Arumi 1
1
Pʼaulo unadzisema na Ngumaye Mbidzo
1Ni mimi Pʼaulo muhendikazi wa Jeso Kʼirisito. Mimi nátsagulwa ni Mulungu nikale muhumwa wa yiye Jeso Kʼirisito, na achinihuma nisumurire Ngumaye Mbidzo.
2Mulungu waalaga atʼu yiyo Nguma Mbidzo kuchirira Maandiko ga agomvie pʼindi yenye, 3na Nguma Mbidzo yiyo yi dzulu ya Mwanawe. Yiye upandewe wa chidamu, walaa mudzungu wa mufalume Daudi. 4Ela upandewe wa Roho wa utakatifu, waonyeswa kukala, ni Mwanangwa wa Mulungu ariye na widimi, o ukatiwe wa kufufuka kulaa kuzimu, na yiye Jeso Kʼirisito ndiye Bwana wehu. 5Mulungu kuchirira Jeso Kʼirisito, mimi wanonera mbazi, na achiniika nikale muhumwa wa yiye Jeso Kʼirisito, na nimuhikirehikire, kwa hata nialongoze atʼu a viryomo vyosi amukuluphire, na amwishime. 6Mwimwi ajeso a Rumi namwi mu mumo kwakukala, Mulungu wamwiha mukale a Jeso Kʼirisito.
7Ndo ninamwandikira baruwa mwimwi ajeso mosi a Rumi. Mwimwi Mulungu unamuhenza, na wamwiha mukale atʼue. Baba Mulungu na Bwana Jeso Kʼirisito, naamuhatsʼe, na amuhende musagale na reri yao.
Pʼaulo unatamani kutsemberera mudzi wa Rumi
8Enehu a chijeso, rangu ra kwanza ni kwamba, ninamulavira mumvera Mulungu kuchirira Jeso Kʼirisito kwa mwimwi, kwakukala, nguma yigotʼa chila phatʼu kukala, munamukuluphira Jeso Kʼirisito jeri. 9-10Mwimwi ninamuvoyera ukati wosi mumo mwangu mavoyoni, na maneno gaga ni ga jeri hata yiye Mulungu unamanya. Mimi ninamuhikirahikira Mulungu chivyangu vyosi niidimavyo, kwa kwasumurira atʼu Nguma Mbidzo dzulu ya Mwanawe. Ndo rangu nivoyaro ni kukala, ngawa nipate ukati vivi nidze kuko kwenu. Elako, gago ninahenza gatuwane na mahenzo ga Mulungu. 11Mimi ninahenza muno nimone, kwa hata nimupʼe chitʼu fulani cha chiroho cha kumujenga. 12Na nichigomba vivyo ni ninaamba, mimi na mwimwi, bee hundajenganani. Yaani, kuluphiro renu rindanijenga, na rangu naro rimujenge.
13 #
Mahe 19:21
Rangu nihenzaro murimanye mwimwi enehu a chijeso ni kukala, mimi nidzidzila kʼano nyinji nidze kuko kwenu. Ela hata vivi chila nichidzila, ngʼo, maneno kʼagenda hivyo vyangu nidzilavyo. Mimi ninahenza nidze nivumise Nguma Mbidzo kati yenu hata anjine enu aokoke, dza vyohendeka kwa atʼu a makabila manjine anzienu. 14Mimi nina muzigo wa kuhikirahikira atʼu osi, Ayunani, na ario tsʼio Ayunani,#1:14 Maanaye yinaidima kukala: atʼu oenderera, na ario kʼaadzangwe kwenderera. enye chisomo, na hata otsʼina chisomo. 15Gago ndigo ganihendago hata ninahenza muno nidze nimusumurire Nguma Mbidzo mwimwi achina Rumi.
Nguma Mbidzo yina widimi wa Mulungu
16 #
Mar 8:38
Mimi yiyo Nguma Mbidzo tsʼiyonera haya kamare, mana, yina widimi wa Mulungu wa kwativya osi akuluphirao, kwanzira siswi Ayahudi, hata atʼu a makabila manjine nao. 17#Hab 2:4Yiyo Nguma Mbidzo yinangʼaza lwazu-lwazu vivyo Mulungu aphokeravyo atʼu dza enye haki, na Mulungu uphokera mutʼu kwa kuluphirore tu bahi. Vivi vinagwa sawa na Maandikoge gaambago, “Mutʼu yedziphokerwa ni Mulungu dza mwenye haki kwa kumukuluphira yiye, undakala na uzima.”
Mulungu unaatiya akili atʼu osi aremao kumogopha
18Mulungu unangʼaza vyondaabitʼira chitai adambi osi ario anauziza ujeri, kwa gago gao mai gosi agahendago. 19Maana, anamanya kukala, Mulungu ndiye muumbi dza atʼu osi amanyavyo, kwakukala, Mulungu unaenderera kwangʼazira. 20Kulaira Mulungu ariphoumba urumwengu, atʼu anamanya chividzo kukala, widimiwe kʼauna musindikizo, na yiye ndiye Mulungu wa jeri. Maneno gago kʼagaoneka, ela ganamanyikana. Atʼu gago anagamanya, kwa kona vivyo vitʼu vyoumbwa ni yiye Mulungu. Ndo atʼu kʼaana cha kudzihehera. 21#Aef 4:17, 18Atʼu anamanya kukala, kuna Mulungu, ela anarema kumwishima, na kumulavira mumvera dza Mulungu wa jeri. Ndo maazo gao gadziima kʼagana tende, na ga dzizani. 22Enye anadzona ana hekima, ela ni azuzu. 23#Kʼumb 4:16-18Ao anaricha kumuvoya Mulungu ariye moyo hata kare na kare, ao anavoya vinyago, virivyo vyatsongwa dza atʼu ario anafa, nyama a kuburuka, nyama a magulu mane, hebu nyama a kuhambala.
24Ndo kwakukala, atʼu ákala ana madambi muno hivi, Mulungu waaricha ahende gago maneno mai agaazago, na vivi anahenderana maneno ga waibu. 25Atʼu ao áricha kukuluphira ujeri wa Mulungu achikuluphira ulongo. Ao áabudu na kuhikirahikira vyoumbwa ni Mulungu, achiricha kumuvoya na kumuhikirahikira yiye Muumbi mwenye, ariye unawirya kulikwa hata kare na kare! Amina.
26Ndo gago ndigotuma hata Mulungu achiaricha atʼu akale na tʼamaa zao mbii, hata ache achihendana ache, maneno garigo tsʼigo ga kawaida. 27Alume nao achiricha ga kawaida ga kulala na ache, hata ao ahenza kuhendana ache ao enye, na vivi Mulungu unaatiya akili awiryayo, kwa gago gao mai gogahenda.
28Atʼu árema kutuwa gokala anagamanya dzulu ya Mulungu, na ndo Mulungu naye achiaricha akale na akili za kuhenza kuhenda mai, kwa hata ahende gago arigo kʼaawirya kugahenda. 29Atʼu ao adziudzala ui wosi, ana moyo, anahenderana mai, adziudzala chidzitso, anamenana, anaulagana, analembana, na anapigana makarama. Chisha, anatsunana, 30anahadzana na mai, adzimumena Mulungu, anahakanana, ana ngulu na anadziunula, analilikana njira mbiphya za kuhendera mai, na kʼaaishima avyazi ao. 31Ao kʼaamanya madzo nini na mai nini, kʼaachimiza vilagane vyao, na kʼaana mbazi. 32Ao anamanya kukala, lagizo ra Mulungu rinaamba, mutʼu asagalaye mazagazi dza gago niafe. Ela ao anaenderera kugahenda, na hata ao ahendao madambi dza gago nao, anaalika.
Currently Selected:
Arumi 1: CHIDUR
Highlight
Copy
Compare
Share
Want to have your highlights saved across all your devices? Sign up or sign in
Arumi 1
1
Pʼaulo unadzisema na Ngumaye Mbidzo
1Ni mimi Pʼaulo muhendikazi wa Jeso Kʼirisito. Mimi nátsagulwa ni Mulungu nikale muhumwa wa yiye Jeso Kʼirisito, na achinihuma nisumurire Ngumaye Mbidzo.
2Mulungu waalaga atʼu yiyo Nguma Mbidzo kuchirira Maandiko ga agomvie pʼindi yenye, 3na Nguma Mbidzo yiyo yi dzulu ya Mwanawe. Yiye upandewe wa chidamu, walaa mudzungu wa mufalume Daudi. 4Ela upandewe wa Roho wa utakatifu, waonyeswa kukala, ni Mwanangwa wa Mulungu ariye na widimi, o ukatiwe wa kufufuka kulaa kuzimu, na yiye Jeso Kʼirisito ndiye Bwana wehu. 5Mulungu kuchirira Jeso Kʼirisito, mimi wanonera mbazi, na achiniika nikale muhumwa wa yiye Jeso Kʼirisito, na nimuhikirehikire, kwa hata nialongoze atʼu a viryomo vyosi amukuluphire, na amwishime. 6Mwimwi ajeso a Rumi namwi mu mumo kwakukala, Mulungu wamwiha mukale a Jeso Kʼirisito.
7Ndo ninamwandikira baruwa mwimwi ajeso mosi a Rumi. Mwimwi Mulungu unamuhenza, na wamwiha mukale atʼue. Baba Mulungu na Bwana Jeso Kʼirisito, naamuhatsʼe, na amuhende musagale na reri yao.
Pʼaulo unatamani kutsemberera mudzi wa Rumi
8Enehu a chijeso, rangu ra kwanza ni kwamba, ninamulavira mumvera Mulungu kuchirira Jeso Kʼirisito kwa mwimwi, kwakukala, nguma yigotʼa chila phatʼu kukala, munamukuluphira Jeso Kʼirisito jeri. 9-10Mwimwi ninamuvoyera ukati wosi mumo mwangu mavoyoni, na maneno gaga ni ga jeri hata yiye Mulungu unamanya. Mimi ninamuhikirahikira Mulungu chivyangu vyosi niidimavyo, kwa kwasumurira atʼu Nguma Mbidzo dzulu ya Mwanawe. Ndo rangu nivoyaro ni kukala, ngawa nipate ukati vivi nidze kuko kwenu. Elako, gago ninahenza gatuwane na mahenzo ga Mulungu. 11Mimi ninahenza muno nimone, kwa hata nimupʼe chitʼu fulani cha chiroho cha kumujenga. 12Na nichigomba vivyo ni ninaamba, mimi na mwimwi, bee hundajenganani. Yaani, kuluphiro renu rindanijenga, na rangu naro rimujenge.
13 #
Mahe 19:21
Rangu nihenzaro murimanye mwimwi enehu a chijeso ni kukala, mimi nidzidzila kʼano nyinji nidze kuko kwenu. Ela hata vivi chila nichidzila, ngʼo, maneno kʼagenda hivyo vyangu nidzilavyo. Mimi ninahenza nidze nivumise Nguma Mbidzo kati yenu hata anjine enu aokoke, dza vyohendeka kwa atʼu a makabila manjine anzienu. 14Mimi nina muzigo wa kuhikirahikira atʼu osi, Ayunani, na ario tsʼio Ayunani,#1:14 Maanaye yinaidima kukala: atʼu oenderera, na ario kʼaadzangwe kwenderera. enye chisomo, na hata otsʼina chisomo. 15Gago ndigo ganihendago hata ninahenza muno nidze nimusumurire Nguma Mbidzo mwimwi achina Rumi.
Nguma Mbidzo yina widimi wa Mulungu
16 #
Mar 8:38
Mimi yiyo Nguma Mbidzo tsʼiyonera haya kamare, mana, yina widimi wa Mulungu wa kwativya osi akuluphirao, kwanzira siswi Ayahudi, hata atʼu a makabila manjine nao. 17#Hab 2:4Yiyo Nguma Mbidzo yinangʼaza lwazu-lwazu vivyo Mulungu aphokeravyo atʼu dza enye haki, na Mulungu uphokera mutʼu kwa kuluphirore tu bahi. Vivi vinagwa sawa na Maandikoge gaambago, “Mutʼu yedziphokerwa ni Mulungu dza mwenye haki kwa kumukuluphira yiye, undakala na uzima.”
Mulungu unaatiya akili atʼu osi aremao kumogopha
18Mulungu unangʼaza vyondaabitʼira chitai adambi osi ario anauziza ujeri, kwa gago gao mai gosi agahendago. 19Maana, anamanya kukala, Mulungu ndiye muumbi dza atʼu osi amanyavyo, kwakukala, Mulungu unaenderera kwangʼazira. 20Kulaira Mulungu ariphoumba urumwengu, atʼu anamanya chividzo kukala, widimiwe kʼauna musindikizo, na yiye ndiye Mulungu wa jeri. Maneno gago kʼagaoneka, ela ganamanyikana. Atʼu gago anagamanya, kwa kona vivyo vitʼu vyoumbwa ni yiye Mulungu. Ndo atʼu kʼaana cha kudzihehera. 21#Aef 4:17, 18Atʼu anamanya kukala, kuna Mulungu, ela anarema kumwishima, na kumulavira mumvera dza Mulungu wa jeri. Ndo maazo gao gadziima kʼagana tende, na ga dzizani. 22Enye anadzona ana hekima, ela ni azuzu. 23#Kʼumb 4:16-18Ao anaricha kumuvoya Mulungu ariye moyo hata kare na kare, ao anavoya vinyago, virivyo vyatsongwa dza atʼu ario anafa, nyama a kuburuka, nyama a magulu mane, hebu nyama a kuhambala.
24Ndo kwakukala, atʼu ákala ana madambi muno hivi, Mulungu waaricha ahende gago maneno mai agaazago, na vivi anahenderana maneno ga waibu. 25Atʼu ao áricha kukuluphira ujeri wa Mulungu achikuluphira ulongo. Ao áabudu na kuhikirahikira vyoumbwa ni Mulungu, achiricha kumuvoya na kumuhikirahikira yiye Muumbi mwenye, ariye unawirya kulikwa hata kare na kare! Amina.
26Ndo gago ndigotuma hata Mulungu achiaricha atʼu akale na tʼamaa zao mbii, hata ache achihendana ache, maneno garigo tsʼigo ga kawaida. 27Alume nao achiricha ga kawaida ga kulala na ache, hata ao ahenza kuhendana ache ao enye, na vivi Mulungu unaatiya akili awiryayo, kwa gago gao mai gogahenda.
28Atʼu árema kutuwa gokala anagamanya dzulu ya Mulungu, na ndo Mulungu naye achiaricha akale na akili za kuhenza kuhenda mai, kwa hata ahende gago arigo kʼaawirya kugahenda. 29Atʼu ao adziudzala ui wosi, ana moyo, anahenderana mai, adziudzala chidzitso, anamenana, anaulagana, analembana, na anapigana makarama. Chisha, anatsunana, 30anahadzana na mai, adzimumena Mulungu, anahakanana, ana ngulu na anadziunula, analilikana njira mbiphya za kuhendera mai, na kʼaaishima avyazi ao. 31Ao kʼaamanya madzo nini na mai nini, kʼaachimiza vilagane vyao, na kʼaana mbazi. 32Ao anamanya kukala, lagizo ra Mulungu rinaamba, mutʼu asagalaye mazagazi dza gago niafe. Ela ao anaenderera kugahenda, na hata ao ahendao madambi dza gago nao, anaalika.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in