2 ฮู่ง โต้ว 11
11
ยูดา เญย ฮู่ง หม่า, อาทาลิยา
(เป๊ย หมั่ง 2 ฒุ่น ต่อย โต้ว 22:10—23:15)
1อาหัดยา เญย มา, อาทาลิยา, ปวัด นิ่น เญย ตอน ไต่ หมี่ อ๊ะ, นิ่น ฯฒฯ เจี์ย กอน ไต๋ เหฑ่ง ม่าย ฮู่ง โต้ว เญย เมี่ยน. 2มป่า โยลัม เญย เซียะ, อาหัดยา เญย หมั่ว, เยโฮเชบา, เฒาะ อาหัดยา เญย ตอน, โยอาด, เยียม อ๋อย หฒุ ไต๋ ไต่ เญย ฮู่ง ตอน บุด๋ง หนิ่ม ธ้วด ต้าย. นิ่น ต้อ โยอาด เหธา ต้อ โยอาด วั้ว เต้า โปว มี่ง ปี๋ง เจี๊ยน หฒั่ง ทิน-ฮู่ง เญย เปย๊า เญย เหยียด ฉง เกน,#11:2 ม่าย เต๋ย โซว ก๊อง, “เซียว สวัง-ติ่ม เญย เกน”. เหว่ย เปย๋า ดุ๊ด, ไม้ หฒุ อาทาลิยา ฮู่ง หม่า ไต๋. 3โยอาด เหธา ต้อ นิ่น วั้ว เต้า โปว ฯฒฯ ปี๋ง เจี๊ยน เยียม หฒั่ง เฒี้ยว เญย เปย๊า จุ๊ หฮญัง. อาทาลิยา หย่า กุ๊น เต่ย-ปูง.
4เถา ตะเธี้ยด หฮญัง วั้ว หฮญัง, เยโฮยาดา ไซ เมี่ยน เห่ว คาลี เมี่ยน เญย แปง-เปย๊ย เหธา โก๋ว ฮู่ง เตี๋ย เญย แปง ต้าย หย่า ต้อ นิ่น บัว เปียะ หฒั่ง เฒี้ยว เญย เปย๊า. นิ่น เหธา นิ่น บัว เหลียบ แหง่ง หว่า หย่า ปุน นิ่น บัว เยียม เฒี้ยว เญย เปย๊า โฮ้ว หว่า. ฆะฮ้า นิ่น ต้อ ฮู่ง เญย ตอน ต้าย ปุน นิ่น บัว หมั่ง. 5นิ่น หย่า พ้าย เหฒียง นิ่น บัว, “เม่ย บัว อ๋อย หฒุ ฮนั้ง น้าย นอ โหฒว. ตะฟ่าน ตี้ง กง ฮนอย ล่วน ปาน ฒั้ว วั้ว กวั้น แปง เญย ปัว โก๊ว เญย เหยียด โก๊ว อ๋อย หฒุ ฒั้ว ฮู่ง ติ่น, 6ปัว โก๊ว เญย เหยียด โก๊ว อ๋อย หฒุ ฒั้ว สูเอ แก้ง, ปัว โก๊ว เญย เหยียด โก๊ว อ๋อย หฒุ เยียม ฒั้ว ฮู่ง ติ่น เญย แปง ฆะฮ้า ฆาง เญย แก้ง. 7หฒิว ล่วน ปาน ไม้ หฒุ ฒั้ว วั้ว เต๋ย อี กวั้น อ๋อย หฒุ เยียม หฒั่ง เฒี้ยว เญย เปย๊า โก๋ว ฮู่ง เตี๋ย. 8เก๊าะ-เมี่ยน อ๋อย หฒุ นั้น เจี๊ยน เก๊าะ-เมี่ยน เญย หวัวะ กิ่น เว่ย ก๋อม ฮู่ง เตี๋ย. หาย เต้า ต้าย นิด ฟัด เม่ย บัว เญย กวั้น อ๋อย หฒุ ไต๋ ไต่. ฮู่ง เตี๋ย เปียะ ธ้วด เญย เฒี่ยง โห่, เม่ย บัว อ๋อย หฒุ เหธา เจี๊ยน นิ่น มี่ง.”
9หฒวัง แปง-เปย๊ย ฯฒฯ เอย เจี๊ยน เยโฮยาดา ไซ เมี่ยน พ้าย เญย หว่า โหฒว. เก๊าะ-เมี่ยน ต้อ เก๊าะ-เมี่ยน เญย แปง, เลี่ยม หฒิว ล่วน ปาน ฮนอย ฒั้ว เญย เมี่ยน ไฟ ธ้วด ล่วน ปาน ฮนอย เญย วั้ว เต๋ย, ต้าย เถา เยโฮยาดา ไซ เมี่ยน วั้ว. 10เยโฮยาดา เฒาะ เยียม หฒั่ง เฒี้ยว เญย เปย๊า ฒิ่น ด่าง เป๋น ดาวิด ฮู่ง เญย ธัง เหธา ท้อง-ป้าย ปุน หฒวัง แปง-เปย๊ย. 11โก๋ว ฮู่ง เตี๋ย เญย แปง, เก๊าะ-เมี่ยน เญย ปั์ว นั้น เจี๊ยน หวัวะ กิ่น เยียม เหฒี่ย-ต้อง เหธา หฒั่ง เฒี้ยว เญย เปย๊า หฒาย ปูง เหธา บย่าว ปูง เว่ย เจี๊ยน ฮู่ง เตี๋ย.
12เยโฮยาดา ไซ เมี่ยน ต้อ ฮู่ง เตี๋ย เญย ตอน ธ้วด ต้าย หย่า เฒาะ ฮู่ง นี้ง เถง นิ่น ด๋ง เจี๊ยน. นิ่น บัว เฒาะ แล์ง แหง่ง หว่า โซว จิว ปุน นิ่น ฯฒฯ ออน นิ่น โหฒว ฮู่ง, แอ๋ง หล่ง ออน เมี่ยน เญย โย่ว โต๋ เจี๊ยน. หฒวัง เมี่ยน ฯฒฯ ไบ๋ ปั์ว เห่ว เจี๊ยน ก๊อง, “โท้ ปุน ฮู่ง เตี๋ย เฒี่ยง ตุ๊ หม่าน ฝุย.”
อาทาลิยา ฮู่ง หม่า หฒุ ไต๋
13อาทาลิยา หมวัง ไฮ์ วั้ว เต๋ย โก๋ว ฮู่ง เตี๋ย เญย แปง เหธา หฒวัง แปะ ฝีง เญย เฉีย บุย, นิ่น ฯฒฯ มี่ง เถา หฒั่ง เฒี้ยว เญย เปย๊า, แปะ ฝีง วั้ว. 14นิ่น หมั่ง ฯฒฯ ปวัด ฮู่ง เตี๋ย เอย เจี๊ยน เล์ย โซ้ว เดี้ยว กะเฮลน. แปง-เปย๊ย เหธา ปย๊ม หฑัด เญย เมี่ยน หย่า โซ้ว เจี๊ยน ฮู่ง เตี๋ย เญย กะเฮลน. เต่ย-ปูง เญย หฒวัง แปะ ฝีง#11:14 ฮิบลู หว่า ก๊อง “กั๊วะ หฒั่ง เญย หฒวัง แปะ ฝีง”. เฌียน-โย่ว ไห่ หย่า ปย๊ม หฑัด.#2 ฮู่ง โต้ว 23:3 อาทาลิยา ฯฒฯ เป๊ด นิ่น เญย ลุย หย่า เห่ว ธ้วด ต้าย ก๊อง, “เป่ย ซี่ อ๊า โล่ะ! เป่ย ซี่ อ๊า โล่ะ!”
15เยโฮยาดา ไซ เมี่ยน พ้าย แปง-กวั้น เญย แปง-เปย๊ย, “ต้อ ฮู่ง หม่า กัน แปง เว่ย เจี๊ยน เญย ต๋อง ธ้วด ต้าย. หาย เต้า กัน เจี๊ยน อ๋อย เถง นิ่น หย่า อ๋อย หฒุ หล่ง หฑุ ด๊าว ไต๋ วั้ว เต้า ไต่.” เหว่ย หฒุ ไซ เมี่ยน ก๊อง เจี๋ย, “ไม้ ตู๋ง เยียม หฒั่ง เฒี้ยว เญย เปย๊า ปุน นิ่น หฒุ ไต๋ ไต่.” 16นิ่น บัว ฯฒฯ เฒาะ ฮู่ง หม่า มี่ง เถา ฮู่ง ติ่น, ม์า เปียะ เญย แก้ง วั้ว นอม ต๋อง, ปุน นิ่น หฒุ ไต๋ ไต่.
เยโฮยาดา เถง หฒ่อ เต่ย-ปูง
(เป๊ย หมั่ง 2 ฒุ่น ต่อย โต้ว 23:16-21)
17เยโฮยาดา ปุน ฮู่ง เตี๋ย เหธา แปะ ฝีง เหธา เฒี้ยว เหลียบ แหง่ง หว่า, แล์ง โหฒว เฒี้ยว เญย แปะ ฝีง. นิ่น แอ๋ง ปุน ฮู่ง เตี๋ย เหธา แปะ ฝีง เหลียบ แหง่ง หว่า. 18กั๊วะ กะญั์ว เญย หฒวัง แปะ ฝีง มี่ง บาอัน เฒี่ยน เญย หมิ่ว-เปย๊า แธะ เหฌี่ย เหฑ่ง. นิ่น บัว เบ๊าะ เหฒี่ย-ต้อง เหธา หมิ่ว-ฝัง ฮู้ หม่วน เหฑ่ง หย่า เยียม เหฒี่ย-ต้อง หฑะเฮมียน แหมง ไต๋ บาอัน เฒี่ยน เญย ไซ เมี่ยน, มัดทาน.
เยโฮยาดา ไซ เมี่ยน หย่า พ้าย แปง ฒั้ว เจี๊ยน หฒั่ง เฒี้ยว เญย เปย๊า. 19นิ่น ต้อ เจี๊ยน หฒวัง แปง-เปย๊ย เหธา คาลี เมี่ยน เหธา โก๋ว ฮู่ง เญย แปง เหธา กั๊วะ หฒั่ง เญย เหยียด ฒู้ง แปะ ฝีง. นิ่น บัว ล่ม ฑ่อย ต้อ ฮู่ง เตี๋ย เยียม หฒั่ง เฒี้ยว เญย เปย๊า ต้าย, ยั่ง แปง ฒั้ว ฮู่ง ติ่น เญย แก้ง เปียะ ฮู่ง ติ่น. ฮู่ง เตี๋ย ฯฒฯ เฒว์ย เจี๊ยน นิ่น เญย ฮู่ง เหว่ย. 20กั๊วะ หฒั่ง เญย หฒวัง แปะ ฝีง ฯฒฯ เฌียน-โย่ว. ฒี่ง กะญั์ว ถาย-แป้ง อ๊ะ. เหว่ย หฒุ อาทาลิยา ฮู่ง หม่า เยียม ฮู่ง ติ่น หฒุ หฑุ ด๊าว ไต๋ ไต่ หมี่ อ๊ะ.
21โยอาด ฝาว เหว่ย โหฒว ฮู่ง วั้ว หฒั่น, นิ่น เญย หฮญัง-เจ๊ย ตุ๊ เสี่ย หฮญัง.
Currently Selected:
2 ฮู่ง โต้ว 11: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
