2 ซามูเอน 12
12
นาทัน ก๊อง ดาวิด
1 เฒี้ยว พ้าย นาทัน มี่ง ล์อ ดาวิด. มี่ง เถา ดาวิด วั้ว นาทัน ก๊อง, “ม่าย นอม มู้ง ม่าย อี เต้า เมี่ยน. ม่าย เต้า ปุ๊ด ฒ่อย, ม่าย เต้า จ่ม.#สีง ฑูง 51 2ปุ๊ด-ฒ่อย เมี่ยน ม่าย ปะกี ยู่ง เหธา ง่ง กวั้น ธั้ม เญย. 3มป่า วั้ว เต้า เมี่ยน จ่ม เมี่ยน ไม้ ม่าย หาย หญู่ง. ขูง ม่าย ต้ง นิ่น ม์าย ต้าย เญย เหยียด เต้า ปะกี ยู่ง เหฒ่ย ตอน ฮนั้ง. นิ่น ต้อ โฮล ต้าย เหธา นิ่น เยียม หย่า เหธา นิ่น เญย ฝุเจว๊ย โฮล ต้าย. วั้ว เต้า ปะกี ยู่ง ตอน เหธา นิ่น บัว จวั่ง หญั่น จวั่ง ฮบ. นิ่น หย่า ฮล้อบ เจี๊ยน เปว๋ย นิ่น เญย หละค้วด, ฮนั้ง เป๋น กั้น เญย เซียะ นอ.
4“ม่าย เต้า แคะ เมี่ยน ต้าย เถา ปุ๊ด-ฒ่อย เมี่ยน เญย เปย๊า, มป่า ปุ๊ด-ฒ่อย เมี่ยน เซี้ย ไม้ ตุ๊ เฒาะ เต้า นิ่น กั้น เญย ปะกี ยู่ง ไฟ ง่ง เบ่น ปุน วั้ว เต้า แคะ เมี่ยน หญั่น. ต๋าว หฑวน, นิ่น เฒาะ วั้ว เต้า เมี่ยน จ่ม เมี่ยน เญย ปะกี ยู่ง เหฒ่ย เบ่น ปุน แคะ เมี่ยน หญั่น.”
5ดาวิด เฉีย! เจี์ย ไห่ วั้ว เต้า ปุ๊ด-ฒ่อย เมี่ยน ฯฒฯ ก๊อง บั๋ว นาทัน, “เยีย เฒี้ยง เจี๊ยน เหยียด ลิ์ว เฒี่ยง เญย เฒี้ยว ก๊อง, ฮนั้ง น้าย นอ โหฒว, วั้ว เต้า เมี่ยน หฒี่ ตุ๊ ไต่. 6นิ่น อ๋อย หฒุ เหว่ย ปะกี ยู่ง ตอน ปุ้ย เปยย โก๊ว เหว่ย หฒุ นิ่น ฮนั้ง น้าย นอ โหฒว หย่า ไม้ ม่าย ค้อ-เลี่ยน เมี่ยน เญย เฮญี้ยว.”
7นาทัน ฯฒฯ ก๊อง บั๋ว ดาวิด, “เม่ย เซ ต้ง วั้ว เต้า เมี่ยน อ๊ะ. เฒี้ยว, อิสะลาเอน เมี่ยน เญย ทิน-ฮู่ง, ฮนั้ง น้าย นอ ก๊อง. ‘เยีย หล่ง โย่ว ออน เม่ย โหฒว ฮู่ง กุ๊น อิสะลาเอน, หย่า เหฌียว เม่ย เปย๋า ดุ๊ด เซาโล เญย ปั์ว-เดี๊ย. 8เยีย เฒาะ เม่ย เญย เฒี้ยว เญย จา-ตี้ง จิว ปุน เม่ย, หย่า เฒาะ เม่ย เญย เฒี้ยว เญย เอ๊า ปุน เม่ย หล่ง. เยีย แอ๋ง เฒาะ อิสะลาเอน เหธา ยูดา เมี่ยน เญย เฒ้ย-ฟุน ปุน เม่ย. สี ก๊อง บัวะ น้าย เซ โหฒะ ไห่, เยีย แอ๋ง จา ทิบ บัวะ น้าย ปุน เม่ย. 9เม่ย เหว่ย หาย ติ่ว หมั่ง เผีย เฒี้ยว เญย หว่า, หฒิว นิ่น หมั่ง, โหฒว หว่าย สี่. เม่ย หล่ง หฑุ ด๊าว ไต๋ ฮิดไท เมี่ยน, อุลีอา, เซ เม่ย ปุน อัมโมน เมี่ยน เญย หฑุ ด๊าว ไต๋ นิ่น ฯฒฯ หล่ง นิ่น เญย เอ๊า โหฒว เม่ย กั้น เญย เอ๊า. 10ฮนั้ง หน่าย เม่ย เญย โต้ว ฒง เหยียด ลิ์ว อ๋อย หฒุ ม่าย หฑุ ด๊าว ไต๋ เญย สี่, หลาย เม่ย หมั่ง เผีย เยีย, เฒาะ ฮิดไท เมี่ยน, อุลีอา, เญย เอ๊า โหฒว เม่ย กั้น เญย เอ๊า.
11“เฒี้ยว ฮนั้ง น้าย ก๊อง, ‘เยีย ฒู้ง อ๋อย ปุน เม่ย หฒุ เหฒะ หน่าน เยียม เม่ย กั้น เญย เปย๊า ฒง เมี่ยน ธ้วด. เยีย อ๋อย ตอง เจี๊ยน เม่ย เฒาะ เม่ย เญย เอ๊า ปุน กั้น เต้า เมี่ยน ลู่ง ฮนอย หฒั่น ฌัง เญย เฒี่ยง โห่ เหธา นิ่น บัว เปว๋ย.#2 ซามูเอน 16:22 12เม่ย ปี๋ง เจี๊ยน โหฒว น้าย เต๋ย สี่ มป่า เยีย อ๋อย เยียม ลู่ง ฮนอย หฒั่น ฌัง เญย เฒี่ยง โห่ ตอง เจี๊ยน อิสะลาเอน เญย หฒวัง เมี่ยน โหฒว.’”
13ดาวิด ก๊อง บั๋ว นาทัน, “เยีย ป์าม ฒุ์ย ต่อง เฒี้ยว. ”
นาทัน ก๊อง บั๋ว ดาวิด, “เฒี้ยว กวั่ง เม่ย เญย ฒุ์ย, เม่ย ฯฒฯ ไม้ หฒุ ไต่. 14มป่า หลาย เม่ย โหฒว น้าย เต๋ย สี่ หมั่ง เผีย เฒี้ยว เถา โด๊ะ,#12:14 ไฟ “เฒี้ยว เญย วิน-วั้ง ฯฒฯ ตุ๊ หมั่ง เผีย เถา เดี๊ย”. เม่ย อ๋อย ตุ๊ ต้าย เญย ตอน ฒู้ง อ๋อย หฒุ ไต่.”
15ก๊อง ลิ์ว, นาทัน ฯฒฯ หฑวน เปย๊า หมี่ อ๊ะ. เฒี้ยว ปุน อุลีอา เญย เอ๊า ยู์ง ปุน ดาวิด วั้ว เต้า ตอน ปุ๊ด แป่ง เฮนี้ย. 16ดาวิด เหว่ย วั้ว เต้า ตอน โจ้ว ทิน-ฮู่ง. นิ่น เฒย ไม้ หญั่น หาย หญู่ง, เปียะ นิ่น เญย เปย๊า เฒี่ยง ม์วน เปว๋ย กะเดี๊ย เดา. 17เยียม นิ่น เญย เปย๊า เญย เมี่ยน โก๋ ต้าย โซ้ว นิ่น เญย กะเฮลน, อ๋อย เคน นิ่น เจี์ย ซิน, มป่า นิ่น ไม้ คั้ง เจี์ย ซิน, หย่า ไม้ เหธา นิ่น บัว หญั่น หฮนาง.
18เถา ตะเธี้ยด ฮนอย วั้ว ฮนอย, วั้ว เต้า กู้งว์า ไต่ หมี่ อ๊ะ. ดาวิด เญย เจียน ไม้ ก๊าม บั๋ว ดาวิด กู้งว์า ไต่ หมี่ อ๊ะ, เหว่ย หฒุ นิ่น บัว ฮนั้ม, “กู้งว์า ไม้ แก้ง ไต่ เญย เฒี่ยง โห่ เยีย บัว เหธา นิ่น ก๊อง มป่า นิ่น ไม้ หมวัง เยีย บัว. เยีย บัว ฮนั้ง หาย นอ ไฮ่ บั๋ว นิ่น กู้งว์า ไต่ หมี่ อ๊ะ? เหฑีย นิ่น ไฮ่ โหฒว หาย หญู่ง ห่อย นิ่น กั้น มเปย.”
19ดาวิด ปวัด นิ่น เญย เจียน บัว ก๊อง หว่า-ซับ ฯฒฯ ฮิ้ว ตุ๊ กู้งว์า ไต่ หมี่ อ๊ะ. ดาวิด ฯฒฯ หน่าย ก๋า นิ่น บัว, “กู้งว์า ไต่ หมี่ อ๊ะ?”
นิ่น เญย เจียน ก๊อง, “เฒ์ย เญย, นิ่น ไต่ หมี่ อ๊ะ.”
20ดาวิด ฯฒฯ เยียม เดา เจี์ย ซิน ต้าย หฑาว ลิ์ว ซิน, ฑ้าด โย่ว, เหยี่ยน ลุย-โหว, เปียะ หฒั่ง เฒี้ยว เญย เปย๊า ป๋าย. ฆะฮ้า นิ่น หฑวน นิ่น กั้น เญย ฮู่ง ติ่น แอ๋ง บั๋ว นิ่น เญย โปว เบ่น หฮนาง ปุน นิ่น หญั่น. เบ่น ลิ์ว, นิ่น ฯฒฯ หญั่น อ๊ะ.
21นิ่น เญย เจียน หน่าย นิ่น, “เม่ย ฮนั้ง หน่าย โหฒว เอ๋ย เล์ย ฮนั้ง หาย นอ? เม่ย เญย กู้งว์า เยียม เญย เฒี่ยง โห่ เม่ย เฒย ไม้ หญั่น หาย หญู่ง หย่า เญี้ยม. มป่า กู้งว์า ไต่ มี่ง เม่ย เจี์ย ซิน ต้าย หญั่น หฮนาง.”
22ดาวิด ก๊อง, “กู้งว์า หธ่อ เยียม เญย เฒี่ยง โห่ เยีย เฒย ไม้ หญั่น หาย หญู่ง. เยีย ฮนั้ม, ‘หาย เต้า ไฮ่ ฮิ้ว ตุ๊? เหฑีย เฒี้ยว ไฮ่ ค้อ-เลี่ยน เยีย, ปุน กู้งว์า ไม้ ไต่.’ 23กู้งว์า ไต่ เยีย ฝู่ง อ๋อย หฒุ เฒย? เยีย แอ๋ง ไฮ่ ต้อ นิ่น นั่ง ต้าย ไฟ? เยีย ไฮ่ มี่ง นิ่น วั้ว มป่า นิ่น ไม้ ไฮ่ หฑวน เยีย น้าย.”
ซาโลมอน ธ้วด เสย
24ดาวิด ฯฒฯ ออน นิ่น เญย เอ๊า, บัดเชบา, เญย เฮญี้ยว แอ๋ง เหธา นิ่น เปว๋ย. นิ่น ฯฒฯ ยู์ง เต้า ตอน. ดาวิด เถง นิ่น ธ้วด บั๋ว เห่ว ซาโลมอน. เฒี้ยว หย่า ฮนั้ม นิ่น. 25เหว่ย หฒุ เฒี้ยว ฮนั้ม นิ่น, นิ่น หล่ง โต่ว หว่า เมี่ยน, นาทัน, เถง นิ่น ธ้วด บั๋ว เห่ว, เยดีดิยา.#12:25 เอ๋ย เล์ย เซ เฒี้ยว ฮนั้ม.
ดาวิด เบ๊าะ ฮี่ง ลับบา ฒี่ง
(เป๊ย หมั่ง 1 ฒุ่น ต่อย โต้ว 20:1-3)
26โยอาบ เบ๊าะ อัมโมน เมี่ยน เญย ลับบา ฒี่ง หย่า เฒาะ ตุ๊ ฮู่ง เตี๋ย เญย กีง-ฒี่ง หมี่ อ๊ะ. 27โยอาบ พ้าย โต่ว เฝียน เมี่ยน มี่ง บั๋ว ดาวิด, “เยีย เบ๊าะ ลับบา ฒี่ง, เฒาะ ตุ๊ ฒี่ง เญย ววม-ฒี้ง อ๊ะ. 28อี้ หฒั่น โท้ เม่ย ติ่ว ฑ่อย เหฒ่ง เหฌี่ย เญย แปง ต้าย เหลียบ เธี้ยง เว่ย เจี๊ยน แอ๋ง ธ้าง น้าย นอม ฒี่ง. เหฑีย เยีย ธ้าง ตุ๊ นอ, วั้ว นอม ฒี่ง ฯฒฯ อ๋อย หฒุ กัน เยีย เญย บั๋ว เห่ว.”
29ดาวิด ฯฒฯ ติ่ว ฑ่อย เหยียด ฒู้ง แปง ธ้วด มี่ง ลับบา, เบ๊าะ หย่า ธ้าง ตุ๊ วั้ว นอม ฒี่ง. 30นิ่น หมวน นิ่น บัว เญย ฮู่ง เตี๋ย#12:30 ไฟ นิ่น บัว เญย เฒี่ยน เซ มินคัม ไฟ โมเล้ก เญย เจียม-นี้ง. น้าย นอม เจียม-นี้ง เซ หญี่ เหฒียบ เยี้ยด จ้อย#12:30 ฮิบลู หว่า ก๊อง เหยียด ตะลัน. เซ 34 กีโล เญย ต๋อง. เจียม หย่า ตี๋ง เจี๊ยน หละเปย๊ย-จ๋าย. เมี่ยน เฒาะ น้าย นอม นี้ง ต้าย ด๋ง เจี๊ยน ดาวิด เญย มฆ้อง. ดาวิด หย่า ธ้าง ตุ๊ เยียม ฒี่ง เญย กะน้าย หฒะเก้ง ธั้ม! ไห่. 31นิ่น หย่า ต้อ เยียม ฒี่ง กะญั์ว เญย เมี่ยน ธ้วด ต้าย, อ๊าบ นิ่น บัว หล่ง เหฌียว เหธา เฮลียะ-เญาะ เหธา โป๊ว, หย่า อ๊าบ นิ่น บัว โหฒว เนีย-ฒุน. เยียม อัมโมน เมี่ยน เญย นอมๆ ฒี่ง นิ่น ฮนั้ง น้าย โหฒว. ฆะฮ้า ดาวิด เหธา นิ่น เญย เหยียด ฒู้ง แปง หฑวน เยลูซาเลม ฒี่ง หมี่ อ๊ะ.
Currently Selected:
2 ซามูเอน 12: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
