Забур 69
69
Куьмек кӀанз ийидай дуьа
1Манидаррин чӀехидаз. Давудан дуьа. РикӀел хуьн яз.
2Аллагь, азад ая зун!
Тади ая зи куьмекдиз, я Ребби!
3Зи чан къачуз кӀанзавай кьван вирибур
русвагь хьурай, регъуь хьурай абуруз.
Зи кьиникь кӀанзавай вирибур
элкъуьрай кьулухъ русвагь яз.
4Квахьна фий чеб русвагь хьуникай
ягьанатдин хъвер ийиз заз лугьузвайбурук:
«Килиг! Килиг адаз!»
заз лугьузвайбур: «Килиг! Килиг адаз!»
5Хвеши хьурай, шад хьурай Валди
Вун жагъурзавай вирибур.
Вуна гудай хиласвал кӀандайбуру
датӀана лугьурай: «Аллагь чӀехи я!»
6Зун кесиб я, саил я.
Тади ая патав зи, я Аллагь!
Вун куьмек я зи, хиласкар я зи!
Геж мийир, я Ребби!
Currently Selected:
Забур 69: ЛезПК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010-2024
