Arumi 8
8
Ajeso alongozwa ni Roho wa Mulungu ela tsʼi Shariya
1Ndo vivi osi ario ni a Jeso Kʼirisito, kʼaalamulwa ni alongo. 2Maana, mwimwi mwavugulwa#8:2 Nakala zinjine zinaamba: Mimi návugulwa. kulaa kutawalwani ni dambi, yiriyo malairiroge ni chifo, na muchiphokera Roho wa Mulungu arehaye uzima wa kare na kare kuchirira Jeso Kʼirisito. 3Shariya yakala kʼayiidima kuhuvugula kwa unyonge wa chidamu, ela Mulungu wahuvugula kwa kumuhuma Mwanawe akale mutʼu dza siswi kamare, na achitiywa akili kwa dambi zehu. 4Mulungu Wagahenda gago, kwa hata siswi hurio kʼahutuwa ga chimwiri hata hulongozwa ni Rohowe, huchimize gago gahenzwago ni Shariyaye. 5Atʼu ario a chimwiri, alilikana ga chimwiri, na o alongozwao ni Roho wa Mulungu, ao nao alilikana ga yiye Roho. 6Mutʼu alilikanaye ga chimwiri, malairiroge ni chifo. Ela alilikanaye ga Roho wa Mulungu, Mulungu undamuhenda akale na uzima na reri. 7Neno riro ni ra jeri kwakukala, mutʼu alilikanaye ga chimwiri, bee ni mudawa wa Mulungu kulaa mwakwe moyoni. Ndo yiye unarema kumogopha Mulungu, na mwanzo hata ni kʼaidima kumogopha Mulungu. 8Atʼu ario a chimwiri, kʼaaidima kumuhamya Mulungu. 9Ela mwimwi kʼamu chimwiri, hata mulongozwa ni Roho wa Mulungu, mana, yiye Roho wa Mulungu u mwenu ndani. Mutʼu yetsʼi Roho wa Kʼirisito, tsʼi wa Kʼirisito. 10Ela kwahivira Jeso Kʼirisito u mwenu ndani, hata yiripho miiri yenu yindafa kwa dambi, ela yiye Rohowe undaenderera kumupʼa uzima uphya. Maana, yiye Jeso Kʼirisito ndiye yemuhenda muphokerwe ni Mulungu dza enye haki. 11#1 Akor 3:16Roho wa Mulungu u mwenu ndani, na Mulungu ndiye yemufufula Jeso kulaa kuzimu. Ndo yiyi miiri yenu yiriyo yindafa, Mulungu undayiudza moyo kahiri kuchirira yiye Rohowe ariye mwenu ndani.
12Ndo kwahivira maneno ga hivyo enehu a chijeso, siswi hunga dza adeni a yiye Roho wa Mulungu, ela tsʼi a chimwiri, na kʼahuhenzwa kamare husagale mazagazi ga chimwiri. 13Maana, muchisagala chimwiri, hakika mundafa chiroho. Ela Roho wa Mulungu achimwaviza kugaricha kamare gago mahendo genu ga chimwiri, mundakala na uzima. 14Ana a Mulungu jeri, bee ni aratʼu alongozwao ni Rohowe. 15#Agal 4:5-7#Mar 14:36; Agal 4:6Mulungu kʼahupʼire Roho wa kuhuhenda agulwa ahumiki kahiri, ario a chiwogawoga. Ela wahupʼa Roho wa kuhuhenda hukale anae, na yiye Roho unahwidimisa kumwiha Mulungu, “Baba.”#8:15 Chiyunani chinaamba “Aba, Baba.” Aba ni neno ra Chiburania, na maanaye ni Baba. 16Ndo Roho wa Mulungu mwenye, na maroho gehu ganashuhudiya phamwenga kukala, hu ana a Mulungu. 17Siswi vivi vyodziima hu anangwa a Mulungu, hundapatani na Kʼirisito garatʼu manoso ga Mulungu gogaikira anae. Ela huchihenza kwendakala abomu na Jeso, nihukubali kushononeka dza vyoshononeka yiye.
Ajeso andahewa ubomu
18Enehu a chijeso, mimi nina kanuni kukala, yo shenene ya ukati uu huchiyihwalanisha na o ubomu urio Mulungu undahupʼa, bee hundaona dza kwamba vivi kʼahushononeka. 19Chila chumbe chinatariza na kuno chinatamani muno yo tsʼiku yiriyo Mulungu undangʼaza ubomu wa anae. 20#Mwa 3:17-19Mulungu waamula vyumbe vyosi vikale na lana. Gago tsʼigo mahenzo ga vivyo vyumbe, ela ni wamuzi wa Mulungu. Elako, vyumbe vyosi vinalolera 21tsʼiku yiriyo vindalaviwa kutʼu kokala nivyole, vigwirikane na ana a Mulungu kwenye utsare wao, na vikale vibomu dza ao. 22Hunamanya vyumbe vyosi vinaugula na utsungu dza wa uvyazi hata vivi. 23#2 Akor 5:2-4Na tsʼi vyumbe hicheye vivyo vyugulavyo kwa utsungu, ela hata siswi ohewa Roho wa Mulungu kutatiswa gondakudzagapata, chisha hunalumira vivyo naswi ko ndani, vivi hutarizavyo Mulungu ahupʼe haki yosi ya kukala anae, na ahupʼe vivyo yo miiri miphya yohulaga. 24Maana, siswi otivywa, hunalolera kugapata gago. Ela kalapho hunagaona gago hugalolerago, bee riro ringari kukala tsʼi kuluphiro. Kʼakuna aloleraye chitʼu achionacho. 25Ela hulolerapho gotsʼigaona, hunavumirira kugatariza.
26Dzulu ya gago, Roho wa Mulungu unahwaviza huchikala hu anyonge, mana, kʼahumanya vivyo huhenzwavyo huvoye. Ela yiye Roho wa Mulungu mwenye unahuvoyera kwa Mulungu, na kuno unaugula muno hata kʼavigombeka. 27Mulungu amanyaye hata ga myoyoni mwa atʼu, unavimanya vivyo aambavyo yiye Roho. Maana, yiye Roho nikwavoyera atʼu a Mulungu kutuwirizana na vivyo vihenzwavyo ni Mulungu.
28Siswi hunamanya kukala, gosi gahendwago ni Mulungu, bee ni ga kwahenda akale phadzo aratʼu amuhenzao, ario Mulungu waaiha kutuwirizana na mupangowe. 29Ao a kutsagulwa ni Mulungu hangu kʼadzangwe kuumba urumwengu, Mulungu wakala udziapangira adze akale dza yiye Mwanawe, kwa hata yiye Mwanawe Jeso Kʼirisito akale muvyere wao. 30Mulungu ao okala udziapangira adze akale anae, waaiha. Ndo ao oaiha, waaphokera dza enye haki, na ao oaphokera dza enye haki, waalaga kwapʼa ubomuwe.
Kʼakuna wa kuhutenga na menzwa ya Mulungu
31Enehu a chijeso, hwambedze sambi kwa maneno gano gosi gohenderwani ni Mulungu? Vino arivyo Mulungu u upande wehu, ni ani aidimaye kuhupinga hata akahubitʼa? 32Mulungu yiye Mwanawe mwenye kʼamonerere ufu, hata yiye wamulavya dza sadaka achishononeswa kwa dzulu yehu siswi hosini. Ndo achikala yiye wahupʼa hata yiye Mwanawe, akale kʼandahupʼa vinjine vyosi? 33Ni ani yendahulumbira sino atʼu otsagulwa ni Mulungu? Kʼakuna, kwakukala, Mulungu mwenye ndiyehuphokera dza enye haki. 34Ni ani yendahulamula kutiywa akili sino? Kʼakuna, kwakukala, Jeso Kʼirisito wafa kwa dzulu yehu, na achifufulwa ni Mulungu kulaa kuzimu, hata vino usegere mukono wa kulume wa Mulungu unatawala, na kuko unahuvoyera siswi vivyo. 35Siswi hata hukapata ndai bomu, hukaturiswa muno, atʼu akahuhendera mauku, hukakosa leu, hukamala nguwo za kuvala, atʼu akahwogofya, hebu hata akahendahuulaga kamare, chisha, vivyo vyosi kʼaviimanisha kukala, Jeso Kʼirisito waricha kuhuhenza. 36#Zab 44:22Gago godzigomba, ganagwa sawa na Maandiko ga Mulungu gaambago,
“Sino hunaulagwa chila tsʼiku kwa dzuluyo,
na anahuhenda vii dza magonzi gendagotsinzwa.”
37Ela gago gosi gahupatago hunagarima kwa yehuhenza muno. 38Mimi nina kanuni kamare kukala, kʼakuna chitʼu chochosi chiidimacho kuhutenga na menzwa ya Mulungu. Kala chifo, hebu uzima, kala malaika a Mulungu, hebu mapepo gatawalago, gaga gahendekago vivi hebu hata gondahendeka tsʼiku zidzazo, hebu enye widimi. 39Hata vyosi, virivyo dzulu na kuzimu, na mwanzo hata ni kʼakuna hata chumbe chimwenga chenye chiricho chindaidima kuhutenga na menzwa ya Mulungu, yiriyo wahwonyesa kuchirira Bwana wehu Jeso Kʼirisito.
Currently Selected:
Arumi 8: CHIDUR
Highlight
Copy
Compare
Share
Want to have your highlights saved across all your devices? Sign up or sign in
Arumi 8
8
Ajeso alongozwa ni Roho wa Mulungu ela tsʼi Shariya
1Ndo vivi osi ario ni a Jeso Kʼirisito, kʼaalamulwa ni alongo. 2Maana, mwimwi mwavugulwa#8:2 Nakala zinjine zinaamba: Mimi návugulwa. kulaa kutawalwani ni dambi, yiriyo malairiroge ni chifo, na muchiphokera Roho wa Mulungu arehaye uzima wa kare na kare kuchirira Jeso Kʼirisito. 3Shariya yakala kʼayiidima kuhuvugula kwa unyonge wa chidamu, ela Mulungu wahuvugula kwa kumuhuma Mwanawe akale mutʼu dza siswi kamare, na achitiywa akili kwa dambi zehu. 4Mulungu Wagahenda gago, kwa hata siswi hurio kʼahutuwa ga chimwiri hata hulongozwa ni Rohowe, huchimize gago gahenzwago ni Shariyaye. 5Atʼu ario a chimwiri, alilikana ga chimwiri, na o alongozwao ni Roho wa Mulungu, ao nao alilikana ga yiye Roho. 6Mutʼu alilikanaye ga chimwiri, malairiroge ni chifo. Ela alilikanaye ga Roho wa Mulungu, Mulungu undamuhenda akale na uzima na reri. 7Neno riro ni ra jeri kwakukala, mutʼu alilikanaye ga chimwiri, bee ni mudawa wa Mulungu kulaa mwakwe moyoni. Ndo yiye unarema kumogopha Mulungu, na mwanzo hata ni kʼaidima kumogopha Mulungu. 8Atʼu ario a chimwiri, kʼaaidima kumuhamya Mulungu. 9Ela mwimwi kʼamu chimwiri, hata mulongozwa ni Roho wa Mulungu, mana, yiye Roho wa Mulungu u mwenu ndani. Mutʼu yetsʼi Roho wa Kʼirisito, tsʼi wa Kʼirisito. 10Ela kwahivira Jeso Kʼirisito u mwenu ndani, hata yiripho miiri yenu yindafa kwa dambi, ela yiye Rohowe undaenderera kumupʼa uzima uphya. Maana, yiye Jeso Kʼirisito ndiye yemuhenda muphokerwe ni Mulungu dza enye haki. 11#1 Akor 3:16Roho wa Mulungu u mwenu ndani, na Mulungu ndiye yemufufula Jeso kulaa kuzimu. Ndo yiyi miiri yenu yiriyo yindafa, Mulungu undayiudza moyo kahiri kuchirira yiye Rohowe ariye mwenu ndani.
12Ndo kwahivira maneno ga hivyo enehu a chijeso, siswi hunga dza adeni a yiye Roho wa Mulungu, ela tsʼi a chimwiri, na kʼahuhenzwa kamare husagale mazagazi ga chimwiri. 13Maana, muchisagala chimwiri, hakika mundafa chiroho. Ela Roho wa Mulungu achimwaviza kugaricha kamare gago mahendo genu ga chimwiri, mundakala na uzima. 14Ana a Mulungu jeri, bee ni aratʼu alongozwao ni Rohowe. 15#Agal 4:5-7#Mar 14:36; Agal 4:6Mulungu kʼahupʼire Roho wa kuhuhenda agulwa ahumiki kahiri, ario a chiwogawoga. Ela wahupʼa Roho wa kuhuhenda hukale anae, na yiye Roho unahwidimisa kumwiha Mulungu, “Baba.”#8:15 Chiyunani chinaamba “Aba, Baba.” Aba ni neno ra Chiburania, na maanaye ni Baba. 16Ndo Roho wa Mulungu mwenye, na maroho gehu ganashuhudiya phamwenga kukala, hu ana a Mulungu. 17Siswi vivi vyodziima hu anangwa a Mulungu, hundapatani na Kʼirisito garatʼu manoso ga Mulungu gogaikira anae. Ela huchihenza kwendakala abomu na Jeso, nihukubali kushononeka dza vyoshononeka yiye.
Ajeso andahewa ubomu
18Enehu a chijeso, mimi nina kanuni kukala, yo shenene ya ukati uu huchiyihwalanisha na o ubomu urio Mulungu undahupʼa, bee hundaona dza kwamba vivi kʼahushononeka. 19Chila chumbe chinatariza na kuno chinatamani muno yo tsʼiku yiriyo Mulungu undangʼaza ubomu wa anae. 20#Mwa 3:17-19Mulungu waamula vyumbe vyosi vikale na lana. Gago tsʼigo mahenzo ga vivyo vyumbe, ela ni wamuzi wa Mulungu. Elako, vyumbe vyosi vinalolera 21tsʼiku yiriyo vindalaviwa kutʼu kokala nivyole, vigwirikane na ana a Mulungu kwenye utsare wao, na vikale vibomu dza ao. 22Hunamanya vyumbe vyosi vinaugula na utsungu dza wa uvyazi hata vivi. 23#2 Akor 5:2-4Na tsʼi vyumbe hicheye vivyo vyugulavyo kwa utsungu, ela hata siswi ohewa Roho wa Mulungu kutatiswa gondakudzagapata, chisha hunalumira vivyo naswi ko ndani, vivi hutarizavyo Mulungu ahupʼe haki yosi ya kukala anae, na ahupʼe vivyo yo miiri miphya yohulaga. 24Maana, siswi otivywa, hunalolera kugapata gago. Ela kalapho hunagaona gago hugalolerago, bee riro ringari kukala tsʼi kuluphiro. Kʼakuna aloleraye chitʼu achionacho. 25Ela hulolerapho gotsʼigaona, hunavumirira kugatariza.
26Dzulu ya gago, Roho wa Mulungu unahwaviza huchikala hu anyonge, mana, kʼahumanya vivyo huhenzwavyo huvoye. Ela yiye Roho wa Mulungu mwenye unahuvoyera kwa Mulungu, na kuno unaugula muno hata kʼavigombeka. 27Mulungu amanyaye hata ga myoyoni mwa atʼu, unavimanya vivyo aambavyo yiye Roho. Maana, yiye Roho nikwavoyera atʼu a Mulungu kutuwirizana na vivyo vihenzwavyo ni Mulungu.
28Siswi hunamanya kukala, gosi gahendwago ni Mulungu, bee ni ga kwahenda akale phadzo aratʼu amuhenzao, ario Mulungu waaiha kutuwirizana na mupangowe. 29Ao a kutsagulwa ni Mulungu hangu kʼadzangwe kuumba urumwengu, Mulungu wakala udziapangira adze akale dza yiye Mwanawe, kwa hata yiye Mwanawe Jeso Kʼirisito akale muvyere wao. 30Mulungu ao okala udziapangira adze akale anae, waaiha. Ndo ao oaiha, waaphokera dza enye haki, na ao oaphokera dza enye haki, waalaga kwapʼa ubomuwe.
Kʼakuna wa kuhutenga na menzwa ya Mulungu
31Enehu a chijeso, hwambedze sambi kwa maneno gano gosi gohenderwani ni Mulungu? Vino arivyo Mulungu u upande wehu, ni ani aidimaye kuhupinga hata akahubitʼa? 32Mulungu yiye Mwanawe mwenye kʼamonerere ufu, hata yiye wamulavya dza sadaka achishononeswa kwa dzulu yehu siswi hosini. Ndo achikala yiye wahupʼa hata yiye Mwanawe, akale kʼandahupʼa vinjine vyosi? 33Ni ani yendahulumbira sino atʼu otsagulwa ni Mulungu? Kʼakuna, kwakukala, Mulungu mwenye ndiyehuphokera dza enye haki. 34Ni ani yendahulamula kutiywa akili sino? Kʼakuna, kwakukala, Jeso Kʼirisito wafa kwa dzulu yehu, na achifufulwa ni Mulungu kulaa kuzimu, hata vino usegere mukono wa kulume wa Mulungu unatawala, na kuko unahuvoyera siswi vivyo. 35Siswi hata hukapata ndai bomu, hukaturiswa muno, atʼu akahuhendera mauku, hukakosa leu, hukamala nguwo za kuvala, atʼu akahwogofya, hebu hata akahendahuulaga kamare, chisha, vivyo vyosi kʼaviimanisha kukala, Jeso Kʼirisito waricha kuhuhenza. 36#Zab 44:22Gago godzigomba, ganagwa sawa na Maandiko ga Mulungu gaambago,
“Sino hunaulagwa chila tsʼiku kwa dzuluyo,
na anahuhenda vii dza magonzi gendagotsinzwa.”
37Ela gago gosi gahupatago hunagarima kwa yehuhenza muno. 38Mimi nina kanuni kamare kukala, kʼakuna chitʼu chochosi chiidimacho kuhutenga na menzwa ya Mulungu. Kala chifo, hebu uzima, kala malaika a Mulungu, hebu mapepo gatawalago, gaga gahendekago vivi hebu hata gondahendeka tsʼiku zidzazo, hebu enye widimi. 39Hata vyosi, virivyo dzulu na kuzimu, na mwanzo hata ni kʼakuna hata chumbe chimwenga chenye chiricho chindaidima kuhutenga na menzwa ya Mulungu, yiriyo wahwonyesa kuchirira Bwana wehu Jeso Kʼirisito.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in