Exodo 24
24
Apaletan so Sipanan
1Say Katawan kuantod kinen Moises, “Laen yo ak ed palandey, sikayo di Aaron, Nadab, Abiu, tan saray pitomplon pangulo na Israel; no arawi ki ni tuek kayo lan mangigalang ed siak. 2Sika labat tan anggapo lay arum so onsingger ed siak. Saray totoo et ag ira anggan onkalab a kaibam.”
3Linmay Moises ed saray totoo tan sinalita tod sikaray amin ya ingganggan tan imbilin na Katawan, et amin da ray totoo nankakasakey iran inmebat, “Gawaen mi ray amin ya imbaga na Katawan.” 4Insulat nen Moises ya amin iray ganggan na Katawan. Diad ontombuk a kabkabwasan, si Moises angipaalagey na altar ed alusadsar na palandey tan angilira na labinduan bato, sakey a bato so para kapag sakey ed saray labinduan tribu na Israel. 5Insan angibaki na saray tobun-balon lalaki tan angisaklang irad Katawan na saray bagat a popoolan tan pigaran baka a bagat a para kareenan. 6Inala nen Moises so kapaldua na dala na saramay ayep tan inkarga tod saray palanggana, insan to insisibo ed altar. 7Insan to inala so libro na sipanan, tan maksil ton imbasa ed saray totoo. Inkuanda, “Onuren mi so Katawan tan gawaen mi ray amin ya ingganggan to!”
8Insan inala nen Moises imay dala a walad saray palanggana tan insisibo tod saray totoo. Inkuanto, “Sikato yay dala a mamaelet na impisipanan na Katawan ed sikayo nen inter tod sikayo ra yan amin a ganggan.”
9Kinmalab ed palandey ira di Moises, Aaron, Nadab, Abiu, tan saray pitomplon pangulo na Israel, 10insan anengneng da so Dios na Israel a manalalagey ed pasen a sapiro tan malinew a singa kolur na tawen. 11Ag pinasakitan na Dios ira yan lalakin pangulo na Israel; anengneng day Dios, insan nantitipon iran angan tan inminom.
Si Moises Linmad Toktok na Palandey na Sinai
12Say Katawan kuantod kinen Moises, “Laen mo ak diad toktok na palandey tan, no wadman ka la, itdan ta ka na duaran tapyak a bato ya angitatakan ko na saray ganggan ko ya onkanan panaralan na saray totook.” 13Namparaan si Moises tan si Josue a katulong to; si Moises ginapwan toy kinmalab ed masanton palandey. 14Inkuanen Moises ed saray pangulo, “Manalagar kayod kampo ya anggad ipawil mi dia. Wadyan kaiba yo ra di Aaron tan Hur; siopaman a walay problima to onlad sikara.”
15Linma sirin si Moises ed Palandey na Sinai, et akobutan na lorem imay palandey. 16-17Linmeksab ed palandey so kagalangan na Katawan. Anengneng na saray Israelita imay kagalangan na Katawan a singa apoy a manliub ed toktok na palandey. Say lorem kinobutan to so palandey ed loob na anemiran agew, tan diad kumapiton agew say Katawan manlapud lorem tinawag toy Moises. 18Si Moises intuloy toy kinmalab ed palandey ya akobutan na lorem. Nanayam diman ed loob na apataplon agew tan apataplon labi.
Currently Selected:
Exodo 24: MBBPAN83
Highlight
Share
Copy
Want to have your highlights saved across all your devices? Sign up or sign in
Maung a Balita Biblia © Philippine Bible Society, 1983
Exodo 24
24
Apaletan so Sipanan
1Say Katawan kuantod kinen Moises, “Laen yo ak ed palandey, sikayo di Aaron, Nadab, Abiu, tan saray pitomplon pangulo na Israel; no arawi ki ni tuek kayo lan mangigalang ed siak. 2Sika labat tan anggapo lay arum so onsingger ed siak. Saray totoo et ag ira anggan onkalab a kaibam.”
3Linmay Moises ed saray totoo tan sinalita tod sikaray amin ya ingganggan tan imbilin na Katawan, et amin da ray totoo nankakasakey iran inmebat, “Gawaen mi ray amin ya imbaga na Katawan.” 4Insulat nen Moises ya amin iray ganggan na Katawan. Diad ontombuk a kabkabwasan, si Moises angipaalagey na altar ed alusadsar na palandey tan angilira na labinduan bato, sakey a bato so para kapag sakey ed saray labinduan tribu na Israel. 5Insan angibaki na saray tobun-balon lalaki tan angisaklang irad Katawan na saray bagat a popoolan tan pigaran baka a bagat a para kareenan. 6Inala nen Moises so kapaldua na dala na saramay ayep tan inkarga tod saray palanggana, insan to insisibo ed altar. 7Insan to inala so libro na sipanan, tan maksil ton imbasa ed saray totoo. Inkuanda, “Onuren mi so Katawan tan gawaen mi ray amin ya ingganggan to!”
8Insan inala nen Moises imay dala a walad saray palanggana tan insisibo tod saray totoo. Inkuanto, “Sikato yay dala a mamaelet na impisipanan na Katawan ed sikayo nen inter tod sikayo ra yan amin a ganggan.”
9Kinmalab ed palandey ira di Moises, Aaron, Nadab, Abiu, tan saray pitomplon pangulo na Israel, 10insan anengneng da so Dios na Israel a manalalagey ed pasen a sapiro tan malinew a singa kolur na tawen. 11Ag pinasakitan na Dios ira yan lalakin pangulo na Israel; anengneng day Dios, insan nantitipon iran angan tan inminom.
Si Moises Linmad Toktok na Palandey na Sinai
12Say Katawan kuantod kinen Moises, “Laen mo ak diad toktok na palandey tan, no wadman ka la, itdan ta ka na duaran tapyak a bato ya angitatakan ko na saray ganggan ko ya onkanan panaralan na saray totook.” 13Namparaan si Moises tan si Josue a katulong to; si Moises ginapwan toy kinmalab ed masanton palandey. 14Inkuanen Moises ed saray pangulo, “Manalagar kayod kampo ya anggad ipawil mi dia. Wadyan kaiba yo ra di Aaron tan Hur; siopaman a walay problima to onlad sikara.”
15Linma sirin si Moises ed Palandey na Sinai, et akobutan na lorem imay palandey. 16-17Linmeksab ed palandey so kagalangan na Katawan. Anengneng na saray Israelita imay kagalangan na Katawan a singa apoy a manliub ed toktok na palandey. Say lorem kinobutan to so palandey ed loob na anemiran agew, tan diad kumapiton agew say Katawan manlapud lorem tinawag toy Moises. 18Si Moises intuloy toy kinmalab ed palandey ya akobutan na lorem. Nanayam diman ed loob na apataplon agew tan apataplon labi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Maung a Balita Biblia © Philippine Bible Society, 1983