2 ฮู่ง โต้ว 15
15
ยูดา เญย ฮู่ง, อาซาลิยา
(เป๊ย หมั่ง 2 ฒุ่น ต่อย โต้ว 26:1-23)
1เยโลโบอัม โหฒว อิสะลาเอน เญย ฮู่ง หญี่ เหฒียบ เธี้ยด หฮญัง วั้ว หฮญัง, อามาซิยา เญย ตอน, อาซาลิยา,#15:1 อาซาลิยา เญย กั้น นอม บั๋ว เห่ว อุดซียา. ฝาว เหว่ย โหฒว ยูดา เญย ฮู่ง. 2ฝาว เหว่ย โหฒว ฮู่ง วั้ว หฒั่น นิ่น เญย หฮญัง-เจ๊ย ตุ๊ เหฒียบ หลัวะ หฮญัง. นิ่น หย่า เยียม เยลูซาเลม กุ๊น ฮม์ เหฒียบ เหญ่ย หฮญัง. นิ่น เญย มา เญย บั๋ว เห่ว เยโคลียา, เซ เยลูซาเลม เมี่ยน. 3หฒิว เฒี้ยว หมั่ง นิ่น โหฒว ตุ๊ หอบ ฮนั้ง นิ่น เญย เตีย, อามาซิยา นอ. 4มป่า เยียม ฮลัง หฒั่ง เฒี่ยน เญย ต๋อง นิ่น ไม้ แธะ. แปะ ฝีง หธ่อ เยียม วั้ว ฝ่ง ห่อ เหฒี่ย หย่า ปั๊ว ฮูง.
5 เฒี้ยว ปุน อามาซิยา หฒุ เหฒะ หน่าน, ปุน นิ่น ปุ๊ด ก้ม ฮู้ แป่ง, ปุ๊ด เถา นิ่น ไต่ หย่า อ๋อย หฒุ เยียม กั้น นอม ฮู่ง ติ่น กะญั์ว. นิ่น เญย ตอน, โยทาม, โก๋ว ฮู่ง ติ่น หย่า กุ๊น กั๊วะ หฒั่ง เญย แปะ ฝีง.
6อาซาลิยา โหฒว เหฒ่ง เหฌี่ย เญย สี่, เหธา นิ่น โหฒว เญย เหยียด ฒู้ง, เฟี้ย เจี๊ยน ยูดา ฮู่ง เญย ฮู่ง โต้ว ตาน. 7อาซาลิยา เกวย เสย หมี่ อ๊ะ,#15:7 เป๊ย หมั่ง 1 ฮู่ง โต้ว 1:21.#อิสะยา 6:1 หย่า เหธา นิ่น เญย อง-ถาย หฒัง เจี๊ยน เยียม ดาวิด เญย ฒี่ง. นิ่น เญย ตอน, โยทาม, หย่า หฑิบ เจี๊ยน นิ่น โหฒว ฮู่ง.
อิสะลาเอน เญย ฮู่ง, เสคาลิยา
8อาซาลิยา โหฒว ยูดา เญย ฮู่ง ฟ่า เหฒียบ เป๊ด หฮญัง วั้ว หฮญัง, เยโลโบอัม เญย ตอน, เสคาลิยา, เยียม สะมาเลีย ฝาว เหว่ย โหฒว อิสะลาเอน เญย ฮู่ง หย่า กุ๊น จุ๊ หฮลา เหญียะ. 9หฒิว เฒี้ยว หมั่ง, นิ่น โหฒว หว่าย สี่, ฮนั้ง นิ่น เญย อง-ถาย นอ. นิ่น ไม้ กวั่ง เนบัด เญย ตอน, เยโลโบอัม, โหฒว เญย ฒุ์ย, ต้ง นิ่น ปุน อิสะลาเอน เมี่ยน ป์าม เญย ฒุ์ย.#15:9 เป๊ย หมั่ง 1 ฮู่ง โต้ว 12:25-33; 13:33-34. เยียม 15:9, 24 ฟี่ ฮนั้ง เญย.
10ยาเบด เญย ตอน, ซันลูม, เป่ย เดี๊ย ธ่าง ล่าง แหง่ง เสคาลิยา. นิ่น ตอง เจี๊ยน แปะ ฝีง#15:10 ม่าย ป๊วน โล์-ฮนอย โซว จา หว่า ก๊อง เยียม อิบเลอัม. ฮิบลู หว่า ก๊อง, ตอง เจี๊ยน แปะ ฝีง. ไต๋ เสคาลิยา แอ๋ง ตี๊ นิ่น โหฒว ฮู่ง. 11เสคาลิยา โหฒว ลิ์ว เหฒ่ง เหฌี่ย เญย สี่ เฟี้ย เจี๊ยน อิสะลาเอน ฮู่ง เญย ฮู่ง โต้ว ตาน. 12น้าย เซ ธ้วด ต้าย ต๋อย-ติ่ว เฒี้ยว เหธา เยฮู ก๊อง เจี๋ย เญย หว่า. นิ่น ก๊อง, “เม่ย เญย เฒ้ย-ฟุน ตุ๊ เฒว์ย อิสะลาเอน เญย เหว่ย เถา ตะเฝย ต่อย.”#2 ฮู่ง โต้ว 10:30
อิสะลาเอน เญย ฮู่ง, ซันลูม
13อุดซียา#15:13 อุดซียา เซ อาซาลิยา เญย กั้น นอม บั๋ว. โหฒว ยูดา เญย ฮู่ง ฟ่า เหฒียบ จั๊ว หฮญัง วั้ว หฮญัง, ยาเบด เญย ตอน, ซันลูม, เยียม สะมาเลีย ฝาว เหว่ย กุ๊น เหยียด หฮลา เหญียะ. 14กาดี เญย ตอน, เมนาเฮม, เยียม ทีละซา ฒี่ง มี่ง เถา สะมาเลีย หย่า เยียม วั้ว ไต๋ ยาเบด เญย ตอน, ซันลูม, แอ๋ง หฑิบ เจี๊ยน นิ่น โหฒว ฮู่ง.
15ซันลูม โหฒว ลิ์ว เหฒ่ง เหฌี่ย เญย สี่, เหธา นิ่น ต้อ เมี่ยน เป่ย เดี๊ย ธ่าง ล่าง เญย สี่, เฟี้ย เจี๊ยน อิสะลาเอน ฮู่ง เญย ฮู่ง โต้ว ตาน.
16เมนาเฮม เยียม ทีละซา มี่ง วั้ว หฒั่น, นิ่น เบ๊าะ ทิบสา เหธา ฮวีง หฑวน เญย ต๋อง เญย หฒวัง เมี่ยน, เหว่ย หฒุ นิ่น บัว ไม้ คั้ง คอย ฒี่ง หลาด เญย แก้ง. นิ่น ลู้ เหฑ่ง วั้ว นอม ฒี่ง หย่า พิ ฆอย เต้าๆ ม่าย กู้งว์า เญย มเซียะ ตอน.
อิสะลาเอน เญย ฮู่ง, เมนาเฮม
17อาซาลิยา โหฒว ยูดา เญย ฮู่ง ฟ่า เหฒียบ จั๊ว หฮญัง วั้ว หฮญัง, กาดี เญย ตอน, เมนาเฮม, ฝาว เหว่ย โหฒว อิสะลาเอน เญย ฮู่ง, เยียม สะมาเลีย กุ๊น เหฒียบ หฮญัง. 18หฒิว เฒี้ยว หมั่ง นิ่น โหฒว หว่าย สี่. เยียม นิ่น โหฒว ฮู่ง เญย เฒี่ยง โห่ นิ่น ไม้ กวั่ง เนบัด เญย ตอน, เยโลโบอัม, โหฒว เญย หว่าย สี่, ต้ง นิ่น ต้อ อิสะลาเอน เมี่ยน ป์าม เญย ฒุ์ย.
19อัดซีเลีย เญย ฮู่ง, ปูลา,#15:19 ปูลา แอ๋ง ม่าย บั๋ว เห่ว ทิกลัดปิเลเส. เปียะ ต้าย เบ๊าะ อิสะลาเอน เมี่ยน. เมนาเฮม ฯฒฯ ปุน อี หว่าน เหยียด ธิน จ้อย#15:19 ฮิบลู หว่า ก๊อง 1,000 ตะลัน. เซ เล่ย ไม้ โก 34,000 กีโล. ญ่าน เหว่ย ปุน ปูลา เถง นิ่น เญย กั๊วะ ว้วน. 20เมนาเฮม มี่ง เป๊ะ อิสะลาเอน เมี่ยน ปุน วั้ว เต๋ย ญ่าน. เต้าๆ ปุ๊ด-ฒ่อย เมี่ยน, เหยียด เต้า อ๋อย หฒุ ปุน เหฒียบ ฮม์ ลู์ง ญ่าน#15:20 ฮิบลู หว่า ก๊อง 50 เซเขน. เซ เล่ย ไม้ โก 0.6 กีโล. เหว่ย จิว ปุน อัดซีเลีย เญย ฮู่ง. อัดซีเลีย เญย ฮู่ง ฯฒฯ ถุย แปง หฑวน เหฑ่ง หมี่ อ๊ะ. ไม้ เยียม วั้ว นอม กั๊วะ อ๊ะ. 21เมนาเฮม โหฒว ลิ์ว เหฒ่ง เหฌี่ย เญย สี่, เหธา นิ่น โหฒว เญย เหยียด ฒู้ง, เฟี้ย เจี๊ยน อิสะลาเอน ฮู่ง เญย ฮู่ง โต้ว ตาน. 22เมนาเฮม เกวย เสย หมี่ อ๊ะ.#15:22 เป๊ย หมั่ง 1 ฮู่ง โต้ว 1:21. นิ่น เญย ตอน, เปคาหิยา, หย่า หฑิบ เจี๊ยน นิ่น โหฒว ฮู่ง.
อิสะลาเอน เญย ฮู่ง, เปคาหิยา
23อาซาลิยา#15:23 เป๊ย หมั่ง 2 ฮู่ง โต้ว 15:1. โหฒว ยูดา เญย ฮู่ง ฮม์ เหฒียบ หฮญัง วั้ว หฮญัง, เมนาเฮม เญย ตอน, เปคาหิยา, ฝาว เหว่ย โหฒว อิสะลาเอน เญย ฮู่ง หย่า กุ๊น อี หฮญัง. 24หฒิว เฒี้ยว หมั่ง, เปคาหิยา โหฒว หว่าย สี่. นิ่น ไม้ กวั่ง เนบัด เญย ตอน, เยโลโบอัม, ป์าม เญย ฒุ์ย, ต้ง นิ่น ปุน อิสะลาเอน เมี่ยน ป์าม เญย ฒุ์ย. 25ม่าย เต้า นิ่น เญย ต้ม แปง-เปย๊ย, เลมาลิยา เญย ตอน, เปคา, เป่ย เดี๊ย ธ่าง ล่าง แหง่ง นิ่น. นิ่น ต้อ ฮม์ เหฒียบ เต้า กิเลอาด เมี่ยน เหธา นิ่น มี่ง สะมาเลีย, เยียม ฮู่ง ติ่น กะญั์ว เหยียด นอม ว้วน เญย ต๋อง,#15:25 เยียม น้าย ม่าย อี โจ๋ว ฮิบลู หว่า ไม้ หนั่ง เม่ง. ไต๋ นิ่น เหธา อานโกบ เหธา อาลีเอ. ไต๋ ลิ์ว, เปคา ฝาว เหว่ย ตี๊ เปคาหิยา โหฒว ฮู่ง.
26เปคาหิยา โหฒว เหฒ่ง เหฌี่ย เญย สี่, เหธา นิ่น โหฒว เญย เหยียด ฒู้ง, เฟี้ย เจี๊ยน อิสะลาเอน ฮู่ง เญย ฮู่ง โต้ว ตาน.
อิสะลาเอน เญย ฮู่ง, เปคา
27อาซาลิยา โหฒว ยูดา เญย ฮู่ง ฮม์ เหฒียบ เหญ่ย หฮญัง วั้ว หฮญัง, เลมาลิยา เญย ตอน, เปคา, เยียม สะมาเลีย ฝาว เหว่ย โหฒว อิสะลาเอน เญย ฮู่ง หย่า กุ๊น หญี่ เหฒียบ หฮญัง. 28หฒิว เฒี้ยว หมั่ง, เปคา โหฒว หว่าย สี่. นิ่น ไม้ กวั่ง เนบัด เญย ตอน, เยโลโบอัม, โหฒว เญย ฒุ์ย, ต้ง นิ่น ปุน อิสะลาเอน เมี่ยน ป์าม เญย ฒุ์ย.
29เปคา โหฒว เจี๊ยน อิสะลาเอน เญย ฮู่ง เญย เฒี่ยง โห่, อัดซีเลีย เญย ฮู่ง, ทิกลัดปิเลเส, ต้าย ธ้าง อิโยน, อาเบนเบดมาอะคา, ยาโนอา, เคเดด เหธา ฮาโซ ฒี่ง หย่า ธ้าง กิเลอาด, กาลิลี, เหธา ก๋อม นับทาลี เต่ย. นิ่น หย่า กว๊าด วั้ว เต๋ย ต๋อง เญย แปะ ฝีง มี่ง อัดซีเลีย. 30อุดซียา#15:30 เป๊ย หมั่ง 2 ฮู่ง โต้ว 15:13. เญย ตอน, โยทาม, โหฒว ยูดา เญย ฮู่ง หญี่ เหฒียบ หฮญัง วั้ว หฮญัง, เอลา เญย ตอน, โฮเซยา, เป่ย เดี๊ย ธ่าง ล่าง แหง่ง เลมาลิยา เญย ตอน, เปคา, ฯฒฯ ไต๋ นิ่น หย่า ฝาว เหว่ย โหฒว ฮู่ง ตี๊ นิ่น.
31เปคา โหฒว เหฒ่ง เหฌี่ย เญย สี่, เหธา นิ่น โหฒว เญย เหยียด ฒู้ง, เฟี้ย เจี๊ยน อิสะลาเอน ฮู่ง เญย ฮู่ง โต้ว ตาน.
ยูดา เญย ฮู่ง, โยทาม
(เป๊ย หมั่ง 2 ฒุ่น ต่อย โต้ว 27:1-9)
32เลมาลิยา เญย ตอน, เปคา, โหฒว อิสะลาเอน เญย ฮู่ง ตะเหญ่ย หฮญัง วั้ว หฮญัง, อุดซียา#15:32 เป๊ย หมั่ง 2 ฮู่ง โต้ว 15:13. เญย ตอน, โยทาม, ฝาว เหว่ย โหฒว ยูดา เญย ฮู่ง. 33วั้ว หฒั่น นิ่น เญย หฮญัง-เจ๊ย ตุ๊ หญี่ เหฒียบ ฮม์ หฮญัง. นิ่น เยียม เยลูซาเลม กุ๊น เหฒียบ หลัวะ หฮญัง. นิ่น เญย มา เญย บั๋ว เห่ว เยลูซา, เซ สาโดก เญย เซียะ. 34หฒิว เฒี้ยว หมั่ง นิ่น โหฒว ตุ๊ หอบ, ฮนั้ง นิ่น เญย เตีย, อุดซียา, นอ. 35มป่า นิ่น ไม้ แธะ เยียม ฮลัง หฒั่ง เฒี่ยน เญย ต๋อง กวั่ง. แปะ ฝีง หธ่อ เยียม หน่าย ฝ่ง ห่อ เหฒี่ย หย่า ปั๊ว ฮูง. โยทาม เหธย หฒั่ง เฒี้ยว เญย เปย๊า วั้ว เจี๋ย ปูง เญย หลาด แก้ง.
36โยทาม โหฒว เหฒ่ง เหฌี่ย เญย สี่ เหธา นิ่น โหฒว เญย เหยียด ฒู้ง, เฟี้ย เจี๊ยน ยูดา ฮู่ง เญย ฮู่ง โต้ว ตาน. 37(เยียม โยทาม โหฒว ฮู่ง เญย เฒี่ยง โห่, เฒี้ยว พ้าย ซีเลีย เญย ฮู่ง, เลซิน, เหธา อิสะลาเอน เญย ฮู่ง, เลมาลิยา เญย ตอน, เปคา, ต้าย เบ๊าะ ยูดา.) 38โยทาม เกวย เสย หมี่ อ๊ะ,#15:38 เป๊ย หมั่ง 1 ฮู่ง โต้ว 1:21. หย่า เหธา นิ่น เญย อง-ถาย หฒัง เจี๊ยน นิ่น เญย อง-ถาย, ดาวิด, เญย ฒี่ง. นิ่น เญย ตอน, อาหัด, หย่า หฑิบ เจี๊ยน นิ่น โหฒว ฮู่ง.
Currently Selected:
2 ฮู่ง โต้ว 15: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
