1 ฒุ่น ต่อย โต้ว 11
11
ออน ดาวิด โหฒว อิสะลาเอน เญย ฮู่ง
(เป๊ย หมั่ง 2 ซามูเอน 5:1-10)
1หฒวัง อิสะลาเอน เมี่ยน มี่ง เฮโบโลน กั๊บ ฒุ้น เยียม ดาวิด วั้ว. นิ่น บัว ก๊อง, “เยีย บัว มต้าย จวั่ง เม่ย เญย ฑย้าม-เฟย.#11:1 ฮิบลู หว่า ก๊อง “จวั่ง เม่ย เญย บู๊ง เหธา อ๊อ”. 2ฒิ่น ด่าง, ไม้ กุ๊น เซาโล โหฒว ฮู่ง กุ๊น เยีย บัว เญย เฒี่ยง โห่, เซ ต้ง เม่ย ต้อ อิสะลาเอน เมี่ยน เปียะ ธ้วด เบ๊าะ จ๋า. เฒี้ยว, เม่ย เญย ทิน-ฮู่ง, ก๊อง บั๋ว เม่ย, ‘เม่ย ฒู้ง อ๋อย โก๋ว เยีย เญย แปะ ฝีง, อิสะลาเอน เมี่ยน, ฮนั้ง โก๋ว ปะกี ยู่ง เญย เมี่ยน นอ. เม่ย หย่า ตุ๊ โหฒว โฮล กุ๊น นิ่น บัว.’”
3อิสะลาเอน เมี่ยน เญย หฒวัง เมี่ยน โก๋ ต้าย เถา เฮโบโลน, ดาวิด ฮู่ง วั้ว. ดาวิด ฯฒฯ เยียม เฮโบโลน ตอง เจี๊ยน เฒี้ยว เหธา นิ่น บัว เหลียบ เจี์ย แหง่ง หว่า. นิ่น บัว หย่า หล่ง โย่ว ออน ดาวิด โหฒว อิสะลาเอน เญย ฮู่ง ฮนั้ง เฒี้ยว หล่ง ซามูเอน ก๊อง เญย หว่า.
ดาวิด เบ๊าะ ฮี่ง เยลูซาเลม
4ดาวิด เหธา อิสะลาเอน เญย หฒวัง เมี่ยน มี่ง เยลูซาเลม, เซ มี่ง เยบุด#11:4 ฒิ่น ด่าง เยลูซาเลม เห่ว เยบุด. วั้ว. เยียม หน่าย เญย เยบุด เมี่ยน#โยซูวา 15:63; ต้ม เจียน 1:21 5ก๊อง บั๋ว ดาวิด, “เม่ย บัว ฒู้ง ไม้ ตุ๊ เปียะ น้าย นอม ต๋อง.” มป่า ดาวิด เบ๊าะ ตุ๊ วั้ว นอม เว่ย ว้วน เญย ต๋อง, สิโอน, เซ ดาวิด เญย ฒี่ง.
6ดาวิด ก๊อง, “หาย เต้า ต้อ เจ๊า เปียะ มี่ง เบ๊าะ เยบุด เมี่ยน, วั้ว เต้า ตุ๊ โหฒว ต้ม แปง-เปย๊ย.” เสลุยา เญย ตอน, โยอาบ, มี่ง ด่าง ฯฒฯ ตุ๊ โหฒว ต้ม แปง-เปย๊ย.
7ดาวิด มี่ง เยียม เจี๊ยน วั้ว นอม เว่ย ว้วน เญย ต๋อง กะญั์ว. วั้ว นอม ต๋อง ฯฒฯ ตุ๊ บั๋ว เห่ว ดาวิด เญย ฒี่ง. 8ดาวิด แอ๋ง เหธย วั้ว นอม ฒี่ง, เยียม มินโล#11:8 เป๊ย หมั่ง 2 ซามูเอน 5:9. เจี์ย กอน เหธย ฮวีง ก๋อม. เหฒ่ง เหฌี่ย วั้ว เต๋ย, โยอาบ เหธย. 9ดาวิด เหยียด ฮนอย เป๊ย เหยียด ฮนอย เฮ้น เจี๊ยน ฝาว, เหว่ย หฒุ เน่น เจี๋ย เญย เฒี้ยว เหธา นิ่น เยียม.
ดาวิด เฮ้น ไห่ เญย จุน-เฒ้ย เมี่ยน
(เป๊ย หมั่ง 2 ซามูเอน 23:8-39)
10เยียม น้าย มี่ง เซ กัน ดาวิด เญย เฮ้น ไห่ เญย จุน-เฒ้ย เมี่ยน เญย เปย๊ย เฒ้ย. นิ่น บัว เหธา เจี๊ยน อิสะลาเอน เญย หฒวัง เมี่ยน เถง ชะ ดาวิด, เหว่ย ปุน นิ่น ไฮ่ กุ๊น ก๋อม กั๊วะ, เอย เจี๊ยน เฒี้ยว ก๊อง เถา อิสะลาเอน เญย หว่า. 11น้าย เซ ดาวิด เฮ้น เจี๋ย เญย จุน-เฒ้ย เมี่ยน เญย โสว โหม่ว.
ม่าย ฮักโมนี เมี่ยน, ยาโซเบอัม, โหฒว วั้ว เต๋ย “ปัว เต้า”#11:11 ปัว เต้า ไฟ ฟ่า เหฒียบ เต้า. เป๊ย หมั่ง 2 ซามูเอน 23:8. จุน-เฒ้ย เมี่ยน เญย เปย๊ย. นิ่น เบ๊าะ เหยียด หฑุ่น จ๋า นิ่น หล่ง นิ่น เญย ธัง ไต๋ ฟาม-แป๊ะ เต้า เมี่ยน.
12อาโหไฮ เมี่ยน, โดโด, เญย ตอน, เอเลอาซา, เซ วั้ว เต๋ย “ปัว เต้า” เญย เหยียด เต้า. 13นิ่น เหธา ดาวิด เยียม ปัดดัมมิม ต๋อย ฟีลิสะเตีย เมี่ยน กั๊บ ฒุ้น เยียม หน่าย อ๋อย เบ๊าะ จ๋า. เยียม หน่าย ม่าย ฑง เด่ย หฒวัง เบย้า บาลี ปวั๊ง เหฑ่ง. หฒวัง เมี่ยน หย่า เปย๋า ฟีลิสะเตีย เมี่ยน. 14มป่า เอเลอาซา เหธา นิ่น เญย เมี่ยน โซ้ว เจี๊ยน น้าย ฑง เด่ย บุด๋ง เปว เจี๊ยน เด่ย, ไต๋ ฟีลิสะเตีย เมี่ยน. เฒี้ยว ปุน นิ่น บัว หฒะเก้ง! ฮี่ง เจี๋ย.
15เยียม น้าย เต๋ย เฮ้น ไห่ เญย ฟ่า เหฒียบ เต้า เปย๊ย เฒ้ย กะญั์ว เญย ปัว เต้า เหฌี่ย เถา อาดุนลัม แบ๋ง-ค้วด เญย ต้ม หละเปย๊ย-ฒอง ต๋อย หฒุ เหยียด กวั้น ฟีลิสะเตีย เมี่ยน เหลียบ เธี้ยง เยียม เลฟาอิม ฮ์อง. 16วั้ว หฒั่น ดาวิด เยียม เว่ย ว้วน เญย ต๋อง กะญั์ว. ม่าย กวั้น ฟีลิสะเตีย เมี่ยน เยียม เบดเลเฮม. 17ดาวิด ไฮ์ หง่อ เยียม เบดเลเฮม เญย ววม ฯฒฯ ก๊อง ธ้วด ฑุ่ย, “เฝย ตุ๊ ม่าย เมี่ยน ไฮ่ ดั๊ม เต๋ย เยียม นิด เบดเลเฮม เญย ฒี่ง หลาด แก้ง เญย ววม-ค้วด เญย ววม ปุน เยีย ฮบ.” 18น้าย เต๋ย “ปัว เต้า” ฯฒฯ หนิ่ม เปียะ ฟีลิสะเตีย เมี่ยน เปว เญย ต๋อง, ดั๊ม เต๋ย เยียม เบดเลเฮม เญย ฒี่ง หลาด แก้ง กะเฮลน เญย ววม ต้อ หฑวน ปุน ดาวิด. มป่า ดาวิด ไม้ คั้ง ฮบ. นิ่น โต๋ ธ้วด ฝ่ง ห่อ ปุน เฒี้ยว. 19ดาวิด ก๊อง, “โท้ ทิน-ฮู่ง หัด เจี๊ยน ไม้ ปุน เยีย ฮบ. น้าย เต๋ย ววม เซ ฮนั้ง น้าย เต๋ย “ปัว เต้า” เญย ฑย้าม, เหว่ย หฒุ นิ่น บัว ไม้ หล่ง แหม่ง มี่ง เถง เยีย ดั๊ม.” เหว่ย หฒุ นิ่น บัว ไม้ หล่ง แหม่ง เญย มี่ง ล์อ ต้าย, ดาวิด ไม้ คั้ง ฮบ.
น้าย เซ วั้ว เต๋ย ปัว เต้า จุน-เฒ้ย เมี่ยน โหฒว เญย เจ๊า-โหล่ว.
20โยอาบ เญย โย์ว, อาบีไช, โหฒว วั้ว เต๋ย “ฟ่า เหฒียบ เต้า”#11:20 ฮิบลู หว่า ก๊อง ปัว เต้า. ม่าย เต๋ย ฟาน เป๋น กีก หว่า เญย โซว ก๊อง ฟ่า เหฒียบ เต้า. เญย เปย๊ย เฒ้ย. นิ่น หล่ง นิ่น เญย ธัง เหธา ฟาม-แป๊ะ เต้า เมี่ยน เบ๊าะ จ๋า หย่า ไต๋ เหฑ่ง นิ่น บัว. นิ่น ฯฒฯ ตุ๊ เม่ง เต้า ด่ง วั้ว เต๋ย “ปัว เต้า” โฮล. 21นิ่น ตุ๊ เม่ง เต้า เก้า โฮล เจี๋ย วั้ว เต๋ย “ฟ่า เหฒียบ เต้า” หย่า ตุ๊ โหฒว นิ่น บัว เญย เปย๊ย เฒ้ย. มป่า นิ่น เญย เม่ง เต้า หธ่อ ไม้ ด่ง วั้ว เต๋ย ปัว เต้า.
22เยโฮยาดา เญย ตอน, เบไนยา, เซ เหยียด เต้า เยียม ขับเซเอน ต้าย เบ๊าะ จ๋า เฮ้น เญย จุน-เฒ้ย เมี่ยน. นิ่น ไต๋ อี เต้า โมอับ เมี่ยน เบ๊าะ จ๋า เฮ้น ไห่ เญย แปง. แอ๋ง ม่าย หฑุ่น ต๋อย ตุ้ย ซอง เญย เฒี่ยง โห่ นิ่น เหฌี่ย นอม ค้วด ไต๋ เต้า เซี่ยน ไต่. 23นิ่น แอ๋ง ไต๋ เต้า อียิบ เมี่ยน. วั้ว เต้า เมี่ยน ซิน ฮลัง ปยา เดาะ. ไม้ กุ๊น วั้ว เต้า อียิบ เมี่ยน นั้น เจี๊ยน ธัง ล่ม ดั๊ด เดีย เญย ปย๊า โฮล, เบไนยา หล่ง เดี๋ยง-ด๋น เปียะ มี่ง เบ๊าะ. นิ่น ธ้าง วั้ว เต้า เญย ธัง ต้าย, หล่ง วั้ว ติ้ว ธัง ไต๋ วั้ว เต้า อ๊ะ. 24น้าย เซ เยโฮยาดา เญย ตอน, เบไนยา, โหฒว เญย สี่. นิ่น หย่า ตุ๊ เม่ง เต้า ด่ง วั้ว เต๋ย ปัว เต้า เฮ้น ไห่ เญย จุน-เฒ้ย เมี่ยน โฮล. 25นิ่น หย่า ตุ๊ เม่ง เต้า เก้า โฮล วั้ว เต๋ย ฟ่า เหฒียบ เต้า มป่า ไม้ ตุ๊ ฝุน เปียะ เหธา วั้ว เต๋ย ปัว เต้า. ดาวิด หย่า พ้าย นิ่น โหฒว นิ่น เญย ซิน-เฮลน เมี่ยน เญย เปย๊ย เฒ้ย.
26เฮ้น ไห่ เญย จุน-เฒ้ย เมี่ยน
ม่าย ฮนั้ง น้าย,
โยอาบ เญย โย์ว, อาสาเฮน,
เบดเลเฮม เมี่ยน, โดโด เญย ตอน, เอนฮานัน,
27ฮาโล้ด เมี่ยน, ซัมโม้ด,
เปโลน เมี่ยน, เฮเล้ดเท,
28เทโคอา เมี่ยน, อิกเขด เญย ตอน, อิละ,
อานาโท้ด เมี่ยน, อาบีเยเซ,
29หุซา เมี่ยน, สิบเบไค,
อาโหไฮ เมี่ยน, อิไล,
30เนโทฟา เมี่ยน, มาหะไล,
เนโทฟา เมี่ยน, บาอานา เญย ตอน, เฮเล้ด,
31เบนยามิน ฝีง เญย กิเบอา เมี่ยน, ลีไบ เญย ตอน, อิไท,
ปิลาโทน เมี่ยน, เบไนยา,
32กาอัด ฮ์อง เญย เมี่ยน, หุไล,
อานบา เมี่ยน, อาบีเอน,
33บาฮูลิม เมี่ยน, อัดมาเว้ด,
ซาอันโบน เมี่ยน, เอลียาบา,
34กิมโซ เมี่ยน, ฮาเซม, เญย ตอน,#11:34 ไฟ เฒ้ย-ฟุน.
ฮาลา เมี่ยน, ซากี เญย ตอน, โยนาทาน,
35ฮาลา เมี่ยน, สาคา เญย ตอน, อาหิยัม,
อูอา เญย ตอน, เอลีฟัน,
36เมเคลา เมี่ยน, เฮเฟ,
เปโลน เมี่ยน, อาหิยา,
37คานเมน เมี่ยน, เฮ้ดโล,
เอดไบ เญย ตอน, นาอาไล,
38นาทัน เญย โย์ว, โยเอน,
ฮากี เญย ตอน, มิบฮา,
39อัมโมน เมี่ยน, เสเล้ก,
เบเอโล้ด เมี่ยน, นาหะไล, เซ เถง เสลุยา เญย ตอน, โยอาบ, ต้อ เบ๊าะ จ๋า เญย หวัวะ กิ่น วั้ว เต้า.
40อิดไล เมี่ยน, อิละ,
อิดไล เมี่ยน, กาเล้บ,
41ฮิดไท เมี่ยน, อุลียา,
อักไล เญย ตอน, สาบาด,
42ลูเบน เมี่ยน, ซิซาอา เญย ตอน, อาดีนา. นิ่น โหฒว ลูเบน ฝีง เญย เหยียด เต้า เปย๊ย เฒ้ย, นิ่น เหธา ฟ่า เหฒียบ เต้า เมี่ยน.
43มาอาคา เญย ตอน, ฮานัน,
มิดเน เมี่ยน, โยซาฟัด, 44อัดทาโล้ด เมี่ยน, อุดซียา,
อาโลเอ เมี่ยน, ซัมมา เญย ตอน, เยอีเอน เหธา โฮทาม.
45ซิมลี เญย ตอน, เยดียาเอน,
เหธา นิ่น เญย โย์ว, ทิไซ เมี่ยน, โยฮา,
46มาหะไว เมี่ยน, เอลีเอน,
เอนนาอัม เญย ตอน, เยลีไบ เหธา โยซาวิยา,
โมอับ เมี่ยน, อิดมา, 47เอลีเอน, โอเบด, เหธา เมโซไบ เมี่ยน, ยาอาซีเอน.
Currently Selected:
1 ฒุ่น ต่อย โต้ว 11: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
