2 ฒุ่น ต่อย โต้ว 2
2
ซาโลมอน หลิ่ว เล์ย เหธย หฒั่ง ทิน-ฮู่ง เญย เปย๊า
(เป๊ย หมั่ง 1 ฮู่ง โต้ว 5:1-18)
1ซาโลมอน ตี่ง เฮญี้ยว อ๋อย เหว่ย เฒี้ยว เญย เม่ง เหธย นอม เปย๊า หย่า อ๋อย เหว่ย นิ่น กั้น เหธย นอม ฮู่ง ติ่น. 2นิ่น กิ๊น ธ้วด เสี่ย หว่าน เต้า เมี่ยน เปี้ยน กะน้าย เหธา เหฮยียด หว่าน เต้า เยียม บง-ไอ๊ ต๋อง หฒุ หละเปย๊ย. แอ๋ง ม่าย ปัว ธิน หลัวะ แป๊ะ เต้า โหฒว กุ๊น กง เมี่ยน กุ๊น นิ่น บัว.
3ซาโลมอน ฝูง เฝียน มี่ง ปุน ไทละ เญย ฮู่ง, ฮีลาม. นิ่น ฮนั้ง น้าย นอ ก๊อง,
“ฒิ่น ด่าง เม่ย ฝูง สีดา ฒ่ง เดี๋ยง ต้าย ปุน เยีย เญย เตีย, ดาวิด, เหธย ฮู่ง ติ่น ปุน นิ่น เยียม. อี้ หฒั่น เยีย โท้ เม่ย ฮนั้ง น้าย นอ ฝูง ปุน เยีย. 4เยีย อ๋อย เจี์ย กอน เหว่ย เฒี้ยว, เยีย เญย ทิน-ฮู่ง เญย เม่ง, เหธย นอม เปย๊า เป๋น ธีง เหฑ่ง เญย ต๋อง ฝูง ปุน นิ่น, หย่า เยียม นิ่น เญย หฑะเฮมียน ฝ่ง ห่อ ปั๊ว ฮูง, หฒั่นๆ เก๋ง ฌั้ว, เซ ดอมๆ ม์วนๆ เหธา ตี้ง กง ฮนอย เหธา เซียง-หฮลา, แอ๋ง เหว่ย เฒี้ยว, เยีย บัว เญย ทิน-ฮู่ง, ตี่ง ต้าย เญย ฒิบ ฝ่ง ห่อ ปั๊ว เหฒี่ย. น้าย เซ เหว่ย อิสะลาเอน เมี่ยน ตี่ง ต้าย เหยียด ลิ์ว หล่ง เญย เล์ย.
5“เยีย อ๋อย เหธย เญย เปย๊า อ๋อย หฒุ หฒะเก้ง โฮล ไห่, เหว่ย หฒุ เยีย บัว เญย ทิน-ฮู่ง เซ เก้า โฮล เจี๋ย เหยียด ฒู้ง เฒี่ยน. 6มป่า หาย เต้า ไฮ่ เหว่ย นิ่น เหธย น้าย นอม เปย๊า? เหว่ย หฒุ ลู่ง, เลี่ยม ฮลัง เจี๋ย เญย ลู่ง, นิ่น เยียม ไม้ เหฌี่ย. วั้ว หญู่ง เยีย เป๋น หาย เต้า หธีง อ๋อย เหธย นอม เปย๊า ปุน นิ่น, ธ้วด ลิ์ว เหธย ต้าย เหว่ย เยียม นิ่น เญย หฑะเฮมียน ปั๊ว ฮูง?#2:6 ฟาน หฒะ ก๊อง หล่ง เสียว ฝ่ง ห่อ. ม่าย เต๋ย โซว ฟาน ต้าย ก๊อง “ฝ่ง ห่อ ปั๊ว เหฒี่ย เญย กะน้าย”.#1 ฮู่ง โต้ว 8:27; 2 ฒุ่น ต่อย โต้ว 6:18
7“เหว่ย น้าย, อี้ หฒั่น โท้ เม่ย ฝูง เต้า หฒั่ง เมี่ยน ต้าย, เซ ม่าย ปั์ว-เต้า หลง เญย เมี่ยน, ไฮ่ หล่ง เจียม, ญ่าน, ต้ง ซิ, เฮลียะ เหธา ปะกี สุย ซิ, หลัวะ, บั๊ว.#2:7 ปะกี สุย ไฟ เดีย. นิ่น หย่า อ๋อย หฒุ ม่าย ปั้น เหฒ่ย ติว หฑั่ง, หย่า เหธา ปั์ว-เต้า หลง เญย หฒั่ง เมี่ยน, ต้ง เยีย เญย เตีย, ดาวิด, หลิ่ว เล์ย เหฒียง เญย หฒั่ง เมี่ยน, จวั่ง เจี๊ยน โหฒว กง เยียม ยูดา เหธา เยลูซาเลม.
8“โท้ เม่ย หว่วน เต๋ย เยียม เลบานอน เญย สีดา ฒ่ง เดี๋ยง, ฒ่ง เดี๋ยง เหธา ฮูง เดี๋ยง ต้าย ปุน เยีย, เหว่ย หฒุ เยีย ฮิ้ว ตุ๊ เม่ย เญย กง-เมี่ยน ม่าย ปั้น เหฒ่ย ไฮ่ ก๋อย เลบานอน เญย เดี๋ยง. เยีย เญย กง-เมี่ยน เหธา เม่ย เญย กง-เมี่ยน มี่ง จวั่ง เจี๊ยน โหฒว, 9เถง เยีย ล์อ เดี๋ยง ธั้ม เญย, เหว่ย หฒุ เยีย อ๋อย เหธย หฒั่ง ทิน-ฮู่ง เญย เปย๊า โฮล ฮลัง ไห่, บัวะ ฮ่อง ไห่. 10เหว่ย เม่ย เญย กง-เมี่ยน เยีย อ๋อย ปุน อี สิน อี หว่าน ท้ง#2:10 ฮิบลู หว่า ก๊อง 20,000 โคลา. เซ เล่ย ไม้ โก 4,400,000 ลิด. เบ๊าะ เหฒียง เญย เบย้า, เหธา อี สิน อี หว่าน ท้ง เบย้า บาลี, เหธา อี หว่าน อี ธิน ท้ง#2:10 ฮิบลู หว่า ก๊อง 20,000 บัด. เซ เล่ย ไม้ โก 440,000 ลิด. กะลั้น โย่ว, เหธา อี หว่าน อี ธิน ท้ง อะหงุ่น ติ๊ว.”
11ไทละ เญย ฮู่ง, ฮีลาม เฟี้ย เฝียน วุ่ย ซาโลมอน. นิ่น ก๊อง,
“เหว่ย หฒุ เฒี้ยว ฮนั้ม นิ่น เญย แปะ ฝีง, นิ่น เหลียบ เม่ย โหฒว นิ่น บัว เญย ฮู่ง.”
12ฮีลาม แอ๋ง จา หว่า ก๊อง,
“อ๋อย หฒุ เธง เฒี้ยว, อิสะลาเอน เมี่ยน เญย ทิน-ฮู่ง, ต้ง เหฒย ลู่ง เหฒย เดา วั้ว เต้า. นิ่น เหธย ปุน ดาวิด ฮู่ง ตุ๊ เต้า ธง-เม่ง เญย ตอน, ม่าย ว่วน ฒาง หย่า ไฮ่ ฮนั้ม ตุ๊ ทง เญย. นิ่น อ๋อย เหว่ย เฒี้ยว เหธย นอม เปย๊า แอ๋ง เหว่ย นิ่น กั้น เหธย นอม ฮู่ง ติ่น.
13“อี้ หฒั่น เยีย พ้าย เต้า ปั์ว-เต้า ฮลัง, ม่าย ธง-เม่ง เญย เมี่ยน, บั๋ว เห่ว หุลามอาบี.#2:13 หุลามอาบี ม่าย เต๋ย โซว ขูง เฟี้ย หุลาม ฮนั้ง. 14นิ่น เญย มา เซ ดาน ฝีง เญย เมี่ยน. นิ่น เญย เตีย เซ ไทละ เมี่ยน. นิ่น ไฮ่ หล่ง เจียม, ญ่าน, ต้ง ซิ, เฮลียะ, หละเปย๊ย เหธา เดี๋ยง, หย่า ไฮ่ หล่ง บั๊ว, หลัวะ เหธา ซิ เญย ปะกี สุย#2:14 ปะกี สุย ไฟ เดีย. หย่า ไฮ่ ดั๊ด ล่าม่า เดีย-หม่วน. นิ่น ไฮ่ ติว หญู่งๆ เปี้ยง เปี๊ยว หย่า หฒิว เมี่ยน เห่ว นิ่น โหฒว เญย หญู่งๆ ฝัง นิ่น ไฮ่ โหฒว ตุ๊ ธ้วด เญย. นิ่น เหธา เจี๊ยน เม่ย เญย หฒั่ง เมี่ยน เหธา เยีย เญย เฒี้ยว, ดาวิด, เญย หฒั่ง เมี่ยน, ไฮ่ จวั่ง เจี๊ยน โหฒว.
15“ต้ง เยีย เญย เฒี้ยว แล์ง วั้ว เต๋ย เบย้า วิด, เบย้า บาลี, กะลั้น โย่ว เหธา อะหงุ่น ติ๊ว, โท้ ฝูง ต้าย ปุน เยีย เญย กง-เมี่ยน. 16เยีย บัว ฯฒฯ เยียม เลบานอน บง ก๋อย หฒิว เม่ย เฉียม หฒุ หล่ง เญย เดี๋ยง, แอ๋ง กิ๊ด เป๋น ไบ้, กัน ค้อย ฝูง เหฌี่ย เถา ยับฟา. เม่ย บัว ฯฒฯ เยียม หน่าย ฝูง มี่ง เถา เยลูซาเลม.”
ซาโลมอน ล์อ กง-เมี่ยน
(เป๊ย หมั่ง 1 ฮู่ง โต้ว 5:13-16)
17ซาโลมอน ฝาว เมี่ยน โฮ์ว ซ้าว เหฑ่ง เยียม อิสะลาเอน เมี่ยน บุด๋ง เญย กั้น ฝีง เมี่ยน, ฮนั้ง ฒิ่น ด่าง นิ่น เญย เตีย, ดาวิด, ฝาว เมี่ยน โฮ์ว นอ. ปวัด ม่าย เหยียด สิน ปยา หว่าน ปัว ธิน หลัวะ แป๊ะ เต้า กั้น ฝีง เมี่ยน. 18ซาโลมอน พ้าย เสี่ย หว่าน เต้า เปี้ยน กะน้าย, เหฮยียด หว่าน เต้า เยียม บง หฒุ หละเปย๊ย, ปัว ธิน หลัวะ แป๊ะ เต้า โหฒว กุ๊น กง เมี่ยน ต้อ เมี่ยน โหฒว กง.
Currently Selected:
2 ฒุ่น ต่อย โต้ว 2: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
