1 ทิโมไท 6
6
โหฒว โน่ว เญย เมี่ยน อ๋อย หฒุ ฮนั้ง หาย นอ
1โหฒว โน่ว#6:1 กีก หว่า ก๊อง “ก์า เจี๊ยน เดี๋ยง-ก์า หฒุ โหฒว โน่ว.” น้าย เป๊ย เมี่ยน หฒุ เยียม เมี่ยน เญย ปั์ว-เดี๊ย โหฒว โน่ว. วั้ว เต๋ย อ๋อย หฒุ เยียม หญู่งๆ สี่ ท่าย กั้น เญย เฒี้ยว, เหว่ย ไม้ ปุน หาย เต้า ก๊อง โตะ ทิน-ฮู่ง เญย บั๋ว เหธา เยีย บัว ฒุ่น เญย เล์ย. 2หาย เต้า โน่ว ม่าย เสียน เยซู เญย เฒี้ยว, ไม้ ตู๋ง หมั่ง เผีย, เหว่ย หฒุ นิ่น เญย เฒี้ยว โหฒว เสียน เยซู เญย ก๋อ-โย์ว. ต๋าว หฑวน ฒู้ง อ๋อย หฒุ ฟู-สู เก้า หลง, เหว่ย หฒุ นิ่น ฟู-สู วั้ว เต้า เฒี้ยว เซ เสียน เยซู เญย เมี่ยน หย่า โหฒว นิ่น ฮนั้ม เญย ก๋อ-โย์ว.
น้าย เต๋ย สี่ เม่ย อ๋อย หฒุ หฌาว เมี่ยน, ขวิน นิ่น บัว เอย เจี๊ยน โหฒว.
หฌาว จ๊า เล์ย เญย เมี่ยน
3หาย เต้า หฌาว กั้น หญู่ง โต์-เล์ย, เล์ย หย่า ไม้ ต๋อย บัว เญย เฒี้ยว เยซู กีตู่ เญย เฒียน หว่า หย่า ไม้ หฌาว เมี่ยน กัน หลง ทิน-ฮู่ง, 4วั้ว เต้า เธง กั้น โฮล ฮนั้ง, ไม้ ฮิ้ว หาย หญู่ง. นิ่น ขูง อ๋อย แฑง หว่า แฑง เล์ย ฮนั้ง ปุ๊ด อิ๊น นอ, ฯฒฯ ม่าย เหมว่ย เจี๊ยะ เญย สี่, แฑง จ๋า, ก๊อง โตะ เมี่ยน, ม่าย เฮญี้ยว เญ้ย เอ๊าะ สี่. 5น้าย หญู่ง เมี่ยน หฒั่นๆ แฑง ญิ่น โหธ โญ์ว, เหว่ย หฒุ นิ่น บัว หว่าย ไห่, เฒียน เล์ย ไม้ เยียม นิ่น บัว เญย เฮญี้ยว. นิ่น บัว หล่าย กัน ทิน-ฮู่ง เซ ปุน เมี่ยน ม่าย เจ๊า ปุ๊ด ฒ่อย.
เฒียน ปุ๊ด-ฒ่อย เมี่ยน
6หาย เต้า กัน หลง ทิน-ฮู่ง หย่า ปวั๊ง เฮญี้ยว นิ่น ม่าย เญย, วั้ว เต้า หฒะเก้ง ปุ๊ด ฒ่อย. 7บัว ไม้ ตุ๊ ต้อ หาย หญู่ง เปียะ น้าย ป้าม เกน. บัว ธ้วด ป้าม เกน หย่า#6:7 ม่าย เต๋ย โล์-ฮนอย โซว ก๊องด่ง หาย ฒู้ง. ไม้ ไฮ่ ต้อ หาย หญู่ง มี่ง. 8ฮนั้ง หน่าย, ตะฟ่าน บัว ม่าย หญั่น ม่าย ฮบ, ม่าย ลุย-โหว ฒุ, อ๋อย หฒุ ปวั๊ง เฮญี้ยว อ๊ะ. 9มป่า เม้า อ๋อย ปุ๊ด ฒ่อย วั้ว เต๋ย เมี่ยน หฒุ ดั๊ว ป์าม ฒุ์ย, หฒุ โขว ฮลบ เจี๊ยน. นิ่น บัว เญย เฮญี้ยว หั่น ต้อ นิ่น บัว เอย ธั้ม-หญู่ง หฮงง ไห่, ไฮ่ ห่อย เมี่ยน เญย หฒะเอ๋ย, นิ่น บัว ฯฒฯ หฒุ ด๊อด เหฑ่ง, ชุย เหฑ่ง. 10เหว่ย หฒุ เม้า ฒิ่น เม้า ญ่าน เซ หญู่งๆ เอ๊าะ สี่ เญย กอน. หลาย เม้า ฒิ่น ญ่าน ม่าย เต๋ย เมี่ยน เล่ย นิ่น บัว เสียน เญย เจ๊า ฯฒฯ โหฒว ปุน กั้น หฒุ เฑ่า ธั้ม, ฮนั้ง ม่าย หฑุ ป๊ะ เจี๊ยน บะฑิว นอ.
เปาโล หัด ทิโมไท โหฒว ธั้ม-หญู่ง
11ทิโมไท อ้า! เม่ย โหฒว ทิน-ฮู่ง เญย เมี่ยน ฯฒฯ อ๋อย หฒุ เปย๋า ฆอย น้าย เต๋ย เหยียด ฒู้ง สี่. อ๋อย หฒุ หูง มี่ง โหฒว หอบ เญย เจ๊า, กัน หลง ทิน-ฮู่ง, เสียน หลง, ฮนั้ม เมี่ยน, หล่ง หน่อย เตี๊ย หย่า โหฒว เฮญี้ยว ส่วน. 12อ๋อย หฒุ เหฌี่ย ชะ เหว่ย บัว เสียน เญย เจ๊า เบ๊าะ หลง เญย จ๋า, ธ้าง ตุ๊ เหยียด ลิ์ว เญย แหม่ง, เหว่ย หฒุ เม่ย ตอง เจี๊ยน ฒอง-เหฒง เมี่ยน ธั้ม หลงๆ เญย เหญี่ยม เยซู วั้ว หฒั่น, ทิน-ฮู่ง เห่ว เม่ย ฒิบ เหยียด ลิ์ว เญย แหม่ง. 13เยีย ตอง เจี๊ยน ทิน-ฮู่ง, ต้ง ปุน หม่าน หมวด เฒี่ยง เจี๊ยน วั้ว เต้า, หย่า ตอง เจี๊ยน กีตู่ เยซู, ต้ง เยียม ปอนทิอัด ปีล้าด เญย หฑะเฮมียน หลงๆ เญย เหว่ย เฒียน เล์ย โหฒว ฒอง-เหฒง วั้ว เต้า, หัด เม่ย.#โยฮัน 18:37 14เม่ย อ๋อย หฒุ เหฒียบ ฒัวะ เญย เอย เจี๊ยน น้าย ติ้ว หลี่ง, ไม้ ปุน เมี่ยน ม่าย ต๋อง ต้าน, ฒั้ว เถา บัว เญย เฒี้ยว เยซู กีตู่ แอ๋ง ต้าย วั้ว ฮนอย. 15ทิน-ฮู่ง อ๋อย เอย นิ่น ตี่ง ต้าย เญย เฒี่ยง โห่ ปุน เฒี้ยว เยซู กีตู่ แอ๋ง ต้าย. ทิน-ฮู่ง ผุย ตุ๊ เมี่ยน เธง. นิ่น ดุ เต้า ฮนั้ง เก้า โฮล เจี๋ย เซ โหฒว หม่าน ฮู่ง เญย ฮู่ง, หม่าน เฒี้ยว เญย เฒี้ยว. 16ขูง ทิน-ฮู่ง กั้น เหยียด ลิ์ว เฒี่ยง เจี๊ยน. นิ่น เยียม เจี๊ยน เญย ฌัง, ไม้ ม่าย หาย เต้า ไฮ่ มี่ง ตุ๊ ฟัด. ไม้ ม่าย หาย เต้า ปวัด เจี๋ย นิ่น ไฟ ไฮ่ ตุ๊ ปวัด. นิ่น เหยียด ลิ์ว ม่าย ชะ หย่า ตุ๊ เมี่ยน ท่าย นิ่น. อาเมน. 17อ๋อย หฒุ หัด เยียม น้าย ป้าม เกน เญย ปุ๊ด-ฒ่อย เมี่ยน ไม้ ตู๋ง โหฒว เหมา, หย่า ไม้ ตู๋ง เขา ฒิ่น ญ่าน, เหว่ย หฒุ ฒิ่น ญ่าน เซ เขา ไม้ ว้วน. อ๋อย หฒุ เขา ทิน-ฮู่ง, ต้ง เหธย หญู่งๆ ธั้ม เญย ปุน บัว, เหว่ย ปุน บัว เฌียน-โย่ว. 18อ๋อย หฒุ หัด นิ่น บัว โหฒว หลง, หฒั่นๆ โหฒว คู้ สี่ ธั้ม, หย่า โหฒว เฮญี้ยว จั๊ง เฑีย เมี่ยน. 19ฮนั้ง น้าย โหฒว เซ เซียว จ๋าย เญย กะน้าย โหฒว กอน-ป๊วน เหว่ย ฆะฮ้า ฮี้ง ฯฒฯ ไฮ่ ตุ๊ เฒียนๆ เญย เฒี่ยง แหม่ง.
20ทิโมไท อ้า! ต้ง จิว ปุน เม่ย, อ๋อย หฒุ หลงๆ โก๋ว เจี๊ยน. อ๋อย หฒุ ซิ้ม ฆอย ไม้ เสียน ทิน-ฮู่ง เญย เมี่ยน ก๊อง เญย เฮ่น เบี๋ยน หว่า, หย่า ซิ้ม ฆอย ต้ง เมี่ยน เห่ว “ว่วน ฒาง” มป่า ไม้ เฒียน. 21ม่าย เต๋ย เมี่ยน ก๊อง นิ่น บัว ม่าย น้าย หญู่ง ว่วน ฒาง ฯฒฯ กวั่ง, ไม้ กัน บัว เสียน เญย โต์ หมี่ อ๊ะ.
โท้ ทิน-ฮู่ง เหธย เอน ปุน เม่ย บัว เหยียด ฒู้ง.#6:21 ม่าย เต๋ย โล์-ฮนอย โซว ขูง ก๊อง เม่ย.
Currently Selected:
1 ทิโมไท 6: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
1 ทิโมไท 6
6
โหฒว โน่ว เญย เมี่ยน อ๋อย หฒุ ฮนั้ง หาย นอ
1โหฒว โน่ว#6:1 กีก หว่า ก๊อง “ก์า เจี๊ยน เดี๋ยง-ก์า หฒุ โหฒว โน่ว.” น้าย เป๊ย เมี่ยน หฒุ เยียม เมี่ยน เญย ปั์ว-เดี๊ย โหฒว โน่ว. วั้ว เต๋ย อ๋อย หฒุ เยียม หญู่งๆ สี่ ท่าย กั้น เญย เฒี้ยว, เหว่ย ไม้ ปุน หาย เต้า ก๊อง โตะ ทิน-ฮู่ง เญย บั๋ว เหธา เยีย บัว ฒุ่น เญย เล์ย. 2หาย เต้า โน่ว ม่าย เสียน เยซู เญย เฒี้ยว, ไม้ ตู๋ง หมั่ง เผีย, เหว่ย หฒุ นิ่น เญย เฒี้ยว โหฒว เสียน เยซู เญย ก๋อ-โย์ว. ต๋าว หฑวน ฒู้ง อ๋อย หฒุ ฟู-สู เก้า หลง, เหว่ย หฒุ นิ่น ฟู-สู วั้ว เต้า เฒี้ยว เซ เสียน เยซู เญย เมี่ยน หย่า โหฒว นิ่น ฮนั้ม เญย ก๋อ-โย์ว.
น้าย เต๋ย สี่ เม่ย อ๋อย หฒุ หฌาว เมี่ยน, ขวิน นิ่น บัว เอย เจี๊ยน โหฒว.
หฌาว จ๊า เล์ย เญย เมี่ยน
3หาย เต้า หฌาว กั้น หญู่ง โต์-เล์ย, เล์ย หย่า ไม้ ต๋อย บัว เญย เฒี้ยว เยซู กีตู่ เญย เฒียน หว่า หย่า ไม้ หฌาว เมี่ยน กัน หลง ทิน-ฮู่ง, 4วั้ว เต้า เธง กั้น โฮล ฮนั้ง, ไม้ ฮิ้ว หาย หญู่ง. นิ่น ขูง อ๋อย แฑง หว่า แฑง เล์ย ฮนั้ง ปุ๊ด อิ๊น นอ, ฯฒฯ ม่าย เหมว่ย เจี๊ยะ เญย สี่, แฑง จ๋า, ก๊อง โตะ เมี่ยน, ม่าย เฮญี้ยว เญ้ย เอ๊าะ สี่. 5น้าย หญู่ง เมี่ยน หฒั่นๆ แฑง ญิ่น โหธ โญ์ว, เหว่ย หฒุ นิ่น บัว หว่าย ไห่, เฒียน เล์ย ไม้ เยียม นิ่น บัว เญย เฮญี้ยว. นิ่น บัว หล่าย กัน ทิน-ฮู่ง เซ ปุน เมี่ยน ม่าย เจ๊า ปุ๊ด ฒ่อย.
เฒียน ปุ๊ด-ฒ่อย เมี่ยน
6หาย เต้า กัน หลง ทิน-ฮู่ง หย่า ปวั๊ง เฮญี้ยว นิ่น ม่าย เญย, วั้ว เต้า หฒะเก้ง ปุ๊ด ฒ่อย. 7บัว ไม้ ตุ๊ ต้อ หาย หญู่ง เปียะ น้าย ป้าม เกน. บัว ธ้วด ป้าม เกน หย่า#6:7 ม่าย เต๋ย โล์-ฮนอย โซว ก๊องด่ง หาย ฒู้ง. ไม้ ไฮ่ ต้อ หาย หญู่ง มี่ง. 8ฮนั้ง หน่าย, ตะฟ่าน บัว ม่าย หญั่น ม่าย ฮบ, ม่าย ลุย-โหว ฒุ, อ๋อย หฒุ ปวั๊ง เฮญี้ยว อ๊ะ. 9มป่า เม้า อ๋อย ปุ๊ด ฒ่อย วั้ว เต๋ย เมี่ยน หฒุ ดั๊ว ป์าม ฒุ์ย, หฒุ โขว ฮลบ เจี๊ยน. นิ่น บัว เญย เฮญี้ยว หั่น ต้อ นิ่น บัว เอย ธั้ม-หญู่ง หฮงง ไห่, ไฮ่ ห่อย เมี่ยน เญย หฒะเอ๋ย, นิ่น บัว ฯฒฯ หฒุ ด๊อด เหฑ่ง, ชุย เหฑ่ง. 10เหว่ย หฒุ เม้า ฒิ่น เม้า ญ่าน เซ หญู่งๆ เอ๊าะ สี่ เญย กอน. หลาย เม้า ฒิ่น ญ่าน ม่าย เต๋ย เมี่ยน เล่ย นิ่น บัว เสียน เญย เจ๊า ฯฒฯ โหฒว ปุน กั้น หฒุ เฑ่า ธั้ม, ฮนั้ง ม่าย หฑุ ป๊ะ เจี๊ยน บะฑิว นอ.
เปาโล หัด ทิโมไท โหฒว ธั้ม-หญู่ง
11ทิโมไท อ้า! เม่ย โหฒว ทิน-ฮู่ง เญย เมี่ยน ฯฒฯ อ๋อย หฒุ เปย๋า ฆอย น้าย เต๋ย เหยียด ฒู้ง สี่. อ๋อย หฒุ หูง มี่ง โหฒว หอบ เญย เจ๊า, กัน หลง ทิน-ฮู่ง, เสียน หลง, ฮนั้ม เมี่ยน, หล่ง หน่อย เตี๊ย หย่า โหฒว เฮญี้ยว ส่วน. 12อ๋อย หฒุ เหฌี่ย ชะ เหว่ย บัว เสียน เญย เจ๊า เบ๊าะ หลง เญย จ๋า, ธ้าง ตุ๊ เหยียด ลิ์ว เญย แหม่ง, เหว่ย หฒุ เม่ย ตอง เจี๊ยน ฒอง-เหฒง เมี่ยน ธั้ม หลงๆ เญย เหญี่ยม เยซู วั้ว หฒั่น, ทิน-ฮู่ง เห่ว เม่ย ฒิบ เหยียด ลิ์ว เญย แหม่ง. 13เยีย ตอง เจี๊ยน ทิน-ฮู่ง, ต้ง ปุน หม่าน หมวด เฒี่ยง เจี๊ยน วั้ว เต้า, หย่า ตอง เจี๊ยน กีตู่ เยซู, ต้ง เยียม ปอนทิอัด ปีล้าด เญย หฑะเฮมียน หลงๆ เญย เหว่ย เฒียน เล์ย โหฒว ฒอง-เหฒง วั้ว เต้า, หัด เม่ย.#โยฮัน 18:37 14เม่ย อ๋อย หฒุ เหฒียบ ฒัวะ เญย เอย เจี๊ยน น้าย ติ้ว หลี่ง, ไม้ ปุน เมี่ยน ม่าย ต๋อง ต้าน, ฒั้ว เถา บัว เญย เฒี้ยว เยซู กีตู่ แอ๋ง ต้าย วั้ว ฮนอย. 15ทิน-ฮู่ง อ๋อย เอย นิ่น ตี่ง ต้าย เญย เฒี่ยง โห่ ปุน เฒี้ยว เยซู กีตู่ แอ๋ง ต้าย. ทิน-ฮู่ง ผุย ตุ๊ เมี่ยน เธง. นิ่น ดุ เต้า ฮนั้ง เก้า โฮล เจี๋ย เซ โหฒว หม่าน ฮู่ง เญย ฮู่ง, หม่าน เฒี้ยว เญย เฒี้ยว. 16ขูง ทิน-ฮู่ง กั้น เหยียด ลิ์ว เฒี่ยง เจี๊ยน. นิ่น เยียม เจี๊ยน เญย ฌัง, ไม้ ม่าย หาย เต้า ไฮ่ มี่ง ตุ๊ ฟัด. ไม้ ม่าย หาย เต้า ปวัด เจี๋ย นิ่น ไฟ ไฮ่ ตุ๊ ปวัด. นิ่น เหยียด ลิ์ว ม่าย ชะ หย่า ตุ๊ เมี่ยน ท่าย นิ่น. อาเมน. 17อ๋อย หฒุ หัด เยียม น้าย ป้าม เกน เญย ปุ๊ด-ฒ่อย เมี่ยน ไม้ ตู๋ง โหฒว เหมา, หย่า ไม้ ตู๋ง เขา ฒิ่น ญ่าน, เหว่ย หฒุ ฒิ่น ญ่าน เซ เขา ไม้ ว้วน. อ๋อย หฒุ เขา ทิน-ฮู่ง, ต้ง เหธย หญู่งๆ ธั้ม เญย ปุน บัว, เหว่ย ปุน บัว เฌียน-โย่ว. 18อ๋อย หฒุ หัด นิ่น บัว โหฒว หลง, หฒั่นๆ โหฒว คู้ สี่ ธั้ม, หย่า โหฒว เฮญี้ยว จั๊ง เฑีย เมี่ยน. 19ฮนั้ง น้าย โหฒว เซ เซียว จ๋าย เญย กะน้าย โหฒว กอน-ป๊วน เหว่ย ฆะฮ้า ฮี้ง ฯฒฯ ไฮ่ ตุ๊ เฒียนๆ เญย เฒี่ยง แหม่ง.
20ทิโมไท อ้า! ต้ง จิว ปุน เม่ย, อ๋อย หฒุ หลงๆ โก๋ว เจี๊ยน. อ๋อย หฒุ ซิ้ม ฆอย ไม้ เสียน ทิน-ฮู่ง เญย เมี่ยน ก๊อง เญย เฮ่น เบี๋ยน หว่า, หย่า ซิ้ม ฆอย ต้ง เมี่ยน เห่ว “ว่วน ฒาง” มป่า ไม้ เฒียน. 21ม่าย เต๋ย เมี่ยน ก๊อง นิ่น บัว ม่าย น้าย หญู่ง ว่วน ฒาง ฯฒฯ กวั่ง, ไม้ กัน บัว เสียน เญย โต์ หมี่ อ๊ะ.
โท้ ทิน-ฮู่ง เหธย เอน ปุน เม่ย บัว เหยียด ฒู้ง.#6:21 ม่าย เต๋ย โล์-ฮนอย โซว ขูง ก๊อง เม่ย.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007