Exodo 18
18
Say Indalaw nen Jetro ed kinen Moises
1Say katolangan nen Moises a si Jetro a pari na Madian et nadngelan toy amin a ginawa na Dios a Katawan ed kinen Moises tan diad saray Israelita nen impaway to ran manlapud Egipto. 2Kanyan linmad kinen Moises si Jetro, a kaiba toy intilak nen Moises ya asawa to a si Zipora, 3tan saray duaran lalakin anak nen Zipora a di Gersom tan Eliezer. (Si Moises inkuanto, “Sangkaili ak ed dalin ya ag ko bansa”; kanyan inngaran to na Gersom so sakey ya anak to. 4Inkuan to met ni, “Say Dios na amak et tinulongan to ak tan inyagel to ak ed pamatey ed siak na ari na Egipto”; kanyan inngaran to na Eliezer#18:4 ELIEZER: Diad salitay Hebreo say tanul na sayan ngaran singa “Say Dios tutulongan to ak.” imay sakey nin anak to.) 5Si Jetro a kaiba toy asawa nen Moises tan saray duaran lalakin anak to et sinmabi rad kalawakan a kawalaay kampo nen Moises diad masanton palandey. 6Impaona to lan impaibagad kinen Moises ya onsabi ra, 7kanyan pinmaway si Moises tan inabet to, dinmakmomod arap to, insan to inanguban. Nantepetan ira no antoy kipapasen na bilay na balang sakey ed sikaran dua, insan linmoob ed tulda nen Moises si Jetro. 8Imbaga nen Moises ed kinen Jetro iray amin a ginagawa na Katawan ed ari tan saray Egipsio diad impangyagel tod saray Israelita. Imbaga to met no panoy impanirap na saray totoo ed dalan tan no panoy impangilaban na Katawan ed sikara. 9Akaliket si Jetro lapud amin a kaabigan a ginagawa na Katawan ed saray Israelita, 10tan kuanto, “Nadayew so Katawan ya angyagel ed sikayo ed ari tan diad saray Egipsio. Nadayew so Katawan ya angilaban ed saray totoo to ed impakaaripen. 11Natan amtak la a matalonggaring so Katawan nen saray amin a diriyos, lapud ginawa to ya nen saray Egipsio et nilemlemew da ray Israelita.” 12Insan si Jetro angisaklang na bagat a popoolan tan saray arum a bagat ed Dios; et si Aaron tan amin a pangulo na Israel et akila rad sikato ya angan na masanton panangan a pamagalang dad Dios.
Say Impanorod saray Huis
13Diad kaimbwasan to man ya agew si Moises inaarigloan to ray kolkolan day totoo, tan ag akatonda manlapud kabwasan ya anggad labi. 14Nen anengneng nen Jetro iray amin a ginawa nen Moises, inkuanto, “Antoy gagawaen mo? Akin et bukbukor moy manggagawad saya, tan saray totoo et manalalagey ira dia manlapud kabwasan ya anggad labi diad pampanon dad sika?”
15Inmebat si Moises, “Nepeg ko yan gawaen lapud saray totoo et ondadago rad siak a manepet no antoy linaway Dios. 16No walay duaran toon nankolkol, ondago rad siak tan ibagak no siopay walad katonungan. Ibabagak ed sikara iray ganggan tan saray bilin na Dios.”
17Insan si Jetro kuanto, “Aliway panggagawam. 18Punawen moy sikan dili tan sarayan totoo. Ambelat yan tuloy a gawaen mon bukor. 19Simbawaen ta ka natan; dengel mo ak, et say Dios walad sika. Duga so pangilalaman mod saray totoo ed Dios tan say pangyaapireng mod sikato na saray kolkolan da. 20Nepeg mon ibangat ed sikara iray ganggan na Dios tan ipaliwawam ed sikara no panoy pambilay da tan no antoy nepeg dan gawaen. 21Balet nepeg a mamili ka met na pigaran lalaki a sarag day mangipangulo, tan ipasen mo ran pangulo na saray totoo; pangulo na tunggal libon totoo, tunggal lasus, tunggal limamplo, tan tunggal pulo. Nepeg a totoo ran walay takot ed Dios, napampiaan ira tan ag da labay so mangawat na pasoksok. 22Panintinsiam ira ed amiy panaon. Sarayan huis iyakar dad sika iray ambelat a kaso, balet no anlemew a kaso sikara lay makaolay a manintinsia. Mamalemew yad sika, ta misakbatan irad sika. 23No onyay gawaen mo, onung na ingganggan na Dios, ag mo punawen so sikan dili, tan amin da ra yan totoo et makasempet iran naarigloan la ray kolkolan da.”
24Dinengel nen Moises so simbawa nen Jetro, 25kanyan amilid saray Israelita na lalakin sarag day mangipangulo. Impagmaliw to ran pangulo na tunggal libon totoo, tunggal lasus, tunggal limamplo, tan tunggal pulo. 26Manintinsia ra ed amiy panaon. Inyapireng dad kinen Moises iray ambelat a kaso, balet akaoley la ran anintinsia ed saray anlemew a kaso.
27Pinasiput nen Moises si Jetro, insan sinmempet lay Jetro.
Currently Selected:
Exodo 18: MBBPAN83
Highlight
Share
Copy
Want to have your highlights saved across all your devices? Sign up or sign in
Maung a Balita Biblia © Philippine Bible Society, 1983
Exodo 18
18
Say Indalaw nen Jetro ed kinen Moises
1Say katolangan nen Moises a si Jetro a pari na Madian et nadngelan toy amin a ginawa na Dios a Katawan ed kinen Moises tan diad saray Israelita nen impaway to ran manlapud Egipto. 2Kanyan linmad kinen Moises si Jetro, a kaiba toy intilak nen Moises ya asawa to a si Zipora, 3tan saray duaran lalakin anak nen Zipora a di Gersom tan Eliezer. (Si Moises inkuanto, “Sangkaili ak ed dalin ya ag ko bansa”; kanyan inngaran to na Gersom so sakey ya anak to. 4Inkuan to met ni, “Say Dios na amak et tinulongan to ak tan inyagel to ak ed pamatey ed siak na ari na Egipto”; kanyan inngaran to na Eliezer#18:4 ELIEZER: Diad salitay Hebreo say tanul na sayan ngaran singa “Say Dios tutulongan to ak.” imay sakey nin anak to.) 5Si Jetro a kaiba toy asawa nen Moises tan saray duaran lalakin anak to et sinmabi rad kalawakan a kawalaay kampo nen Moises diad masanton palandey. 6Impaona to lan impaibagad kinen Moises ya onsabi ra, 7kanyan pinmaway si Moises tan inabet to, dinmakmomod arap to, insan to inanguban. Nantepetan ira no antoy kipapasen na bilay na balang sakey ed sikaran dua, insan linmoob ed tulda nen Moises si Jetro. 8Imbaga nen Moises ed kinen Jetro iray amin a ginagawa na Katawan ed ari tan saray Egipsio diad impangyagel tod saray Israelita. Imbaga to met no panoy impanirap na saray totoo ed dalan tan no panoy impangilaban na Katawan ed sikara. 9Akaliket si Jetro lapud amin a kaabigan a ginagawa na Katawan ed saray Israelita, 10tan kuanto, “Nadayew so Katawan ya angyagel ed sikayo ed ari tan diad saray Egipsio. Nadayew so Katawan ya angilaban ed saray totoo to ed impakaaripen. 11Natan amtak la a matalonggaring so Katawan nen saray amin a diriyos, lapud ginawa to ya nen saray Egipsio et nilemlemew da ray Israelita.” 12Insan si Jetro angisaklang na bagat a popoolan tan saray arum a bagat ed Dios; et si Aaron tan amin a pangulo na Israel et akila rad sikato ya angan na masanton panangan a pamagalang dad Dios.
Say Impanorod saray Huis
13Diad kaimbwasan to man ya agew si Moises inaarigloan to ray kolkolan day totoo, tan ag akatonda manlapud kabwasan ya anggad labi. 14Nen anengneng nen Jetro iray amin a ginawa nen Moises, inkuanto, “Antoy gagawaen mo? Akin et bukbukor moy manggagawad saya, tan saray totoo et manalalagey ira dia manlapud kabwasan ya anggad labi diad pampanon dad sika?”
15Inmebat si Moises, “Nepeg ko yan gawaen lapud saray totoo et ondadago rad siak a manepet no antoy linaway Dios. 16No walay duaran toon nankolkol, ondago rad siak tan ibagak no siopay walad katonungan. Ibabagak ed sikara iray ganggan tan saray bilin na Dios.”
17Insan si Jetro kuanto, “Aliway panggagawam. 18Punawen moy sikan dili tan sarayan totoo. Ambelat yan tuloy a gawaen mon bukor. 19Simbawaen ta ka natan; dengel mo ak, et say Dios walad sika. Duga so pangilalaman mod saray totoo ed Dios tan say pangyaapireng mod sikato na saray kolkolan da. 20Nepeg mon ibangat ed sikara iray ganggan na Dios tan ipaliwawam ed sikara no panoy pambilay da tan no antoy nepeg dan gawaen. 21Balet nepeg a mamili ka met na pigaran lalaki a sarag day mangipangulo, tan ipasen mo ran pangulo na saray totoo; pangulo na tunggal libon totoo, tunggal lasus, tunggal limamplo, tan tunggal pulo. Nepeg a totoo ran walay takot ed Dios, napampiaan ira tan ag da labay so mangawat na pasoksok. 22Panintinsiam ira ed amiy panaon. Sarayan huis iyakar dad sika iray ambelat a kaso, balet no anlemew a kaso sikara lay makaolay a manintinsia. Mamalemew yad sika, ta misakbatan irad sika. 23No onyay gawaen mo, onung na ingganggan na Dios, ag mo punawen so sikan dili, tan amin da ra yan totoo et makasempet iran naarigloan la ray kolkolan da.”
24Dinengel nen Moises so simbawa nen Jetro, 25kanyan amilid saray Israelita na lalakin sarag day mangipangulo. Impagmaliw to ran pangulo na tunggal libon totoo, tunggal lasus, tunggal limamplo, tan tunggal pulo. 26Manintinsia ra ed amiy panaon. Inyapireng dad kinen Moises iray ambelat a kaso, balet akaoley la ran anintinsia ed saray anlemew a kaso.
27Pinasiput nen Moises si Jetro, insan sinmempet lay Jetro.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Maung a Balita Biblia © Philippine Bible Society, 1983