Римвийриз 13
13
Гьукумдикай
1Гьар са кас кьилевай гьукумдиз табий хьун лазим я, вучиз лагьайтӀа Аллагьди эциг тавунвай гьукум авач. Авай кьван вири гьукумар Аллагьди эцигнавайбур я. 2Гьавиляй гьукумдиз акси яз къарагъзавайди Аллагьди эцигнавайдаз акси яз къарагъзава. ИкӀ ийизвайда вичин дуван ийидайвал ийизва. 3Гьакимрикай хъсанвал ийизвайбуруз ваъ, писвал ийизвайбуруз кичӀе я. Гьукумдин вилик кичӀевал авачиз уьмуьр тухуз кӀанзаватӀа, хъсанвал ая, ва ваз адан патай аферин къведа. 4Гьукумдин векил Аллагьдин лукӀ я, ам ви хийирдиз я. Вуна писвал ийизватӀа, кӀевиз акъваз, адав тур гьавая гвайди туш гьа. Ам Аллагьдин лукӀ я; ада писвал ийизвайбуруз Аллагьди атӀанвай кар кьазва. 5ГьакӀ хьайила гьукумдиз неинки жазадихъай кичӀевиляй, гьакӀни виждандив кьурвал табий хьана кӀанда.
6Гьавиляй куьне харжар гузва, вучиз лагьайтӀа гьукумдин кьилевайбур Аллагьдин, чеб чпин кардиз бахшзавай лукӀар я. 7ГьакӀ хьайила виридаз низ вуч гун лазим ятӀа це: садаз – харж, муькуьдаз – эхцигай къимет, низ гьуьрмет герек ятӀа, гьадаз – гьуьрмет, нихъай кичӀе ятӀа, гьадахъай кичӀе хьухь.
Муьгьуьббат – Къанун кьилиз акъудун
8Тек са муьгьуьббатда сад садан буржуник хьунилай гъейри, мад са куьналдини саданни буржуник жемир, вучиз лагьайтӀа масад кӀанзавайда Къанун кьилиз акъуднава. 9Ингье гьа им я «зинавал ийимир», «яна рекьимир», «чуьнуьхмир», «темягьда гьатмир»#ЭхкъечӀун 20:13-15, 17; Киххьей Къанун 5:17-19, 21. лагьай весийрин мана, ва амай маса тагькимрин манани сад я – «жув хьиз жуван мукьув гвайдини кӀан хьухь»#Леви 19:18.. 10Муьгьуьббатди мукьув гвайдаз писвал ийизвач, гьавиляй муьгьуьббат вич – Къанун кьилиз акъудун я.
Эхир мукьва хьун
11Гьа икӀ, куьн ахварикай кватдай вахт атанвайди квез чизва, вучиз лагьайтӀа чи хиласвал чун имандал атай чӀавалай исятда хейлин мукьва хьанва. 12Йиф эхирдив агакьзава, ва югъ мукьва жезва. ГьакӀ хьайила ша чна мичӀивилин крар тан ва экуьнин кьеркьер алукӀин. 13Лайихдаказ, чиркин тӀуьнрик-хъунрик, сархушвилик, явавилик, туьнтвилик, къалмакъалдик ва пехилвилик экечӀ тавуна, уьмуьр тухун. 14Ребби Иса Месигьдин къамат алукӀа ва жуван гунагькар тӀебиатдиз ва адан гьевесриз кӀандайвал авуникай фикирмир.
Currently Selected:
Римвийриз 13: ЛезПК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024
Римвийриз 13
13
Гьукумдикай
1Гьар са кас кьилевай гьукумдиз табий хьун лазим я, вучиз лагьайтӀа Аллагьди эциг тавунвай гьукум авач. Авай кьван вири гьукумар Аллагьди эцигнавайбур я. 2Гьавиляй гьукумдиз акси яз къарагъзавайди Аллагьди эцигнавайдаз акси яз къарагъзава. ИкӀ ийизвайда вичин дуван ийидайвал ийизва. 3Гьакимрикай хъсанвал ийизвайбуруз ваъ, писвал ийизвайбуруз кичӀе я. Гьукумдин вилик кичӀевал авачиз уьмуьр тухуз кӀанзаватӀа, хъсанвал ая, ва ваз адан патай аферин къведа. 4Гьукумдин векил Аллагьдин лукӀ я, ам ви хийирдиз я. Вуна писвал ийизватӀа, кӀевиз акъваз, адав тур гьавая гвайди туш гьа. Ам Аллагьдин лукӀ я; ада писвал ийизвайбуруз Аллагьди атӀанвай кар кьазва. 5ГьакӀ хьайила гьукумдиз неинки жазадихъай кичӀевиляй, гьакӀни виждандив кьурвал табий хьана кӀанда.
6Гьавиляй куьне харжар гузва, вучиз лагьайтӀа гьукумдин кьилевайбур Аллагьдин, чеб чпин кардиз бахшзавай лукӀар я. 7ГьакӀ хьайила виридаз низ вуч гун лазим ятӀа це: садаз – харж, муькуьдаз – эхцигай къимет, низ гьуьрмет герек ятӀа, гьадаз – гьуьрмет, нихъай кичӀе ятӀа, гьадахъай кичӀе хьухь.
Муьгьуьббат – Къанун кьилиз акъудун
8Тек са муьгьуьббатда сад садан буржуник хьунилай гъейри, мад са куьналдини саданни буржуник жемир, вучиз лагьайтӀа масад кӀанзавайда Къанун кьилиз акъуднава. 9Ингье гьа им я «зинавал ийимир», «яна рекьимир», «чуьнуьхмир», «темягьда гьатмир»#ЭхкъечӀун 20:13-15, 17; Киххьей Къанун 5:17-19, 21. лагьай весийрин мана, ва амай маса тагькимрин манани сад я – «жув хьиз жуван мукьув гвайдини кӀан хьухь»#Леви 19:18.. 10Муьгьуьббатди мукьув гвайдаз писвал ийизвач, гьавиляй муьгьуьббат вич – Къанун кьилиз акъудун я.
Эхир мукьва хьун
11Гьа икӀ, куьн ахварикай кватдай вахт атанвайди квез чизва, вучиз лагьайтӀа чи хиласвал чун имандал атай чӀавалай исятда хейлин мукьва хьанва. 12Йиф эхирдив агакьзава, ва югъ мукьва жезва. ГьакӀ хьайила ша чна мичӀивилин крар тан ва экуьнин кьеркьер алукӀин. 13Лайихдаказ, чиркин тӀуьнрик-хъунрик, сархушвилик, явавилик, туьнтвилик, къалмакъалдик ва пехилвилик экечӀ тавуна, уьмуьр тухун. 14Ребби Иса Месигьдин къамат алукӀа ва жуван гунагькар тӀебиатдиз ва адан гьевесриз кӀандайвал авуникай фикирмир.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024