2 ฮู่ง โต้ว 8
8
ซูเนม เมี่ยน มเซียะ ตอน ตุ๊ นิ่น เญย เดา หฑวน
1เอลีซา ก๊อง บั๋ว เต้า มเซียะ ตอน, ต้ง นิ่น เญย ตอน ไต่, เอลีซา เถง นั่ง ต้าย วั้ว เต้า,#2 ฮู่ง โต้ว 4:8-37 “เม่ย เหธา เม่ย เญย เปย๊า ฒง เมี่ยน อ๋อย หฒุ ธ้วด น้าย นอม ต๋อง มี่ง เยียม เม่ย กั้น เยียม ตุ๊ เญย ต๋อง, เหว่ย หฒุ เฒี้ยว ตี่ง เหฒียง ปุน น้าย นอม เต่ย-ปูง ปวั้ง เสี่ย หฮญัง ต้ม ฮวาง ต้ม หง่อ.” 2วั้ว เต้า มเซียะ ตอน ฯฒฯ เอย เจี๊ยน ทิน-ฮู่ง เญย เมี่ยน, เอลีซา, บั๋ว เญย หว่า โหฒว. นิ่น เหธา นิ่น เญย เหยียด เปย๊า เมี่ยน ธ้วด มี่ง เยียม ฟีลิสะเตีย เต่ย-ปูง เสี่ย หฮญัง.
3เสี่ย หฮญัง เจี๋ย ลิ์ว, วั้ว เต้า มเซียะ ตอน เยียม ฟีลิสะเตีย เต่ย-ปูง หฑวน ฯฒฯ มี่ง ล์อ ฮู่ง เตี๋ย โท้ นิ่น เญย เปย๊า เหธา ลี่ง เต่ย หฑวน. 4มี่ง โท้ วั้ว หฒั่น, ฮู่ง เตี๋ย เหธา ทิน-ฮู่ง เญย เมี่ยน เญย โปว, เกหะซี, ก๊อง เจี๊ยน หว่า. ฮู่ง เตี๋ย บั๋ว เกหะซี, “โท้ เม่ย ก๊อง เอลีซา โหฒว เหยียด ฒู้ง บัวะ ฮ่อง เญย สี่ ปุน เยีย หมวัง.” 5เกหะซี ก๊อง เจี๊ยน บั๋ว ฮู่ง เตี๋ย เอลีซา ฮนั้ง หาย นอ เถง ไต่ มี่ง เญย เมี่ยน นั่ง ต้าย วั้ว หฒั่น, ต้ง นิ่น เญย ตอน ไต่, เอลีซา เถง นั่ง ต้าย วั้ว เต้า มเซียะ ตอน เถา ต้าย เหว่ย โท้ ฮู่ง เตี๋ย ปุน นิ่น เญย เปย๊า เหธา ลี่ง เต่ย หฑวน.
เกหะซี ก๊อง, “เยีย เญย เฒี้ยว, เยีย เญย ฮู่ง อ้า! ต้ง น้าย เต้า มเซียะ ตอน. น้าย หย่า นิ่น เญย ตอน, ต้ง ไต่ มี่ง เอลีซา เถง นั่ง ต้าย วั้ว เต้า.” 6ฮู่ง เตี๋ย หน่าย วั้ว เต้า มเซียะ ตอน เถา น้าย เต๋ย เจ๊า, วั้ว เต้า มเซียะ ตอน ฯฒฯ ก๊อง ปุน นิ่น หมวัง.
ฮู่ง เตี๋ย ฯฒฯ พ้าย เต้า เจียน เบ่น นิ่น เญย สี่, ก๊อง บั๋ว นิ่น, “ตะฟ่าน เป๋น น้าย เต้า มเซียะ ตอน เญย เหยียด ฒู้ง กะน้าย อ๋อย หฒุ ฝูง หฑวน ปุน นิ่น, เลี่ยม นิ่น ธ้วด เต่ย- ปูง วั้ว ฮนอย เถา อี้ หฒั่น นิ่น เญย เดา ธ้วด เญย ป่วน อ๋อย หฒุ ฝูง หฑวน.”
ฮาซาเอน ตุ๊ โหฒว ซีเลีย เญย ฮู่ง
7เอลีซา มี่ง เถา ดามัดกัด ฒี่ง. วั้ว หฒั่น ซีเลีย เญย ฮู่ง, เบนฮาดัด, ปุ๊ด แป่ง. ม่าย เมี่ยน ก๊อง บั๋ว ฮู่ง เตี๋ย, “ทิน-ฮู่ง เญย เมี่ยน ต้าย เถา น้าย.” 8ฮู่ง เตี๋ย ฯฒฯ บั๋ว ฮาซาเอน. “ต้อ ฒี่ง เหญ่ย มี่ง ปวั้ง ทิน-ฮู่ง เญย เมี่ยน. โท้ นิ่น หน่าย เฒี้ยว, ‘เยีย ปุ๊ด น้าย นอม แป่ง ไฮ่ หลง เญย ไฟ?’”
9ฮาซาเอน มี่ง ปวั้ง เอลีซา, หย่า หล่ง เฝย เหฒียบ เต้า ล่อ ท่อ ทอ เจี๊ยน ดามัดกัด ฒี่ง เก้า หลง เจี๋ย เญย กะน้าย โหฒว ฒี่ง เหญ่ย ปุน เอลีซา. นิ่น โซ้ว เจี๊ยน เอลีซา เญย หฑะเฮมียน วั้ว หฒั่น นิ่น ก๊อง, “เม่ย เญย โปว,#8:9 ฮิบลู หว่า ก๊อง เม่ย เญย ตอน. ซีเลีย เญย ฮู่ง, เบนฮาดัด, เห่ว เยีย ต้าย หน่าย เม่ย, ‘เยีย ปุ๊ด น้าย นอม แป่ง ไฮ่ หลง เญย ไฟ?’”
10เอลีซา เตา, “หฑวน มี่ง บั๋ว เบนฮาดัด, ‘เม่ย หฒะเก้ง ไฮ่ หลง.’ มป่า เฒี้ยว, ปุน เยีย ฮิ้ว ตุ๊ นิ่น หฒะเก้ง อ๋อย หฒุ ไต่.” 11ทิน-ฮู่ง เญย เมี่ยน, เอลีซา, นุๆ เญย หมั่ง ฮาซาเอน เถา ฮาซาเอน เสียง ไญ้ เญย. ทิน-ฮู่ง เญย เมี่ยน หย่า เญี้ยม อ๊ะ.
12ฮาซาเอน หน่าย ก๋า, “ต้ม ก๋อ อ่า, เม่ย โหฒว หาย หญู่ง เญี้ยม?”
เอลีซา เตา, “เหว่ย หฒุ เยีย ฮิ้ว ตุ๊ เม่ย อ๋อย ฮนั้ง หาย นอ โหฒว ห่อย อิสะลาเอน เมี่ยน. เม่ย อ๋อย หล่ง โต์ว ปั๊ว นิ่น บัว เว่ย เจี๊ยน ว้วน เญย ต๋อง, หล่ง หฑุ ด๊าว ไต๋ นิ่น บัว เญย เมี่ยน หลุน เมี่ยน, เฒาะ นิ่น บัว เญย ฝุเจว๊ย-ไฝ แกว๊ะ ไต่, หย่า พิ ฆอย ม่าย กู้งว์า เญย มเซียะ ตอน เญย กะเซีย.”
13ฮาซาเอน ก๊อง, “เยีย, เม่ย เญย โปว, ขูง ด่ง เต้า จู๊ ฮนั้ง. ฝู่ง ไฮ่ โหฒว ตุ๊ ธ้วด น้าย เต๋ย ต้ม สี่?”
เอลีซา เตา, “เฒี้ยว ปุน เยีย ฮิ้ว ตุ๊ เม่ย อ๋อย ตุ๊ โหฒว ซีเลีย เญย ฮู่ง.”#1 ฮู่ง โต้ว 19:15
14ฮาซาเอน ฯฒฯ เล่ย ฆอย เอลีซา หฑวน เถา นิ่น เญย เฒี้ยว, เบนฮาดัด, วั้ว. เบนฮาดัด หน่าย นิ่น, “เอลีซา ฮนั้ง หาย นอ ก๊อง?”
ฮาซาเอน เตา, “นิ่น บั๋ว เยีย, เม่ย เญย แป่ง หฒะเก้ง ไฮ่ หลง เญย.” 15มป่า ตะเหญ่ย ฮนอย ฮาซาเอน เฒาะ คว้าย สวัง เหฒียม ววม ต้าย อ๊บ เจี๊ยน ฮู่ง เตี๋ย เญย เฮมียน. ฮู่ง ฯฒฯ ไต่ หมี่ อ๊ะ. ฮาซาเอน ฯฒฯ หฑิบ เจี๊ยน โหฒว ซีเลีย เญย ฮู่ง.
ยูดา เญย ฮู่ง, เยโฮลัม
(เป๊ย หมั่ง 2 ฒุ่น ต่อย โต้ว 21:1-20)
16อิสะลาเอน เญย ฮู่ง, อาหับ เญย ตอน, โยลัม, โหฒว ฮู่ง ตะฮม์ หฮญัง วั้ว หฮญัง, เยโฮซาฟัด เญย ตอน, เยโฮลัม, ฝาว เหว่ย โหฒว ยูดา เญย ฮู่ง. 17ต้ง นิ่น ฝาว เหว่ย โหฒว ฮู่ง วั้ว หฒั่น, นิ่น เญย หฮญัง-เจ๊ย ตุ๊ ฟ่า เหฒียบ เหญ่ย หฮญัง. นิ่น เยียม เยลูซาเลม กุ๊น เหฮยียด หฮญัง. 18นิ่น เอย เจี๊ยน อิสะลาเอน เญย ฮู่ง เญย หฒะเอ๋ย, เซ ฮนั้ง อาหับ วั้ว เปย๊า เมี่ยน, เหว่ย หฒุ นิ่น หล่ง อาหับ เญย เซียะ โหฒว เอ๊า. หฒิว เฒี้ยว หมั่ง นิ่น โหฒว หว่าย สี่. 19มป่า เฒี้ยว เหว่ย นิ่น เญย โปว, ดาวิด, ไม้ เหมียด ยูดา, เหว่ย หฒุ นิ่น แล์ง ปุน ดาวิด เหยียด ลิ์ว ม่าย เฒ้ย-ฟุน โหฒว ฮู่ง.#8:19 ฮิบลู หว่า ก๊อง ม่าย นอม ตัง.#1 ฮู่ง โต้ว 11:36
20เยโฮลัม โหฒว ฮู่ง เญย เฒี่ยง โห่, เอโดม เต่ย แหง่ง เจี๊ยน ยูดา ฯฒฯ เหลียบ นิ่น บัว กั้น เญย ฮู่ง.#ทิน เต่ย โต้ว 27:40 21เยโฮลัม ฯฒฯ ต้อ เจี๊ยน นิ่น เญย เหยียด ฒู้ง เบ๊าะ จ๋า เญย ม์า-เธีย มี่ง เถา สาอี วั้ว. เอโดม เญย แปง เว่ย เจี๊ยน นิ่น เหธา ฒ้าง เบ๊าะ จ๋า เธีย เญย หฒวัง แปง-เปย๊ย, มป่า เยโฮลัม บัว ลู่ง ม์วน หฒั่น เบ๊าะ ทง เว่ย เจี๊ยน เญย เมี่ยน ฯฒฯ ตุ๊ เปย๋า ธ้วด. นิ่น เญย แปง หย่า เปย๋า หฑวน เปย๊า เหฑ่ง หมี่ อ๊ะ. 22เอโดม ฯฒฯ แหง่ง เจี๊ยน ยูดา เถา อี้ จ๋า ฮนอย. ลิบนา ฒี่ง หย่า ต๋อย วั้ว เต๋ย เฒี่ยง โห่ ฟี่ ฮนั้ง เญย แหง่ง.
23เยโฮลัม โหฒว ฮู่ง กุ๊น เญย เฒี่ยง โห่ เหฒ่ง เหฌี่ย เญย สี่ เหธา นิ่น โหฒว เญย เหยียด ฒู้ง, เฟี้ย เจี๊ยน ยูดา ฮู่ง เญย ฮู่ง โต้ว ตาน. 24เยโฮลัม ฯฒฯ เกวย เสย หมี่ อ๊ะ,#8:24 เป๊ย หมั่ง 1 ฮู่ง โต้ว 1:21. หย่า เหธา นิ่น เญย อง-ถาย หฒัง เจี๊ยน ดาวิด เญย ฒี่ง. นิ่น เญย ตอน, อาหัดยา, ฯฒฯ หฑิบ เจี๊ยน นิ่น โหฒว ฮู่ง.
ยูดา เญย ฮู่ง, อาหัดยา
(เป๊ย หมั่ง 2 ฒุ่น ต่อย โต้ว 22:1-6)
25อาหับ เญย ตอน, โยลัม, โหฒว อิสะลาเอน เญย ฮู่ง เหฒียบ เหญ่ย หฮญัง วั้ว หฮญัง, เยโฮลัม เญย ตอน, อาหัดยา, ฝาว เหว่ย โหฒว ยูดา เญย ฮู่ง. 26อาหัดยา ตุ๊ โหฒว ฮู่ง วั้ว หฒั่น นิ่น เญย หฮญัง-เจ๊ย ตุ๊ หญี่ เหฒียบ เหญ่ย หฮญัง. นิ่น เยียม เยลูซาเลม กุ๊น เหยียด หฮญัง. นิ่น เญย มา เซ อิสะลาเอน ฮู่ง, โอมลี เญย เซียะ-ฟุน, บั๋ว เห่ว อาทาลิยา. 27อาหัดยา เอย เจี๊ยน อาหับ วั้ว เปย๊า เมี่ยน เญย หฒะเอ๋ย โหฒว. หฒิว เฒี้ยว หมั่ง นิ่น โหฒว หว่าย สี่ ฮนั้ง อาหับ โหฒว นอ, เหว่ย หฒุ นิ่น เป๋น อาหับ เญย ฮู่ง โต้ว เญย เหยียด เต้า เซียะ-ล่าง.
28อาหัดยา เหธา อาหับ เญย ตอน, โยลัม, ธ้วด มี่ง เถา ลาโม้ดกิเลอาด เหธา ซีเลีย เญย ฮู่ง, ฮาซาเอน, เบ๊าะ จ๋า. ซีเลีย เมี่ยน โหฒว ปุน โยลัม หฒุ มุน. 29โยลัม ฯฒฯ หฑวน เถา ยิดเลเอน หฒ่อ นิ่น เยียม ลาโม้ด เหธา ซีเลีย ฮู่ง, ฮาซาเอน, เบ๊าะ จ๋า หฒุ ซีเลีย แปง ปุน นิ่น หฒุ มุน เญย ต๋อง หลง.
ยูดา เญย ฮู่ง, เยโฮลัม เญย ตอน, อาหัดยา, ฯฒฯ เหฌี่ย เถา ยิดเลเอน หมั่ง อาหับ เญย ตอน, โยลัม, เหว่ย หฒุ โยลัม หฒุ มุน.
Currently Selected:
2 ฮู่ง โต้ว 8: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
