2 ฒุ่น ต่อย โต้ว 3

ซาโลมอน เหธย หฒั่ง ทิน-ฮู่ง เญย เปย๊า

(เป๊ย หมั่ง 1 ฮู่ง โต้ว 6:1-38)

1ซาโลมอน ฯฒฯ เจี์ย กอน เหธย หฒั่ง เฒี้ยว เญย เปย๊า เยียม เยลูซาเลม, โมลิยา บง, ต้ง เฒี้ยว หิ่น ธ้วด ปุน นิ่น เญย เตีย, ดาวิด, วั้ว นอม ต๋อง. เซ ดาวิด ตี่ง เญย ต๋อง, เยบุด เมี่ยน, อาลาวนา,#3:1 ไฟ โอนัน. เญย เบ๊าะ เบย้า เธี้ยง. 2ซาโลมอน โหฒว ฮู่ง ตะเฝย หฮญัง, เหญ่ย หฮลา แซง-เหญ่ย นิ่น เจี์ย กอน เหธย.

3น้าย เซ ซาโลมอน เหธย หฒั่ง ทิน-ฮู่ง เญย เปย๊า เญย ธิ-หธุน.#3:3 ฮิบลู หว่า ก๊อง, กอน-โด๊ะ. หฒิว โล์-ฮนอย เญย ธิ-หธุน, ด๊าว หลัวะ เหฒียบ เดาะ, จั๊ง หญี่ เหฒียบ เดาะ. 4เปย๊า หฑะเฮมียน แหมง เญย แก้ง ด่าง วั้ว นอม ต๋อง ด๊าว หญี่ เหฒียบ เดาะ, เซ เหธา เปย๊า ฟี่ ด่ง จั๊ง, ฮลัง หญี่ เหฒียบ เดาะ.#3:4 ม่าย เต๋ย กีก หว่า เหธา ซีเลีย หว่า เญย โซว ก๊อง 20 เดาะ. ฮิบลู หว่า ก๊อง 120 เดาะ.

เปย๊า กะญั์ว นิ่น ปวัง เจี๊ยน เจียม. 5กะญั์ว โฮล เจี๋ย วั้ว ฉง หล่ง สีดา ฒ่ง เดี๋ยง เว่ย, แอ๋ง หล่ง เฒียน เจียม ปวัง เจี๊ยน, ติว เจี๊ยน ตาว-เดี๋ยง เหธา หลิ่ม เญย ฝัง ฒอง เจี๊ยน. 6นิ่น หล่ง เหฑว่ย ไห่ เญย หละเปย๊ย-จ๋าย ฒอง เปย๊า กะญั์ว. นิ่น หล่ง เญย เจียม เซ เยียม ปานวาอิม ต้าย เญย เจียม. 7แอ๋ง หล่ง เจียม ปวัง เจี๊ยน แฮ่ง, แก้ง โหฒ่ว, หฌ่ง เหธา แก้ง, หย่า ติว เคลูบิม เญย ฝัง เยียม วั้ว หฌ่ง.

8นิ่น หย่า เหธย เก้า ธีง-เหฑ่ง เจี๋ย วั้ว ฉง ด๊าว หญี่ เหฒียบ เดาะ, เซ เหธา เปย๊า ฟี่ เฌี้ยด. จั๊ง หย่า หญี่ เหฒียบ เดาะ. กะญั์ว ปวัง เจี๊ยน เฒียน เจียม. หล่ง เหยียด หว่าน ปัว ธิน จ้อย#3:8 ฮิบลู หว่า ก๊อง 600 ตะลัน. เซ เล่ย ไม้ โก 21,000 กีโล. เจียม.#ธ้วด อียิบ 26:33-34 9เจียม-ตีง เญย เฮนี้ย-ต้าว เซ เหฒียบ ฮม์ ลู์ง.#3:9 ฮิบลู หว่า ก๊อง 50 เซเขน. เซ เล่ย ไม้ โก 0.6 กีโล. เปย๊า กู้ หงว่าย วั้ว เต๋ย ฉงๆ หย่า หล่ง เจียม ปวัง เจี๊ยน.

10เยียม เก้า ธีง-เหฑ่ง เจี๋ย วั้ว ฉง นิ่น หฒุ อี เต้า เคลูบิม เญย ฝัง หล่ง เจียม ปวัง เจี๊ยน. 11น้าย เต๋ย อี เต้า เคลูบิม ยัง เจี๊ยน ด๊าด หญี่ เหฒียบ เดาะ ด๊าว. เหยียด เต้า เญย เหยียด ปูง ด๊าด ปยา เดาะ ด๊าว หย่า ยัง ต๋น เจี๊ยน วั้ว ปูง หฌ่ง. น้าย เต้า ยัง เญย วั้ว ปูง ด๊าด เหธา วั้ว เต้า ยัง เญย น้าย ปูง ด๊าด หธัม เจี๊ยน จ๋า. 12ตะเหญ่ย เต้า เคลูบิม เญย ด๊าด, เหยียด ปูง ด๊าด ปยา เดาะ ด๊าว, ยัง มี่ง ต๋น เจี๊ยน หฌ่ง. วั้ว ปูง ด๊าด หย่า ปยา เดาะ, เหธา ตะเยี้ยด เต้า เคลูบิม หธัม เจี๊ยน. 13น้าย เต๋ย อี เต้า เคลูบิม ยัง ด๊าด หญี่ เหฒียบ เดาะ ด๊าว. น้าย เต๋ย อี เต้า โซ้ว เจี๊ยน, เฮมียน ฮวิน มี่ง เก้า โฮล เจี๋ย วั้ว ฉง.

14นิ่น หล่ง ปะกี สุย เซ้ด บั๊ว, หลัวะ, ซิ เหธา ล่าม่า เดีย-หม่วน โหฒว คว้าย แบะ แก้ง เดีย หธง เจี๊ยน เคลูบิม เญย ฝัง.#ธ้วด อียิบ 26:31

อี นอม ต้ง ซิ เดี้ยว

(เป๊ย หมั่ง 1 ฮู่ง โต้ว 7:15-22)

15เยียม หฒั่ง ทิน-ฮู่ง เญย เปย๊า หฑะเฮมียน แหมง โหฒว อี นอม ต้ม เดี้ยว ฮลัง ฟ่า เหฒียบ ฮม์ เดาะ. อี นอม เดี้ยว เตว๊ย-เมว์ย เป๊าะ ปยา เดาะ ฮลัง. 16นิ่น ธิ หลิ่ม#3:16 เยียม น้าย นอม ต๋อง ม่าย โจ๋ว ฮิบลู หว่า ไม้ หนั่ง เม่ง. ม่าย เต๋ย โซว ฟาน ต้าย ก๊อง “เยียม สีง ติ่น กะญั์ว เจี๋ย วั้ว ฉง”. เหฑ่น เจี๊ยน เดี้ยว เตว๊ย-เมว์ย. นิ่น แอ๋ง โหฒว เหยียด แป๊ะ นอม หฒิ เลี่ยว เปี๊ยว#3:16 จั๋น-ไท้ หว่า เห่ว ทับทิม. ตี๋ง เจี๊ยน น้าย เต๋ย หลิ่ม. 17นิ่น เฒาะ น้าย เต๋ย อี นอม เดี้ยว เหลียบ ต้าย ตน เจี๊ยน หฒั่ง ทิน-ฮู่ง เญย เปย๊า หฑะเฮมียน แหมง. ม่าย นอม เยียม น่าม ปูง, ม่าย นอม เยียม ป๊ะ ปูง. น่าม ปูง วั้ว นอม เห่ว ยาคีน.#3:17 ฮิบลู หว่า เญย เอ๋ย เล์ย ต๋าย ก๊อง “นิ่น (ทิน-ฮู่ง) เหลียบ ต้าย”. ป๊ะ ปูง วั้ว นอม เห่ว โบอาด.#3:17 ฮิบลู หว่า เญย เอ๋ย เล์ย ต๋าย ก๊อง “ปั่ง นิ่น (ทิน-ฮู่ง) เญย ชะ”.

Currently Selected:

2 ฒุ่น ต่อย โต้ว 3: IuMiTH

Highlight

Copy

Compare