1 ซามูเอน 3
3
เฒี้ยว เห่ว ซามูเอน
1น้าย เต้า ตอน, ซามูเอน, เยียม เอลี เญย หฑะเฮมียน ฟู-สู เฒี้ยว. วั้ว จ๋า ลู่ง เดี๊ย ไม้ หนั่ง ม่าย หว่า เยียม เฒี้ยว ต้าย หย่า ไม้ หนั่ง ม่าย หิ่น ย่าง เญย เจ๊า.
2ม่าย ม์วน นอ, เอลี เปว๋ย เจี๊ยน นิ่น กั้น เญย ต๋อง. นิ่น เญย มฒีง บั๊ว, หมั่ง ไม้ หนั่ง เฒียน. 3ทิน-ฮู่ง เญย ตัง ไม้ แก้ง ไต่. ซามูเอน เปว๋ย เจี๊ยน เฒี้ยว เญย ด๊บ-ลิ่ว กะญั์ว, ทิน-ฮู่ง เญย แล์ง แหง่ง หว่า ฟาง เยียม วั้ว นอม ต๋อง. 4เฒี้ยว ฯฒฯ เห่ว, “ซามูเอน อ่า, ซามูเอน!” ซามูเอน เตา, “เยีย เยียม น้าย.” 5นิ่น ฯฒฯ ถิว มี่ง เถา เอลี วั้ว หย่า ก๊อง, “เม่ย เห่ว เยีย, เยีย เยียม น้าย โอ่.”
มป่า เอลี เตา, “เยีย ไม้ เห่ว เม่ย. กุ๊น หฑวน มี่ง เปว๋ย อ๊ะ.” นิ่น ฯฒฯ หฑวน มี่ง เปว๋ย เจี๊ยน.
6 เฒี้ยว แอ๋ง เห่ว, “ซามูเอน อ่า.” ซามูเอน เจี์ย ซิน ต้าย มี่ง เอลี วั้ว แอ๋ง ก๊อง, “เยีย เยียม น้าย เหว่ย หฒุ เม่ย เห่ว เยีย.”
เอลี เตา, “เยีย เญย ตอน อ่า, เยีย ไม้ ตุ๊ เห่ว เม่ย. แอ๋ง หฑวน มี่ง เปว๋ย อ๊ะ.”
7วั้ว หฒั่น ซามูเอน ไม้ แก้ง ฮิ้ว ตุ๊ เฒี้ยว. นิ่น หย่า ไม้ แก้ง ตุ๊ ฒิบ เจี๋ย เฒี้ยว เญย หว่า.
8 เฒี้ยว แอ๋ง เห่ว ซามูเอน ตะฟาม หฑุ่น. ซามูเอน แอ๋ง เจี์ย ซิน ต้าย มี่ง เอลี วั้ว หย่า ก๊อง, “เยีย เยียม น้าย เหว่ย หฒุ เม่ย เห่ว เยีย.”
เอลี ฯฒฯ เม่ง แปะ เซ เฒี้ยว เห่ว น้าย เต้า ตอน. 9เอลี ฯฒฯ ก๊อง บั๋ว ซามูเอน, “กุ๊น มี่ง เปว๋ย อ๊ะ. สี ก๊อง นิ่น แอ๋ง เห่ว เม่ย, เม่ย อ๋อย หฒุ ก๊อง, ‘เฒี้ยว อ่า, กุ๊น ก๊อง อ๊ะ. เยีย, เม่ย เญย โปว, หมวัง เจี๊ยน เญย.’” ซามูเอน ฯฒฯ หฑวน มี่ง เปว๋ย นิ่น เญย ต๋อง.
10 เฒี้ยว ต้าย โซ้ว เจี๊ยน วั้ว แอ๋ง ฮนั้ง ฒิ่น ด่าง วั้ว เต๋ย ปัว หฑุ่น นอ เห่ว, “ซามูเอน อ่า, ซามูเอน!”
ซามูเอน เตา, “กุ๊น ก๊อง อ๊ะ. เยีย, เม่ย เญย โปว, หมวัง เจี๊ยน เญย.”
11 เฒี้ยว ก๊อง บั๋ว ซามูเอน, “เยีย อ๋อย เยียม อิสะลาเอน เมี่ยน เญย บุด๋ง โหฒว เหยียด หญู่ง. ตะฟ่าน หมวัง ไฮ์ เญย เมี่ยน เญย อี ปูง มน่อม ฒู้ง อ๋อย หฆีง เหฑ่ง. 12เถา วั้ว นอม ฮนอย เยีย อ๋อย โหฒว เหฒียง ปุน ต้ง เยีย ก๊อง เจี๋ย เอลี เญย เฒ้ย-ฟุน เญย เหยียด ฒู้ง หว่า เยียม กอน เถา เซ้ด เมว์ย. 13เยีย ฒู้ง บั๋ว เจี๋ย นิ่น, เยีย อ๋อย เหยียด ลิ์ว ตี่ง นิ่น เญย เฒ้ย-ฟุน เญย ฒุ์ย เหว่ย หฒุ นิ่น ฮิ้ว ตุ๊ นิ่น เญย ตอน บัว เญย ฒุ์ย. นิ่น บัว คี ทิน-ฮู่ง, เอลี หย่า ไม้ ป๊า นิ่น บัว. 14เหว่ย น้าย เยีย โฮ้ว หว่า ปุน เอลี เญย เฒ้ย-ฟุน. เยีย ก๊อง, ‘เอลี เญย เฒ้ย-ฟุน โหฒว เญย ฒุ์ย เหยียด ลิ์ว ไม้ ม่าย หาย หญู่ง เหฒี่ย เญย กะน้าย ไฟ ฝ่ง ห่อ เญย กะน้าย ไฮ่ ฟิ ตุ๊ นิ่น บัว เญย ฒุ์ย.’”
15ซามูเอน แอ๋ง เปว๋ย เถา ลู่ง ฌัง ฯฒฯ คอย หฒั่ง เฒี้ยว เญย เปย๊า เญย แก้ง. ซามูเอน ไม้ ก๊าม ก๊อง วั้ว เต๋ย หล่าว ย่าง เญย สี่ บั๋ว เอลี. 16เอลี ฯฒฯ เห่ว ซามูเอน, “เยีย เญย ตอน, ซามูเอน, อ่า.”
ซามูเอน เตา, “เยีย เยียม น้าย โอ่.”
17เอลี หน่าย, “เฒี้ยว ก๊อง หาย หญู่ง บั๋ว เม่ย? ไม้ ตู๋ง ปี๋ง เยีย. สี ก๊อง เม่ย ปี๋ง หาย หญู่ง ไม้ ก๊อง บั๋ว เยีย, ต้ง ทิน-ฮู่ง ก๊อง บั๋ว เม่ย เญย เหยียด ฒู้ง หว่า นอ, โท้ ทิน-ฮู่ง โหฒว ปุน เม่ย, ฒู้ง เฮนี้ยๆ เญย โหฒว.” 18ซามูเอน ฯฒฯ ก๊อง เหฑ่ง เหยียด ฒู้ง หว่า บั๋ว เอลี, หย่า ไม้ ปี๋ง เหยียด หญู่ง. เอลี ก๊อง, “น้าย เซ เฒี้ยว อ๊ะ. โท้ ปุน นิ่น โหฒว หฒิว นิ่น ปวัด หอบ หฒุ โหฒว เญย.”
19ซามูเอน โฮล เจี๊ยน ฝาว, เฒี้ยว หย่า เหธา นิ่น เยียม, ปุน นิ่น ก๊อง เญย โจ๋วๆ หว่า ไม้ ปู๋ง ด๊อด. 20เยียม ดาน มี่ง เถา เบเอเชบา, อิสะลาเอน เญย หฒวัง เมี่ยน ฮิ้ว ตุ๊ เฒี้ยว เหลียบ ซามูเอน โหฒว นิ่น เญย โต่ว หว่า เมี่ยน. 21เฒี้ยว แอ๋ง เยียม ซีโล หิ่น ธ้วด เหว่ย หฒุ เฒี้ยว เยียม ซีโล เฒาะ กั้น เญย หว่า ปุน ซามูเอน ฮิ้ว ตุ๊ นิ่น.
Currently Selected:
1 ซามูเอน 3: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
