2 ฒุ่น ต่อย โต้ว 26
26
ยูดา เญย ฮู่ง, อุดซียา
(เป๊ย หมั่ง 2 ฮู่ง โต้ว 14:21-22; 15:1-7)
1ยูดา เญย หฒวัง แปะ ฝีง เหลียบ อามาซิยา เญย ตอน, อุดซียา,#26:1 อุดซียา เซ อาซาลิยา เญย กั้น นอม บั๋ว. หฑิบ เจี๊ยน นิ่น เญย เตีย, อามาซิยา, โหฒว ฮู่ง. วั้ว หฒั่น อุดซียา ตุ๊ เหฒียบ หลัวะ หฮญัง. 2นิ่น เญย เตีย, อามาซิยา, เกวย เสย หมี่ อ๊ะ,#26:2 เป๊ย หมั่ง 2 ฒุ่น ต่อย โต้ว 9:31. ฆะฮ้า อุดซียา แอ๋ง เซียง-เหธย เจี์ย เอลัด ฒี่ง#26:2 ม่าย เต๋ย โซว เห่ว เอโล้ด. หย่า ฝูง หฑวน ปุน ยูดา.
3อุดซียา ฝาว เหว่ย โหฒว ฮู่ง วั้ว หฒั่น, นิ่น ตุ๊ เหฒียบ หลัวะ หฮญัง. นิ่น เยียม เยลูซาเลม กุ๊น ฮม์ เหฒียบ เหญ่ย หฮญัง. นิ่น เญย มา เญย บั๋ว เห่ว เยโคลียา, เซ เยลูซาเลม เมี่ยน. 4หฒิว เฒี้ยว หมั่ง, นิ่น โหฒว ตุ๊ หอบ, ฮนั้ง นิ่น เญย เตีย, อามาซิยา, โหฒว เญย เหยียด ฒู้ง นอ. 5เสคาลิยา หธ่อ เฒี่ยง เจี๊ยน เญย เสย เฒ้ย, อุดซียา เหลียบ ตี่ง เฮญี้ยว ล์อ ทิน-ฮู่ง, เหว่ย หฒุ เสคาลิยา หฌาว นิ่น ท่าย ทิน-ฮู่ง. ตะฟ่าน นิ่น ล์อ เฒี้ยว, ทิน-ฮู่ง ปุน นิ่น ตุ๊ หลง.
6นิ่น ธ้วด มี่ง เบ๊าะ ฟีลิสะเตีย เมี่ยน, แธะ เหฑ่ง กัด ฒี่ง, ยับเน ฒี่ง เหธา อัดโดด ฒี่ง เญย ฒี่ง หลาด. นิ่น แอ๋ง เหธย เจี์ย นิด อัดโดด เญย เหฒีย นอม มู้ง เหธา เยียม ฟีลิสะเตีย เมี่ยน บุด๋ง เญย เหฒีย นอม มู้ง. 7ทิน-ฮู่ง เถง นิ่น เบ๊าะ ฟีลิสะเตีย เมี่ยน เหธา เยียม กูอาบาอัน เญย อาหลับ เมี่ยน, หย่า เถง นิ่น เบ๊าะ เมอูนี เมี่ยน. 8อัมโมน เมี่ยน ธ้วด โฑว-ฒิ่น ปุน อุดซียา. นิ่น เญย เม่ง เต้า ซีง เถา อียิบ เญย กั๊บ-จ๋าย, เหว่ย หฒุ นิ่น หฒะเก้ง เฮ้น ไห่.
9อุดซียา เหธย เจี์ย ล่าว เยียม เยลูซาเลม เญย เก๊าะ แก้ง เหธา ฮ์อง-แก้ง, แอ๋ง เหธา ฒี่ง หลาด หฑวน ฌ้วด เญย ต๋อง หย่า โหฒว น้าย เต๋ย ฒี่ง ล่าว ว้วน เญย. 10นิ่น เยียม เต่ย-ปูง เหธย เหฒีย นอม ล่าว, หย่า เว้ด ธั้ม-นอม เซียว ววม เญย ค้วด เหว่ย หฒุ นิ่น ม่าย แซง-คู้ กวั้น ธั้ม เยียม บง-จั๊วะ#26:10 ฟาน หฒะ ก๊อง เซเฟลา. เหธา เดา-แป้ง. นิ่น ม่าย เมี่ยน เถง นิ่น โหฒว เด่ย หย่า เยียม บง-ไอ๊ เหธา เดา-หลง เญย ต๋อง เถง นิ่น เฝียว อะหงุ่น หฮวีง เหว่ย หฒุ นิ่น ฮนั้ม เหลียง-เด่ย.
11อุดซียา แอ๋ง ม่าย โหะ เหฒียง ไฮ่ เบ๊าะ จ๋า เญย จุน-แปง, หลิ่ว เล์ย เหฒียง ธ้วด มี่ง เป๋น เหยียด กวั้น เหยียด กวั้น หฒิว เยอีเอน ไซ เมี่ยน เหธา เต้า เจียน, บั๋ว เห่ว มาอาเสอา, ตี่ง ต้าย เญย โสว โหม่ว. น้าย เต๋ย อี เต้า เยียม ฮู่ง เญย เหยียด เต้า เจียน, ฮานันยา, เญย ปั์ว-เดี๊ย. 12ปู้ง ป่วน เญย เหยียด ฒู้ง เปย๊ย เฒ้ย, ต้ง กุ๊น เบ๊าะ จ๋า เฮ้น เญย แปง, ม่าย อี ธิน หลัวะ แป๊ะ เต้า. 13นิ่น บัว กุ๊น เญย จุน-แปง ม่าย ปัว สิน เสี่ย ธิน ฮม์ แป๊ะ เต้า ม่าย ชะ เฮ้น, เถง ตุ๊ ฮู่ง เตี๋ย เบ๊าะ ฮี่ง นิ่น เญย วิน-วั้ง. 14อุดซียา เหว่ย หฒวัง จุน-แปง หลิ่ว เล์ย ท้อง-ป้าย, ธัง, เบ๊าะ จ๋า เญย หมั่ว เหธา ลุย, จวัง-หฒิน เหธา หล่ง ด๊บ-ฮลาง#26:14 เป๊ย หมั่ง ต้ม เจียน 20:16. ปู๋ง เญย หละเปย๊ย. 15เยียม เยลูซาเลม นิ่น ปุน ม่าย ปั์ว-เต้า เญย หฒั่ง เมี่ยน ฮนั้ม ธ้วด หฒะเอ๋ย โหฒว เบ๊าะ จ๋า เญย หวัวะ กิ่น อัน เจี๊ยน ฒี่ง หลาด เญย ล่าว เหธา ฒี่ง เก๊าะ เญย ล่าว, เหว่ย ป๊วน จวัง-หฒิน หย่า ปู๋ง ต้ม หละเปย๊ย. อุดซียา เญย เม่ง เต้า ซีง มี่ง โก เญย, เหว่ย หฒุ ทิน-ฮู่ง เถง นิ่น ธั้ม, นิ่น ฯฒฯ เฮ้น! ไห่.
อุดซียา หฒุ ตี่ง ฒุ์ย
16มป่า อุดซียา เฮ้น เจี๊ยน ฝาว, นิ่น เญย เฮญี้ยว ฯฒฯ เหมา, เฒียง หน่าย โหฒว กอน ปุน นิ่น หฒุ ป่าย. นิ่น ไม้ เหฒียบ ฒัวะ เญย โหฒว ปุน เฒี้ยว, นิ่น เญย ทิน-ฮู่ง. นิ่น เปียะ หฒั่ง เฒี้ยว เญย เปย๊า กะญั์ว เยียม ปั๊ว ฮูง เตี้ย อ๋อย ปั๊ว ฮูง. 17อาซาลิยา ไซ เมี่ยน เหธา เจี๊ยน เฒี้ยว เญย เป๊ด เหฒียบ เต้า ต๊าม โฮล เญย ไซ เมี่ยน กัน เจี๊ยน นิ่น เปียะ. 18นิ่น บัว ป๊า เจี๊ยน อุดซียา, แอ๋ง ก๊อง บั๋ว นิ่น, “อุดซียา อ้า! เซ ไม้ เฒ์ย เม่ย หอบ หฒุ ปั๊ว ฮูง ปุน เฒี้ยว. เซ อาโลน เญย เฒ้ย-ฟุน, สา กั้น ธีง-เหฑ่ง เญย ไซ เมี่ยน, หอบ หฒุ ปั๊ว. เม่ย ธ้วด สีง ติ่น ม่าะ! เม่ย โหฒว ต่อง หมี่ อ๊ะ. เม่ย ไม้ ไฮ่ ตุ๊ เฒี้ยว ทิน-ฮู่ง ท่าย เหยียด เต๋ย อ๊ะ.#ธ้วด อียิบ 30:7-8; ซ้าว เมี่ยน 3:10
19อุดซียา ฯฒฯ เฉีย เจี์ย ไห่. วั้ว หฒั่น นิ่น นั้น เจี๊ยน ฮูง-โล่ว อ๋อย ปั๊ว ฮูง. นิ่น เฉีย เจี์ย ไซ เมี่ยน วั้ว หฒั่น, ก้ม ฮู้ แป่ง ฯฒฯ เยียม นิ่น เญย ปย้อง ปุ๊ด ธ้วด ตอง เจี๊ยน หฒวัง ไซ เมี่ยน, เยียม หฒั่ง เฒี้ยว เญย เปย๊า กะญั์ว ปั๊ว ฮูง เตี้ย กะเฮลน. 20อาซาลิยา ต้ม ไซ เมี่ยน เหธา หฒวัง ไซ เมี่ยน หมั่ง นิ่น, ปวัด นิ่น เญย ปย้อง ปุ๊ด ก๊ม ฮู้ แป่ง, นิ่น บัว ก๊าน เจี๊ยน ฟ้ง นิ่น ธ้วด. นิ่น กั้น เซี้ยบๆ เญย ธ้วด เหว่ย หฒุ เฒี้ยว ตี่ง นิ่น เญย ฒุ์ย.
21อุดซียา ฮู่ง ปุ๊ด ก้ม ฮู้ แป่ง เถา นิ่น เกวย เสย เญย ฮนอย. เหว่ย หฒุ นิ่น ปุ๊ด ก้ม ฮู้ แป่ง นิ่น อ๋อย หฒุ กั้น หธะเหล่ง เยียม, หฒุ แฆะ เจี๊ยน ไม้ ปุน เปียะ หฒั่ง เฒี้ยว เญย เปย๊า. นิ่น เญย ตอน, โยทาม, โก๋ว ฮู่ง ติ่น หย่า กุ๊น แปะ ฝีง.
22อุดซียา โหฒว เหฒ่ง เหฌี่ย เญย สี่, เยียม กอน เถา เซ้ด เมว์ย, อาม้อด เญย ตอน, โต่ว หว่า เมี่ยน, อิสะยา, เฟี้ย เจี๊ยน เญย. 23อุดซียา เกวย เสย หมี่ อ๊ะ,#26:23 เป๊ย หมั่ง 2 ฒุ่น ต่อย โต้ว 9:31.#อิสะยา 6:1 หย่า หฒัง เจี๊ยน นิด ฮู่ง เตี๋ย เญย โฒ้ว วั้ว ฑง เดา, เหว่ย หฒุ นิ่น บัว ก๊อง, “นิ่น ปุ๊ด ก้ม ฮู้ แป่ง.” นิ่น เญย ตอน, โยทาม, หฑิบ เจี๊ยน นิ่น โหฒว ฮู่ง.
Currently Selected:
2 ฒุ่น ต่อย โต้ว 26: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
