1 ปีเต 5
5
ขวิน จิว-ปาง เญย เมี่ยน โก๋ เหธา เมี่ยน หลุน เมี่ยน
1เยีย ขวิน เยียม เม่ย บัว หน่าย จิว-ปาง เญย หฒวัง เมี่ยน โก๋. เยีย หย่า โหฒว เมี่ยน โก๋, หย่า โหฒว กีตู่ เสี่ยว โค้ว เญย ฒอง-เหฒง. เยีย หย่า อ๋อย จวั่ง เจี๊ยน ฒิบ ฆะฮ้า อ๋อย หิ่น ธ้วด เญย ฌัง-หล่าง. 2เยีย ขวิน เม่ย บัว โก๋ว หลง ทิน-ฮู่ง ปุน เม่ย บัว โก๋ว วั้ว กวั้น เมี่ยน ฮนั้ง โก๋ว ปะกี ยู่ง เมี่ยน โก๋ว นิ่น บัว เญย ปะกี ยู่ง นอ.#โยฮัน 21:15-17 อ๋อย หฒุ ปวั๊ง เฮญี้ยว โก๋ว, ฮนั้ง ทิน-ฮู่ง อ๋อย เม่ย บัว โหฒว นอ, ไม้ เฒ์ย ฮนั้ง หฒุ อ๊าบ เจี๊ยน โหฒว. หย่า ไม้ ตู๋ง โหฒว เหว่ย โต้ว ตุ๊ ญ่าน. อ๋อย หฒุ ปวั๊ง เฮญี้ยว โหฒว. 3หย่า ไม้ ตู๋ง กุ๊น ปะหละ เฮนี้ย ทิน-ฮู่ง ปุน เม่ย บัว โก๋ว วั้ว เต๋ย. อ๋อย หฒุ โหฒว หลง เญย หญู่ง เฒ้ย ปุน นิ่น บัว หฒวด. 4เถา กีตู่, ต้ง โก๋ว ปะกี ยู่ง เญย ต้ม เฒี้ยว, ต้าย วั้ว หฒั่น, เม่ย บัว ฯฒฯ ตุ๊ ไม้ ไฮ่ หมิด เญย ฌัง-หล่าง นี้ง.
5เม่ย บัว หลุน วั้ว เต๋ย มจั่ง ตอน ฟี่ ฮนั้ง เญย อ๋อย หฒุ บัวะ โก๋ วั้ว เต๋ย กุ๊น. อ๋อย หฒุ เหญี่ยม กั้น โหฒว ไฝ, ล่าน ฟู-สู ล่าน, เหว่ย หฒุ กีง-โซว ก๊อง,
“ทิน-ฮู่ง แหง่ง เจี๊ยน โหฒว เหมา เญย เมี่ยน,
มป่า นิ่น เหธย เอน ปุน เหญี่ยม กั้น โหฒว ไฝ วั้ว เต๋ย.”#ธง-เม่ง หว่า 3:34
6ฮนั้ง หน่าย อ๋อย หฒุ เหญี่ยม กั้น โหฒว ไฝ เยียม ทิน-ฮู่ง ม่าย ชะ เญย ปั์ว-เดี๊ย. เถา นิ่น ตี่ง เญย เฒี่ยง โห่ นิ่น ฯฒฯ ท่าย เม่ย บัว ฝาว.#มัดทาย 23:12; ลูกา 14:11; 18:14 7อ๋อย หฒุ เฒาะ เหยียด ฒู้ง โยว-เฑ่า กวั่ง ปุน นิ่น เหว่ย หฒุ นิ่น โก๋ว เจี๊ยน เม่ย บัว.
8อ๋อย หฒุ กีง เฮญี้ยว บู้ง เจี๊ยน. เม่ย บัว เญย วิน-วั้ง, เมี้ยน เญย ฮู่ง, ฮนั้ง เซี่ยน นอ ฌุ่น เจี๊ยน มี่งๆ ต้ายๆ ล์อ เมี่ยน หงาด หญั่น. 9อ๋อย หฒุ เสียน ว้วน, แหง่ง เจี๊ยน เมี้ยน เญย ฮู่ง, เหว่ย หฒุ เม่ย บัว ฮิ้ว ตุ๊ เยียม น้าย ลู่ง เดี๊ย เสียน เยซู เญย ก๋อ-โย์ว หย่า ฮนั้ง เม่ย บัว นอ, หฒุ ปวั้ง น้าย หญู่ง โค้ว. 10มป่า ฒั้ว เม่ย บัว หฒุ เสี่ยว โค้ว หธาม ป๊า ลิ์ว, เหธย หญู่งๆ เอน เญย ทิน-ฮู่ง, ต้ง เห่ว เม่ย บัว เหธา กีตู่ จวั่ง แหม่ง เฒี่ยง, เหยียด ลิ์ว จวั่ง นิ่น เญย ฌัง-หล่าง วั้ว เต้า, อ๋อย ปุน เม่ย บัว ตุ้น ยุ่น, เสียน เฮ้น หย่า เสียน ว้วน. 11ทิน-ฮู่ง เญย ชะ เหยียด ลิ์ว เยียม เถา หม่าน โก๊ว หม่าน ต่อย. อาเมน.
เซ้ด เมว์ย หว่า
12ซีลา#กง-โฒ่ 15:22,40 เถง เยีย เฟี้ย น้าย เฒ้ย เฝียน เซ นั้ง เญย. เยีย หย่า ฝุน นิ่น โหฒว เหฒียบ ฒัวะ เญย ก๋อ-โย์ว. เยีย เฟี้ย ขวิน เม่ย บัว หย่า โหฒว ฒอง-เหฒง ก๊อง น้าย เซ ทิน-ฮู่ง เญย เฒียน เอน. เม่ย บัว อ๋อย หฒุ เขา ว้วน นิ่น เญย เอน อ๊ะ.
13บาบีโลน ฒี่ง เญย จิว-ปาง หย่า จั๋ง เถา เม่ย บัว. ทิน-ฮู่ง หย่า กิ๊น นิ่น บัว ฮนั้ง กิ๊น เม่ย บัว นอ. เยีย เญย ตอน, มาโค,#กง-โฒ่ 12:12,25; 13:13; 15:37-39; โคโลสี 4:10; ฟีเลโมน 24 หย่า จั๋ง เถา เม่ย บัว.
14เม่ย บัว หวุ่ย ปวั้ง อ๋อย หฒุ โหฒว เฮญี้ยว ธีง-เหฑ่ง ฒม เฮมียน ปุน ธีง ล่าน ฮนั้ม ล่าน.
โท้ ทิน-ฮู่ง ปุน เม่ย บัว เหยียด ฒู้ง เหธา กีตู่ จวั่ง แหม่ง เฒี่ยง เญย เมี่ยน ตุ๊ แป้ง ออน.
Currently Selected:
1 ปีเต 5: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007