Забур 94
94
Тариф авунихъ ва чӀалаз килигунихъ эверун
1Ша, мани лугьун Реббидиз,
тариф хкажин чи хиласвилин къаядин.
2Шукур ийиз ша фин Адан вилик чун,
манийралди ийин Адан тарифар.
3Куьз лагьайтӀа Ребби чӀехи Аллагь я,
вири аллагьрал чӀехи Пачагь я.
4Чилин деринар,
гъилева Адан,
дагъларин кукӀушар
Гьаданбур я.
5Гьаданбур я гьуьлерни,
Ада абур халкь авуна эхир,
Аллагьдин гъилери
арадал гъана къураматни.
6Ша, тарифин, икрамин,
метӀер чилиз ягъин,
эхь, Реббидин вилик,
чи Халикьдин вилик!
7Ам чи Аллагь я,
чун Адан халкь я, хуьзвай Ада,
вилик квай хпер я Адан.
Къе Адан ван хьанайтӀа квез:
8«Терс ийимир рикӀер куь, Мерибада хьиз
кьурумда Массада авай юкъуз.
9Ана Зун куь бубайри синагъ авунай,
чирнай Зун, аквазвайтӀани крар Зи.
10ЯхцӀур йисуз Заз такӀан хьана а несил.
За лагьана: „И халкьдин рикӀер
алатзава рекьелай,
чизвач абуруз рекьер Зи“.
11Гьавиляй За кьин кьуна, Зун Зи хъиле авайла:
„Абур гьахьдач, – лагьана, – секинвилиз Зи“».
Currently Selected:
Забур 94: ЛезПК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024
