Римвийриз 5
5
Аллагьдихъ галаз туьхкӀуьн
1Гьавиляй имандалди гьахъ-михьивилиз акъудуналди, чахъ чи Ребби Иса Месигьдин ТӀварцелди Аллагьдихъ галаз меслятвал жеда. 2Чун исятда авай берекатдихъ къведай рехъ чаз имандалди, Иса Месигьдин куьмекдалди ачух я. Аллагьдин баркалладикай чазни пай хьунин умуддалди чна дамахарзава. 3Неинки са идалди, чна гьакӀни азабралди дамахарзава, вучиз лагьайтӀа чаз чизва хьи, азабри дурум хьунухь, 4дурум хьуни тежриба, тежриба хьуни умуд гузва. 5Умудди, лагьайтӀа, гьевес хадач, вучиз лагьайтӀа Аллагьди Вичин муьгьуьббат чаз ганвай Пак Руьгьдалди чи рикӀериз цанва.
6Чун гунагьрин вилик гьеле ажуз тир чӀавуз Месигь тайин вахтунда чун, имандик квачирбур, патал кьена. 7ГьикӀ лагьайтӀа, маса сада вичин уьмуьр гьатта гьахъ-михьибур патални бажагьат гуда, ятӀани са вуж ятӀани дугъри кас патал кьинни мумкин я. 8Амма чун гьа гунагькарар яз амайла, Месигь чун паталди кьиналди Аллагьди чаз Вичин муьгьуьббат къалурна.
9Исятда, чун Месигьдин Ивидалди гьахъ-михьивилиз акъуднавайла, чун Адалди Аллагьдин хъилекай генани артух хилас авунва! 10Чун Аллагьдин душманар тир вахтара Адахъ галаз Адан Хцин кьиникьалди туькӀуьн хъувунатӀа, гила гьадалайни артух яз, туьхкӀвенвайбур яз, чун Адан уьмуьрдалди хиласни ийида! 11Мадни артух, чи Ребби Иса Месигь арада аваз Аллагьди чаз Вичелди чун Вичихъ галаз туьхкӀуьр хъувун ракъурунал чна шадвалзава!
Адам ва Месигь
12Гьавиляй гунагь дуьньядиз са касдилай атана. Гьа са касдин гунагьди вичихъ галаз кьиникь гъана, гьа икӀ, виридакай ажал галайбур хьана, вучиз лагьайтӀа вирида чпин гунагьар ийиз хьана. 13Гьеле Къанун гудалди гунагь дуьньяда авазвай, амма Къанун авачир чкада гунагь тахсир яз кьадач. 14ЯтӀани Адамалай Мусадал къведалди Адама хьиз, Аллагьди эцигнавай къадагъа чӀурна, гунагь тавурбурални ажалди агъавал ийизвай.
Адам, лагьайтӀа, атун лазим Тирдан къаматда авайди я. 15Амма берекатдин хатурдай ганвай паюнин таъсир Адаман тахсиркарвилин эсер хьтинди туш. Гзаф инсанар са касдин тахсирар себеб яз кьенатӀа, гила, гьадалайни артух яз, Аллагьдин берекат ва са Касдин, Иса Месигьдин, берекатдив кьур савкьват булдаказ гзафбуруз гузва! 16Са касдин гунагьдин нетижаяр и савкьватди гузвайдав гекъигиз жедач. Са тахсиркарвилиз авур дуванди кар атӀун арадал гъизва, амма берекатдин хатурдай ганвай паюни гзаф тахсиркарвилерай гьахъвал гъана. 17Анжах са касдин тахсиркарвал себеб яз ажалди агъавал ийиз эгечӀзаватӀа, адалай артух яз, са Инсандин, Иса Месигьдин, куьмекдалди берекатдин девлет ва гьахъ-михьивилин савкьват кьабулзавайбуру уьмуьрда агъавал ийида!
18Гьа икӀ, са инсандин тахсирди вири инсанриз кар атӀун гъайивал, гьакӀ Садан гьахъ-михьи карди вирибуруз уьмуьр гузвай гьахъ-михьивилиз гъана. 19Сад чӀалаз килиг тавуникди гзафбурукай гунагькарар хьайивал, гьакӀ Сад чӀалаз килигуналди гзафбурукай гьахъ-михьибур жеда.
20Къанун лагьайтӀа, тахсиркарвал гзаф хьун патал, геж атана. Амма гунагь гзаф хьайи чкада берекатдин булвал гьадалай артух хьана, 21гунагьди агъавализ ва ажалдихъ тухуз гьикӀ хьанатӀа, гьакӀ Иса Месигьдин, чи Реббидин, куьмекдалди эбеди уьмуьрдихъ тухудай берекатдини гьахъ-михьивилелди агъавал ийидайвал авуна.
Currently Selected:
Римвийриз 5: ЛезПК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024
Римвийриз 5
5
Аллагьдихъ галаз туьхкӀуьн
1Гьавиляй имандалди гьахъ-михьивилиз акъудуналди, чахъ чи Ребби Иса Месигьдин ТӀварцелди Аллагьдихъ галаз меслятвал жеда. 2Чун исятда авай берекатдихъ къведай рехъ чаз имандалди, Иса Месигьдин куьмекдалди ачух я. Аллагьдин баркалладикай чазни пай хьунин умуддалди чна дамахарзава. 3Неинки са идалди, чна гьакӀни азабралди дамахарзава, вучиз лагьайтӀа чаз чизва хьи, азабри дурум хьунухь, 4дурум хьуни тежриба, тежриба хьуни умуд гузва. 5Умудди, лагьайтӀа, гьевес хадач, вучиз лагьайтӀа Аллагьди Вичин муьгьуьббат чаз ганвай Пак Руьгьдалди чи рикӀериз цанва.
6Чун гунагьрин вилик гьеле ажуз тир чӀавуз Месигь тайин вахтунда чун, имандик квачирбур, патал кьена. 7ГьикӀ лагьайтӀа, маса сада вичин уьмуьр гьатта гьахъ-михьибур патални бажагьат гуда, ятӀани са вуж ятӀани дугъри кас патал кьинни мумкин я. 8Амма чун гьа гунагькарар яз амайла, Месигь чун паталди кьиналди Аллагьди чаз Вичин муьгьуьббат къалурна.
9Исятда, чун Месигьдин Ивидалди гьахъ-михьивилиз акъуднавайла, чун Адалди Аллагьдин хъилекай генани артух хилас авунва! 10Чун Аллагьдин душманар тир вахтара Адахъ галаз Адан Хцин кьиникьалди туькӀуьн хъувунатӀа, гила гьадалайни артух яз, туьхкӀвенвайбур яз, чун Адан уьмуьрдалди хиласни ийида! 11Мадни артух, чи Ребби Иса Месигь арада аваз Аллагьди чаз Вичелди чун Вичихъ галаз туьхкӀуьр хъувун ракъурунал чна шадвалзава!
Адам ва Месигь
12Гьавиляй гунагь дуьньядиз са касдилай атана. Гьа са касдин гунагьди вичихъ галаз кьиникь гъана, гьа икӀ, виридакай ажал галайбур хьана, вучиз лагьайтӀа вирида чпин гунагьар ийиз хьана. 13Гьеле Къанун гудалди гунагь дуьньяда авазвай, амма Къанун авачир чкада гунагь тахсир яз кьадач. 14ЯтӀани Адамалай Мусадал къведалди Адама хьиз, Аллагьди эцигнавай къадагъа чӀурна, гунагь тавурбурални ажалди агъавал ийизвай.
Адам, лагьайтӀа, атун лазим Тирдан къаматда авайди я. 15Амма берекатдин хатурдай ганвай паюнин таъсир Адаман тахсиркарвилин эсер хьтинди туш. Гзаф инсанар са касдин тахсирар себеб яз кьенатӀа, гила, гьадалайни артух яз, Аллагьдин берекат ва са Касдин, Иса Месигьдин, берекатдив кьур савкьват булдаказ гзафбуруз гузва! 16Са касдин гунагьдин нетижаяр и савкьватди гузвайдав гекъигиз жедач. Са тахсиркарвилиз авур дуванди кар атӀун арадал гъизва, амма берекатдин хатурдай ганвай паюни гзаф тахсиркарвилерай гьахъвал гъана. 17Анжах са касдин тахсиркарвал себеб яз ажалди агъавал ийиз эгечӀзаватӀа, адалай артух яз, са Инсандин, Иса Месигьдин, куьмекдалди берекатдин девлет ва гьахъ-михьивилин савкьват кьабулзавайбуру уьмуьрда агъавал ийида!
18Гьа икӀ, са инсандин тахсирди вири инсанриз кар атӀун гъайивал, гьакӀ Садан гьахъ-михьи карди вирибуруз уьмуьр гузвай гьахъ-михьивилиз гъана. 19Сад чӀалаз килиг тавуникди гзафбурукай гунагькарар хьайивал, гьакӀ Сад чӀалаз килигуналди гзафбурукай гьахъ-михьибур жеда.
20Къанун лагьайтӀа, тахсиркарвал гзаф хьун патал, геж атана. Амма гунагь гзаф хьайи чкада берекатдин булвал гьадалай артух хьана, 21гунагьди агъавализ ва ажалдихъ тухуз гьикӀ хьанатӀа, гьакӀ Иса Месигьдин, чи Реббидин, куьмекдалди эбеди уьмуьрдихъ тухудай берекатдини гьахъ-михьивилелди агъавал ийидайвал авуна.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024