Mahendo 25
25
Pʼaulo unakatʼa pili kwa Kaisari
1Fesito ariphogwira chihi cha ugavuna, wakala tsʼiku tʼahu, na chidzako achilaa mudzi wa Kaisariya, achenda Jerusalemu kwendadzimanyisa kwa atʼu osi. 2Ariphofika kuko, makuhani abomu jimula na vilongozi a Chiyahudi, ámupʼa nguma dzulu ya malumbano gokala ga dzulu ya Pʼaulo. Na achimuvoya Fesito 3aahendere udzo kwa kumureha Pʼaulo Jerusalemu, nao ákala adzerya njama ya amuulage njirani. 4Ela yiye achiaudzidza achiaamba vivi, “Pʼaulo ucheri chizimbani ko Kaisariya, na mimi nindakwenda kuko vivi sambi. 5Kwa vivyo, yiye achikala wahenda kosa rorosi, nanende na vilongozi kati yenu, ende akalavye malumbano gao dzuluye kuko.”
6Fesito wasagala kuko Jerusalemu kwa mitsana minane, chenda kumi hivi, ndipho achiuya Kaisariya. Kunadzachakwe, wakwenda ko chizimbani, na achilagizira Pʼaulo arehewe mbereze. 7Pʼaulo ariphorehewa pho mbereze, Ayahudi okala alaa Jerusalemu ámuzunguluka na achanza kulavya malumbano manji maziho-maziho, garigo gákala kʼaanago ushaidi. 8Ndo Pʼaulo naye achanza kudzihehera vivi, “Mimi tsʼihendere kosa rorosi dzulu ya shariya za Chiyahudi, hebu dzulu ya Hekalu, hebu dzulu ya Kaisari.”
9Fesito wahenza kupendeleya Ayahudi. Kwa vivyo, wamuuza Pʼaulo kukala, “Vidze, we ungehenza kwenda Jerusalemu ukalamulwe mbere zangu kuko dzulu ya malumbano gano?” 10Pʼaulo achiudzidza achiamba vivi, “Mimi vivi niimire mbere za koti ra Arumi, na phapha ndipho niwiryapho kulamulwa. Na dza mumanyavyo chividzo, mimi bee tsʼiahenderere Ayahudi ui wowosi. 11Elako, nichikala nidzoneka kukala, nina kosa riwiryaro ninyongwe, mino ni kwete kufa. Ela ichikala malumbano gago gogalavya aa tsʼi ga jeri, bee kʼakuna aidimaye kunilavya kwao. Na vivi, ninahenza nikatʼe pili kwa Kaisari.”
12Ndo Fesito ariphomarigiza kugomba na o atumiae, wamwamba Pʼaulo vivi, “Uwe udzikatʼa pili kare kwa Kaisari. Kwa vivyo, vivi undaphirikwa kwa yiye Kaisari.”
Fesito unamwambira Agiripa nguma za Pʼaulo
13Ziriphochira tsʼiku chʼachʼe, mufalume Agiripa na nduguye wa chiche Berinike, ákwenda Kaisariya kwendamulamusa gavuna Fesito. 14Ao ákala kuko kwa tsʼiku fulani, naye Fesito achimwambira yiye mufalume dzulu ya malau ga Pʼaulo. Yiye wamwamba vivi, “Phapha phana mutʼu mumwenga ariye Felisi wamuricha chizimbani. 15Na phokala nidzikwenda Jerusalemu, makuhani abomu na atumia a Chiyahudi ánambira malumbano gao dzuluye, na achinilombera nimulamule. 16Ela mino nichiaudzidza kukala, tsʼi ada ya Chirumi kumulavya mutʼu atiywe akili photsʼi mulumbiriwe konana naye, na kuhewa nafasi ya kudzihehera. 17Ndo niriphokudza nao phapha, mimi tsʼiimire, ela násagala na atumia angu, na kunadzachakwe nichimulagizira mutʼu yiye achirehewa mbere zangu. 18O alumbirie ágomba, ela kʼaalavire malumbano mai dza vyokala ninalilikana. 19Ela tu, ákala ana mushindano naye dzulu ya maneno fulani ga dini yao, na dzulu ya mutʼu mumwenga aihiwaye Jeso, ariye wafa, ela Pʼaulo yiye wakala unaamba u moyo. 20Mimi phapho tsʼimanyire njira ya kugapeleleza maneno gago. Ndo nichimuuza Pʼaulo ichikala undahenza kwenda kotini Jerusalemu kwa dzulu ya malau gago. 21Ela Pʼaulo yiye achikatʼa pili kwa Kaisari, na mimi nichilagiza arindwe ko chizimbani hata phondaamba aphirikwe kwa yiye Kaisari.”
22Ndo Agiripa achimwamba Fesito vivi, “Ningehenza nimusirikise mutʼu yiye mimi mwenye mwiri.” Fesito achimuudzidza achimwamba vivi, “Undamusirikisa machero.”
Pʼaulo mbere za Agiripa na Berinike
23Ndo kunadzachakwe, Agiripa na Berinike áfika na kuno avala nguwo za chifalume pho baraza ra monano. Ao ákala alongozana na mubomu wa shikari a viha na vilongozi vya o mudzi. Fesito achimulagizira Pʼaulo achirehewa mumo ndani. 24Ndo achiamba vivi, “Mufalume Agiripa na mosi murio phapha phamwenga naswi! Phapha mbere zehu phana mutʼu, ariye Ayahudi osi a phapha, na a ko Jerusalemu analalamika kwa kupiga kʼululu kukala, mutʼu yuyu bee unawirya anyongwe. 25Ela mimi tsʼimonere kukala, wakala uhenda chii chochosi hata awirye kunyongwa. Ndo Pʼaulo wakatʼa pili kwa Kaisari, na mimi nichikala nidzamula nimulavye ende kuko. 26Mimi chiupande wangu, bee tsʼina udzumbe kamili urio ninaidima kumwandikira Kaisari dzuluye. Gago ndigo godzituma hata nidzimureha phapha mbere zehu, na kamwe mberezo uwe mufalume Agiripa, kwa hata huchimala kumupeleleza, nipate ra kwandika dzuluye. 27Maana, vindakala kʼavina tende kumuphirika mufungwa photsʼihadza lwazu-lwazu manenoge alumbirwago.”
Currently Selected:
Mahendo 25: CHIDUR
Highlight
Copy
Compare
Share
Want to have your highlights saved across all your devices? Sign up or sign in
Mahendo 25
25
Pʼaulo unakatʼa pili kwa Kaisari
1Fesito ariphogwira chihi cha ugavuna, wakala tsʼiku tʼahu, na chidzako achilaa mudzi wa Kaisariya, achenda Jerusalemu kwendadzimanyisa kwa atʼu osi. 2Ariphofika kuko, makuhani abomu jimula na vilongozi a Chiyahudi, ámupʼa nguma dzulu ya malumbano gokala ga dzulu ya Pʼaulo. Na achimuvoya Fesito 3aahendere udzo kwa kumureha Pʼaulo Jerusalemu, nao ákala adzerya njama ya amuulage njirani. 4Ela yiye achiaudzidza achiaamba vivi, “Pʼaulo ucheri chizimbani ko Kaisariya, na mimi nindakwenda kuko vivi sambi. 5Kwa vivyo, yiye achikala wahenda kosa rorosi, nanende na vilongozi kati yenu, ende akalavye malumbano gao dzuluye kuko.”
6Fesito wasagala kuko Jerusalemu kwa mitsana minane, chenda kumi hivi, ndipho achiuya Kaisariya. Kunadzachakwe, wakwenda ko chizimbani, na achilagizira Pʼaulo arehewe mbereze. 7Pʼaulo ariphorehewa pho mbereze, Ayahudi okala alaa Jerusalemu ámuzunguluka na achanza kulavya malumbano manji maziho-maziho, garigo gákala kʼaanago ushaidi. 8Ndo Pʼaulo naye achanza kudzihehera vivi, “Mimi tsʼihendere kosa rorosi dzulu ya shariya za Chiyahudi, hebu dzulu ya Hekalu, hebu dzulu ya Kaisari.”
9Fesito wahenza kupendeleya Ayahudi. Kwa vivyo, wamuuza Pʼaulo kukala, “Vidze, we ungehenza kwenda Jerusalemu ukalamulwe mbere zangu kuko dzulu ya malumbano gano?” 10Pʼaulo achiudzidza achiamba vivi, “Mimi vivi niimire mbere za koti ra Arumi, na phapha ndipho niwiryapho kulamulwa. Na dza mumanyavyo chividzo, mimi bee tsʼiahenderere Ayahudi ui wowosi. 11Elako, nichikala nidzoneka kukala, nina kosa riwiryaro ninyongwe, mino ni kwete kufa. Ela ichikala malumbano gago gogalavya aa tsʼi ga jeri, bee kʼakuna aidimaye kunilavya kwao. Na vivi, ninahenza nikatʼe pili kwa Kaisari.”
12Ndo Fesito ariphomarigiza kugomba na o atumiae, wamwamba Pʼaulo vivi, “Uwe udzikatʼa pili kare kwa Kaisari. Kwa vivyo, vivi undaphirikwa kwa yiye Kaisari.”
Fesito unamwambira Agiripa nguma za Pʼaulo
13Ziriphochira tsʼiku chʼachʼe, mufalume Agiripa na nduguye wa chiche Berinike, ákwenda Kaisariya kwendamulamusa gavuna Fesito. 14Ao ákala kuko kwa tsʼiku fulani, naye Fesito achimwambira yiye mufalume dzulu ya malau ga Pʼaulo. Yiye wamwamba vivi, “Phapha phana mutʼu mumwenga ariye Felisi wamuricha chizimbani. 15Na phokala nidzikwenda Jerusalemu, makuhani abomu na atumia a Chiyahudi ánambira malumbano gao dzuluye, na achinilombera nimulamule. 16Ela mino nichiaudzidza kukala, tsʼi ada ya Chirumi kumulavya mutʼu atiywe akili photsʼi mulumbiriwe konana naye, na kuhewa nafasi ya kudzihehera. 17Ndo niriphokudza nao phapha, mimi tsʼiimire, ela násagala na atumia angu, na kunadzachakwe nichimulagizira mutʼu yiye achirehewa mbere zangu. 18O alumbirie ágomba, ela kʼaalavire malumbano mai dza vyokala ninalilikana. 19Ela tu, ákala ana mushindano naye dzulu ya maneno fulani ga dini yao, na dzulu ya mutʼu mumwenga aihiwaye Jeso, ariye wafa, ela Pʼaulo yiye wakala unaamba u moyo. 20Mimi phapho tsʼimanyire njira ya kugapeleleza maneno gago. Ndo nichimuuza Pʼaulo ichikala undahenza kwenda kotini Jerusalemu kwa dzulu ya malau gago. 21Ela Pʼaulo yiye achikatʼa pili kwa Kaisari, na mimi nichilagiza arindwe ko chizimbani hata phondaamba aphirikwe kwa yiye Kaisari.”
22Ndo Agiripa achimwamba Fesito vivi, “Ningehenza nimusirikise mutʼu yiye mimi mwenye mwiri.” Fesito achimuudzidza achimwamba vivi, “Undamusirikisa machero.”
Pʼaulo mbere za Agiripa na Berinike
23Ndo kunadzachakwe, Agiripa na Berinike áfika na kuno avala nguwo za chifalume pho baraza ra monano. Ao ákala alongozana na mubomu wa shikari a viha na vilongozi vya o mudzi. Fesito achimulagizira Pʼaulo achirehewa mumo ndani. 24Ndo achiamba vivi, “Mufalume Agiripa na mosi murio phapha phamwenga naswi! Phapha mbere zehu phana mutʼu, ariye Ayahudi osi a phapha, na a ko Jerusalemu analalamika kwa kupiga kʼululu kukala, mutʼu yuyu bee unawirya anyongwe. 25Ela mimi tsʼimonere kukala, wakala uhenda chii chochosi hata awirye kunyongwa. Ndo Pʼaulo wakatʼa pili kwa Kaisari, na mimi nichikala nidzamula nimulavye ende kuko. 26Mimi chiupande wangu, bee tsʼina udzumbe kamili urio ninaidima kumwandikira Kaisari dzuluye. Gago ndigo godzituma hata nidzimureha phapha mbere zehu, na kamwe mberezo uwe mufalume Agiripa, kwa hata huchimala kumupeleleza, nipate ra kwandika dzuluye. 27Maana, vindakala kʼavina tende kumuphirika mufungwa photsʼihadza lwazu-lwazu manenoge alumbirwago.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in