Sirac 47
47
Hi Natan
1Sinmunod ha iya hi Natan, usa nga manaragna ha panahon ni David.
Hi David
2Sugad nga iginggahin para han Ginoo an gitatamboki nga bahin han halad han pagkaurosa, sanglit ginpili hi David tikang han mga Israelita. 3Nakig-uyag hiya hin mga liyon ngan mga uso nga daw sugad la hin nati nga mga karnero o nati nga mga kanding. 4Han bata pa hiya, ginpatay niya in usa nga higante basi matalwas an iya mga tawo. Ginbutang niya in usa nga bato dida han iya labyog, itinadong niya ngadto han higante ngan gintapos niya an paghinambog ni Goliat. 5Nag-ampo hiya han Ginoo nga Gihahataasi, ngan gintagan hiya han kusog hin pagpatay hadto nga bantogan nga sondalo, basi magkamay-ada pagtahod an mga nasod para han gahom han iya mga tawo. 6Ginpasidunggan hiya han mga tawo tungod hin pagpatay niya han tag 10,000 nga mga sondalo han kaaway ngan han pagkoronahi na ha iya nga hadi, gindayaw hiya nira tungod nga ginpili hiya han Ginoo. 7Ginpuo niya an ngatanan nga iya mga kaaway, ngan gindugmok niya ha kadayonan an mga Filisteo, sanglit waray na gud hira mahimo nga tarhog.
8Han ngatanan nga iya nabuhat, nagpapasalamat hi David ngadto han Baraan nga Ginoo, an Gihahataasi. Ginhigugma niya an iya Magburuhat ngan nagkanta hiya hin mga pagdayaw ngadto ha iya ha bug-os niya nga kasingkasing. 9Nagbutang hiya hin mga magkaranta didto han altar hin paghatag hin matahom nga mga kanta. 10Ginpahimutang niya an panahon han mga pyesta ha bug-os nga tuig ngan ginhimo ini nga makaruruyag nga mga higayon; nag-aningal an Templo han mga pagdayaw han Ginoo ha bug-os nga adlaw. 11Ginpasaylo han Ginoo an sala ni David ngan ginparig-on ha kadayonan an iya gahom. Naghimo hiya hin ginsaaran ha iya nga maghahadi nga mahimayaon hiya ngan an iya mga tulin ha Israel.
Hi Solomon
12Nag-andam hin maupay hi David para han iya anak nga usa nga makinaadmananon nga tawo, nga maghahadi sunod ha iya. 13Waray gud araway samtang nga hadi hi Solomon. Gintagan hiya han Dyos hin kalinaw ha ngatanan niya nga mga pag-ultan, basi makagtindog hiya para han Ginoo hin usa nga Templo nga magpapadayon ha kagihaponan. 14Hin pagkamakinaadmananon nimo, Solomon, han batan-on ka pa! An imo hibaro sugad han Nilo#47:14 Ha Hebreo, han Nilo; ha Griego, hin salog. kon nabaha. 15An gahom han imo kinaadman nagsarang ha bug-os nga kalibutan; hinbaroan ha ngatanan nga mga dapit an imo mga darahonon ngan mga tirigohon. 16Bantogan ka ha ngatanan nga dapit, ngan ginhigugma ka han ngatanan nga mga tawo tungod han imo pagdara hin kalinaw. 17Gindayaw ka han mga nasod ha bug-os nga kalibutan tungod han imo mga karantahon, mga darahonon, mga pananglitan ngan manamit nga mga puplonganon. 18Ha ngaran han Ginoo nga Dyos han Israel nagtirok ka hin salapi ug bulawan nga daw sugad la ini hin timga o lata.
19Kundi an imo pagkaipa hin kababayen-an amo an imo pagkapukan. 20Ginhugawan mo an imo kabantogan ngan han imo mga anak. Nag-antos hira hin kastigo tungod hini nga imo kalurongan ngan nakahatag ha ira hin dako nga kabidoan. 21Nakagbahin ini han nasod, ngan pinmakita in usa nga ribal nga ginhadian ha amihan nga dapit han Israel. 22Kundi dayuday magmamaloloy-on an Ginoo ngan magtutuman hiya han ngatanan nga iya mga saad.#47:22 Ha Hebreo, magtutuman han ngatanan nga iya mga saad; ha Griego, diri magbubungkag han iya ginhimo. Diri gud hiya magpupuo han mga anak ni David nga iya ginpili ngan nahigugma ha iya. Sanglit tungod han Israel tinugotan niya nga magpabilin nga buhi an panimalay ni David.
Hira Roboam ug Jeroboam
23Namatay hi Solomon sugad han iya mga ginikanan ngan nagbilin hin usa han iya mga anak nga sumunod ha iya hin pagkahadi. Amo ini hi Roboam nga usa ka tawo nga gutiay la in hibaro ngan dako in kalurongan#47:23 Ha Hebreo, dako nga kalurongan; ha Griego, an lurong han katawhan. kanay paagi nakapasupil han mga tawo.
Nakada liwat an uraura hin kawaray haros#47:23 Ha Hebreo, an uraura hin kawaray haros; ha Griego, hi Jeroboam nga anak ni Nebat. nga Jeroboam, nga nagmando han amihan nga dapit han Israel dida hin makasasala nga mga paagi. 24Nagin makasasala hin duro an iya mga tawo sanglit iginhalin hira tikang han ira tuna. 25Ginsarihan nira an ngatanan nga pagkamaraot tubtob nga inmabot ha ira an pagbulos han Ginoo.
Currently Selected:
Sirac 47: MBBSAM
Highlight
Share
Copy
Want to have your highlights saved across all your devices? Sign up or sign in
Baraan nga Biblia © Philippine Bible Society, 1984
Sirac 47
47
Hi Natan
1Sinmunod ha iya hi Natan, usa nga manaragna ha panahon ni David.
Hi David
2Sugad nga iginggahin para han Ginoo an gitatamboki nga bahin han halad han pagkaurosa, sanglit ginpili hi David tikang han mga Israelita. 3Nakig-uyag hiya hin mga liyon ngan mga uso nga daw sugad la hin nati nga mga karnero o nati nga mga kanding. 4Han bata pa hiya, ginpatay niya in usa nga higante basi matalwas an iya mga tawo. Ginbutang niya in usa nga bato dida han iya labyog, itinadong niya ngadto han higante ngan gintapos niya an paghinambog ni Goliat. 5Nag-ampo hiya han Ginoo nga Gihahataasi, ngan gintagan hiya han kusog hin pagpatay hadto nga bantogan nga sondalo, basi magkamay-ada pagtahod an mga nasod para han gahom han iya mga tawo. 6Ginpasidunggan hiya han mga tawo tungod hin pagpatay niya han tag 10,000 nga mga sondalo han kaaway ngan han pagkoronahi na ha iya nga hadi, gindayaw hiya nira tungod nga ginpili hiya han Ginoo. 7Ginpuo niya an ngatanan nga iya mga kaaway, ngan gindugmok niya ha kadayonan an mga Filisteo, sanglit waray na gud hira mahimo nga tarhog.
8Han ngatanan nga iya nabuhat, nagpapasalamat hi David ngadto han Baraan nga Ginoo, an Gihahataasi. Ginhigugma niya an iya Magburuhat ngan nagkanta hiya hin mga pagdayaw ngadto ha iya ha bug-os niya nga kasingkasing. 9Nagbutang hiya hin mga magkaranta didto han altar hin paghatag hin matahom nga mga kanta. 10Ginpahimutang niya an panahon han mga pyesta ha bug-os nga tuig ngan ginhimo ini nga makaruruyag nga mga higayon; nag-aningal an Templo han mga pagdayaw han Ginoo ha bug-os nga adlaw. 11Ginpasaylo han Ginoo an sala ni David ngan ginparig-on ha kadayonan an iya gahom. Naghimo hiya hin ginsaaran ha iya nga maghahadi nga mahimayaon hiya ngan an iya mga tulin ha Israel.
Hi Solomon
12Nag-andam hin maupay hi David para han iya anak nga usa nga makinaadmananon nga tawo, nga maghahadi sunod ha iya. 13Waray gud araway samtang nga hadi hi Solomon. Gintagan hiya han Dyos hin kalinaw ha ngatanan niya nga mga pag-ultan, basi makagtindog hiya para han Ginoo hin usa nga Templo nga magpapadayon ha kagihaponan. 14Hin pagkamakinaadmananon nimo, Solomon, han batan-on ka pa! An imo hibaro sugad han Nilo#47:14 Ha Hebreo, han Nilo; ha Griego, hin salog. kon nabaha. 15An gahom han imo kinaadman nagsarang ha bug-os nga kalibutan; hinbaroan ha ngatanan nga mga dapit an imo mga darahonon ngan mga tirigohon. 16Bantogan ka ha ngatanan nga dapit, ngan ginhigugma ka han ngatanan nga mga tawo tungod han imo pagdara hin kalinaw. 17Gindayaw ka han mga nasod ha bug-os nga kalibutan tungod han imo mga karantahon, mga darahonon, mga pananglitan ngan manamit nga mga puplonganon. 18Ha ngaran han Ginoo nga Dyos han Israel nagtirok ka hin salapi ug bulawan nga daw sugad la ini hin timga o lata.
19Kundi an imo pagkaipa hin kababayen-an amo an imo pagkapukan. 20Ginhugawan mo an imo kabantogan ngan han imo mga anak. Nag-antos hira hin kastigo tungod hini nga imo kalurongan ngan nakahatag ha ira hin dako nga kabidoan. 21Nakagbahin ini han nasod, ngan pinmakita in usa nga ribal nga ginhadian ha amihan nga dapit han Israel. 22Kundi dayuday magmamaloloy-on an Ginoo ngan magtutuman hiya han ngatanan nga iya mga saad.#47:22 Ha Hebreo, magtutuman han ngatanan nga iya mga saad; ha Griego, diri magbubungkag han iya ginhimo. Diri gud hiya magpupuo han mga anak ni David nga iya ginpili ngan nahigugma ha iya. Sanglit tungod han Israel tinugotan niya nga magpabilin nga buhi an panimalay ni David.
Hira Roboam ug Jeroboam
23Namatay hi Solomon sugad han iya mga ginikanan ngan nagbilin hin usa han iya mga anak nga sumunod ha iya hin pagkahadi. Amo ini hi Roboam nga usa ka tawo nga gutiay la in hibaro ngan dako in kalurongan#47:23 Ha Hebreo, dako nga kalurongan; ha Griego, an lurong han katawhan. kanay paagi nakapasupil han mga tawo.
Nakada liwat an uraura hin kawaray haros#47:23 Ha Hebreo, an uraura hin kawaray haros; ha Griego, hi Jeroboam nga anak ni Nebat. nga Jeroboam, nga nagmando han amihan nga dapit han Israel dida hin makasasala nga mga paagi. 24Nagin makasasala hin duro an iya mga tawo sanglit iginhalin hira tikang han ira tuna. 25Ginsarihan nira an ngatanan nga pagkamaraot tubtob nga inmabot ha ira an pagbulos han Ginoo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Baraan nga Biblia © Philippine Bible Society, 1984