Забур 75
75
Аллагьдин гъалибвал
1Манидаррин чӀехидаз. Симер алай алатар патал. Асафан мани.
2 Ягьудатда машгьур я Аллагь.
Исраилда Адан тӀвар зурба я.
3Салимда Адан кӀвал авай,
Ала Ам Сигьандал.
4ЧӀемерукдин хьелер ана Ада кукӀварна,
къалханни тур, женгинин яракь.
Макьамдин ара
5Экуьнал Вуна рапрап гузва,
гъуьрч авай дагъларилайни гзаф
гьайбат гва Вав.
6Мягькем рикӀер авайбурукай
гъуьрч хьана,
фена ахвариз эхиримжи.
Вичин гъил хкажиз алакьдай
сад кьванни авач аскеррин арада.
7Ви ахмурдикди, Якьубан Аллагь,
дапурагни, балкӀанни къах хьанва.
8Вун къурху гвайди я. Хъел атайла Ваз
Ви вилик нивай акъвазиз жеда?
9Вуна дувандин гафар лагьана цаварилай,
къалабулух кваз чил юзан тийиз акъвазна
10Аллагь дуван ийиз къарагъай чӀавуз
чилеллай вири умунбуруз куьмек гун паталди.
Макьамдин ара
11Инсанрин хъел элкъведа Ви тарифдиз,
амукьайбурун хъел Вуна иликьарда.
12 Реббидиз, куь Аллагьдиз, вядер це,
абур кьилиз акъуда.
Ам элкъуьрна кьунвайбуру вирибуру
Къургъ гвайдаз савкьватар гъваш.
13Хада Ада регьберрин руьгь:
чилин пачагьар патал кичӀ я Ам.
Currently Selected:
Забур 75: ЛезПК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024
