒียน เล์ย มเปย. 26ฮนั้ง หน่าย นิ่น บัว ไฮ่ ฑัง ต้าย ฯฒฯ เปย๋า ดุ๊ด เมี้ยน เญย ฮู่ง เญย โขว, ต้ง ฮลบ นิ่น บัว, อ๊าบ นิ่น บัว เอย นิ่น เญย หฒะเอ๋ย โหฒว.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007