Забур 95
95
Вири дуьньядин Халикь
1 Реббидиз лагь цӀийи мани,
вири чил, Реббидиз мани лагь.
2Мани лагь Реббидиз,
тариф ая Адан тӀварцӀин,
Адав гвай хиласвиликай
йикъа-йикъа хабар це.
3Адан баркалладикай
хабар це халкьарин арада,
Адан аламатрикай –
вири инсанрин арада.
4Вучиз лагьайтӀа Ребби чӀехи я,
лайихни я зурба тарифдиз,
ва Ам вири аллагьрилай гзаф
кутадайди я кичӀевал.
5Вири халкьарин аллагьар бутар я,
амма Ребби цаварин Халикь я.
6Баркаллани зурбавал Адан вилик ква,
къуватни гьайбат ава Адан пакханада.
7Халкьарин тухумар, агакьара Реббидив тариф,
баркалладиз ва къудратдиз килигна Адан!
8Адан тӀварцӀин баркалладив кьур эвез
агакьра Реббидив,
савкьватар твах, алад Адан гъенерал.
9Адан паквилин иервиле икрам ая Реббидиз.
Адан вилик зурзурай вири чил.
10Лагь халкьарин арада:
Реббиди пачагьвал ийизва!
Алем мягькем я, ян гудач ада.
Гьахъ гваз халкьарин дуван ийида Ада.
11Цавари хвешивал авурай,
чилини чӀехи шадвал авурай,
гьуьлуь къал авурай
ва ана авай кьван вирида.
12Чуьлди шадвал авурай ва адал алай кьван вирида,
хвешивалрай тамаравай тарари вири
13Реббидин вилик, куьз лагьайтӀа къвезва Ам, къвезва
Чилинни халкьарин гьахъ-дуван Ийирди яз,
Вичин гафунал кӀеви яз.
Currently Selected:
Забур 95: ЛезПК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024
